Синоптиксем пӗлтернӗ тӑрӑх, канмалли кунсенче ҫумӑр кӑштах тӑхтав туса илӗ.

Паян ҫумӑр ҫукалӗ, кӑнтӑрла хыҫҫӑн ҫил те вӑйланӗ. Шӑматкун та ҫил лӑпланмӗ, пӗлӗтлӗ пулӗ. Каҫхине ҫил лӑпланӗ, ҫӗрле 7-12 градус ӑшӑ пулӗ. Вырсарникун кӑнтӑрла 18-23 градус ӑшӑ тӑрӗ.

Тунтикунран вара ҫумӑр пуҫланӗ. Атмосфера пусӑме 730 мм таран анӗ, кун пекки ҫӗртме уйӑхӗнче 20 ҫул пулман. Ҫавна май эрне варриччен ҫумӑр ҫӑвӗ. Кӑнтӑрла 15-20 градус ӑшӑ пулӗ, ҫил вӑйланӗ.

Кӗҫнерникун тата эрнекун хӗвел тухма тытӑнӗ. Ҫумӑр утӑ уйӑхӗн пуҫламӑшӗнче ҫума чарӑнӗ, 21-23 градус ӑшӑ пулӗ.

Малтанлӑха пӗлтернӗ тӑрӑх, 25-30 градус ӑшӑ утӑ уйӑхӗн пӗрремӗш декади вӗҫнелле пулӗ.

Хӑҫан ҫуллахи ӑшӑ таврӑнать? Синоптиксем пӗлтернӗ тӑрӑх, тунтикунпа ытларикун уяр ҫанталӑк тӑрӗ. Паян ҫил ҫурҫӗртен вӗрет, ыран кӑнтӑр енчен пулӗ, ҫавна май хӗвел ҫинче 25-30 градус ӑшӑ туйӑнӗ.

Юнкун вырӑнӑн-вырӑнӑн ҫумӑр ҫӑвӗ, аслати авӑтма пултарӗ, ҫил вӑланӗ. Кӗҫнерникун та ҫумӑрсӑр пулмӗ. Эрнекун вара ҫумӑр вӑйлах ҫӑвӗ. Канмалли кунсенче 13-18 градус ӑшӑ пулӗ. Ҫумӑр ҫӑвас хӑрушлӑх ҫук.

Малтанлӑха пӗлтернӗ тӑрӑх, ҫитес эрнере ҫанталӑк ӑшӑтма тытӑнӗ. Июлӗн иккӗмӗш ҫурринче шӑрӑх хуҫаланӗ.

«Контактри» сӑн

Синоптиксем пӗлтернӗ тӑрӑх, Республика кунӗнче лайӑх ҫанталӑк пулӗ. Паян вырӑнӑн-вырӑнӑн кӑна ҫумӑр ҫӑвӗ, шӑматкун вара - кунӗпех.

Вырсарникун уярт анчах ҫиллӗ пулӗ. Кӑнтӑрла 15-20 градус ӑшӑ тӑрӗ, ҫӗрле – 8-13. Тунтикун та ҫавӑн пекех ҫанталӑк пулӗ.

Ытларикун, Республика кунӗнче, хӗвеллӗ пулӗ, 18-23 градус таран ӑшӑтӗ. Кун пек ҫанталӑк чӑннипех те уявра савӑнма питӗ лайӑх.

Малтанлӑха пӗлтернӗ тӑрӑх, ҫитес эрнере канмалли кунсенче тата вӑйлӑрах сивӗтӗ. Хальлӗхе синоптиксем утӑ уйӑхӗн пуҫламӑшӗнче те ҫантлӑк савӑнтармассине калаҫҫӗ.

Синоптиксем пӗлтернӗ тӑрӑх, ку эрнере вӑхӑтлӑха шӑрӑх вӗҫленет. Ыран кӑнтӑрла хыҫҫӑн пӗлӗтленме тытӑнӗ, вырӑнӑн-вырӑнӑн аслатиллӗ ҫумӑр ҫӑвӗ. Каҫхине тата ҫӗрле чашлаттарсах ҫӑвӗ. Ҫил вӑйланма, пӑр ҫума пултарать.

Юнкун уяртӗ, 22-24 градус ӑшӑ тӑрӗ. Кӗҫнерникун та ҫумӑр ӳкмӗ. Эрнекунран пуҫласа вырсарникунччен вара ҫӑвӗ. Эрнекун ӑшӑ пулӗ-ха. Шӑматкунпа вырсарникун вара термометр кӑнтӑрла та 18-20 градус кӑтартӗ, пур ҫӗрте те тенӗ пек ҫумӑр ҫӑвӗ.

Ҫӗртмен 15 е 16-мӗшӗнче кунӗпех ҫумӑр ҫума пултарать. Ҫӗртмен 19-мӗшӗнче те ҫумӑр ҫума пултарӗ.

Уҫӑрах ҫанталӑк иккӗмӗш декада, вӗҫӗччен тытӑнса тӑрӗ. Хӑш-пӗр кун ҫӗрлесерен 5 градус кӑна ӑшӑ пулӗ. Кашни кун тенӗ пек ҫумӑр ҫӑвӗ.

Малтанлӑха пӗлтернӗ тӑрӑх, ҫӗртмен 24-мӗшӗ валли шӑрӑх таврӑнӗ.

photocentra.ru сайтри сӑн

Синоптиксем ҫулла мӗнле пулассине палӑртнӑ. Ҫӗртмен иккӗмӗш декади те ҫумӑрлӑ килӗ, ҫавӑнпа ку уйӑхра нӳрӗк нормӑран ытларах ӳкӗ. Ҫапах ҫурла тата ҫумӑрлӑрах килӗ.

Ҫӗртмере те, ҫурлара та аслатиллӗ ҫумӑр 7 кун пулӗ, июльте – 10 кун. Ҫав кунсенче ҫил вӑйланас, пӑр ҫӑвӑс хӑрушлӑх пур. Иртен пуҫласа каҫчен ҫумӑр ҫунӑ кунсем те пулӗҫ. Кун пеккине ҫывӑх вӑхӑтрах кӗтмелле: ҫӗртмен 14 е 15-мӗшӗнче.

Ҫулла ҫав тери шӑрӑхпа пулмӗ, ҫанталӑк климат нормипе килӗшсе тӑрӗ. Ҫӗртмере вӑтам температура – 17, ҫурлара 18,5 (нормӑран 1 градус пысӑкрах) градуспа танлашӗ. Утӑ уйӑхӗ нормӑран 1 градус сивӗрех килӗ.

Атӑла таса мар шыв лекесерен тасатмалли сооруженисем тума уйӑрна укҫана чылай регионта йӗркелле усӑ курманни пирки эпир унччен пӗлтернӗччӗ-ха. Аса илтерер: ҫавӑн пек регионсен хушшинче Чӑваш Ен те пур. Чӑваш Енре Роспироднадзор 50 кӑлтӑк тупса палӑртнӑ. Унран та ытларах — ҫитменлӗхсен шучӗпе пирӗн республикӑмӑр Ярославль тата Самар облаҫӗсем хыҫҫӑн виҫҫӗмӗш вырӑнта.

Пӑтӑрмах пирки ҫӗршыв Президенчӗ Владимир Путин та пӗлет иккен. Вӑл ҫӗршывӑн ҫут ҫанталӑк ресурсӗсен тата экологи министрӗпе Александр Козловпа тӗл пулсан тасатмалли сооруженисемпе ҫыхӑннӑ ыйтӑва сӳтсе явнӑ май ку ытйупа кашни кӗпӗрнаттӑрпа ӗҫленине палӑртса хӑварнӑ.

Вера Иванова сӑнӳкерчӗкӗ

Паян, ҫӗртме уйӑхӗн 1-мӗшӗнче, Шупашкар районӗнче пӑр ҫунӑ.

Ҫак йӗркесен авторӗ ҫак самантра пӗлнӗ тӑрӑх, пӑр Шупашкар районӗнчи Пранькка, Аначкасси, Мӑн Мамӑш ялӗсенче ҫунӑ. Пӑр ҫур сехете яхӑн ҫуса тӑнӑ, пӑр унта халӗ те ирӗлсе пӗтмен. Ҫав тӑрӑхра пурӑнакансем пӗлтернӗ тӑрӑх, уҫӑ вырӑнти мӗнпур пахчаҫимӗҫ ӳксе пӗтнӗ.

Ку эрнере республикӑра ҫанталӑк нормӑран ӑшӑрах тӑрать. Хӗвел ҫинче 35-40 градус шӑрӑх пек туйӑнать. Термометр паян 30 градус ӑшӑ кӑтартать.

Ыран чи шӑрӑх кун пулӗ: термометр сулхӑнра 28-33 градус кӑтартӗ. Вырсарникун сивӗ фрончӗ ҫывхарма тытӑнӗ. Кӑнтӑрла хыҫҫӑн пӗлӗтленӗ, вырӑнӑн-вырӑнӑн аслатиллӗ ҫумӑр ҫӑвӗ. Каҫхине тата ҫӗрле вӑйлах ҫума пултарать. Пӑр ҫӑвас, ҫил вӑйланас хӑрушлӑх пур.

Тунтикун 19-24 градус ӑшӑ пулӗ, ҫӗрле – 10-12 градус. Ҫил вӑйланӗ, ҫурҫӗр-хӗвеланӑҫ енчен вӗрӗ. Уяр пулсан та кӑшт ӑшӑрах тумланма тивӗ.

Ҫитес эрнере ҫумӑр ҫумӗ, юнкун, эрнекун тата вырсарникун кӑна хӑш-пӗр ҫӗрте ҫума пултарать.

Малтанлӑха пӗлтернӗ тӑрӑх, иккӗмӗш декада пуҫламӑшӗнче каллех 30 градус шӑрӑх пулӗ.

Ҫӗртме уйӑхӗнче мӗнле ҫанталӑк пулӗ-ха?

Синоптиксем пӗлтернӗ тӑрӑх, ҫанталӑк улашнса тӑрӗ, уйӑх тӑршшӗпе 5 хутчен ӑшӑтса сивӗтӗ.

Чи шӑрӑх кунсем пӗрремӗш декада вӗҫӗнче тата иккӗмӗш декадӑра пулӗҫ. Пӗрремӗш декада варринче вара ҫанталӑк ытти ҫулсенчен сивӗрех тӑрӗ.

Ҫумӑр сителӗклех ҫӑвӗ-и? Пӗрремӗш тата юлашки декадӑра типӗ ҫанталӑк пулӗ. Ҫумӑр ытларах уйӑх варринче ҫӑвӗ. Ун чухне ҫӗртме уйӑхӗнчи нормӑн ҫурри ытларах ҫӑвӗ.

Синоптиксем пӗлтернӗ тӑрӑх, ку эрнере тата ӑшӑрах пулӗ. Эрне вӗҫнелле кӑнтӑрла термометр 30 градус кӑтартӗ. Каҫхине те 15-20 градус ӑшӑ пулӗ.

Кӗҫнерникун кӑна пӗлӗтсем курӑнма тытӑнӗҫ. Вырӑнӑн-вырӑнӑн аслатиллӗ ҫумӑр ҫума пултарать. Ҫапах шӑрӑх чакмӗ. Канмалли кунсенче ҫумӑр пулмӗ, кӑшт пӗлӗтленӗ, ҫил вӑйланӗ.

Чи шӑрӑх кунсем ҫӗртмен 1-2-мӗшӗсенче пулӗҫ. Ун чухне термометр сулхӑнра та 31-33 градус кӑтартӗ.

Малтанлӑха пӗлтернӗ тӑрӑх, ҫитес эрнере республикӑна сивӗрех сывлӑш килӗ.