Кӑҫал та Чӑваш Ен Пӗтӗм Раҫҫейри «Ҫӗнтерӳ диктанчӗ» акцие хутшӑнӗҫ, республикӑра пурӑнакансем ӑна ҫырса хӑйсен тавракурӑмне тӗрӗслӗҫ.
Кӑҫал акци ака уйӑхӗн 24-мӗшӗнче иртӗ. Республикӑра диктант ҫырмашкӑн пӗтӗмпе 560 лапам йӗркелӗҫ. Вӗсем шкулсенче, колледжсенче, библиотекӑсемпе клубсенче, тӗрлӗ предприятире пулӗҫ.
Палӑртса хӑварар: акци Раҫҫейре кӑҫалхипе саккӑрмӗш хут иртӗ. Сӑмах май, акцие пӗрремӗш хут 2019 ҫулхи ҫу уйӑхӗн 7-мӗшӗнче йӗркеленӗ, Ҫӗнтерӳ пулнӑранпа 74 ҫул ҫитнине халалланӑ. Ун чухне унта 24 ҫӗршыври 150 пин ытла ҫын хутшӑннӑ.
Чӑваш Енре вак укҫа пухмалли Пӗтӗм Раҫҫейри акци иртет. Унӑн ячӗ — «Монетная неделя» (чӑв. Вак укҫа эрни).
Акцин ҫурхи тапхӑрӗ ака уйӑхӗн 18-мӗшӗччен пырӗ. Акцие хутшӑнакансен адресӗсене тата вак укҫана епле йышӑнни пирки тӗплӗнрех пӗлес тесен монетнаянеделя.рф сайта кӗрсе пӑхмалла.
Килте пуҫтарӑнса кайнӑ вак укҫана хут укҫапа ылмаштарма пулать е банк картти ҫинчи счет ҫине куҫарма.
Кирек мӗн чухлӗ вак укҫа илсе пыма та чармӗҫ. Чи кирли — хальхи вӑхатра усӑ куракан Раҫҫей укҫи пултӑр. Вак укҫана номиналне кура малтанах уйӑрса хурсан шутлама меллӗрех пулӗ.
Пӗтӗм Раҫҫейри «Вак укҫа эрни» акци ҫулталӑкра икӗ хутчен иртет. Чӑваш Енре вӑл пӗлтӗр те иртнӗ. Пирӗн республика ҫыннисем 680 пин тенке ытла вак укҫа панӑ.
Чӑваш Республики Пӗтӗм Раҫҫейри «БумБатл» конкурса хутшӑнса палӑрнӑ. Чӑваш Енре пурӑнакансем пӗтӗмпе 177,1 тонна макулатура пухнӑ. Ҫапла пирӗн регион виҫӗ лидер йышне кӗнӗ.
Акципе килӗшӳллӗн лидер регионсен танлаштарӑмне хатӗрленӗ. Субъектсене халӑх йышне кура пилӗк категорие пайланӑ. Пирӗн республика вӑтам йышлӑ халӑхлӑ регионсен хушшинче малтисен ретне кӗме пултарнӑ.
Палӑртса хӑварар: Пӗтӗм Раҫҫейри «БумБатл» акци «Экологи ырлӑхӗ» наци проекчӗпе килӗшӳллӗн иртет.
Эсир юлашки 10 ҫулта сӑвӑрсене ӑҫта курнӑ? Вырӑс географи обществин республикӑри уйрӑмӗ «Упрас тесе тупма» проект пуҫарать.
Ҫак кӑшлакан чӗрчуна Раҫҫейӗн Хӗрлӗ кӗнекине кӗртнӗ. Пирӗн республикӑра вӗсем сайра тӗл пулаҫҫӗ, пӗтес хӑрушлӑх та пур.
Ака-ҫу уйӑхӗсенче ӑсчахсем республикӑра савӑрсен колонийӗсене тупас тӗллевпе экспедицие кайма хатӗрленеҫҫӗ. Ҫавна май ҫынсене те пулӑшма ыйтаҫҫӗ: юлашки 10 ҫулта сӑвӑрсене ӑҫта курнине пӗлтермелле. Пӗлтерме ансат, ҫак сайтра формӑна кӑна ҫырса тултармалла: https://forms.yandex.ru/u/697728b084227c1ad2fb5a37/.
Ку эрнере Сывлӑхпа спорт кунӗ иртӗ. Вӑл кӑҫал пӗрремӗш хут пулӗ.
Ку шӑматкун, кӑрлачӑн 24-мӗшӗнче, Чӑваш Енре пурӑнакансем бассейна, тренажер залне тата ытти спорт учрежденине тӳлевсӗрех кайма пултараҫҫӗ. Кун пирки спорт шкулӗсемпе физкультура комплексӗсен сайчӗсенче тӗплӗнрех пӗлме май пур.
Чӑваш наци музейӗ йӗркленнӗнпе 105 ҫул ҫитнӗ май акци пуҫарнӑ: унта ҫемье реликвийӗсемпе этнографи япалисене йышӑнаҫҫӗ. Нарӑсӑн 12-мӗшӗччен наци тумне, савӑт-сапа, теттесем, капӑрлӑхсем тата ытти япаласем илсе килме юрать.
Япаласене ӗҫ кунӗсенче 9:00-17:30 сехетсенче ҫак адреспа йышӑнаҫҫӗ: Шупашкар, Хӗрлӗ тӳрем, 5/2 ҫурт. Ыйтса пӗлмелли телефон: 8 (8352) 62-41-24). Экспонатсене нарӑсӑн 17-мӗшӗнче «Ҫемьепе пӗрле» куравра кӑтартӗҫ.
Япала парнеленӗ кашни ҫынна музей хӑй те парне тӑвӗ: ҫулталӑк тӑршшӗпе ҫӳремелли абонемент парӗ.
Питӗрте пурӑнакан Степановсен ҫемйи «Новогодние семейные чтения вслух» (чӑв. Ҫӗнӗ ҫулти ҫемье вулавӗсем) акцие хутшӑннӑ.
Питӗрти кӗнеке ҫуртӗнче вӗсем «Мӗншӗн хырпа чӑрӑш ялан симӗс» чӑваш юмахне вуланӑ.
Ҫемье чӑваш тумне тӑхӑнса пынӑ. Кил хуҫи хӗрарӑмӗ Анастасия Петровна та, унӑн хӗрӗсем Ольгӑпа Маша та.
2026 ҫулта Чӑваш Енре Сывлӑхпа спорт кунӗсем хӑҫан пуласси паллӑ. Йӑлана кӗнӗ тӑрӑх, акци кашни уйӑхрах иртӗ.
Ҫав кунсенче республикӑри спорт тата сывлӑха ҫирӗплетмелли учрежденисене, бассейнсене, тренажер залӗсене тӳлевсӗрех кӗме май пур.
Ҫитес ҫул сывлӑхпа спорт кунӗсем ҫак кунсенче иртӗҫ: кӑрлачӑн 24-мӗшӗнче, нарӑсӑн 21-мӗшӗнче, пушӑн 14-мӗшӗнче, акан 18-мӗшӗнче, ҫу уйӑхӗн 23-мӗшӗнче, ҫӗртмен 20-мӗшӗнче, утӑ уйӑхӗн 22-мӗшӗнче, авӑнӑн 19-мӗшӗнче, юпан 17-мӗшӗнче, чӳкӗн 21-мӗшӗнче тата раштавӑн 19-мӗшӗнче.
Чӑваш Енри усламҫӑсемпе хулари троллейбуссенче паллаштарма пуҫлӗҫ. Кун пирки республикӑн влаҫ органӗсем халӑх тетелӗнчи хӑйсен странцисенче пӗлтернӗ.
Акци 2026 ҫулхи кӑрлач уйӑхӗн вӗҫӗччен пырӗ. Ятарлӑ экрансене 132 троллейбусра вырнаҫтарӗҫ. Акцие хутшӑнакан усламҫӑсем ҫав вӑхӑтра хӑйсем ҫинчен тӳлевсӗр каласа кӑтартма пултарӗҫ.
Видеосене сасӑсӑр хатӗрлемелле, формачӗ — 16:9, пахӑлӑхӗ — FullHD, вӑрӑмӑшӗ — 15 ҫеккунтран ытла мар.
Кӑҫал Раҫҫейре «Тимӗр укҫа эрни» акци икӗ хутчен иртнӗ. Ҫав вӑхӑтра Чӑваш Енре пурӑнакансем банксене 3 тоннӑна яхӑн тимӗр укҫа илсе килнӗ. Ҫапла 2,3 миллион тенкӗ ҫаврӑнӑша кӗнӗ.
Акци ака тата авӑн уйӑхӗсенче иртнӗ. Кӗркуннехи акци тухӑҫлӑрах пулнӑ. Ун чухне ҫынсем банксене 370 пин ытла тимӗр укҫа илсе пынӑ. Ҫуркуннехипе танлаштарсан, ку 20 процент нумайрах. Ҫынсем ытларах 10 тата 1 тенкӗллисене илсе пынӑ.
+10.9 °C