Ҫак кунсенче Улатӑрта Мускав урамӗпе Октябрь Революцийӗн тӳремӗ пӗрлешнӗ ҫӗрте МиГ-29 истребителе постамент ҫине вырнаҫтарнӑ.
Самолета хулана ҫу уйӑхӗн 19-мӗшӗнче илсе ҫитернӗ, ҫав кунах ӑна пуҫтарма тытӑннӑ. Кайран сӑрласа постамент ҫине вырнаҫтарнӑ.
Сӑмах май, Улатӑрта Тӑван ҫӗршывшӑн Аслӑ вӑрҫи пуҫланиччен аэроклуб пулнӑ. Вӑрҫӑ вӑхӑтӗнче хулара 46-мӗш саппас авиаци полкӗ вырнаҫнӑ.
Специалистсем Раҫҫейре туса кӑларнӑ «Суперджетӑн» тӗслӗхлӗ виҫҫӗмӗш самолетне хакланӑ.
Вӑл Амур ҫинчи Комсомольск хули ҫийӗн ӑнӑҫлӑ вӗҫсе ҫаврӑннӑ. Хамӑр ҫӗршывра туса кӑларнӑ лайнер 3 пин метр ҫӳллӗшшӗнче 40 минута яхӑн вӗҫнӗ. Ҫеккунтра вӑл 500 километра яхӑн хӑвӑртлӑхпа кайма пултарнӑ.
Ҫулталӑк вӗҫлениччен сертификат тӗпчевне ирттермелле, 2026 ҫултан ӑна авиакомпанисене сутма пуҫламалла.
Шупашкартан Мускава вӗҫекен самолётсем хальхи вӑхӑтра унти Шереметьево аэропортне илсе ҫитереҫҫӗ. Самолётсем унта анса ларни пуриншӗн те меллӗ мар. Аякри ҫав аэропортран Мускавӑн тӗп пайне ҫитме вӑхӑт самай иртет.
Кӑҫалхи ҫӗртме уйӑхӗн 1-мӗшӗнчен «Победа» лоукостер Внуковӑна вӗҫме пуҫлассине пӗлтернӗ. Авиакомпани сайтӗнче пӗлтернӗ тӑрӑх, рейссем кашни кунах пулӗҫ.
Ҫапла вара Шупашкартан Внуково тата Шереметьево аэропорчӗсене ҫитме май килӗ. Мускавран Шупашкара эрнере 23 рейс пулӗ.
А.Г. Николаев ячӗпе хисепленекен Шупашкарти аэропорт иртнӗ уйӑх вӗҫӗнче, пуш уйӑхӗн 30-мӗшӗнче, ҫуркуннепе ҫуллахи тапхӑр ҫине куҫнӑ.
Ҫӗнӗ тапхӑр ҫине куҫнӑ май расписанире хӑш-пӗр улшӑну пулса иртнӗ. Сӑмахран, самолетсем Питӗрпе Мускава каймалли вӑхӑта улӑштарнӑ. «Аэрофлот» самолёчӗ Шупашкартан Мускава каллех ирхи 7 сехетре вӗҫсе кайӗ, кунта вӑл 23 сехет те 30 минутра вӗҫсе килӗ.
Шупашкартан Азербайджанри Бакуна самоет вӗҫме пуҫлас шанчӑк пур. «ИрАэро» компани рейс уҫма ирӗк илнӗ.
Документ тӑрӑх, вӑл эрнере икӗ рейс тума пултарать. Анчах ирӗк илни кӑна мар-ха. Маршрута уҫасси кунран кӑна килмест. Ун пек тӗслӗхсем пулнӑ: авиакомпани рейс уҫма ирӗк илнӗ, анчах маршрута йӗркелесе ярайман.
Ҫулла Шупашкартан Нижневартовска самолет вӗҫме тытӑнӗ. Унчченхи пекех «Bombardier» самолет пулӗ.
Рейса ҫӗртме уйӑхӗн 4-мӗшӗнче уҫӗҫ. Рейс юнкунсерен ирхи 8 сехет те 30 минутра ҫула тухӗ. Самолетра 50 пассажир валли вырӑн пулӗ.
Сӑмах май, ҫак рейса пӗлтӗр ака уйӑхӗнче расписанине кӗртнӗ. Каласа хӑварар: Шупашкарти аэропорт пуш уйӑхӗн 30-мӗшӗнче ҫуллахи расписани ҫине куҫӗ.
Нарӑс уйӑхӗн 1-мӗшӗнчен «Азимут» авиакомпани Шупашкартан Минеральные Воды тата Сургут хулисене самолетсем вӗҫтерме тытӑнӗ. Икӗ ҫӗре те рейссем эрнере икӗ хутчен пулӗҫ: ытларикун тата шӑматкун.
Минеральные Воды хулине вӗҫме билет 2,9 пин тенкӗрен пуҫласа 7 пин тенкӗ таран тӑрать. Хак хӑш кун пулнинчен килет. 3 сехет те 5 минутран самолет вырӑна ҫитет. Сургута вӗҫме те хак ҫавӑн пекрех. Унта 2 сехет те 50 минут вӗҫмелле.
Сӑмах май, «Шупашкар – Сургут» авиарейс кӑҫал субсидилекенсен йышне кӗнӗ.
Раҫҫей Президенчӗ Владимир Путин Шупашкарти Андриян Николаев ячӗллӗ юсаса ҫӗнетнӗ аэропорта уҫнӑ. Республика тӗп хулине вӑл хӑй килмен-ха, анчах пӗлтерӗшлӗ ҫак пулӑма вӑл видеоҫыхӑну мелӗпе хутшӑннӑ.
Аэропорта уҫма ҫавӑн пекех Раҫҫейӗн транспорт министрӗ Роман Старовойт тата Чӑваш Ен Элтеперӗ Олег Николаев хутшӑннӑ.
Хальхи вӑхӑтри терминала уҫни республикӑшӑн питех те пӗлтерӗшлӗ. Туристсем те республикӑна хаклама вокзалсенчен пуҫлаҫҫӗ.
Уҫӑлнӑ ҫӗнӗ терминал — вӗҫсе каякан пассажирсем валли. Самолётпа республикӑна килекен пассажирсем валли те зала юсаса ҫӗнетӗҫ. Ку вӑл строительствӑн виҫҫӗмӗш тапхӑрӗ пулӗ. 2025 ҫулта перрона тата руль ҫулне юсамалла.
Ҫитес ҫул Шупашкартан Калининграда самолётсем вӗҫме пуҫлама пултарассине эпир унччен пӗлтернӗччӗ-ха. Халӗ тата тепӗр хыпар пур.
«Икар» авиакомпани Чӑваш Енӗн Транспорт тата ҫул-йӗр хуҫалӑхӗн министерствинчен Шупашкартан Калининграда тӳрӗ авиарейс уҫма ыйтнӑ. Вӑл пассажирсене 2025 ҫулхи ҫу уйӑхӗн 1-мӗшӗнчен пуҫласа авӑн уйӑхӗн 30-мӗшӗччен, эрнере икӗ хут турттарасшӑн иккен.
Вӗҫеве субсидилекен программӑна кӗртме ыйтса «Икарсӑр» пуҫне тата тепӗр виҫӗ авиакомпани тухнӑ:
– «Северный Ветер» (чӑв. Ҫурҫӗр ҫилӗ) Сочие турттарма,
– «ЮВТ» – Нижневартовска,
– «Азимут» – Минеральные Воды тата Сургут хулисене.
Заявкӑсене раштав уйӑхӗн 30-мӗшӗччен пӑхса тухӗҫ, хӑш авиакомпани ҫӗнтернине 10-12 кун хушшинче пӗлтерӗҫ.
Ҫитес ҫул Шупашкартан Калининграда самолётсем вӗҫме пуҫлама пултарассине эпир унччен пӗлтернӗччӗ-ха. Халӗ тата тепӗр хыпар пур.
«Икар» авиакомпани Чӑваш Енӗн Транспорт тата ҫул-йӗр хуҫалӑхӗн министерствинчен Шупашкартан Калининграда тӳрӗ авиарейс уҫма ыйтнӑ. Вӑл пассажирсене 2025 ҫулхи ҫу уйӑхӗн 1-мӗшӗнчен пуҫласа авӑн уйӑхӗн 30-мӗшӗччен, эрнере икӗ хут турттарасшӑн иккен.
Вӗҫеве субсидилекен программӑна кӗртме ыйтса «Икарсӑр» пуҫне тата тепӗр виҫӗ авиакомпани тухнӑ:
– «Северный Ветер» (чӑв. Ҫурҫӗр ҫилӗ) Сочие турттарма,
– «ЮВТ» – Нижневартовска,
– «Азимут» – Минеральные Воды тата Сургут хулисене.
Заявкӑсене раштав уйӑхӗн 30-мӗшӗччен пӑхса тухӗҫ, хӑш авиакомпани ҫӗнтернине 10-12 кун хушшинче пӗлтерӗҫ.
+3.3 °C