gorodglazov.com сайтри сӑн

Ҫанталӑк шӑрӑх тӑрать. Ҫынсем шывра чӑмпӑлтатса уҫӑлаҫҫӗ. Анчах шыв ҫинче инкек пуласси те часах. Республикӑра 3 кунра пилӗк ҫын путса вилнӗ.

Ҫурлан 4-мӗшӗнче Шупашкарта тӗп пляжра Атӑлтан арҫын виллине кӑларнӑ. Тепӗр кунхине ГЭС патӗнче Ҫӗнӗ Шупашкарти 46-ри арҫын путса вилнӗ. Вӑл ӳсӗрле шыва кӗнӗ. Ҫав кунах Елчӗк районӗнче 47 ҫулти арҫыннӑн пурнӑҫӗ шыва кӗнӗ чухне татӑлнӑ.

Ҫурлан 6-мӗшӗнче Улатӑр районӗнче 47 ҫулти арҫын путнӑ. Ҫав кунах Комсомольски районӗнче 49-ти хӗрарӑм шывран тухайман.

#Елчӗк районӗ, #Комсомольски районӗ, #Шупашкар, #пӑтӑрмахсем, #Ҫӗнӗ Шупашкар, #Атӑл