Паян ЧР Патшалӑх Канашӗн сессийӗн иккӗмӗш тапхӑрӗнче ЧР Элтеперӗ Олег Николаев Сергей Артаманова председателе лартассине ырлассине пӑхса тухнӑ. Депутатсем унӑн кандидатурине сӗннӗ.
Сергей Артамонова председателе лартассишӗн 40 депутат килӗшсе сасӑланӑ, пӗри хирӗҫ пулнӑ, тепӗр ҫын сасӑлама тӑхтанӑ. Ҫапла ӑна председателе ҫирӗплетнӗ.
Аса илтерер: Олег Николаев авӑнӑн 26-мӗшӗнче Элтепер должноҫне йышӑннӑ. Ун хыҫҫӑн вӑл правительствӑна салатнӑ.
ЧР Элтеперӗ Олег Николаев юпа уйӑхӗн 21-мӗшӗнче 12 сехетре «тӳрӗ лини» ирттерӗ. Кун пирки вӑл халӑх тетелӗнчи хӑйӗн страницисенче пӗлтернӗ.
Трансляцие унӑн телеграм-каналӗнче, «Контактри» «Чӑваш Республики» сообществӑра, ҫавӑн пекех «Раҫҫей 24» телеканалпа курма тата «Раҫҫей радиовӗ» радиостанципе итлеме май пулӗ. Ыйтусене «Госуслуги» портал урлӑ йышӑнаҫҫӗ, халӑх тетелӗсенчи постсен айӗнче те комментари ҫырма юрать. «Тӳрӗ лини» вӑхӑтӗнче ыйтусене 8 (8352) 565-100 номерпе шӑнкӑравласа пама пулать.
Сӑмах май, ку Олег Николаевӑн Элтепер должноҫне йышӑннӑ хыҫҫӑн пӗрремӗш «тӳрӗ лини» пулӗ.
«Пуринчен малтан» телеграм-канал пӗлтернӗ тӑрӑх,Ҫӗмӗрле округӗн «Вперед» хаҫачӗн тӗп редакторне сумлӑ ятпа чысланӑ. Анна Аношина Чӑваш Республикин культурӑн тава тивӗҫлӗ ӗҫченӗн ятне тивӗҫнӗ. Хушӑва Чӑваш Республикин Элтеперӗ Олег Николаев алӑ пуснӑ.
Анна Аношкина район хаҫатне 2017 ҫултанпа ертсе пырать. Издательство ӗҫӗнче вӑл 2006 ҫултанпа вӑй хума тытӑннӑ. Хӑйне пултаруллӑ йӗркелӳҫӗ пек кӑтартса Анна Аношкина ертӳҫӗ должноҫӗ таран ҫитнӗ. Сӑмах май, вӑл пӗлтӗр Мускавра Владимир Путин президентӑн пресс-конференцине хутшӑннӑ.
Чӑваш Ен Элтеперне суйланнӑ, ятарлӑ процедура — инаугураци — витӗр тухса должноҫе йышӑннӑ Олег Николаев республика Правительствине отставкӑна янӑ.
157-мӗш номерлӗ Хушӑва Элтепер иртнӗ эрнерех, авӑн уйӑхӗн 26-мӗшӗнчех, алӑ пуснӑ.
Тӗрӗссипе каласан, ку документран тӗлӗнме кирлӗ мар. Йӗрки-курки ҫавӑн пек. Асӑннӑ йышӑнӑва Олег Николаев Чӑваш Ен Конституцийӗн 72-мӗш тата 91-мӗш статйисемпе килӗшӳллӗн тунӑ.
Ҫӗнӗ Правительствӑна ҫирӗплетиччен унчченхи йышӑн малтанхиллех ӗҫлемелле.
Олег Николаев инаугураци кунӗнче Федераци Канашне республикӑри ӗҫ тӑвакан влаҫран сенатора палӑртнӑ. Хальхинче те вӑл Николай Федоров пулӗ. Ку унӑн – виҫҫӗмӗш срок.
Николай Васильевич 1993-2010 ҫулсенче Чӑваш Республикин президенчӗ пулнӑ, 2012-2015 ҫулсенче – РФ ял хуҫалӑх министрӗ. 2015 ҫултанпа – Федераци Канашӗн пайташӗ.
Паян ирхине Украина беспилотникӗсем Ҫӗрпӳ округӗнчи Кӑнар поселокӗнчи нефть уҫлакан станцие тапӑннӑ
Ҫапла пӗлтернӗ республика Элтеперӗ Олег Николаев телеграм-каналӗнче пӗлтернӗ. Вӑл каланӑ тӑрӑх, беспилотниксем станцие пысӑках мар сиен кӳнӗ, унӑн ӗҫӗ-хӗлне вӑхӑтлӑха чарса лартнӑ.
Телее, никам та шар курман, поселок ҫыннисемшӗн хӑрушлӑх ҫук.
ЧР Элтеперӗ Олег Николаев пресс-секретарьне Григорий Буйлова авӑнӑн 25-мӗшӗнче ӗҫрен кӑларни пирки сайтра паян кӑна пӗлтернӗччӗ. Паян пресс-секретарь вырӑнне урӑх ҫынна шанса панӑ.
Ку пукана Наталья Камаева йышӑннӑ. 2023 ҫулхи кӑрлачран вӑл Элтеперӗн пулӑшуҫи пулнӑ, унӑн халӑх тетелӗнчи страницисене тытса пынӑ. Элтепер администрацине киличчен ЧР Ҫутҫанталӑк министерствинче пресс-секретарьте ӗҫленӗ. 2022 ҫулхи раштавра вӑл «PRофи-21» професси конкурсӗнче «Ӗҫ тӑвакан влаҫ органӗсем» номинацире ҫӗнтернӗ.
Палӑртмалла: Олег Николаев паян Элтепер должноҫне йышӑннӑ хыҫҫӑн правительствӑна отставкӑна янӑ.
Паян, юпа уйӑхӗн 26-мӗшӗнче, Чӑваш Ен пуҫлӑхӗ пулма суйланнӑ Олег Николаевӑн инаугурацийӗ иртнӗ. «Правда ПФО» халӑх тетелӗнчи хаҫат журналисчӗ Андрей Иванов асӑннӑ пулӑма унчченхипе, пилӗк ҫул каяллахипе, танлаштарнӑ.
«Пысӑкки аякран курӑнать, ҫавӑнпа паянхи инаугурацие пилӗк ҫул каяллахипе тата кӳршӗлллӗ Тутарстанра эрне каялла иртнӗ ҫавӑн пек пулӑмпа, Рустам Минниханов должноҫе черетлӗ хутчен пуҫӑннипе, танлаштарса пӑхма пулать», — тесе пуҫланӑ статьяри хӑйӗн шухӑшне журналист.
Андрей Иванов асӑрханӑ тӑрӑх, паян пысӑк пӗлтерӗшлӗ федераци хӑнисем пулманпа пӗрех. Хусанта, ав, Хуснуллин вице-премьер та, строительство министрӗ Файзуллин, Мари Эл, Мордва Республикин, Киров облаҫӗн ертӳҫисем, Китай, Беларуҫ, Казахстан тата Узбекистан элчисем пулнӑ.
Пилӗк ҫул каялла Олег Николаев патне «Тӗрӗслӗхшӗн Раҫҫей» парти ертӳҫи Сергей Миронов тата «Тӑван ҫӗршыв» парти ертӳҫи Алексей Журавлев килнӗ.
Ҫапах та пӗр уйрӑмлӑх асӑрханӑ-ха журналист: пилӗк ҫул каялла полпредӑн ҫумӗ Олег Машковцев килнӗ пулсан халӗ Игорь Комаров полпред хӑй ҫитнӗ.
Чӑваш Ен Элтеперӗ Олег Николаев паян, авӑн уйӑхӗн 26-мӗшӗнче, хӑйӗн пресс-секретарьне Григорий Буйлова ӗҫрен кӑларнӑ.
«Элтепер валли тинех пресс-секретарь тупӑннӑ», — тесе хыпарланӑччӗ кӑҫалхи утӑ уйӑхӗн 7-мӗшӗнче Чӑваш халӑх сайтӗнче Софья Савнеш автор. Нумай та вӑхӑт иртмерӗ — ҫӗнӗ пресс-секретарӗ ӗҫрен кӑларма та йышӑннӑ.
Аса илтерер: Григорий Буйлов Удмурт Республикин тӗп хулинче, Ижевскра, ҫуралнӑ. 1998 ҫултанпа медиара ӗҫленӗ, PR тата информаци сферинче тӑрӑшнӑ.
Ырӑн, авӑн уйӑхӗн 26-мӗшӗнче, ЧР Элтеперӗн инаугурацийӗ пуласси пирки пӗлтернӗччӗ ӗнтӗ.
Аса илтерер: вӑл Чӑваш патшалӑх оперӑпа балет театрӗнче 11 сехетре пуҫланать. Олег Николаев Элтепер должноҫне йышӑннӑ чухне халӑх умӗнчи тивӗҫе тата Раҫҫейпе Чӑваш Республикин Конституцийӗсенче ҫырнисене тӳрӗ кӑмӑлпа пурнӑҫламашкӑн тупа туса чӑвашла тата вырӑсла присяга тытӗ.
Инаугурацие Раҫҫей президенчӗн Атӑлҫи федераци округӗнчи тулли праваллӑ элчи Игорь Комаров та килме пултарать.
+7.3 °C