|
Республикӑра
 cap.ru сӑнӳкерчӗкӗ Канаш округӗнчи Шӑхасан ялӗнче пурӑнакан Николайпа Ксения Николаевсем 50 ҫул пӗрле пурӑнаҫҫӗ. Вӗсен юратӑвӗ шкултах пуҫланнӑ, иккӗшӗ те пӗр ялта, Тури Сурӑмра, ҫуралса ӳснӗ. Шкул хыҫҫӑн Николая Казахстана тракториста вӗренме янӑ. Икӗ тус пӗр-пӗрин патне ҫыру ҫӳретнӗ. Ҫӗнӗ ҫулта каччӑ хӗре юратнине пӗлтернӗ. Николай Николаевичпа Ксения Степановна 3 ача ҫуратса ӳстернӗ. Упӑшки водительте ӗҫленӗ, арӑмӗ вырӑнти пульницӑра медсестра пулнӑ. Николаевсем халӗ те ахаль лармаҫҫӗ: кил хуҫалӑхне тытса пыраҫҫӗ, ялти культура ҫуртне ҫӳреҫҫӗ. Николай Николаевич купӑс калать, Ксения Степановна алӑ ӗҫӗпе аппаланма юратать. Хыпар ҫӑлкуҫӗ:
|
|
Пӑтӑрмахсем
 ҪҪХПИ тунӑ сӑн Паян 16 сехет тӗлӗнче тӳлевлӗ М-12 ҫул ҫинче, Чӑваш Ен чиккинчен инҫех мар, авари пулнӑ. Пӗр машини - чӑваш номерӗллӗ. Унта ГАЗель тата БМВ ҫапӑннӑ. Иномарка - Чӑваш Енри. Машинӑсем вӑйлах ҫапӑннӑ. Малтанлӑха пӗлтернӗ тӑрӑх, аварире икӗ ҫын вилнӗ. Пӗри - иномаркӑри хӗрарӑм, тепри - ГАЗельти пассажир. Хыпар ҫӑлкуҫӗ:
|
|
Сывлӑх
 "Контактри" сӑн Шупашкарта пурӑнакан Павел парапланпа вӗҫме юратать. Унпа вӑл 10 ҫул ытла кӑсӑкланать. Утӑ уйӑхӗн 7-мӗшӗнче вӑл чутах вилмен. Иккӗмӗш хут ҫуралнӑ тейӗн. Ҫав кун вӑл Мари Эла Аламнер тӑвӗ ҫине вӗҫнӗ. Тахӑш самантра вӑл параплана итлеттерме пӑрахнӑ, ӳкме пуҫланӑ. Унтан тӑнне ҫухатнӑ. Ҫӗр ҫине ӳкиччен 3 ҫеккунт маларах ҫеҫ тӑна кӗнӗ. Павелӑн шӑммисем хуҫӑлнӑ, 3-мӗш степень травма шокӗ пулнӑ. 3 кун реанимацире выртнӑ хыҫҫӑн ӑна операци тунӑ. Тухтӑрсем ваннӑ шаммисене пайӑн-пайӑн темиҫе сехет пуҫтарнӑ. Шурӑ халатлисем Павел утма-чупма кӑна мар, вӗҫме те пултарасса шантараҫҫӗ. Хыпар ҫӑлкуҫӗ:
|
|
Республикӑра
 cap.ru сӑнӳкерчӗкӗ Шупашкарта ҫурла уйӑхӗн 14-мӗшӗнче республика шайӗнчи «Автоледи» конкурс иртет. Унта хӗрарӑм водительсене хутшӑнма чӗнеҫҫӗ. Хутшӑнас кӑмӑллисен водитель прави, ОСАГО полис тата, паллах, машинӑпа ҫӳрес енӗпе опыт пулмалла. Хӗрарӑм водительсем ҫул-йӗр правилисене мӗнле пӗлнине тӗрӗслӗҫ. Вӗсен пултарулӑх конкурсӗнче те тупӑшма тивӗ. Заявкӑсене ҫурла уйӑхӗн 10-мӗшӗччен йышӑнаҫҫӗ. Тӗплӗнрех ҫак номерпе ыйтса пӗлме пулать: 8 (8352) 37-37-77. Хыпар ҫӑлкуҫӗ:
|
|
Спорт
 cmh.ru сайтри сӑн Нумаях пулмасть Мускав ҫывӑхӗнчи Раменск хулинче Пӗтӗм Раҫҫейри «Дерби» ӑмӑрту иртнӗ. Унта рысак лашасем тупӑшнӑ. Питӗ лайӑх хыпар! Чӑваш Енри Грегори РМ ятлӑ лаша хуҫипе Вадим Кулыгинпа ҫӗнтернӗ. Вӑл 2400 метра пӗрремӗш чупса тухнӑ. Сӑмах май, Грегори РМ кӑрлач уйӑхӗнче хӗллехи «Дербире» ҫӗнтернӗ. Ҫак лаша Етӗрнери лаша савутӗнче кун ҫути курнӑ. 2021 ҫулта вӑл аукционра чи хаклӑ лот пулнӑ, 3,55 миллион тенкӗпе сутӑннӑ. Каласа хӑварар: юлашки хутчен «Дербире» Карнавал ятлӑ лаша 2005 ҫулта ҫӗнтернӗ. Хыпар ҫӑлкуҫӗ:
|
|
Пӑтӑрмахсем
 chuvashia.sledcom.ru сӑнӳкерчӗкӗ Шупашкар хулинче пурӑнакан 34 ҫулти арҫын амӑшне вӗлернӗ. Кӑҫалхи ҫу уйӑхӗн 4-мӗшӗнче вӑл ӳсӗр пулнӑ. Амӑшӗпе харкашма тытӑннӑ. 58 ҫулти хӗрарӑма вӑйпитти этем хытах хӗнесе пӗтернӗ. Шар курнине пульницӑна ӑсатнӑ-ха, анчах вӑл унта реанимаци уйрӑмӗнче куҫне ӗмӗрлӗхе хупнӑ. Усал арҫын тӗлӗшпе РФ Пуҫиле кодексӗн 105-мӗш статйин 1-мӗш пайӗпе айӑпласа суд 7 ҫуллӑха хупса хумалла тунӑ. Хыпар ҫӑлкуҫӗ:
|
|
Культура
 culture.cap.ru сӑнӳкерчӗкӗ Чӑваш Енӗн Наци вулавӑшӗ ҫамрӑк поэтсен «Мцыри» пӗтӗм Раҫҫейри XX уҫӑ фестивалӗн регионти тапхӑрне ирттерет. Фестивале йӗркелекенӗсем «Мцыри» НП, «Потенциал нации» (чӑв. Наци хӑвачӗ) общество канашӗ, Мускаври культура ӗҫченӗсен профессие союзӗ, Литература ӗҫченӗсен «Русское литературное общество» (чӑв. Вырӑс литература обществи) ассоциацийӗ. Ку фестивале шучӗпе 20-мӗш хут ирттерсен те суйлав турне Чӑваш Ен пуҫласа хутшӑнать. Вӑл куҫӑнсӑр тата куҫӑн тапхӑрсенчен тӑрӗ. Ҫурла уйӑхӗн 1-мӗшӗнчен пуҫласа авӑн уйӑхӗн 10-мӗшӗччен куҫӑнсӑр пай иртӗ. Унта Чӑваш Енре тата Атӑлҫи тӑрӑхӗнче пурӑнакан 14-27 ҫулсенчи ҫамрӑксем хутшӑнайӗҫ. Хыпар ҫӑлкуҫӗ:
|
|
Республикӑра
 cheb-centr.soc.cap.ru сӑнӳкерчӗкӗ Чӑваш Енре пурӑнакан сахал тупӑшлӑ ҫемьесенчи ачасем тӳлевсӗр е путевкӑн 5 процентне саплаштарнипе ҫуллахи уйлӑхсенче канайӗҫ. Шупашкар хулинчи халӑхӑн социалла ыйтӑвӗсене тивӗҫтерекен комплекслӑ центр тӑваттӑмӗш смена валли 102 путевка парассине пӗлтерет. Унсӑр пуҫне 2024 ҫулхи пиллӗкмш тата улттӑмӗш сменӑсенче ачасем канма пултарӗҫ. Хыпар ҫӑлкуҫӗ:
|
|
Персона
 culture.cap.ru сайтри сӑнӳкерчӗк Шупашкарта ҫуралса ӳснӗ Ульяна Самохина пӗчӗк чухне сцена ҫине тухма питӗ ӗмӗтленнӗ. Пултаруллӑ та талпӑнуллӑ пике ҫав ӗмӗтпе С.М. Максимов ячӗллӗ ача-пӑча музыка шкулӗнче вӗреннӗ, унтан — Шупашкарти музыка училищинче. Халӗ вара вӑл Санкт-Петербругри Н.А. Римский-Корсаков ячӗллӗ консерваторире опера юрӑҫин пултарулӑхне ӑша илет. Шупашкарти музыка училищинче пике «Флейта» тата «Академи юрри» уйрӑмсенче пӗлӳ илнӗ, тӗрлӗ конкурса ун чухнех хастар хутшӑннӑ. Нумаях пулмасть вӑл Патшалӑх ӳнер музейӗнчи куракансем умне классика музыкин концерчӗпе тухнӑ. Хыпар ҫӑлкуҫӗ:
|
|
Республикӑра
 t.me/chuv_kray каналтан илнӗ сӑнӳкерчӗк Шупашкарти нумай ачаллӑ хӗрарӑм Чӑваш Ен чысне Раҫҫейри конкурсра хӳтӗлӗ. «Миссис Раҫҫей 2024» илем конкурсне хутшӑнаканни — 43 ҫулти Оксана Гаус. Вӑл — виҫӗ ача амӑшӗ тата ӑнӑҫлӑ цифра коучӗ. Чипер те яштака хӗрарӑм 2022 ҫулта Чӑваш Енре илем конкурсӗнче ҫӗнтернӗ, 2023 ҫулта «Персона года / Женщина года» (чӑв. Ҫулталӑкри персона / Ҫулталӑкри хӗрарӑм) ) премие тивӗҫнӗ. Вӑл ҫӑмӑл атлетика енӗпе тӗнче класлӑ спорт мастерӗ, йӗтре тӗртессипе тата диск ывӑтассипе темиҫе хутчен те Раҫҫей чемпионки тата Чӑваш Ен рекордсменки пулса тӑнӑ. Хыпар ҫӑлкуҫӗ:
|
+18.3 °C