"Про Город" хаҫатри сӑн

Паяни ирхине Шупашкарта асамат кӗперӗ тухнине асӑрханӑ. Кун пирки «Про Город» хаҫат порталӗнче пӗлтернӗ.

Сайтра хыпарланӑ тӑрӑх, ҫынсем асамат кӗперне ирхине 8 сехет те 10 минутра курнӑ. Вӑл Атӑл леш енче те курӑннӑ.

Ирхине хӑш-пӗр районта пӑрлӑ ҫумӑр ҫунӑ. Аса илтерер: паян республикӑра пӑрлӑ ҫумӑр пулассине ӗнер пӗлтернӗччӗ. Вӑл пирӗн пата Мускав енчен килнӗ.

vsegda-pomnim.com сайтри сӑн

Синоптиксем пӗлтернӗ тӑрӑх, ыран республикӑра юр, хушӑран ҫумӑр ҫума пултарать. Кӗҫӗр 5-10 градус сивӗ пулӗ. Ыран кӑнтӑрла - 0-5 градус сивӗ.

Ҫил кӑнтӑртан ҫеккунтра 3-8 метр хӑвӑртлӑхпа вӗрӗ. Ҫул ҫинче пӑрлак - асӑрханмалла.

Сӑмах май, ҫак кунсенче Мускав ҫыннисене пӑрлӑ ҫумӑр ҫума пултарасси пирки асӑрхаттарнӑ. Ав халӗ кунашкал ҫанталӑк пирӗн республика еннелле ҫывхарать.

Хӗллен пӗрремӗш пайӗ нормӑран сивӗрех килнӗ. Юр та нумайрах ҫунӑ – ахаль чухнехинчен 1,5 хут ытларах.

Ҫуркунне ҫывхарса пырать. Кун та вӑрӑмланать. Ку таранччен 1 сехет вӑрӑмланнӑ. Малта – хӗллен иккӗмӗш пайӗ. Вӑл мӗнлерех пулӗ?

Паян ирхине 15-20 градус сивӗ пулнӑ, эрне вӗҫнелле 2-7 градус кӑна пулӗ. Кӑшарнире ҫанталӑк сивех тӑмӗ. Ҫав кун ҫурҫӗр-хӗвеланӑҫ районӗсенче пӑрлӑ ҫумӑр та ҫума пултарать. Кӑшарнире каҫхине 10 градус сивӗ пулӗ. Ҫил ҫинче сивӗ вӑйлӑрах туйӑнӗ.

Вырсарникун ҫил лӑпланӗ. Хӗвел пӑхӗ – урамра уҫӑлса ҫӳремелли лайӑх вӑхӑт!

Ҫитес эрнере каҫсерен 15-20 градус пулӗ, кӑнтӑрласерен – 5-10 градус. Юр ҫумасть.

Синоптиксем шантарнӑ пекех, республикӑна шартлама сивӗ ҫанталӑк ҫитрӗ. Вӑл хӑҫанччен хуҫаланӗ?

Паян ирхине республикипех 30 градусран ытларах сивӗ пулнӑ. Паян ҫӗрле тата сивӗтӗ: 31-36 градус таранах. Вырӑнӑн-вырӑнӑн 40 градус таранах ҫитӗ. Ыран та кунӗпех шартлама сивӗ пулӗ.

Термометр кӑтартнӑ тӑрӑх, юнкун ӑшӑтма пуҫлӗ, кӑнтӑрла 20 градус пулӗ. Анчах кӑнтӑр енчен вӗрекен ҫил вӑйланнӑран 30 градус сивӗ пек туйӑнӗ. Кӗҫнерникун-шӑматкун 20 градус пулӗ. Кӑрлачӑн 12-14-мӗшӗсенче термометр 10-15 градус кӑтартӗ.

Вырсарникун 12-17 градус сивӗ пулӗ, ҫил лӑпланӗ. Малтанлӑха пӗлтернӗ тӑрӑх, ҫитес эрне ӑшӑ тӑрӗ, 2-7 градус сивӗ пулӗ.

Кӑҫал ҫанталӑк мӗнле пулассине, паллах, тӗп-тӗрӗс палӑртма ҫук. Ҫапах синоптиксем мӗн каланине тимлер.

Хӗл мӗн вӗҫлениччен сивӗ ҫанталӑк тӑрӗ. Ҫуркунне вара типӗ те ӑшӑ килмелле. Анчах пуш уйӑхӗнче нӳрӗк нумай пулмалла. Эппин, ҫил-тӑман вӗҫтерӗ, юр ҫӑвӗ.

Ҫулла та сивӗрех кунсем пулӗҫ. Уйрӑмах - утӑ тата ҫурла уйӑхӗсем. Ҫӗртме пуҫламӑшӗнче ҫумӑр ҫӑвӗ, сывлӑш температури те нормӑран пӗчӗкрех пулӗ.

Кӗркунне ӑшӑ та типӗ килмелле. Тепӗр хӗл вара сивӗ, юрсӑр ҫанталӑкран пуҫланӗ.

Раштав уйӑхӗн 9-мӗшӗнченпе республикӑра ӑшӑ ҫанталӑк тӑчӗ. Нормӑран 3,5 градус ӑшӑрах пулнӑ.

Пирӗн пата халӗ антициклон килет. Синоптиксем пӗлтернӗ тӑрӑх, вӑл уйӑх тӑршшӗпех тытӑнса тӑма пултарӗ. Сивӗ ҫанталӑк вӑрах вӑхӑт тӑни юлашки хутчен 2010 ҫулта пулнӑ. 2006 ҫулта чи сивӗ ҫанталӑк пулнӑ. Ун чухне Шупашкарта термометр 34,7 градус кӑтартнӑ. Кӑҫал ҫакнашкалах сивӗ пулма пултарӗ.

Ҫанталӑк сивӗтни кӗҫӗрех туйӑнӗ. Ыран ҫӗрле 21-26 градус таран сивӗтӗ. Ҫиле пула тата сивӗрех пек туйӑнӗ. Ӑна пула канмалли кунсенче 35-40 градус таран сивӗ пек туйӑнӗ.

Вырсарникун ҫӗрле Шупашкарта термометр 35 градус кӑтартӗ. Районсенче тата сивӗрех пулӗ. Тунтикун кӑнтӑрла 23-28 градус сивӗ тӑрӗ.

Кӑрлач уйӑхӗ ӑшӑ ҫанталӑкран пуҫланчӗ. Ку уйӑх мӗнле иртессине синоптиксем палӑртнӑ.

Кӑрлач 4 пая пайланӗ, кашни эрнере ҫанталӑк улшӑнӗ. Кӑрлачӑн 8-мӗшӗччен ӑшӑ пулӗ, юр ҫӑвӗ.

Кайран пирӗн пата антициклон килӗ, вӑл чӑннипех те сивӗ ҫанталӑк илсе килӗ. Кӑрлачӑн 10-11-мӗшӗсенче 30 градус таранах сивӗтме пултарӗ. Ун чухне уяр ҫанталӑк тӑрӗ.

Кӑрлачӑн 17-мӗшӗнче каллех юр ҫума, ҫил-тӑман вӗҫтерме тытӑнӗ. Кун пек ҫанталӑк 7 кун тӑрӗ. Кӑрлачӑн юлашки эрни каллех сивӗ пулӗ. Термометр Шупашкарта та 35 градус таран кӑтартма пултарӗ. Анчах кун пек ҫанталӑк пулмасан та пултарӗ.

Кӑрлач уйӑхӗнче 20 сантиметр хулӑнӑш юр ҫӑвӗ.

Ҫӗнӗ ҫулти каникулта пире мӗнле ҫанталӑк кӗтет? Синоптиксем пӗлтернӗ тӑрӑх, раштавӑн 31-мӗшӗнче 4-5 сантиметр хулӑнӑш юр ҫума пултарать.

Кӑрлачӑн 1-мӗшӗнче 0 градус пулӗ, ҫумӑр ҫума пултарӗ. Кӑрлачӑн 3-мӗшӗнче ҫӗрле каллех юр ҫуса лартӗ. Кайран каникул вӗҫлениччен юрсӑр сивӗ ҫанталӑк тӑрӗ. Кӑрлачӑн 5-мӗшӗнче кӑна кӑштах юр ҫӑвӗ. Ҫав кунах пӗлӗтсен ҫӳллӗшӗнче 19 градус таран сивӗтӗ.

Кӑрлачри канмалли кунсенче республикӑра пӗрремӗш хут 30 градус сивӗ пулма пултарать.

Ҫанталӑк ӑшӑтрӗ. Синоптиксем пӗлтернӗ тӑрӑх, вырсарникун республикӑра 10 сантиметр хулӑнӑш юр ҫума пултарать.

Ыран ҫил вӑйланӗ, ҫумӑр тата юр ҫӑвӗ. Вырсарникун вара юр ӳкӗ. Канмалли кунсенче ӑшӑтни, юр ҫуни йӑлана кӗчӗ темелле ӗнтӗ.

Тунтикун каҫхине сивӗтме пуҫлать, термометр 12 градус таран кӑтартӗ. Юнкунччен сивӗ пулӗ. Эрнен иккӗмӗш ҫурринче каллех ӑшӑтма, юр ҫума пуҫлӗ. Раштавӑн 30-31-мӗшӗсенче 0 градус патнелле пулӗ. Ҫӗнӗ ҫул каҫхине 10 градус сивӗ тӑрӗ.

cap.ru сӑнӳкерчӗкӗ

Чӑваш Енри сунар инспекторӗсене патруль автомобилӗсем валеҫсе панӑ.

«Ҫӗнӗ техника ҫутҫанталӑк саккунне пӑсакансемпе тухӑҫлӑ кӗрешме пулӑшасса шанатӑп», — тенӗ ҫутҫанталӑк ресурсӗсен тата экологи министрӗ Эмир Бедертдинов.

Ҫутҫанталӑк министерствин ертӳҫи палӑртнӑ тӑрӑх, автопарка 2019 ҫултанпа ҫӗнетмен. Чӑваш Ен Правительстви пулӑшнипе республика хыснинчен тепӗр 5 миллион тенкӗ ытла уйӑрнӑ. Вӑл укҫапа «NIVA TRАVEL» маркӑллӑ 2 машина тата «NIVA LEGEND» маркӑллине 3 автомобиль туянма май килнӗ.