t.me/gazetatavanen каналтан илнӗ сӑнӳкерчӗк

Шупашкар муниципалллӑ округӗнчи Кӳкеҫре ҫак кунсенче шкул ҫуртне ҫине тӑрса хӑпартаҫҫӗ. Ӑна кирпӗчрен купаласа. Кирпӗч хуракансем сивӗре те, ҫил-тӑманта та ӗҫлеҫҫӗ. Ирех ӗҫе кӳлӗнсе каҫченех тӑрмашаҫҫӗ вӗсем. Электричество ҫутипе те вӑй хураҫҫӗ.

Район центрӗнчи виҫҫӗмӗш шкул пулмалли ҫурта епле хӑпартнипе ҫак эрнере вырӑнти тӳре-шара паллашнӑ.

Шкул 825 ача вӗренмелӗх пулӗ. Ӑна «Регионжилстрой» компани хӑпартать. Строительствӑра 120 ытла ҫын тӑрӑшать. Шкула 2024 ҫулта туса пӗтермелле.

#Шупашкар районӗ, #строительство, #шкулсем, #Кӳкеҫ