Чӑваш наци радиовӗн халӑх тетелӗнчи пабликӗнчи сӑнӳкерчӗк

Чӑваш Наци радиовӗн эфирӗнче Николай Шелепие аса илнӗ.

Ҫӗртме уйӑхӗн 16-мӗшӗнче Светлана Асамат чӑваш халӑх поэчӗ тата журналист хатӗрлесе ертсе пыракан «САС» черетлӗ кӑларӑма пӗрремӗш чӑваш халӑх поэчӗ Николай Шелепи ҫуралнӑранпа кӑҫал 145 ҫул ҫитнине халалланӑ.

Эфир хӑнисем Анатолий Хмыт прозаик тата Галина Кӗмӗл сӑвӑҫ, Надежда Вечеркина Чӑваш кӗнеке издательствин редакторӗ пулнӑ.

Сӑмах май каласан, кӑҫал Чӑваш кӗнеке издательствинче Николай Шелепин «Ҫурхи сасӑсем. Весенние голоса» сӑвӑ пуххи кӗҫех пичетленсе тухӗ. Ӑна икӗ чӗлхепе – чӑвашла тата вырӑсла – хатӗрленӗ, чӑвашларан вырӑсла Лев Коробов куҫарнӑ.

Николай Шелепи 1881 ҫулта хальхи Тутарстанри Аксу районӗнчи Ҫӗнӗ Ӳсел ялӗнче ҫуралнӑ.

#Тутарстан, #Аксу районӗ, #Ҫӗнӗ Ӳсел