Михаил Захаров


Захаров Михаил Иванович 1924 çулхи çу уйăхĕн 12-мĕшĕнче Тутар Республикин Нурлат районĕнчи Ялавăр ялĕнче çуралнă. Тăван çĕршывăн аслă вăрçине хутшăннă, йывăр аманнă, сĕм суккăр пулса юлнă. Киле таврăнсан, малтан та сăвăсем çырнăскер çак ĕçе малалла тăснă. 1971 çулта унăн Чăваш кĕнеке издательствинче «Юрла, чĕрем» кĕнеки тухнă. Вăл çырнисем Шупашкар, Хусан, Чĕмпĕр хаçачĕсемпе журналĕсенче тăтăшах пичетленнĕ. Композиторсем ун сăввисемпе юрăсем кĕвĕленĕ. Г.Хирбю кĕвве хывнă «Куккук каллех авăтма пуçларĕ» юрă чăвашсем хушшинче уйрăмах анлă сарăлнă.

Сăвăç хăй купăс каласа, хăй юрласа Нурлат районĕнчи ялсем тăрăх концертсем лартса тăтăшах çӳренĕ. М.Захаров 1982 çулта вилнĕ.


Хайлавĕсем