Асӑрхануллӑрах пулӑр: республикӑра ҫитес кунсенче шӑрӑх ҫанталӑк пулӗ. Кун пирки Чӑваш Енри Гидрометцентр пӗлтернӗ.

Ҫу уйӑхӗн 15-19-мӗшӗсенче Шупашкарта сывлӑш температури климат норминчен 7 градус пысӑкрах пулӗ. Ку тапхӑрти норма вара – 12-13 градус ӑшӑ.

Мӗн те пулин сиксе тухсан васкавлӑ оперативлӑ служба номерӗпе шӑнкӑравлӑр: 112.

Аса илтерер: ака уйӑхӗн 10-мӗшӗнченпе республикӑра пушара хирӗҫ режим вӑйра. Ҫавна май вӑрман сывӑхӗнче тата ытти вырӑнта кӑвайт чӗртмен, ҫӳп-ҫап ҫунтарма юрамасть.

#ҫанталӑк, #синоптиксем