Сайта кӗр | Регистраци | Сайта кӗрсен унпа туллин усӑ курма пулӗ
 +13.3 °C
Вӑррӑн пуҫ тӳпинчен пӑс тухать.
[ваттисен сӑмахӗ]
 

Хыпарсен ҫыххи: Республикӑра

Республикӑра
pxhere.com сайтри сӑн
pxhere.com сайтри сӑн

Комсомольски районӗнчи хӗрачана усал шыҫӑпа кӗрешекен эмел кирлӗ пулнӑ. Ҫакна нарӑсӑн 27-мӗшӗнче пульницӑна ҫитнӗ тухтӑрсен консилиумӗн протоколӗсем те ҫирӗплетнӗ.

Анчах утӑ уйӑхӗн 27-мӗшӗччен должноҫри ҫынсем ачана эмелпе тивӗҫтерес тесе нимӗн те туман, ЧР Сывлӑх министерствине документсем тӑратман.

Следовательсем ӗҫ-пуҫа уҫӑмлатма пуҫланӑ. Прокуратура та тӗрӗслев ирттернӗ. Хальхи вӑхӑтра хӗрачана кирлӗ эмелсемпе тивӗҫтернӗ.

Прокуратура пӗлтернӗ тӑрӑх, тӗрӗслев вӗҫленмен-ха.

 

Республикӑра

Вӑрнарсем Строительсен кунне анлӑ паллӑ тӑвӗҫ. Уяв ыран Вӑрнар поселокӗнчи «Август» сывлӑхпа кану паркӗнче иртӗҫ.

Мероприятисен программи пуян. Темиҫе концерт пулӗ. Юрӑҫсем Шупашартан, Ҫӗнӗ Шупашкартан килӗҫ. Ку кӑна мар, Мускавран «Вирус» ятлӑ паллӑ ушкӑн та ҫитӗ. Унӑн концерчӗ каҫхи 8 сехет ҫурӑра пуҫланса 21 сехет те 15 минутра вӗҫленӗ.

Строительсен уявӗ фейерверкпа вӗҫленӗ. Вӑл 22 сехетре пулӗ.

 

Республикӑра
Инкелӗ лару-тӑру министерстви тунӑ сӑн
Инкелӗ лару-тӑру министерстви тунӑ сӑн

Паян ирхине Шупашкар ҫыннисем тӗтӗм шӑршипе вӑраннӑ. Мӗн пулнӑ-ха? Чулхула облаҫӗнче вӑрман ҫунать иккен.

Ӗнер Шупашкар районӗнче, Карачура лесничествинче, вӑрман ҫуннӑ. Ҫулӑм кӑнтӑрла иртни 3 сехетре алхасма тытӑннӑ. Пушара ҫур сехетрех сӳнтернӗ. Ҫулталӑк пуҫланнӑранпа республикӑра вӑрмансенче 7 пушар пулнӑ.

Инкеклӗ лару-тӑру министерстви пӗлтернӗ тӑрӑх, вӑрманта ытларах ҫӗр ҫинчи типӗ сий ҫунать.

 

Республикӑра

Шупашкарта Раҫсейре халиччен пулман ӑшӑпа тивӗҫтерекен мультимеди центрӗ ӗҫлӗ. Вӑл ҫынсене ҫурла уйӑхӗн 24-мӗшӗнчен пуҫласа авӑн уйӑхӗн 6-мӗшӗччен йышӑнӗ.

Ӑшӑ энергетикин музейӗ — мультимеди комплексӗ. Ӑшӑ электричество станцийӗ епле ӗҫленине, хӑш топливо энергие пуринчен ытла упрани ҫинчен, хӗлле хватерте ытла пӑчӑ е ытла сивӗ пулсн камран пулӑшу ыйтмалли таранах ҫынсем унта пӗлейӗҫ.

Стратеги коммуникацийӗсен регионти центрӗн ертӳҫи Олег Сидоров пӗлтернӗ тӑрӑх, кмоплексра ачасем валли интерактивлӑ вӑйӑсем йӗркеленӗ.

Мультимеди центрне тӳлевсӗр кӗртӗҫ. Унта пулса курас тесен +7 908 840 84 04 телефонпа ирхи 10:00 сехетрен 19:00 сехетчен шӑнкӑравламалла е teplomuseum.ru сайта кӗмелле. Экскурсие ҫырӑнма 3 минутран ытла вӑхӑт иртмӗ.

Интерактивлӑ курав «МегаМолл» суту-илӳ центрӗн аялти парковкинче (Шупашкар хулин, Калинин урамӗ, 105 А ҫурт) вырнаҫнӑ. Музей ҫурла уйӑхӗн 24-мӗшӗнче 12 сехетре уҫӑлӗ.

 

Республикӑра
ВКонтакте сайтри сӑн
ВКонтакте сайтри сӑн

Ӗнер ҫӗрле, ҫур ҫӗр иртни 1 сехетре, Муркаш районӗнчи Рыкакасси ялӗ ҫывӑхӗнче Шупашкар еннелле каякан машина икӗ пӑшие ҫапса хӑварнӑ.

Водитель аманман, машина вара самаях сиенленнӗ. Шел те, пӑшисене ҫӑлма май килсен. Вӗсем ҫавӑнтах вилнӗ.

Водителӗн патшалӑха кӳнӗ тӑкакшӑн тӳлеме тивӗ. Пӗр пӑшишӗн 80 пин тенкӗ кӑларса хумалла. Анчах ку тӗслӗхре водитель укҫана хӑйӗн кӗсйинчен кӑлармӗ. Вӑл машинӑна страхланӑран тӑкака страхлав компанийӗ тӳлӗ.

Хыпар ҫӑлкуҫӗ: https://pg21.ru/news/80901
 

Республикӑра

Ӗнер «ЮВИ Аэро» авиакомпани ҫӗнӗ рейссем тунӑ. Сӑмах – Шупашкартан Сургута вӗҫесси. Кун пирки сайтра пӗлтернӗччӗ.

Пӗрремӗш рейспа Шупашкартан Ханты-Манси автономи округне 30 ҫын вӗҫнӗ. Сургутран Шупашкара вара 8 пассажир килнӗ. Борта пӗтӗмпе 50 ҫын вырнаҫать. Самолет пирӗн хулара 19 сехет те 10 минутра анса ларнӑ.

Ҫул ҫинче 2 сехет те 50 минут иртет. Шупашкартан Сургута эрнере икӗ хутчен вӗҫӗ: кӗҫнерникун тата шӑматкун. Аэропортран самолет 20 сехетре ҫӗкленӗ.

 

Республикӑра
loftecomarket.ru сӑнӳкерчӗкӗ
loftecomarket.ru сӑнӳкерчӗкӗ

Ҫурла уйӑхӗн иккӗмӗш вырсарникунӗнче пирӗн ҫӗршывра Строительсен кунне уявлаҫҫӗ. Ҫавӑн умӗн республика шайӗнче уяв ирттереҫҫӗ. Унта Чӑваш Енри ятлӑ-сумлӑ строительсене — организацисене ертсе пыракансенчен пуҫласа палтниксене таранах — чыслаҫҫӗ.

Ҫурла уйӑхӗн 11-мӗшӗнче республика Элтеперӗ Олег Николаев темиҫе ҫынна патшалӑх наградисемпе чыслама йышӑннӑ. «Отделфинстрой» специализациленнӗ застройщикӑн директорне Александр Черкунова Чӑваш Республикин Хисеп грамотине пама палӑртнӑ. 15 ҫын «Чӑваш Республикин тава тивӗҫлӗ строителӗ» ята тивӗҫнӗ. Вӗсен йышӗнче — Шупашкарти 29-мӗш строительство управленийӗнчи Николай Рыбаков тата Шупашкарти 7-мӗш стройтрестри Сергей Скворцов платниксем.

 

Республикӑра
Чӑваш Ен делегацийӗ - Чулхула облаҫӗнче. НОИЦ тунӑ сӑн
Чӑваш Ен делегацийӗ - Чулхула облаҫӗнче. НОИЦ тунӑ сӑн

Ҫитес ҫул Чӑваш Ен Правительстви пулӑшнипе республикӑра медиахолдинг тӑвасшӑн. Унта вун-вун массӑллӑ информаци хатӗрне кӗртме палӑртнӑ.

ЧР цифра аталанӑвӗн министрӗ Кристина Майнина каланӑ тӑрӑх, медиахолдинга районсенчи пур хаҫат та – пӗтӗмпе 26 – кӗрӗ. Министр хаҫатсене тӗнче тетелне ытларах кӑлармаллине палӑртнӑ.

Пӗлтӗр Чӑваш Ен делегацийӗ Тутарстана кайса унти «Татмедиа» медиахолдинг ӗҫӗ-хӗлӗпе паллашнӑ. Унта районсенчи, хуласенчи тата республикӑри 98 хаҫат, 14 журнал, 17 телеканал, 10 радиоканал, 79 сайт кӗрет. Кӑҫал вара Чулхула облаҫӗнчи опытпа кайса паллашнӑ.

Министр шухӑшӗпе, медиахолдинг йӗркелесен федераци гранчӗсене ҫӗнсе илме ҫӑмӑлрах.

 

Республикӑра
1obl.ru сайтри сӑн
1obl.ru сайтри сӑн

Ҫурла уйӑхӗн 9-мӗшӗнче Красноармейски салинче кӑнтӑр кунӗнчех 1-мӗш ушкӑнри сусӑра палламан хӗрарӑм тапӑннӑ. Ку Степанов урамӗнчи пӗр ҫурт подъездӗнче пулса иртнӗ.

Хайхи палламан хӗрарӑм сусӑрӑн ылтӑн сӑнчӑрӗпе хӗресне татса вӑрласа тарнӑ. Шӑв-шава илтсе инҫех мар ӗҫлекен хӗрарӑм чупса пынӑ. Мӗн пулса иртнине пӗлсен ҫав ҫын хыҫҫӑн чупнӑ, полицие шӑнкӑравласа пӗлтернӗ.

Йерке хуралҫисем ҫак хӗрарӑм вӑхӑтра пулӑшнипе палламан ҫынна часах тытса чарнӑ. Вӑл – 32 ҫулти хӗрарӑм, унччен судпа темиҫе хутчен айӑпланнӑскер. Хальхинче те унӑн явап тытма тивӗ.

 

Республикӑра
cap.ru сӑнӳкерчӗкӗ
cap.ru сӑнӳкерчӗкӗ

Чӑваш Енри шкулсене хамӑр ҫӗршыври офис программи ҫине куҫӗҫ.

«МойОфис Образование» преподавательсемпе шкул ачисемшӗн питӗ меллӗ, вӑл текстсем наборласа редакцилеме, электрон таблицӑсемпе презентацисем хатӗрлеме меллӗ тесе пӗлтереҫҫӗ. Ҫӗнӗ продукт йышӗнче — XO_Fonts шрифтсен пуххи. Вӑл — ют ҫӗршыв шрифчӗсен метрика аналогӗ.

«МойОфис Образование» документсен кивӗ тата хальхи вӑхӑтри формачӗсене те ӑнланать, анлӑ сарӑлнӑ мӗнпур операци тытӑмӗпе ӗҫлет.

Вӗрентекенсем валли ҫӗнӗ офис программине ӑша хывма вебинарсем ирттерӗҫ.

 

Страницӑсем: 1 ... 134, 135, 136, 137, 138, 139, 140, 141, 142, 143, [144], 145, 146, 147, 148, 149, 150, 151, 152, 153, 154, ...633
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (06.07.2025 03:00) уяр ҫанталӑк, атмосфера пусӑмӗ 748 - 750 мм, 11 - 13 градус ӑшӑ пулӗ, ҫил 1-3 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере тӑшмансем ура хурасран асӑрханмалла, сирӗн тавра элек сарма пултараҫҫӗ. Сӑмах пама асӑрханӑр. Вӑхӑта ӗҫре ытлашши нумай ирттермелле мар. Чылай ӗҫ пурнӑҫлама ӑнӑҫлӑ эрне. Ӗҫ хыҫҫӑн киле ҫемье патне васкамалла,пӗччен пулмалла мар.

Утӑ, 05

1900
125
Молостовкин Гаврил Александрович, чӑваш тӑлмачӗ ҫуралнӑ.
1940
85
Тимаков Вениамин Петрович, чӑваш сӑвӑҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
хуҫа хӑй
хуҫа арӑмӗ
хуҫин ҫитӗннӗ ачисем
хуҫа тарҫи
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
хӑни ҫулне ахаль те пӗлет, ӑсатмасӑр та
хӑнана ӑсатма никам та тухмасть
кил-йышри арҫын