Инкеклӗ лару-тӑру министерстви тунӑ сӑн

Улатӑр юханшывӗнче 38 ҫулти пулӑҫ путса вилнӗ. Ку инкек ӗнер, утӑ уйӑхӗн 9-мешӗнче, пулнӑ.

Арҫын Тверь облаҫӗнчен Чӑваш Ене хӑнана килнӗ. Хайхискер ӳсӗр пулнӑ, вӑл тусӗпе, хӗрарӑмпа, тата унӑн шӑллӗпе пулӑ тытнӑ. Арҫын юраман ҫӗрте шыва кӗме шухӑшланӑ, шыва кӗме юраманни пирки асӑрхаттарса ҫырса ҫакнӑ табличкӑсем пулни те ӑна тытса чарман. Анчах вӑл темиҫе метр ишнӗ те путма пуҫланӑ. Ҫыран хӗрринчисем ӑна пулӑшма хӑтланнӑ, анчах усси пулман.

Вырӑна ҫӑлавҫӑсем ҫитнӗ. Унӑн виллине водолаз тупнӑ.

#пӑтӑрмахсем, #Улатӑр, #пулӑҫсем