|
Пӑтӑрмахсем
 t.me/mvd_chuvashia сӑнӳкерчӗкӗ Чӑваш Енри М-7 ҫул ҫинче 40 килограмм наркотик тиенӗ машинӑна тытса чарнӑ. Чӳк уйӑхӗн 14-мӗшӗнче патшалӑхӑн ҫул-йӗр хӑрушсӑрлӑхӗн инспекторӗсем Муркаш районӗнче Пушкӑртстан номерӗллӗ «Инфинити» машинӑна чарнӑ. Унта икӗ арҫын ларса пынӑ. Вырӑна наркополицейскисемпе Росгварди ӗҫченӗсем те пырса ҫитнӗ. Машинӑра 40 килограмм ытла мефедрон тата гашиш пулнӑ. Ӑна арҫынсем Ленинград облаҫӗнчен Пушкӑртстана илсе ҫитерме тӑнӑ. Пӑтӑрмах тӗлӗшпе пуҫиле ӗҫ пуҫарнӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Етӗрне округӗнче Сӑр юханшывӗнче пулӑҫ путса вилнӗ. Унӑн виллине водолазсем тупнӑ. Ҫак арҫын Ҫӗмӗрлере пурӑннӑ. Вӑл раштавӑн 2-мӗшӗнче пулла кайнӑ – кимӗ илсе Етӗрне еннелле ҫул тытнӑ. Анчах кайран ҫыхӑнӑва тухма пӑрахнӑ. Ӑна ҫав кунах шырама пуҫланӑ, ҫӗрӗпе шыранӑ. Полицейскисем ҫыран хӗрринче унӑн машинине, япалисене тата ҫаврӑнса ӳкнӗ резин кимме тупнӑ. Водолазсем ҫав вырӑнта шыранӑ та унӑн виллине тупнӑ. Хыпар ҫӑлкуҫӗ:
|
|
Пӑтӑрмахсем
 ИИ сӑнӳкерчӗкӗ Ултавҫӑсем тӗлӗрменни, вӗсем ҫынна шӑнман пӑрпа лартса ямалли ҫӗнӗрен те ҫӗнӗ мелсем шыраса тупни пирки таҫта та асӑрхаттараҫҫӗ. Апла пулин те ӗненекенсем тупӑнсах тӑраҫҫӗ. Элӗк районӗнчи пӗл ялта пурӑнакан 63 ҫулти арҫын патне унӑн пуҫлӑхӗ пулнӑ сӑнӳкерчӗклӗ аккаунтран ҫырса янӑ. Телефон номерӗ курӑнман пулин те арҫын смсра ҫырнине ӗненнӗ. Унтан Федерацин хӑрушсӑрлӑх службинчен текен ҫын шӑнкӑравланӑ. Ял ҫынни пурне те ӗненнӗ, мӗн каланине итленӗ. Банкри мӗнпур укҫине илсе темле счет ҫине укҫа куҫарса пама хушсан та каланине тунӑ. Юрать-ха, питӗ пысӑках сумма мар — пурӗ 235 тенке арҫын хулана кайсах ултавҫӑсене куҫарса панӑ. Хыпар ҫӑлкуҫӗ:
|
|
Пӑтӑрмахсем
 forum.na-svyazi.ru сӑнӳкерчӗкӗ Чӑваш Енре пурӑнакансем юлашки ҫичӗ уйӑхран уйӑхсерен вӑтамран 65 пинрен кая мар ӗҫлесе илеҫҫӗ. Авӑн уйӑхӗнче уйӑхри вӑтам ӗҫ укҫи 67 013 тенкӗпе танлашнӑ. Ҫулталӑк каяллахинчен ку цифра 6,5 пин тенке яхӑн пысӑкрах. Федерацин Атӑлҫи тӑрӑхӗнчи регионсене илсен Чӑваш Енринчен сахалтарах ӗҫлесе илекенсем тӑватӑ регионта: Мордва Республикинче, Киров, Пенза тата Сарту облаҫӗсенче. Тутарстанра вӑтамран 92 пин тенкӗ ӗҫлесе илеҫҫӗ. Хыпар ҫӑлкуҫӗ:
|
|
Пӑтӑрмахсем
 zarulem.ws сайтран илнӗ сӑнӳкерчӗк Шупашкар районӗнчи пӗр ялта пурӑнакан арҫын ӳсӗрле руль умне ларма юратнӑшӑн машинӑсӑр тӑрса юлнӑ. Вӑл темиҫе хутчен те ӳсӗр пуҫпа машинӑпа ҫула тухнӑ. 2023 ҫулхи кӑрлач уйӑхӗнче ӑна ҫавӑншӑн пӗрре явап тыттарнӑ-ха. Кӑҫалхи авӑн уйӑхӗн 14-мӗшӗнче вӑл каллех ӗҫнӗ пуҫпа ҫула тухнӑ. «Ниссан Альмера» автомашинӑна йӗрке хуралҫисем Ишлей патӗнче чарнӑ, водитель эрех ӗҫнипе ӗҫменнине тӗрӗслеме килӗшмен. 64 ҫулти арҫынна халӗ суд 6 уйӑх ӗҫлеттерсе юсантарма, тупӑшӑн 5 процентне патшалӑха тытса юлма йышӑннӑ. Унсӑр пуҫне машинӑна патшалӑх валли конфискациленӗ. Хыпар ҫӑлкуҫӗ:
|
|
Пӑтӑрмахсем
 cap.ru сӑнӳкерчӗкӗ Республикӑн ача-пӑча клиника пульницинче 15-ри пике хӑлхинчен кӑпшанкӑ туртса кӑларнӑ. Унти йышӑнупа диагностика уйрӑмне пынӑ пике хӑлхара тем канӑҫсӑрлантарнине пӗлтернӗ. Вӑл шурӑ халатлисене ӑнлантарнӑ тӑрӑх, хӑлха ыратать, унта тем кӗрсе ларнӑ пек сасӑ пур. Тухтӑрсем тӗрӗсленӗ те хӑлхара чӗрӗ кӑпшанкӑ пуррине асӑрханӑ. Ӑна вӗсем ятарлӑ оборудовани пулӑшнипе кӑларнӑ. Хыпар ҫӑлкуҫӗ:
|
|
Пӑтӑрмахсем
 chuvashia.sledcom.ru сӑнӳкерчӗкӗ Улатӑр хулин пуҫлӑхӗн ҫумӗ пулнӑ ҫынна суд тунӑ. Следстви тата суд палӑртнӑ тӑрӑх, хула пуҫлӑхӗн ҫумӗ — архитектура, хула строительствин, транспорт пайӗн пуҫлӑхӗ 2022 ҫулхи пуш тата авӑн уйӑхӗсенче уйрӑм усламҫӑран 115 пин тенкӗ сӗтев илнӗ. Суд тӳре-шарана 3 ҫул та 2 уйӑхлӑха юсанмалли колоние ӑсатма йышӑннӑ, унсӑр пуҫне унӑн 2,8 миллион тенкӗ штраф тӳлемелле. Хыпар ҫӑлкуҫӗ:
|
|
Пӑтӑрмахсем
 t.me/cheb_police видеовӗнчен илнӗ сӑнӳкерчӗк Шупашкарта пурӑнакан 57 ҫулти хӗрарӑм эзотерикӑпа кӑсӑкланма тапранса кайнӑ. Кӑсӑкланни ҫеҫ ҫитмен-ха, темле курсра вӗренес тенӗ. Мессенджерсенчен пӗринче малтан вӑл эзотерика каналне ҫырӑннӑ, кайран онлайн-курса вӗренме илесси пирки пӗлтерӳ асӑрханӑ. Курса ҫырӑнас тесе темле каҫӑпа иртнӗ, унта банк карттин реквизитне кӑтартнӑ. Хӗрарӑмӑн укҫине, пурӗ 60 пин тенкӗ, куҫарса кайнӑ. Анчах никам та ниме те вӗрентмен, мӗншӗн тесен хӗрарӑмпа ҫыхӑнӑва тухма пӑрахнӑ. Хыпар ҫӑлкуҫӗ:
|
|
Пӑтӑрмахсем
 21.мвд.рф сӑнӳкерчӗкӗ Ӗнер, раштав уйӑхӗн 2-мӗшӗнче, 9 сехетре Шупашкарта фургон хӗрарӑм ҫине пырса кӗнӗ. Пӑтӑрмах Грасис урамӗнчи 2-мӗш ҫурт тӗлӗнче пулса иртнӗ. «Соболь» водителӗ машинӑна хыҫалалла чакарнӑ чух хӗрарӑм ҫине пырса кӗнӗ. Суранланнӑ 65 ҫулти хӗрарӑм куҫне ӗмӗрлӗхе хупнӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Ӗнер каҫхине, раштав уйӑхӗн 1-мӗшӗнче, Хӗрлӗ Чутай округӗнчи Хватукасси ялӗ патӗнчи пӗвере арҫын виллине тупнӑ. Кун пирки вырӑнти ҫынсем экстреннӑй службӑна шӑнкӑравласа пӗлтернӗ. Арҫын 55 ҫулта пулнӑ. Вӑл мӗнле майпа путса вилнине халӗ уҫӑмлатаҫҫӗ. Аса илтерер: чӳк уйӑхӗн варринче ҫӑлавҫӑсем Атӑлтан 53 ҫулти арҫын виллине туртса кӑларнӑ. Хыпар ҫӑлкуҫӗ:
|
+3.3 °C