Васкавлӑ медпулӑшу ӗҫченӗсене шалу ҫумне хушса тӳлеме йышӑннӑ.
Васкавлӑ медицина пулӑшӑвӗн тухтӑрӗсен малашне ӗҫ укҫи 11500 тенкӗ ытларах пулӗ, фельдшерсемпе медсестрасене вара 7000 тенкӗ хушса тӳлӗҫ. Васкавлӑ пулӑшу машинин водителӗсен шалӑвӗ 9000 тенкӗ ӳсӗ – ҫавӑн чухлӗ хушса тӳлӗҫ
Ку ырӑ йышӑну Чӑваш Енри васкавлӑ медпулӑшу тытӑмӗнче ӗҫлекен 655 ӗҫчене пырса тивӗ.
Росгварди офицерӗ тухтӑра пулӑшнӑ. Шурӑ халатли ултавҫӑсене укҫа куҫарса пама тӑнӑ. Вӑл вара ӑна ултавҫӑ серепине лекесрен хӑтарнӑ.
Ҫав кун полици подполковникӗ Гузель Кириллова больницӑна тӑванӗ патне килнӗ. Шӑпах ҫав вӑхӑтра тухтӑр телефонпа такампа калаҫнӑ, ӑна инвестици хывса укҫа ӗҫлесе илме сӗннине илтнӗ. 58 ҫулти хӗрарӑм 9 пин тенкӗ куҫарса пама ӗлкӗрнӗ те иккен.
Гузель тухтӑр ултавҫӑпа калаҫнине ӑнлантарма тӑрӑшнӑ. Анчах хӗрарӑм ӑна ӗненмен. Вара подполковник больницӑри хуралҫа чӗнсе тухтӑрӑн телефонне туртса илнӗ.
Шупашкарти Анна Павлова медсестра Крымра иртнӗ илем конкурсӗнче ҫӗнтернӗ.
«Крымри туризм мисӗ» конкурс Азов тинӗсӗн сулахай ҫыранӗн хӗрринче вырнаҫнӑ «Riga Village Resort» хӑна ҫуртӗнче иртнӗ.
Анна Павлова малтан топ-10 ушкӑна лекнӗ, унтан гран-прие ҫӗнсе илсе 450 000 пин тенкӗ укҫана.
23-ри хӗр Шупашкарти медицина колледжӗнчен вӗренсе тухнӑ, халӗ Чӑваш патшалӑх университетӗнче пиллӗкмӗш курсра вӗренет. Вӑл акушер-гинеколог пулма ӗмӗтленет. Вӗреннӗ вӑхӑтра Шупашкарти перинаталь центрӗнче медсестрара тӑрӑшать.
Вӑрнар районӗн больницине ҫамрӑк специалистсем ӗҫлеме килнӗ. Вӗсем хирургра вӑй хурӗҫ.
Ҫак ҫамрӑк специалистсем — Руслан Халековпа Анас Сулейман. Хӑйсем каланӑ тӑрӑх, вӗсем шавлӑ хулара мар, ялта пурӑнасшӑн.
Руслан – И.Н.Ульянов ячӗллӗ Чӑваш патшалӑх университетӗнчен вӗренсе тухнӑ. Анас вара Мари патшалӑх университетӗнче диплом илнӗ. Вӗсем иккӗшӗ те ординатурӑра хирурги енӗпе пӗлӗвне тарӑнлатнӑ.
Ҫамрӑк специалистсем ҫак кунсенче больницӑра хирурги уйрӑмӗнче ӗҫлеме тытӑннӑ.
12-ри арҫын ача чупнӑ чухне ӳкнӗ те суранланнӑ. Анчах вӑйлӑ ыратнипе тепӗр кунхине кӑна ӑна пульницӑна илме кайнӑ. Унӑн янах шӑмми хуҫӑлнӑ иккен.
Республикӑри ача-пӑча клиника пульницин тухтӑрӗсем ҫӑварӗ урлӑ ӑна операци тунӑ. Уйӑхран сиплев пуҫланнӑ. Ҫур ҫултан вара пластинӑна илнӗ – шӑмӑ сыпӑннӑ. Пичӗ ҫинче нимӗнле суран йӗрӗ те юлман.
Халӗ арҫын ача унчченхи пурнӑҫ патне майӗпен таврӑнать. Тухтӑрсем вӑл каллех йӑл кулма пултарасса шантараҫҫӗ.
Йӗпреҫ районӗнчи Алшик ялӗнче пурӑнакан 99 ҫулти ватта операци тума хатӗрленеҫҫӗ. Василий Иванов вӑрҫӑ ветеранӗн икӗ куҫӗ те япӑхнӑ. Унӑн катаракта пулнине палӑртна.
Республикӑри офтальмологи больницинчи тухтӑрсем катарактӑна тасатса ятарлӑ линза лартса янӑ хыҫҫӑн мучи унчченхинчен лайӑхрах курма пуҫланӑ. Унӑн куҫ чире тата пулнине кура ҫамрӑк чухнехи пек витӗр курма пуҫламан-ха, анчах унччен 8 процент ҫеҫ курна пулсан, хале 20 процент курать. Ҫавна май ватӑ ҫын тепӗр куҫне те операци тутарасшӑн. Тухтӑрсем вара хирӗҫ мар.
Шупашкарти пульницӑра 35 ҫулти арҫынна инсульт хыҫҫӑн каялла йӗркеллӗ пурнӑҫа таврӑнма пулӑшаҫҫӗ.
Андрей Шишкинӑн ишеми инсульчӗ пулнӑ. Тухтӑрсенчен вӑхӑтра пулӑшу ыйтнипе вӑл часах реабилитаци тухма тытӑннӑ. Халӗ вӑл мультидисциплинарлӑ бригада сӑнаса тӑнипе комплекслӑ сиплев витӗр тухать: физиосиплев, массаж, сиплев физкультури, медикаментозлӑ терапи. Тухтӑрсем унӑн сывлӑхӗнче лайӑх улшӑнусем пулнине палӑртаҫҫӗ.
«Тухтӑрсем патне килнӗшӗн ӳкӗнмерӗм. Кунта мана пулӑшаҫҫӗ, ӑнланаҫҫӗ», – ҫапла палӑртнӑ Андрей.
4 ҫулти арҫын ача сӑмсине батарейка чиксе янӑ. Ашшӗ-амӑшӗ ӑна хӑйсем тӗллӗн кӑларма хӑтланнӑ, анчах лару-тӑрӑва пушшех те кӑткӑслатнӑ — батарейка тата шаларах кӗрсе кайӑ. Тухтӑрсенчен пулӑшу ыйтма тивнӗ.
Республикӑри ача-пӑча клиникин хирургӗсем ачана наркоз витӗмӗпе эндоскопи операцийӗ тунӑ, сӑмсинчи батарейкӑна кӑларнӑ.
Лайӑх хыпар: Чӑваш Енри 7 тухтӑр Раҫҫей шайӗнчи конкурсра палӑрнӑ
Пӗрремӗш вырӑна «Чи лайӑх терапевт» номинацире — ЧР сывлӑх сыхлавӗн ҫӗнӗ министрӗ Лариса Тарасова, «Чи лайӑх хирург» номинацире Валентин Ворончихин мала тухнӑ.
Иккӗмӗш вырӑна анестезиолог-реаниматологсенчен — Дмитрий Лукоянов, стоматологсенчен — Любовь Гаврилова, виҫҫӗмӗш вырӑна травматолог-ортопедсенчен Юрий Лемаев йышӑннӑ.
Республикӑри онкодиспансерӑн тӗп тухтӑрӗпе Светлана Орловӑпа унӑн ҫумӗ Сергей Алексеев вара ятарлӑ премие тивӗҫ пулнӑ
Республикӑри кардиологи диспансерӗн виҫӗ кардиологӗ Эльбрус ҫине хӑпарнӑ.
Тухтӑрсем ҫӳллӗ тӑва пилӗк кун хушшинче парӑнтарнӑ: малтан климата хӑнӑхнӑ, кайран маршрутпа кайнӑ та финал тапхӑрне хатӗрленнӗ.
Пиллӗкмӗш кунхине вара вӗсем тинӗс шайӗнчен 5642 метр ҫӳллӗшне парӑнтарнӑ. ЧР Сывлӑх сыхлавӗн чӗрепе юн тымарӗсен тӗп хирургӗ Николай Трофимов каланӑ тӑрӑх, ҫулҫӳрев питӗ кӑсӑклӑ иртнӗ.
+9.3 °C