Чăваш чĕлхи


Тĕнчене тасатрĕ ирĕк вут-кăварĕ,

Çут тĕнче çӳралчĕ, иртрĕ авалхи.

Тĕттĕмĕ тĕп пулчĕ, мăшкăл иртсе кайрĕ –

Тин ирĕке тухрăн, тĕп чăваш чĕлхи!

 

Миçе ĕмĕр витĕр асаппа тухмарăн,

Миçĕ çичĕ ютăн мăшкăлĕ пулса…

Çапах паттăр юлтăн, вăйна çухатмарăн,

Халь те пулиен çивĕч, кăвартан таса.

 

Йывăр асапран та, тимĕр сăнчăртан та

Эсĕ парăнмасăр хăтăлтăн пулсан, –

Пулас пурнăçра та çивĕчпе хăватлăх

Ют чĕлхесенчен кая пулме сан.

 

Кăмăллă çĕршывăн кăмăллă чĕлхиçĕм!

Иртнĕ хурлăхушăн çитĕ ырлăху:

Хĕрлĕ хĕрнĕ хурçă, çунтаракан çиçĕм,

Вĕри вутлă çулăм эсĕ пулăн ху.

 

Аслă Атăл урлă, __Атăл__ шывĕ майĕ,

Вăрман витĕр кайĕ мухтавлă яту;

Кĕсле кĕвви саслă янраттарса кайĕ,

Уйăхăн-хĕвелĕн çунĕ хăвату.

 

Атăл хумĕсенĕн шавланисене те,

Хăвна та ӳстернĕ ват Шупашкара,

Ирĕклĕ çĕршывăн ырă ирĕкне те

Юра хывса мухтăн асăнса вара.

 

Сана шанаканĕ, çакна çыраканĕ

Çĕр айĕнче выртĕ тăлăххăн ун чух,

Хăй çийĕнчи çĕрĕ ăна пусса анĕ,

Сан чапна курмасшкăн тăма пулас çук.

 

Ун çинче чăвашăн чĕлхи чапĕ пулĕ,

Тăпри çинче янрĕ ирĕклĕх юрри, –

Вара вильнĕскере канлĕ-канлĕ выртĕ,

Канлĕ, çăмăл пулĕ çийĕнчи тăпри.

Çавăн пекех пăхăр

Вулавçăсен шухăшĕ Вулавçăсен шухăшĕ


Анна (2015-11-24 21:04:59):

Кунта йăнăшсем пур:

1) 2-мĕш йĕркере çӳралчĕ мар ĕнтĕ – çуталчĕ;

2) 8-мĕш йĕркере кирлĕ мар сас палли кĕрсе ларнă: пулиЕн мар – пулин

3) юлашки çаврари 3-мĕш йĕркере ĕ тăрри сиксе юлнă: вилнĕскерĕ пулмалла.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Agabazar (2015-11-27 16:02:13):

Вилнĕскерĕ тенинче "л" хыççăн "ь" пулмалла мар.

 

такам (2016-11-23 07:21:24):

Виççĕмĕш çаврари юлашки йĕркере "пулмЕ" вырне "пулмĕ" кирлĕ.

 

такам (2016-11-23 07:37:17):

Тата вуласа тухрăм та - тӳрлетмелли пайтах кунта.

1) 1-мĕш çаврара "çӳралчĕ" - мĕне пĕлтерет пĕлместĕп;

2) 3-мĕш çаврара "пулмЕ", "ĕ" кирлĕ

3) 7-мĕш çаврара юлашки йĕркинче "курмаСшкăн", "с" кирлĕ мар

4) юлашки çаврари "вилЬнĕскерЕ", "ь" кирлĕ мар, "Е" вырăнне "ĕ" кирлĕ.

 

Agabazar (2016-11-25 03:59:13):

Тĕрĕс, йăнăшсене тӳрлетмелле. Анчах авторне хăйне, — вăл ЮРИ çапла çырнă пулсан, — "пулăшма" кирлĕ мар. Кунта кăтартнисенче пуринче те ун пек япаласем пирки мар сăмах пырать.

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: