Чăваш чĕлхи


Тус-тăванпа — уяв тулли,

Савăнăçпа юрлать чĕрĕм.

Тăван чĕлхе — чăваш чĕлхи

Юрăпалла тĕрленнĕрен.

 

Уйра-хирте ĕç шав тулли —

Чăваш хастарлăхĕ малта.

Тăван чĕлхе — чăваш чĕлхи

Ĕçре туптаннă авалтан.

 

Çут çăлтарсем карти-карти

Мĕн ĕмĕртен тăраç çунса.

Тăван чĕлхе — чăваш чĕлхи

Янрать мухтавлă космосра.

 

Таçта кайсан та çул çути

Ертсе пырать пире малта.

Тăван чĕлхе — чăваш чĕлхи

Вĕçет вăл халь малтан-мала.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: