Чӑваш чӗлхи кунне Калининград облаҫӗнче те уявланӑ. Кун пирки «Пуринчен малтан» телеграм-канал пӗлтерет.
Уяв Полесье районӗнчи Ҫӗнӗ Ялта иртнӗ. Унта хӑнасем тӗрлӗ тӑрӑхран пухӑннӑ. Хӑнасене
вырӑнти тата Мускаври ансамбльсем юрӑ-ташӑпа савӑнтарнӑ. Чӑвашсене Калининград облаҫӗнчи ингушсен, якутсен, бурятсен, тутарсемпе пушкӑртсен тата ытти халӑхсен наци культура автономийӗн представителӗсем уявпа саламланӑ.
Юлашкинчен уявра «Катюша» юрра вырӑсла тата чӑвашла юрланӑ.
Аслӑ Ҫӗнтерӳ пулнӑранпа 80 ҫул ҫитнӗ май Шупашкарта, Сӗнтӗрвӑрринче ҫӗнӗ муралсем ӳкереҫҫӗ.
Сӗнтӗрвӑрринчи Николаев урамӗнчи 87-мӗш «а» ҫурт стени ҫине Ирӗке кӑларнӑ салтак палӑкне ӳкереҫҫӗ. Унӑн оригиналӗ Берлинта вырнаҫнӑ.
Шупашкарта ака уйӑхӗн пуҫламӑшӗнче «Ҫӗр Аннемӗр чӗнет!» палӑка ӳкерме пуҫланӑ. Вӑл Воробьев композиторсен урамӗнчи 5-мӗш ҫурт стени ҫинче пулӗ.
Элӗкри литературӑпа таврапӗлӳлӗх музейӗнче Иван Яковлев ҫуралнӑ куна халалласа «Янра, чӑваш чӗлхи!» мероприяти ирттернӗ.
Мероприятие Элӗкри ИЯ. Яковлев ячӗлӗ вӑтам шкулта вӗренекенсем, Элӗкри ача-пӑча ӳнер шкулӗн баянисчӗ Владимир Терентьев тата вырӑнти тӗрӗҫӗсем хутшӑннӑ.
Пухӑннисене музей директорӗ Ольга Алексеева саламланӑ, Иван Яковлевӑн пуян эткерлӗхне тата чӗлхине пысӑка хурса хакламаллине палӑртса хӑварнӑ. Музей специалисчӗ Светлана Железнова чӑваш тӗррипе паллаштарнӑ. Ачасем музейра ӗслекен «Чӑваш тӗрри – чи илемли» куравпа паллашма пултарнӑ.
Унтан ачасем чӑвашсен тӗрлӗ вӑййине вылянӑ тата «Линька- линька» ташланӑ.
Кораккассинчи Людмила Андреева ӑста хӑйӗн сӑввине вуласа панӑ.
Раҫҫей Федерацийӗн Геройӗ Н.А.Петров ячӗллӗ Елчӗкри пӗтӗмӗшле пӗлӳ паракан вӑтам шкулта Чӑваш чӗлхи кунне халалласа уяв иртнӗ. Кун пирки асӑннӑ тӑрӑхӑн сайтӗнче хыпарланӑ.
Уяв шкул директорӗн Л.Н.Васильеван саламӗпе пуҫланнӑ. Вӑл тӑван чӗлхене юратма, хамӑр чӑваш пулнипе мӑнаҫланма чӗнсе каланӑ.
Уявра тӗрлӗ юрӑ-кӗвӗ янӑранӑ. 1 «б» класра вӗренекен Екатерина Чернова юрлакан юрра куракансем уйрӑмах тӑвӑллӑн алӑ ҫупса йышӑннӑ, хӗрсен илемлӗ ташши те куракансене килӗшнӗ.
Кӑҫал Аслӑ Ҫӗнтерӗве тунӑранпа 80 ҫул ҫитнӗ май вӗренекенсем хӑйсем ҫырнӑ сӑввисене вуланӑ.
Раҫҫей Федерацийӗн Геройӗ Н.А.Петров ячӗллӗ Елчӗкри пӗтӗмӗшле пӗлӳ паракан вӑтам шкулта Чӑваш чӗлхи кунне халалласа уяв иртнӗ. Кун пирки асӑннӑ тӑрӑхӑн сайтӗнче хыпарланӑ.
Уяв шкул директорӗн Л.Н.Васильеван саламӗпе пуҫланнӑ. Вӑл тӑван чӗлхене юратма, хамӑр чӑваш пулнипе мӑнаҫланма чӗнсе каланӑ.
Уявра тӗрлӗ юрӑ-кӗвӗ янӑранӑ. 1 «б» класра вӗренекен Екатерина Чернова юрлакан юрра куракансем уйрӑмах тӑвӑллӑн алӑ ҫупса йышӑннӑ, хӗрсен илемлӗ ташши те куракансене килӗшнӗ.
Кӑҫал Аслӑ Ҫӗнтерӗве тунӑранпа 80 ҫул ҫитнӗ май вӗренекенсем хӑйсем ҫырнӑ сӑввисене вуланӑ.
Кӑҫал Шупашкарта «Вилӗмсӗр полк» акци онлайн мелпе мар, ахаль чухнехи пек иртӗ. Вӑл ҫу уйӑхӗн 9-мӗшӗнче, Ҫӗнтерӳ кунӗнче, пулӗ.
Акцие хутшӑнакансене ҫав кун Наци вулавӑшӗ умӗнче 11 сехетре кӗтеҫҫӗ. 12 сехет те 20 минутра утма тытӑнӗҫ.
Сӑмах май, Ҫӗнӗ Шупашкарта ку массӑллӑ мероприятие ирттермессине пӗлтернӗ. Ҫакна хӑрушсӑрлӑхпа ҫыхӑнтарнӑ.
Шупашкарти йывӑҫсене 4 ҫул сӑрламан. Ку ӗҫе Алексей Ладыков хула администрацийӗн пуҫлӑхӗ пулнӑ чухне пӑрахӑҫланӑ. 2021 ҫулта вӑл кун валли уйӑрнӑ укҫана хунавсем лартмашкӑн яма хушнӑ. Ун чухне пӗлтернӗ тӑрӑх, Шупашкарта ҫулсерен йывӑҫсене шуратма 290 пин тенкӗ тӑкакланнӑ.
Хальхи ертӳҫӗ Владимир Доброхотов вара ку ӗҫе ҫӗнӗрен пуҫарнӑ: йывӑҫсене ҫу уйӑхӗнчи уявсем пуҫланиччен шуратса пӗтерме хушнӑ. Ӗҫ пырать: Ашмарин, Дзержинский, Гузовский урамӗсенче йывӑҫсене шуратнӑ.
Чӑваш Ен Ҫӗнтерӳ кунне паллӑ тума хатӗрленет. Ҫавна май Шупашкар илемленет: баннерсем, ялавсем курӑнма тытӑннӑ. Кӑҫал баннерсене чӑвашла та ҫырнӑ.
Сӑмах май, ку ыйтӑва нумаях пулмасть ЧР Элтеперӗ ирттернӗ пресс-конференцире хускатнӑ. Олег Николаев ыйту кӗҫех татӑлассине, хула урамӗсенче чӑвашла баннерсем пулассине пӗлтернӗччӗ.
Акӑ халӗ вӗсене ҫул хӗррипе вырнаҫтарнӑ. Тӗслӗхрен, пӗрин ҫине «Ҫӗнтерӗве пӗрле кӗтсе илер!» тесе ҫырнӑ.
Паян, ака уйӑхӗн 17-мӗшӗнче, ЧР Элтеперӗ Олег Николаев журналистсемпе пресс-конференци ирттернӗ. 2 сехет ытла тӑсӑлнӑ вӑл.
Журналистсенчен пӗри республикӑра Ҫӗнтерӳ кунӗпе чӑвашла плакатсем пулманни пирки каланӑ. Вӗсем пулаҫҫӗ-и? Элтепер ку ыйту интереслӗ пулнине палӑртнӑ. Вӑл уяв тӗлне плакатсем пулассине каланӑ.
Аса илтерер: кӑҫал Тӑван ҫӗршывӑн Аслӑ вӑрҫи пӗтнӗренпе 80 ҫул ҫитет.
Мускавра кӑҫал та Пӗтӗм чӑвашсен Акатуйӗ ВДНХра иртӗ. Кунне те палӑртнӑ: утӑ уйӑхӗн 6-мӗшӗнче.
Аса илтерер: Мускавра Акатуй пӗлтӗр те ВДНХра иртнӗ. Унта 165 пин ытла ҫын ҫитсе курнӑ. 2023 ҫулта вара чӑвашсен уявне «Сокольники» паркра йӗркеленӗ.
Яланхи пекех Акатуйра сувенир продукцийӗсене сутӗҫ, «Кӗрешӳ» спорт ӑмӑртӑвӗсем иртӗҫ, концерт пулӗ.
+17.3 °C