Эпир ытларах чухне арҫынсем алимент тӳлеме юратманнине пӗлетпӗр. Мӑшӑрӗсемпе уйрӑлсан вӗсем укҫа арӑмне каять тесе шухӑшлама пуҫлаҫҫӗ, ача сахалтан та кунне виҫӗ хутчен апатланни, ун валли тумтир, ытти япала туянмалли пирки шухӑшласшӑн мар. Паллах, пур арҫын та, тата тӗрӗсрех каласан, пур ашшӗ те апла мар-ха. Теприсем нимле алиментсӑрах кӑмӑлтан тӳлесе тӑраҫҫӗ.
Улатӑр районӗнче вара амӑшӗ хӑйӗн ачисене алимент тӳлесшӗн пулман. 36-ри хӗрарӑма суд приставӗсем темле ӳкӗте кӗртме хӑтлансан та вӑл итлемен. Парӑм 500 пинрен иртсе кайнӑ.
Малтанласа приставсем ӑна административлӑ майпа явап тыттарнӑ. Миравай судья 40 сехет ӗҫлеттерме йышӑннӑ. Ун хыҫҫӑн та хӗрарӑм парӑма татма шухӑшламан. Кайран ун тӗлӗшпе пуҫиле ӗҫ пуҫарнӑ. Ҫавӑн хыҫҫӑн хӗрарӑмӑн укҫа тупӑннӑ — алимент парӑмне тӳлесе татнӑ.
Шупашкарта пурӑнакан 44 ҫулти арҫыннӑн суд йышӑнӑвӗпе килӗшӳллӗн парӑма тӳлесе татмалла пулнӑ. Анчах вӑл тӳлеме тӑрӑшман. Суд приставӗсем машинӑна конфискацилессине пӗлтерсен вӑл ӑна сутса янӑ тесе суйнӑ, хӑй вара автотранспорта яла, ашшӗ-амӑшӗн килне, илсе кайса лартнӑ.
Арҫынна саккун ыйтнине пурнӑҫламаншӑн административлӑ майпа унччен икӗ хутчен явап тыттарма ӗлкӗрнӗ-ха. Апла пулин те вӑйпитти парӑма татма шухӑшламан та.
Суд приставӗсем парӑмлӑ ҫынсем хӑйсене темле майпа та улталама хӑнӑхнине пӗлсе ҫитнӗ ӗнтӗ. Ҫавӑнпа вӗсем машинӑна (вӑл ют ҫӗршывра туса кӑларнӑскер пулнӑ) шыраса яла ҫул тытнӑ. Суд приставӗсем хайхи этемӗн чаплӑ машинине шыраса тупнӑ та туртса илнӗ. Арҫын ҫапла вара автомбильсӗр тӑрса юлнӑ.
Республикӑри 3 округа 55 миллион тенкӗ уйӑрса парӗҫ. Ку укҫапа вӗсем газ тата электроэнерги парӑмӗсене татӗҫ.
Резерв фондӗнчен Улатӑр округне газ парӑмне татма 33,9 миллион тенкӗ уйӑрса парӗҫ. Сӗнтӗрвӑрри округне 7,6 миллон тенкӗ парӗҫ. Ку укҫапа газ (3,3 миллион тенкӗ) тата электроэнерги (4,3 миллион тенкӗ) парӑмӗсене татӗҫ. Ҫӗмӗрле округне газшӑн тата электроэнергишӗн пухӑннӑ парӑма татма 7,7 миллион тенкӗ уйӑрса парӗҫ.
Етӗрне районӗнчи пӗр ялта пурӑнакан арҫынран коллекторсем укҫа тавӑрса пама тапӑннӑ. Вӑл вара ҫав вӑхӑтра салтакра пулнӑ, кивҫен укҫа паракан нимле организацирен те укҫа илмен. Арҫын пулӑшу ыйтса прокуратурӑна ҫул тытнӑ.
Надзор органӗ тӗрӗсленӗ те 2023 ҫулхи утӑ уйӑхӗнче ҫав ҫын ячӗпе икӗ микрофинанс организацийӗнче 22 пин тенкӗ ют ҫын укҫа илнине палӑртнӑ. Укҫана илме арҫыннӑн паспорт даннӑйӗпе тата кивӗ абонент номерӗпе усӑ курнӑ.
Ҫавна май йӗрке хуралҫисем улталакансем тӗлӗшпе пуҫиле ӗҫ пуҫарнӑ, арҫынна кӑмӑл-сипет тӗлӗшӗнчен шар кӑтартнӑшӑн кредит организацине укҫа тӳлеттерме ыйтса суда тавӑҫпа тухнӑ. Суд прокуратура ыйтнине тивӗҫтернӗ.
Елчӗк районӗнче пурӑнакан пӗр арҫын кредит илнӗ те уншӑн тӳлеме васкаман. Пӗтӗмӗшле парӑм виҫи 750 пин тенке ҫитсе кайнӑ.
Арҫын парӑма тӳлесе пыманран суд приставӗсем унӑн «БМВ» машинине арестленӗ. Автомобиле сутасран хӑранипе арҫын парӑма тӳлесе татнӑ. Кредит парӑмӗсӗр пуҫне вӑл суд приставӗсене тӳлемелли укҫана та, пурӗ 50 пин тенкӗ, кӑларса панӑ.
Республикӑра икӗ ача ашшӗ алимент тӳлемен, парӑм вара самай пухӑннӑ. 2023 ҫулхи юпан 6-мӗшӗнче ун тӗлӗшпе пуҫиле ӗҫ пуҫарнӑ, юпан 26-мӗшӗнче вара чарса лартнӑ – вӑл РФ Хӳтӗлев министерствипе контракт ҫырса ятарлӑ ҫар операцине кайнӑ.
Икӗ ҫултан вӑл парӑма татнӑ. Отпуска килсен арҫын суд приставӗсен депозит счечӗ ҫине 721 пин тенкӗ куҫарнӑ, ҫапла пӗтӗм парӑма татнӑ. Кун хыҫҫӑн арҫын тӗлӗшпе пуҫарнӑ пуҫиле ӗҫе хупнӑ.
Парӑмҫӑ суд приставӗсенчен... балкон ҫинче пытаннӑ. Ку пӑтӑрмахла истори – Шупашкарти 37 ҫулти арҫын пирки.
Вӑл 15 ҫулти хӗрӗшӗн алимент тӳлемен. Парӑм сахал мар пухӑннӑ: 350 пин тенке ҫитнӗ.
Куншӑн ӑна административлӑ майпа явап тыттарасшӑн пулнӑ, анчах арҫын суд йышӑнӑвне пурнӑҫламан, алимент тӳлемен. Кайран вуҫех ҫухалнӑ. Суд приставӗсем ӑна хваттерне шырама кайсан тупайман. Тепрехинче каллех шыраса хваттере килнӗ те ӑна ӑнсӑртран балкон ҫинче тупнӑ. Вӑл приставсем килмессерен пытанса ларнӑ иккен. Халӗ ун тӗлӗшпе уголовлӑ ӗҫ пуҫарма хатӗрленеҫҫӗ.
Шупашкар районӗнчи «Промтехстройсервис» предприяти рабочисене шалу тӳлемен. 27 ҫын умӗнче вӑл 1,5 миллиона яхӑн тенкӗ парӑм пухса тултарнӑ.
Пӑтӑрмах пирки пӗлсен прокуратура хушша-хуппа кӗнӗ, асӑрхаттару хучӗ ҫырнӑ. Ертӳҫӗ тӗлӗшпе административлӑ майпа ӗҫ пуҫарнӑ.
Халӗ прокуратура парӑма пӗтӗмпех тӳлесе татнӑ.
Йӗпреҫ районӗнчи Хурамал ялӗнче пурӑнакан 41 ҫулти арҫын хӗрӗсене алимент тӳлесшӗн пулман. Ӑна РФ Пуҫиле кодексӗн 157-мӗш статйин 1-мӗш пайӗпе явап тыттарнӑ май ӑна 5 уйӑх ӗслесе юсантарма йышӑннӑ. Ҫав вӑхӑтра тупӑшӑн 10 процентне патшалӑх валли тытса юлӗҫ.
Ачисене алимент тӳлеменшӗн арҫынна унччен административлӑ майпа явап тытарнӑ-ха. Апла пулин те вӑл парӑма ҫур миллион тенкӗрен те ирттерсе янӑ.
Комсомольски тӑрӑхӗнчи пӗр ялта пурӑнакан хӗрарӑм ачисем умӗнче 2 миллиона яхӑн тенкӗлӗх алимент парӑмӗ пухса тултарнӑ. Тӗрӗсрех каласан, парӑм 1,8 миллион тенке ҫитсе кайнӑ.
Ултӑ ача амӑшне халӗ пуҫиле майпа явап тытарма йышӑннӑ. Унӑн юсанмалла ҫулталӑк ӗҫлеме тивӗ, ҫав вӑхӑтра тупӑшӑн 5 процентне патшалӑха тытса юлӗҫ.
36 ҫулти хӗрарӑм официаллӑ майпа ниҫта та ӗҫлемен, вӑхӑтлах вырнаҫса тупӑш курнине хӑйне валли тӑкакланӑ.
+3.3 °C