Чӑваш Енӗн культура министрӗ Светлана Каликова юпа уйӑхӗн 9-мӗшӗнче хӑйӗн ирӗкӗпе ӗҫлеме пӑрахнине Чӑваш халӑх сайчӗ пӗлтернӗччӗ-ха. Ун хыҫҫӑн тепӗр кунне министр тивӗҫне вӑхӑтлӑха пурнӑҫлама Надежда Павловӑна ҫирӗплетнӗ. Тепӗр темиҫе кунтан, тата тӗрӗсрех каласан, юпа уйӑхӗн 16-мӗшӗнче, ку тивӗҫе пурнӑҫлама Татьяна Казаковӑна шаннӑ.
Татьяна Казакова — культура министрӗн пӗрремӗш ҫумӗ.
Сӑмах май каласан, вӑл культура министрӗн ҫумӗ пулса 2008-2016 ҫулсенче ӗҫленӗ, кайран Шупашкарти Кадет корпусӗн директорӗ пулса тӑнӑ, унтан Шупашкарти вулавӑшсен пӗрлешӗвӗнче те ӗҫленӗ. 2020 ҫулта каллех республикӑн Культура министерствинче ӗҫлеме пуҫланӑ. Халӗ ӑна яваплӑ ӗҫ хушнӑ — министр тивӗҫне пурнӑҫлама шаннӑ.
ЧР финанс министрӗ пулнӑ Михаил Ноздрякова следстви изоляторне икӗ уйӑхлӑха хупнӑ. Ку – суд йышӑнӑвӗ. Кун пирки «Правда ПФО» интернет-кӑларӑм пӗлтерет.
Ун тӗлӗшпе мӗн сӑлтава пула пуҫиле ӗҫ пуҫарни пирки хальлӗхе пӗлтермен. Нумаях пулмасть ЧР Элтеперӗ Олег Николаев «Чӑваш Республикин патшалӑх органӗсен пӗр экс-ертӳҫи тӗлӗшпе» тӗрӗслев пыни пирки пӗлтернӗччӗ. Анчах вӑл ятне каламан.
Аса илтерер: Михаил Ноздряков кӑҫал ака уйӑхӗнче министр должноҫӗнчен хӑйӗн ирӗкӗпе кайнӑ. 2020 ҫулхи нарӑс уйӑхӗнченпе вӑл вице-премьер – финанс министрӗ пулнӑ, утӑ уйӑхӗнче ӑна правительство председателӗн пӗрремӗш ҫумне ҫирӗплетнӗ. 2024 ҫулхи раштав уйӑхӗнче Михаил Ноздрякова «Чӑваш Республики умӗнчи тава тивӗҫлӗ ӗҫсемшӗн» орденпа чысланӑ.
Чӑваш Енӗн вице-премьерӗ Владимир Степанов хӑй кӑмӑлӗпе ӗҫрен пӑрахнӑ. Ун пек Хушӑва республика Элтеперӗ Олег Николаев паян, юпа уйӑхӗн 15-мӗшӗнче, алӑ пуснӑ.
Владимир Степанова РФ Ӗҫ кодексӗн 77-мӗш статйин пӗрремӗш пайӗн 3-мӗш пункчӗпе ӗҫрен хӑтарнӑ иккен.
Владимир Степанов Чӑваш Ен Правительствинче 2020 ҫулхи нарӑс уйӑхӗнче ӗҫлеме пуҫланӑ. Малтан вӑл сывлӑх министрӗ пулнӑ, 2021 ҫулхи авӑн уйӑхӗнче ӑна Чӑваш Енӗн вице-премьерӗ пулма шаннӑ. 2024 ҫулта ӑна «Чӑваш Республики умӗнчи тава тивӗҫлӗ ӗҫсемшӗн» орден медалӗпе чысланӑ.
2025 ҫулхи ҫу уйӑхӗн 11-мӗшӗнче Владимир Степанов республикӑн сывлӑх сыхлав министрӗн тилхепине вӗҫертнӗ, анчах Чӑваш Енӗн Министрсен Кабинечӗн Председателӗ пулма пӑрахман.
Чӑваш Ен Элтеперӗ Олег Николаев ҫамрӑк пӗр блогерпа чӑвашла юрӑ юрланӑ. Кун пирки МАХри «Первый чувашский» каналта паян пӗлтернӗ.
Тӳрех палӑртса хӑварар: пӗр-пӗр уявра е ӗҫкӗ-ҫикӗре мар. Ҫамрӑк блогер, видео тӑрӑх хакласан, республика Элтеперӗ патне интервью илме пынӑ. Ҫавӑн чухне чӑвашла юрланӑ.
Олег Николаевпа блогер: «Ҫумӑр ҫӑвать, ҫумӑр ҫӑвать ман ҫине. Эп йӗпентӗм, эп йӗпентӗм ҫумӑрпа. Мӗншӗн-ха, савни, пӑхмастӑн ман ҫине? Эпӗ йӗпентӗм, йӗпентӗм ҫумӑрпа», — тесе юрланӑ.
Куплета юрласа пӗтернӗ хыҫҫӑн хӗр-блогер Элтепере тав тесе калани илтӗнет, апла пулсан юрлама вӑл хӑй сӗннӗ курӑнать, Элтепер вара килӗшнӗ.
Сӑмах май каласан, блогерсем хӑйсен блогӗсене ҫынсем ытларах пӑхчӑр тесе тем те туса кӑтартаҫҫӗ. Юрлани вара ҫынпа вӑрҫса-ҫапӑҫса ҫӳрени мар.
Паян, юпа уйӑхӗн 9-мӗшӗнче, ЧР культура министрӗ Светлана Каликова ӗҫрен кайни пирки пӗлтернӗччӗ. Хальлӗхе министр тивӗҫӗсене пурнаҫлама Надежда Павловӑна шаннӑ. Хушӑва ЧР Элтеперӗ Олег Николаев алӑ пуснӑ.
Надежда Павлова – культура министрӗн ҫумӗ – йӗркелӳ ӗҫӗн пайӗн пуҫлӑхӗ. Документра палӑртнӑ тӑрӑх, вӑл ырантан, юпа уйӑхӗн 10-мӗшӗнчен, ЧР культура министрӗн тивӗҫӗсене пурнӑҫлать.
Аса илтерер: Светлана Каликова паян ӗҫрен хӑйӗн ирӗкӗпе кайнӑ. Вӑл – 55 ҫулта. Вӑл Михаил Игнатьев Элтепер пулнӑ чухне те политикӑра ӗҫленӗ. Вӑл Элтепер администрацийӗн пай пуҫлӑхӗ, ЧР информаци политикипе массӑллӑ коммуникацисен министрӗн ҫумӗ, Элтепер пресс-секретарӗ, Чӑваш кӗнеке издательствин директорӗ пулнӑ.
ЧР культура министрӗ Светлана Каликова паян ӗҫрен кайнӑ. Хушӑва ЧР Элтеперӗ Олег Николаев алӑ пуснӑ.
Хушу паян, юпа уйӑхӗн 9-мӗшӗнче, вӑя кӗнӗ. Документра палӑртнӑ тӑрӑх, Светлана Каликова хӑйӗн ирӗкӗпе должноҫрен кайнӑ.
Палӑртса хӑварар: Светлана Каликова – 55 ҫулта. Вӑл Михаил Игнатьев Элтепер пулнӑ чухне те политикӑра ӗҫленӗ. Вӑл Элтепер администрацийӗн пай пуҫлӑхӗ, ЧР информаци политикипе массӑллӑ коммуникацисен министрӗн ҫумӗ, Элтепер пресс-секретарӗ, Чӑваш кӗнеке издательствин директорӗ пулнӑ.
Патшалӑх службинче Светлана Каликова – 2008 ҫултанпа. Хӑйӗн карьерине вара вырӑс чӗлхипе литература учителӗнчен пуҫланӑ.
Паян Чӑваш Ен Элтеперӗ Олег Николаев Андрей Марушина «Чӑваш Республики умӗнчи тава тивӗҫлӗ ӗҫсемшӗн» орден медалӗпе чыслама йышӑннӑ. Ку чыса Андрей Александрович «саккун кӑларас енӗпе хастар пулнӑшӑн тата нумай ҫул тӑрӑшса ӗҫленӗшӗн» тивӗҫнӗ.
Андрей Марушин — Чӑваш Енӗн Патшалӑх Канашӗн патшалӑх строительствин тата вырӑнти хӑй тытӑмлӑхӑн комитечӗн председателӗ.
Вӑл 1982 ҫулхи раштав уйӑхӗн 27-мӗшӗнче Улатӑр районӗнчи Киря поселокӗнче ҫуралнӑ. И.Н. Ульянов ячӗллӗ Чӑваш патшалӑх университетӗнче финанспа кредит енӗпе пӗлӳ илнӗ, кайран — юриспруденци енӗпе. 2021 ҫулта Атӑлҫи патшалӑх технологи университетӗнче «вӑрман ӗҫӗ» специальноҫпа магистратурӑран вӗренсе тухнӑ. 2006 ҫулта уйрӑм усламҫӑ пулса тӑрӑшма тытӑннӑ, 2008–2021 ҫулсенче «Континенталь» тулли мар яваплӑ обществӑн гендиректорӗ пулнӑ, 2018–2021 ҫулсенче – «Анмар» общество директорӗ.
2021 ҫулхи авӑн уйӑхӗн вӗҫӗнче ӑна Чӑваш Патшалӑх Канашӗн комитечӗн председателӗ пулма шаннӑ.
Чӑваш Патшалӑх Канашӗн ҫӗнӗрен суйланнӑ йышӗ председатель пулма Леонид Черкесовах шаннӑ. Вал унччен те депутат пулнӑччӗ, унччен те чӑваш парламенчӗн спикерӗ пулса ӗҫленӗччӗ.
Председатель пулма халӗ те, пилӗк ҫула каяллахи евӗрех, виҫӗ кандидата сӗннӗ. Вӗсем: Леонид Черкесов, Александр Андреев тата Константин Степанов. Пуринчен ытла сасӑ пухса хальхинче те Леонид Ильич ҫӗнтернӗ.
Леонид Черкесов 1966 ҫулта Ҫӗмӗрле районӗнчи Турхан ялӗнче ҫуралнӑ. И.Н. Ульянов ячӗллӗ Чӑваш патшалӑх университетӗнче медицина факультетӗнче вӗреннӗ, 2005 ҫулта вара вӑл Патшалӑх службин Атӑл-Вятка академийӗнчен вӗренсе тухнӑ. Медицина наукисен кандидачӗ.
Ӗҫ биографине вӑл Шупашкарти агрегат завочӗн поликлиникинчи фельдшертан пуҫланӑ, васкавлӑ медицина пулӑшӑвӗн больницинче хирург пулса ӗҫленӗ, кайран ӑна Шупашкарти 7-мӗш больницӑн тӗп врачӗ пулма шаннӑ. Ун хыҫҫӑн вӑл карьера картлашкипе ҫӳлелле самай хӑпарнӑ.
Мӑкшӑ Республикинче финанс министрӗ пулнӑ Сергей Тюркин Чӑваш Енӗн финанс министрӗ пулӗ. Хушӑва ЧР Элтеперӗ Олег Николаев алӑ пуснӑ. Унччен, ҫурла уйӑхӗн 10-мӗшӗнченпе, вӑл ЧР финанс министрӗн тивӗҫӗсене пурнӑҫланӑ.
Сергей Тюркин Краснослободскра ҫуралнӑ. 2006 ҫултан пуҫласа 2019 ҫулччен Саранск администрацийӗнче ӗҫленӗ: тӗп специалист, пай заведующийӗн ҫумӗ, пуҫлӑх ҫумӗ, финанс управленийӗн пуҫлӑхӗ, финанс департаменчӗн директорӗ пулнӑ. 2019-2020 ҫулсенче Мӑкшӑ Республикин финанс министрӗн ҫумӗ пулнӑ. 2020 ҫултан пуҫласа 2026 ҫулччен вара ҫав республикӑрах финанс министрӗ пулнӑ.
Аса илтерер: ЧР финанс министрӗ пулнӑ Михаил Ноздряков кӑҫал ака уйӑхӗнче хӑйӗн ирӗкӗпе ӗҫрен кайнӑ.
Ҫак кунсенче Чӑваш Енри суйлав комиссийӗ суйлавра парти списокӗпе кӗнӗ 22 депутат ячӗсене пӗлтернӗ.
«Пӗрлӗхлӗ Раҫҫей»
1. Черкесов Леонид Ильич
2. Егоров Радимир Федорович
3. Малов Николай Владимирович
4. Владимиров Николай Николаевич
5. Богданов Юрий Игоревич
6. Шалеев Станислав Евгеньевич
7. Карпунин Андрей Олегович
8. Маклыгин Алексей Юрьевич
9. Арсютов Дмитрий Геннадьевич
10. Кригер Владислав Валерьевич
11. Уруков Николай Юрьевич
12. Кузнецов Леонид Валерьевич
13. Гаврилов Павел Иванович
КПРФ
14. Никитин Андрей Витальевич
15. Андреева Светлана Михайловна
16. Романов Игорь Владимирович
17. Андреев Александр Михайлович
«Ҫӗнӗ ҫынсем»
18. Морозов Максим Викторович
19. Данилов Григорий Владиславович
«Пенсионерсен партийӗ»
20. Ильин Владимир Дмитриевич
ЛДПР
21. Степанов Константин Олегович
«Тӗрӗслӗхшӗн Раҫҫей»
22. Степанов Федор Михайлович
Аса илтерер: ЧР Патшалӑх Канашӗн тата РФ Патшалӑх Думин суйлавӗ авӑн уйӑхӗн 18-20-мӗшӗсенче иртнӗ.
+11.3 °C