РФ Ҫутӑҫ министерстви ҫулсерен 1250 преми парать. Вӑл 200 пин тенкӗпе танлашать. Ҫак йыша Чӑваш Енри 11 педагог кӗнӗ.
Премие Шупашкарти 2-мӗш гимназири Ирина Некрасова, Шупашкарти 1-мӗш гимназири Зоя Тихонова, Элӗкри И.Я.Яковлев ячӗллӗ шкулти Фаина Тихонова, Шупашкарти 53-мӗш шкулти Ирина Семенова, Куславкка округӗнчи Елчӗк шкулӗнчи Светлана Охотникова, Шупашкарти 44-мӗш лицейри Марина Меркурьева, Ҫӗнӗ Шупашкарти 13-мӗш шкулти Юлия Дельян, Муркаш шкулӗнчи Елена Ефанова, Тӑвай округӗнчи Элпуҫ шкулӗнчи Надежда Ильина, Канашри 3-мӗш шкулти Фатима Куршева, Шупашкарти 47-мӗш шкулти Наталия Выйгетова кӗнӗ.
Кӑҫал «Земство вӗрентекенӗ» программӑна хутшӑнмашкӑн республикӑра 39 заявка пулнӑ. Вӗсен йышӗнче хамӑр тӑрӑхран кӑна мар, ытти регионсенчен те пур.
Юлашки 5 ҫулта республикӑра ку программӑпа 32 вӗрентекен ял-салана ӗҫлеме кайса 1 миллион тенке тивӗҫнӗ. Ҫак йышра Аргангельск облаҫӗнчи физик, Кабарда-Балкарти математик, Удмурт Республикинчи кӗҫӗн классен вӗрентекенӗ, Сарӑту облаҫӗнчи вырӑс чӗлхипе литературин педагогӗ пур.
Чӑваш Республикин Вӗренӳ министерстви чӑваш чӗлхине шкулсенче вӗрентесси питех те аван пулса пынине пӗлтернӗ. Кун пек хурава Шупашкарти шкулсенчен пӗринче чӑваш чӗлхи учителӗнче ӗҫлекен Александр Степанов патне те ярса панӑ.
Александр Марсович пӗлтернӗ тӑрӑх, уйӑх ҫурӑ каялла республикӑри вӗрентекенсем тӳре-шара патне нумай чӗлхеллӗ классем (шкулсем) уҫасси тата вӗсенче чӑваш чӗлхине тарӑннӑн вӗрентесси пирки ҫырнӑ.
«Ну мӗнех, ку ҫырупа килӗшӳллӗн, чӑваш чӗлхипе ҫыхӑннӑ лару-тӑру питӗ аван», — кӑшт тӗлӗнсерех хыпарланӑ Александр Степанов хӑйӗн страницинче.
159 шкулта пуҫламӑш классенче вӗренекенсем пур предмета та (вырӑс чӗлхипе литература вулавӗсӗр, ют чӗлхесемсӗр пуҫне) чӑвашла вӗренеҫҫӗ иккен.
«Чӑннипе каласан, хамӑр республикӑшӑн «савӑнмалли» кӑна юлать. Паллах, ӗненес килет, кун ҫинчен ҫырура каланӑ, ӗҫлӗ ушкӑн хӑйӗн ӗҫне тивӗҫлӗ пурнӑҫласса шанатӑп», — пӗтӗмлетнӗ хастар вӗрентекен.
Чӑваш Республикин Верену институчӗ ҫӗнӗ вакансисем пуррине пӗлтернӗ.
Унта вӗренӳ предмечӗсене вӗрентмелли меслетлӗх кафедра доценчӗсем ставкисем 5 таран: пуҫламӑш классен енӗпе; математика, физика енӗпе; ӳнер енӗпе; история, экономика, право, обществознани, персонала ертсе пырас енӗпе; физкультура, хӑрушсӑррлӑх никӗсӗ тата Тӑван ҫӗршыва хӳтӗлес енӗпӗ. Коррекци тата инклюзи вӗрентӗвӗ ҫур ставка пур.
Унсӑр пуҫнӗ воспитани технологийӗсен кафедрине доцентпа аслӑ преподаватель кирлӗ. Регион аталанӑвӗн центрне ӑслӑлӑх ӗҫченне 0,75 ставкӑпа ӗҫе илесшӗн.
Чӑваш Енри учительсем премие тивӗҫнӗ. Телейлисен йышне 11 ҫын кӗнӗ.
Республика Пуҫлӑхӗн хушӑвӗпе килӗшӳллӗн Куславккари 3-мӗш шкулта ӗҫлекен Алевтина Алексеева 150 пин тенке тивӗҫнӗ. Вӑл кӑҫал «Чӑваш Енри ҫулталӑкри учитель» конкурсра ҫӗнтернӗ. Шупашкарти 3-мӗш садикре вӑй хуракан Дарья Жгарь – «Чӑваш Енри ҫулталӑкри воспитатель». Вӑл 100 пин тенке тивӗҫнӗ.
Ыттисене 50 пин тенкӗ парӗҫ. Вӗсем – Юлия Дельян (Ҫӗнӗ Шупашкарти 13-мӗш шкул), Яна Молодцова (Шупашкарти 55-мӗш шкул), Татьяна Анилина (Куславкка округӗнчи Тӗрлемесри шкул), Ксения Коллэ (Шупашкарти 1-мӗш гимнази), Ирина Петрова (Йӗпреҫри интернат шкул), Наталья Прагуськина (Шупашкарти хавшак ачасен 2-мӗш шкулӗ), Игорь Ятмаскин (Шупашкарти 62-мӗш шкул), Татьяна Гаранина (Ҫӗнӗ Шупашкарти 44-мӗш ача сачӗ), Ираида Матьянова (Шупашкарти хавшак ачасен 2-мӗш шкулӗ).
«Чӗрене ачасене паратӑп» сумлӑ конкурсӑн куҫӑн мар майпа иртнӗ федераци тапхӑрне пӗтӗмлетнӗ. Чӑваш Енри ӑста педагог Ирина Диарова суйлав витӗр тухса иккӗмӗш тура тухнӑ. Ӑна «Регионти этнокультура еткерлӗхне упраса хӑвармалли программӑсене пурнӑҫлакан хушма пӗлӳ педагогӗ» номинацире палӑртнӑ.
Экспертсем Ирина Алексеевнӑн Чӑваш Енри йӑла-йӗркене тата культура еткерлӗхне халалланӑ программине пысӑк хак панӑ. Иккӗмӗш тур утӑ уйӑхӗн 17-мӗшӗнчен пуҫласа ҫурлан 10-мӗшӗччен иртӗ. Финал авӑнӑн 23-26-мӗшӗсенче Новосибирск хулинче пулӗ. Ирина Алексеевнӑна ӑнӑҫу сунатпӑр! Иккӗмӗш тура тухни те – пысӑк ҫитӗнӳ.
Палӑртса хӑварар: конкурса РФ Ҫутӗҫ министрстви тата Халӑх вӗрентӗвӗпе ӑслӑлӑхӗн ӗҫченӗсен профсоюзӗ йӗркелет.
«Яндекс Учебниксем» конференцире Раҫҫейри чи лайӑх информатика вӗрентекенӗсене палӑртнӑ. Палӑртма кӑмӑллӑ: 20 ҫӗнтерӳҫӗ йышӗнче пирӗн 3 ентеш пур.
Ҫак йыша Ҫӗнӗ Шупашкарти Ольга Перепёлкина, Шупашкарти Алексей Владимиров, Канашри Ольга Плешанова кӗнӗ. Вӗсем «Кадр резервӗсем» программӑпа килӗшӳллӗн наградӑсене тивӗҫнӗ. Пирӗн ентешсене профессионаллӑхшӑн, цифра вӗрентӗвне тӳпе хывнӑшӑн тата вӗренекенсене хавхалантарма пӗлнӗшӗн палӑртнӑ.
Лауретсен тӗп парни — Мускаври IT-компанире стажировка тухасси.
Чӑваш Енӗн наци вулвӑшӗнче Анатолий Абрамов 65 ҫул тултарнӑ май пер унлах курав уҫӑлнӑ. Анатолий Серафимович нумай ҫул И.Н. Ульянов ячӗллӗ Чӑваш патшалӑх университетӗнче пула сжурналистсене вӗрентнӗ. Унсӑр пуҫне вӑл журналист, Раҫҫей журналисчӗсен союзӗн пайташӗ, Республикӑри журналистсен С.В. Элкер ячӗллӗ премийӗн лауреачӗ.
«Анатолий Абрамовӑн илемлӗх тӗнчи» фотокуравра вӑл иллюстрациленӗ кӗнекесем, энциклопедисем, вӗренӳ кӗнекисем вырӑн тупнӑ.
Курав утӑ уйӑхӗн 8-мӗшӗнче ӗҫленӗ.
Чӑваш Енри физика учителӗ лотерея, выляса миллионер пулса тӑнӑ! Питӗ ӑннӑ ӑна: вӑл нумаях пулмасть лотерейӑра 1 миллион тенкӗ выляса илнӗ.
Ҫак телейлӗ ҫын – Геннадий Конузин
Вӑл 2022 ҫулта лотерея билечӗсене тӑтӑшах туяннӑ. Пӗррехинче кӑштах выляса та илнӗ. Кайран пӗр вӑхӑт билет туянман вӑл. Пурӑна киле ӑнӑҫӑва тепӗр хут тӗрӗслесе пӑхма шухӑшланӑ. Чӑнах та ӑннӑ: 1 миллион тенкӗ выляса илнӗ!
«Мана пурнӑҫра ӑнать», – тет учитель.
Шупашкар районӗнчи Чӑрӑшкасси шкулӗнче чӑваш ачисем ҫеҫ мар, ытти наци ывӑл-хӗрӗ те пӗлӳ илет. Унти шкулта чӑваш чӗлхи вӗрентекенӗ пулса чылай ҫул тӑрӑшакан Алина Николаева халӑх тетелӗнчи хӑйӗн страницинче пӗлтернӗ тӑрӑх, ачасем «тӑрӑшаҫҫӗ, пултаруллӑ. Чӑваш чӗлхипе литература урокӗсенче пире пӗртте кичем пулман. Урӑхла пулма та пултараймасть!
Пирӗн кунта таджик та, вырӑс та, мӑкшӑ та пур, ҫапах та пурте чӑвашла вӗренме тӑрӑшатпӑр», — тесе хыпарланӑ. Унта сӑмах улттӑмӗш класран вӗренсе тухнӑ ачасем пирки пырать.
+5.3 °C