Чулхула облаҫӗнчи Ворсма хулинче хӗллехи ишевпе «Сивӗ вӑйӑсем» ӑмӑрту иртнӗ.
Пирӗн командӑра 15 «морж» пулнӑ. Вӗсем 37 медаль тата 1 кубок ҫӗнсе илнӗ.
Пӗрремӗш кунхине шыв питӗ сивӗ пулнӑ. Ҫапах пирӗннисем 23 ылтӑн, 7 кӗмӗл тата 3 пӑхӑр медаль илнӗ.
Тепӗр кунхине криатлонра Александра Мудрая, Вера Крылова, Николай Артемьев тата Иван Петров хӑйсен виҫе категорийӗнче ылтӑн медаль илнӗ.
Беларуҫри Минск хулинче ветерансен хушшинчӗ ҫӑмӑл атлетика енӗпе уҫӑ чемпионат иртнӗ. Унта Вӑрнар округӗнчи Ярмушка ялӗнчи Надежда Лаврентьева мала тухни пирки пӗлтернӗччӗ.
Пирӗн тепӗр ентеш те унта ылтӑн медаль ҫӗнсе илнӗ. Виктор Семенов 3 ҫухрӑма 16 минут та 22,60 ҫеккунтра парӑнтарнӑ. Ку 70-74 ҫулсенчи спортсменсен зушшинчӗ – тӗнчери ҫӗнӗ рекорд.
Шупашкарти Олимп резервӗн 2-мӗш спорт шкулӗнче вӗренекен Олег Яковлев Атӑлҫи федераци округӗнчи ӑмӑртура виҫҫӗмӗш вырӑн йышӑннӑ. Биатлон ӑмӑртӑвӗ Ӗпхӳре иртнӗ.
Вӑл 12.5 километра ӑмӑртса 17-18 ҫулсенчи яшсен хушшинче виҫҫӗмӗш вырӑна тухнӑ.
Улатӑрти 11-мӗш шкулта вӗреннӗ, Олимп резервӗсен Ҫӗнӗ Шупашкарти училищинче ӑс пухнӑ Татьяна Устимова нумаях пулмасть Арктика шывӗнче ҫӗрле ишнӗ. Унта ӑмӑрту иртнӗ.
Эстафета Баренцево тинӗсӗнче экстремаллӑ лару-тӑрура пулнӑ. Унти шыв 3,2 градус кӑна ӑшӑ. Сывлӑш температури 18 градус сивӗ.
Кашни спортсмен 1 ҫухрӑм ишнӗ. Татьяна лайӑх кӑтартупа палӑрнӑ. Хальхи вӑхӑтра вӑл Мускаври фитнес-клубра ӗҫлет.
Мария Мамаева мӗн ҫуралнӑранпах курмасть. Анчах вӑл пуҫ усмасть, спортра ҫитӗнӳ хыҫҫӑн ҫитӗнӳ тӑвать.
Нумаях пулмасть хӗрача Хусанта иртнӗ ӑмӑртура «Акватлон: ишни тата чупни» дисциплинӑра тупӑшнӑ. Марийӑпа юнашар спортӑн ку тӗсӗнче палӑрнӑ Светлана Соколова ӑмӑртнӑ. Вӗсем иккӗшӗ пӗрле пӗрремӗш вырӑн йышӑннӑ.
Шупашкарти тата Ҫӗнӗ Шупашкарти спортсменсем хӗллехи ишев енӗпе иртнӗ ӑмӑртура 27 медаль ҫӗнсе илнӗ.
Чӑваш Ен чысне Елена Деведерова, Николай Артемьев, Андрей Гориянов, Руслан Шайхаттаров, Анна, Аветисян хӳтӗленӗ. Ӑмӑрту Нарьян-Марта иртнӗ. Старт умӗн шыв температри 0,5 градус ӑшӑ пулнӑ, сывлӑш температури – 7 градус сивӗ. Икӗ кунра пирӗн спортсменчем 14 ылтӑн, 9 кӗмӗл, 4 пӑхӑр медаль ҫӗнче илнӗ.
Патӑрьелте ҫуралса ӳснӗ спортсменка Ирина Привалова Таиландра иртнӗ ӑмӑртура ылтӑн медаль ҫӗнсе илнӗ.
Вӑл 55-59 ҫулсенчи спортсменсемпе тупӑшнӑ. Триатлонра – ишсе, велосипедпа ярӑнса тата чупса - ыттисен хушшинче палӑрнӑ. Ҫапла вӑл пьедесталӑн чи ҫӳлти картлашки ҫине хӑпарнӑ.
Анна Хмелева Атӑлҫи федераци округӗнче шахматла выляссипе иртнӗ ӑмӑртура 19 ҫул тултарман хӗрсен хушшинче ылтӑн медаль ҫӗнсе илнӗ. Хӑвӑрт шахматла выляса та вӑл палӑрнӑ: пӑхӑр медаль илнӗ. Денис Кириллов та маттур: хӑйӗн ӳсӗмӗн категорийӗнче виҫҫӗмӗш вырӑна тухнӑ.
Палӑртмалла: ӑмӑрту Самар облаҫӗнче иртнӗ. Уҫта 14 регионтан 400 ҫын хутшӑннӑ.
Пӗрремӗш канал Чӑваш Енре «Народный ледниковый» проектӑн ҫӗнӗ сезонӗ валли сюжет ӳкерет. Вӑл – федераци каналӗ валли пӑрлӑ шоу йӗркелекен паллӑ Илья Аврбухпа пӗрле.
Раҫҫейӗн тава тивӗҫлӗ спорт мастерӗ, Олимп вӑййисен призерӗ, Европа тата тӗнче чемпионӗ Илья Авербух Шупашкара килнӗ. Сюжете Шупашкарти «Ҫӗнӗ хула» микрорайонта нумаях пулмасть уҫӑлнӑ «Пӑрлӑ Аренӑра» ӳкерӗҫ.
Чӑваш Ен спортсменӗсем Татьяна тата Александр Федоровсем Астанара самбо енӗпе иртнӗ тӗнче чемпионатӗнче лайӑх кӑтартусемпе палӑрнӑ. Вӗсем – пиччӗшӗпе йӑмӑкӗ.
Татьяна 50 килограмм тайман спортсменсен йышӗнче тупӑшса кӗмӗл медаль ҫӗнсе илнӗ. Унӑн пиччӗшӗ, тӗнче класлӑ спорт мастерӗ Александр 64 килограмм тайманнисен виҫе категорийӗнче тупӑшса пӑхӑр медале тивӗҫнӗ.
+6.3 °C