Сайта кӗр | Регистраци | Сайта кӗрсен унпа туллин усӑ курма пулӗ
 +17.3 °C
Ача-пӑчан пӗр шухӑш, ваттӑн ҫӗр шухӑш.
[ваттисен сӑмахӗ]
 

Хыпарсем: тухтӑрсем

Сывлӑх
cheboksari.bezformata.com сайтри сӑн
cheboksari.bezformata.com сайтри сӑн

Мари Элте пурӑнакан, ача кӗтекен хӗрарӑма Шупашкарти Президент пепкелӗх центрӗн тухтӑрӗсем пулӑшнӑ. Ҫав хӗрарӑм ЭКО тунӑ, ӑна икӗ эмбрион лартнӑ, кайран варта лешсем тата икке пайланнӑ. Ҫапла унӑн варӗнче 4 пепке аталанма тытӑннӑ.

Анчах ҫак хӗрарӑм сывлӑхне кура тӑватӑ пепкене йӑтса ҫӳрейменнине палӑртнӑ. Ҫавна май тухтӑрсем иккӗшне ҫеҫ хӑварма йышӑннӑ. Кунашкал операцие вара – эмбрионсен редукцине – ятарлӑ пепкелӗх центрӗсем ҫеҫ тӑваяҫҫӗ. Ҫапла Мари Эл хӗрарӑмӗ Шупашкара лекнӗ. Пирӗн хулара вӑл – пӗрремӗш хут.

Операци ӑнӑҫлӑ иртнӗ. Хӗрарӑма киле кӑларнӑ. Халӗ вӑл йӗкӗреш ҫут тӗнчене килессе кӗтет.

 

Республикӑра
Зоя Григорьева. t.me/mintrud_21 сӑнӳкерчӗкӗ
Зоя Григорьева. t.me/mintrud_21 сӑнӳкерчӗкӗ

Чӑваш Енӗн Ӗҫ тата социаллӑ хӳтлӗх министерствин Ача-пӑча реабилитаци центрӗн директорӗ пулма Зоя Григорьевӑна шаннӑ.

Зоя Алексеевна — Чӑваш Республикин сывлӑх сыхлавӗн тава тивӗҫлӗ ӗҫченӗ.

Ӗҫ биографине врач-педиатртан пуҫӑннӑ. Патшалӑхӑн граждан службинче 1996 ҫулта ӗҫлеме пуҫӑннӑ. Чӑваш Енӗн Сывлӑх сыхлав министерствинче амӑшӗпе ачисене медицина пулӑшӑвӗ паракан пай пуҫлӑхӗнче чылай ҫул ӗҫленӗ.

Ача-пӑча реабилитаци центрӗн директорӗнче унччен Елена Шафейкина тӑрӑшнӑ. Сывлӑх сыхлав тата социаллӑ аталану тытӑмӗнче Елена Васильевна 40 ҫул ытла ӗҫленӗ.

Хыпар ҫӑлкуҫӗ: https://t.me/mintrud_21/1215
 

Сывлӑх
cheb.mk.ru сӑнӳкерчӗкӗ
cheb.mk.ru сӑнӳкерчӗкӗ

«Васкавлӑ медицина пулӑшӑвӗн больници» хысна учрежденийӗн виҫӗ тухтӑрне Чӑваш Ен Элтеперӗ Олег Николаев патшалӑх наградисемпе чыслама йышӑннӑ.

«Чӑваш Республикин тава тивӗҫлӗ врачӗ» ята нейрохирурги пайӗн заведующине Леонид Овечкин нейрохирурга, 1-мӗш гинекологи уйрӑмӗн заведующине Михаил Щепелев акушер-гинеколога панӑ. Неврологи уйрӑмӗн аслӑ медсестри Тамара Филипчик «Чӑваш Республикин сывлӑх сыхлавӗн тава тивӗҫлӗ ӗҫченӗ» ята тивӗҫнӗ.

 

Сывлӑх

Ракӑн ятарлӑ паллисем ҫук та темелле. Чылай чухне ҫак амак ытти чир хыҫне пытанать. Республикӑн онкологи диспансерӗнче шӑпах ҫавӑн пек пациентсенчен пӗрне пулӑшнӑ та.

45 ҫулти арҫын пыр ыратнипе аптӑранӑ, апат ҫӑтнӑ чух та ӑна кансӗр пулнӑ. Вӑл тӗрӗсленме пульницӑна кайнӑ. Тухтӑрсем усал шыҫӑ мар-ши тесе ӑна Республикӑн онкологи больницине кайса килме сӗннӗ.

Чӑн та, рак пулнӑ. Пыр патӗнчен усал шыҫӑ чӗлхе ҫине куҫнӑ. Рак 3 стадие ҫитнӗ. Арҫынна халӗ операци тунӑ, усал шыҫҫӑ касса илнӗ.

 

Сывлӑх

Пӗтӗм Раҫҫейри тухтӑрсен конкурсне пӗтӗмлетнӗ. «Чи лайӑх анестезиолог-реаниматолог» номинацире Президент пепкелӗх центрӗнче ӗҫлекен Екатерина Степанова виҫҫӗмӗш вырӑн йышӑннӑ.

Вӑл тин ҫуралнӑ ачасен интенсивлӑ терапи уйрӑмӗнче ӗҫлет. Екатерина Степанова 16 ҫул ӗнтӗ пепкесен пурнӑҫне ҫӑлать.

Вӑл ача чухнех тухтӑр пулма ӗмӗтленнӗ. И.Н.Ульянов ячӗллӗ ЧПУн медицина факультетӗнче педиатри уйрӑмӗнчен вӗренсе тухсан Президент пепкелӗх центрне ӗҫе вырнаҫнӑ.

Хыпар ҫӑлкуҫӗ: https://pg21.ru/news/81167
 

Республикӑра
medicin.cap.ru сӑнӳкерчӗкӗсемпе усӑ курса Таисия Ташней хатӗрленӗ коллаж
medicin.cap.ru сӑнӳкерчӗкӗсемпе усӑ курса Таисия Ташней хатӗрленӗ коллаж

Комсомольски районӗнчи тӗп больницӑра ҫӗнӗ тӗп тухтӑр ӗҫе кӳлӗннӗ. Унпа республикӑн сывлӑх министрӗ Владимир Степанов видеоконференци ҫыхӑну мелӗпе ирттернӗ канашлура коллектива паллаштарнӑ.

Коллектив, тӗрӗссипе, хӑйӗн ҫӗнӗ пуҫлӑхне унччен те пӗлнӗ-палланӑ-ха. Инна Ефремова тӗп врачӑн медицина енӗпе заместитель пулса тӑрӑшнӑ. Тӗп врача лартиччен ҫав тивӗҫе пурнӑҫласа пынӑ.

Инна Ефремова 1993 ҫулта И.Н. Ульянов ячӗллӗ ЧПУран вӗренсе тухнӑ, «Сиплев ӗҫӗ» специальноҫа алла илнӗ. Терапевт специальноҫӗсӗр пуҫне вӑл кардиологи енӗпе аслӑ квалификациллӗ врач шутланать.

 

Сывлӑх
mk103.med.cap.ru сӑнӳкерчӗкӗ
mk103.med.cap.ru сӑнӳкерчӗкӗ

Пӑрачкав районӗнче пурӑнакан ача урама выляма тухсан йывӑр аманнӑ.

Ҫурла уйӑхӗн 15-мӗшӗнче 10 ҫулти ача тӑвайккинчен пысӑк хӑвӑртлӑхпа самокатпа ярӑнса анас тенӗ. Анчах ҫурта пырса ҫапӑнса чул стенана пуҫӗпе тӑрӑннӑ.

Ача суранланнӑ вырӑна тухтӑрсем 6 минутрах пырса ҫитнӗ. Вӗсем юн пусӑмне йӗркене кӗртессипе, чӗре таппине лайӑхлатассипе вырӑнтах ҫине тӑнӑ. Апла пулин те пуҫ мимине хытах амантнӑ ача тӑна кӗрсе пӗтеймен. Ӑна Ҫӗмӗрлери территорисем хушшинчи медицина центрӗнчен Республикӑн ача-пӑча клиника больницине илсе кайнӑ. Вӑл унта сипленет.

 

Сывлӑх

Шупашкарта тӑнне ҫухатнӑ арҫын патне васкавлӑ медпулӑшу сирена ҫутса хӑвӑрт ҫитнӗ.Сергей Васильев фельдшер тата Кирилл Мясников медбрат арҫын тӑнне кӑна ҫухатманнине, темле япалапа наркӑмӑшланнӑран комӑна кӗрсе ӳкнине ӑнланнӑ. Вӗсем реанимаци тума пуҫланӑ.

Пациент 5-10 минутлӑха сывлама пӑрахнине кура тухтӑрсем унӑн сывлав ҫулне аспираторпа тасатнӑ, сывлама пулӑшакан укол тунӑ. Ҫапах арҫын комӑран тахман. Анчах фельдшерпа медбрат сывлӑх кӑтартӑвӗсене йӗркене кӗртнӗ, унтан пульницӑна илсе кайнӑ. Лере пациента комӑран кӑларнӑ.

 

Сывлӑх
Сергей Васильев фельдшерпа Анна Павлова медсестра. cap.ru сӑнӳкерчӗкӗ
Сергей Васильев фельдшерпа Анна Павлова медсестра. cap.ru сӑнӳкерчӗкӗ

Васкавлӑ межпулӑшу службинче ӗҫлекен ҫамрӑк фельдшерсем Шупашкарти арҫыннӑн пурнӑҫне ҫӑлнӑ. Вӑл эмел ӗҫнӗ те унӑн аллерги пуҫланнӑ. Арӑмӗ часрах тухтӑрсене чӗннӗ.

Сергей Васильев фельдшерпа Анна Павлова медсестра васкавлӑ медпулӑшура нумай вӑхӑт ӗҫлемеҫҫӗ пулин те опыт пухма ӗлкӗрнӗ. Анафилактика шокӗпе вара пӗрремӗш хут тӗл пулнӑ.

Арҫыннӑн пырӗ шыҫӑнса кайнӑ, ҫавӑнпа ӑна сывлама йывӑрланнӑ, чӗре таппи чакнӑ, чӗре ӗҫӗ пӑсӑлнӑ. Фельдшерпа медсестра арҫынна шокпа кӗрешмелли процедурӑсем тунӑ. Кӗҫех унӑн сывлӑхӗ йӗркеленнӗ те ӑна пульницӑна илсе кайнӑ.

 

Сывлӑх

Вӑрнар районӗнчи ватӑ арҫын кӑштах ӗҫлекеленӗ те чӗри тӗлӗнчен ыратнине туйнӑ. Эмелне ӗҫмен, иртсе каять пуль тенӗ. Анчах унӑн сывлӑхӗ япӑхлансах пынӑ. Кӳрши вара васкавлӑ медпулӑшу чӗннӗ.

Арҫыннӑн миокард инфаркчӗ пулнӑ иккен. Унӑн онкологи чирӗ пулни лару-тӑрӑва тата кӑткӑслатнӑ. Светлана Васильева фельдшерпа Анна Осипова медсестра реанимобиль бригадине чӗннӗ. Ҫав вӑхӑтра вӗсем пациента ыратнине ирттерекен укол тунӑ, юн пусӑмне хӑпартнӑ.

Дмитрий Воробьевпа Сергей Кураков Наталия Кузьмина ертсе пынипе анестезиолог-медбратсем терапи ирттернӗ. Ҫапла вӗсем арҫыннӑн пурнӑҫне ҫӑлнӑ.

Хыпар ҫӑлкуҫӗ: https://vk.com/wall-191189036_1567
 

Страницӑсем: 1 ... 6, 7, 8, 9, 10, 11, 12, 13, 14, 15, [16], 17, 18, 19, 20, 21, 22, 23, 24, 25, 26, ... 53
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (06.07.2025 21:00) пӗлӗтлӗ ҫанталӑк, атмосфера пусӑмӗ 749 - 751 мм, 15 - 17 градус ӑшӑ пулӗ, ҫил 0-2 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере тӑшмансем ура хурасран асӑрханмалла, сирӗн тавра элек сарма пултараҫҫӗ. Сӑмах пама асӑрханӑр. Вӑхӑта ӗҫре ытлашши нумай ирттермелле мар. Чылай ӗҫ пурнӑҫлама ӑнӑҫлӑ эрне. Ӗҫ хыҫҫӑн киле ҫемье патне васкамалла,пӗччен пулмалла мар.

Утӑ, 06

1897
128
Григорьев Пётр Григорьевич, истори ӑслӑлӑхӗсен кандидачӗ ҫуралнӑ.
1939
86
Кульков Юрий Петрович, философи ӑҫлӑлӑхӗсен кандидачӗ ҫуралнӑ.
1939
86
«Ҫӗрпӳ хыпарҫи» хаҫатӑн 1000-мӗш кӑларӑмӗ тухнӑ.
1996
29
Сизов Пётр Владимирович, чӑваш ӳнерҫи ҫут тӗнчерен уйрӑлса кайнӑ.
2005
20
Петров Сергей Николаевич, Чӑваш Республикин тава тивӗҫлӗ тренерӗ вилнӗ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
хуть те кам тухсан та
пӗтӗм кил-йышпа тухаҫҫӗ
хуҫа хӑй
хӑнана ӑсатма никам та тухмасть
кил-йышри арҫын
ӑсатма тухни — ҫылӑх, юрамасть
хуҫа тарҫи
хӑни ҫулне ахаль те пӗлет, ӑсатмасӑр та
хуҫа арӑмӗ