Ку ыйтӑвӑн хуравне Ҫӗмӗрле хулинче пурӑнакан яш-кӗрӗмпе хӗр-упраҫпа ирттернӗ «Ӑслӑлӑх тата тӗн» темӑпа вырӑнти ӳнер шкулӗнче йӗркеленӗ ток-шоу вӑхӑтӗнче шыранӑ.
Ток-шоу — «Хальхи вӑхӑтри ҫамрӑк тата чиркӳ» проект мероприятийӗсенчен пӗри. Ӑс-тӑнпа ҫутӗҫ проекчӗ ят панӑскерӗн тӗллевӗ вара — ҫамрӑксен православи пӗрлешӗвне йӗркелесси-мӗн.
Ҫӗмӗрле хула администрацийӗ хӑйӗн официаллӑ сайтӗнче хыпарланӑ тӑрӑх, калаҫӑва хӗрсемпе каччӑсем хастар хутшӑннӑ, аслисене ыйту ҫине ыйту панӑ. Тем пирки те кӑсӑкланнӑ вӗсем: чиркӳ йӑли-йӗрки пирки тӗпченинчен тытӑнса ашшӗ-амӑшӗпе ӑнланманлӑха епле сирмелли таранах.
Ток-шоуна хутшӑннисем хушшинче чиркӳ ҫыннипе вӗрентӳ пайӗн пуҫлӑхӗ те, психологпа Патшалӑх Канашӗн депутачӗ те пулнӑ.
Regnum ИА пӗлтернӗ тӑрӑх Ҫветтуй Матрона юлашкийӗсене акан 16-мӗшӗчченех Шупашкарта хӑварӗҫ. Чиркӗве ҫӳрекенсем ҫветтуй юлашкийӗсене ҫакӑнта пуҫ ҫапма пултарӗҫ:
акан 11-13-мӗшӗсенче — Христос чӗрӗлнин чиркӗвӗнче (Воскресения Христова)
акан 14-16-мешсенче — Введенски соборта
Таса Матронӑн сӑваплӑ юлашкийӗсене Чӑваш Ене малтанах пушӑн 13-мӗшӗнче кӳрсе килнӗ, Аслӑ типӗн 3-мӗш эрниччен кӑна тытса тӑмалла пулнӑ. Кунсерен халӑх нумайланса килнине пула, ҫынсем иртенпе черет йышӑнса тӑнине пула ӗненекенсем ыйтнипе ҫветтуй юлашкийӗсене ӑсатма тӑхтанӑ.
Паллӑ ӗнтӗ, ҫӗр ҫинче икӗ пине яхӑн тӗрлӗ халӑх пурӑнать. Кашни халӑхӑнах хӑйне евӗр йӑли-йӗрки, тӗн-ӗненӗвӗ. Пирӗн Кӗтне тӑрӑхӗнче те авалтанпах ҫумма-ҫуммӑн чӑваш, вырӑс, тутар халӑхӗсем туслӑн пурӑнаҫҫӗ, ирҫе, ҫармӑс тата ытти халӑх ҫыннисем те тӗл пулаҫҫӗ. Ҫывӑхра пурӑнакан халӑхсем пӗр-пӗрин йӑлисене хӑнӑхса-ӑнланса пыма тӑрӑшаҫҫӗ. Ҫак пулӑм малалла аталантӑр тесе иртнӗ 2009/2010 ҫулӑн тӑваттӑмӗш чӗрӗкӗнче Раҫҫейри ятарласа суйласа илнӗ регионсенчи пӗтӗмӗшле вӗренӳ паракан шкулсенче ҫӗнӗ предмет — ОРКСЭ (Основы религиозной культуры и светской этики) вӗрентме тытӑнчӗҫ. Ӑна ертсе пыма кӗҫӗн классенче вӗрентекенсене ятарласа Вӗрентӳ институтне чӗнсе илсе хатӗрлени ҫинчен Комсомольски район хаҫатӗнче ҫырса пӗлтернӗччӗ. Пӗлтӗрхи тӑваттӑмӗш класра вӗренекен ачасем кӑҫал та ҫӗнӗ предмета малалла вӗренчӗҫ. Районти чылай ашшӗ-амӑшӗ ачисене православи тӗн йӗркине вӗрентме кӑмӑл турӗ. Унсӑр пуҫне хӑйсен пепкисене этика, ислам тата тӗнчери тӗн йӗркисемпе паллаштарас текенсем те пур. Ачасене вӗренме меллӗрех пултӑр тесе вӗрентӳ кӗнекисемсӗр пуҫне электронлӑ пособисем те кӑларнӑ.
+3.3 °C