«Наци кросне» ирттересси йӑлана кӗнине Чӑваш халӑх сайчӗ пӗлтернӗччӗ. Кӑҫал вӑл паян, авӑн уйӑхӗн 21-мӗшӗнче, пулчӗ. Мероприятие републикӑри районсемпе хуласенче пухӑннипе пӗрлех Шупашкарта та пуҫтарӑннӑ.

Пӗтӗм Раҫҫейӗпе иртекен чупӑвӑн Шупашкарти тӗп стартне Атӑл кӳлмекӗ хӗрринчи Юрӑ уйӗнче йӗркеленӗ. Ӑмӑртӑва уҫма Лана Прусакова фристайлистка хутшӑннӑ. Чӑваш Ен Элтеперӗ Михаил Игнатьев тата ыттисем те пулнӑ.

«Наци кросне» тухнисем ҫулне кура тӗрлӗ инҫӗшне ҫӗннӗ: 1, 3, 4, 6, 8, 12 километра. Чӑваш Ен Правительствинче ӗҫлекенсем те яланхиллех старта тӑнӑ. Светлана Енилина премьер-министр финишра палӑртнӑ тӑрӑх, тӳре-шара мала тухма тӗллев лартман, халӑхпа пӗрле пулас тенӗ.

#спорт, #ӑмӑртусем, #Элтепер, #спортсменсем, #фристайл, #Шупашкар, #тӳре-шара