Шупашкарта пурӑнакан арҫын ултавҫӑсене ӗненсе машинине сутса янӑ та ҫав укҫана вӗсене куҫарса панӑ.

Арҫын патне ҫӗртме уйӑхӗн 5-мӗшӗнче такамсем шӑнкӑравласа курьер илсе килне япалана илме код ыйтнӑ. Арсын нимле курьера та кӗтмен пулин те кода такамсене йӑпӑр-япӑр каланӑ. Патшалӑх пулӑшӑвӗн порталне кӗмелли кода ултавҫӑсем арҫынран пӗрремӗш код йӑнӑш пулчӗ тесе ыйтса пӗлнӗ. Унтан Хӑрушсӑрлӑх службин ӗҫченӗ текен этем шӑнкӑравланӑ. Вӑл ӑна унччен ултавҫӑсемпе калаҫнине, вӗсем ун ячӗпе банкра кредит илсе тултарассине, машинине вара сутса ярассине пӗлтернӗ.

Ют ҫын сутса яриччен арҫын «Тойота Королла» автомобиле хӑй сутса ярас тенӗ, укҫана «шанчӑклӑ» вырӑна, «сейф ячейкине» куҫарма сӗннине итлесе ҫӑвӑн пек туна. Ҫапла вара вӑл 700 пин тенкӗсӗр тӑрса та юлнӑ.

Кредит илнӗ укҫана та куҫарас тенӗ те анчах банк ӗҫченӗсем ку операцие пурнӑҫлама ирӗк паман. Ҫавӑнпа вӑл укҫана алла илес тесе банка кайнӑ. Унта вӑл хӑй улталаннине ӑнланса илнӗ.

chuvashia.sledcom.ru сӑнӳкерчӗкӗ

Шупашкарти Кӑнтӑр-хӗвеланӑҫ бульварӗнчи ҫуртсенчен пӗрин картишӗнче ҫу уйӑхӗн 14-мӗшӗнче арҫын виллине тупнӑ. Ҫавӑн хыҫҫӑн РФ Пуҫиле кодексӗн 105-мӗш статйин 1-меш пайӗпе пуҫиле ӗҫ пуҫарнӑ.

Йӗрке хуралҫисем ҫын вӗлернӗ этеме тытса чарнӑ. Вӑл арҫыннӑн пӗлӗшӗ пулнӑ. Иккӗшӗн хушшинче ӑнланманлӑх сиксе тухнӑ та ҫӗҫӗ ярса илсе темиҫе хутчен чикнӗ. Унтан вӑл ҫав вырӑнтан пӑрӑнса кайнӑ. Алла ҫӗҫӗ ярса илни ӳсӗр пулнӑ. Шар курни йывӑр сурана пула ҫавӑнтах куҫне ӗмӗрлӗхе хупнӑ.

ШӖМ тунӑ сӑн

Паян ҫӗрле 1 сехет те 25 минутра «Шупашкар – Мускав» маршрутпа ҫӳрекен автобус аварие лекнӗ. Унта 3 ҫын вилнӗ

Инкек Владимир облаҫӗнчи Вязники районӗнче пулнӑ. Малтанлӑха пӗлтернӗ тӑрӑх, икӗ ҫӑмӑл машина, Renault минивэн тата Шупашкарти «Пегас» компани автобусӗ ҫапӑннӑ. Аварире 3 ҫын вилнӗ, 7-ӗн аманнӑ. Вӗсем пурте ҫӑмӑл машинӑсенче тата минивэнра пулнӑ.

Малтанлӑха пӗлтернӗ тӑрӑх, авари пулнашӑн Шупашкарти автобус водителӗ айӑплӑ.

Ҫыхӑнура форумра вырнаҫтарнӑ сӑнӳкерчӗк

Улатӑр районӗнчи Соловьевски посёлокне пырса кӗме ҫул питех те начар иккен. Унта пыма асфальт ҫук, шӑтӑк-путӑклӑ ҫпв ҫулпа ҫумӑр ҫусан пырса кӗмп май ҫук-мӗн.

Кун пирки халӑх тетелӗнче пӗлтерекен пулнӑ. Ҫавӑн хыҫҫӑн РФ Следстви комитечӗ ку ыйтупа кӑсӑкланнӑ. Асӑннӑ органӑн ертӳҫи Александр Бастрыкин ку ыйтӑва тӗрӗслесе тӑрӗ.

За.рулём сӑнӳкерчӗкӗ

Шупашкар хулинче пӗр яш питбайкпа курнӑҫланса ярӑнса ҫӳренӗ. 17-ри каччӑ мотоциклӑн кайри урапипе ҫеҫ ярӑнса ҫӳренӗ.

Кӗҫех ӑна пакунлисем чӗнсе илнӗ. Ӑна ҫеҫ мар, унӑн ашшӗне те

Йӗрке хуралҫисем вӗсене ҫавӑн пек вӗҫкӗнлӗх ытти ҫыншӑн та инкекпе вӗҫленме пултарни ҫинчен ӑнлантарса панӑ, видеосем кӑтартнӑ.

на питбайке «рассекал» по центру Чебоксар и хвастался в соцсетях — итог предсказуем

Очередной юный лихач, катавшийся на питбайке по центру города и выкладывавший свои «подвиги» в соцсети, был задержан сотрудниками

чеб.ру сайтран илнӗ сӑнӳкерчӗк

Чӑваш Енре пӗр талӑкра икӗ хутчен пӑши ҫине пырса кӗнӗ.

Чеб.ру сайтра пӗлтернӗ тӑрӑх, Муркаш районӗнчи Нискасси ялӗ патӗнче те инкек пулса иртнӗ.

«Skoda Rapid» автомобиль ҫул ҫине чупса тухнӑ пӑши ҫине пырса кӗнӗ. Машина ҫул айккине чӑмнӑ. Водительпе юнашар ларса пынӑ 45 арҫын аманнӑ, ӑна Васкавлӑ пулӑшу паракан пульницӑна илсе кайнӑ.

Чӑваш Енӗн Инкеклӗ ӗҫсен министерствин сӑнӳкерчӗкӗ

Республика кунӗнче Ҫӗнӗ Шупашкарти сӗтел-пукан фабрикинче пушар тухнӑ. Вут-ҫулӑма ҫӑлавҫӑсем ҫур сехетре сӳнтернӗ.

Инкек вӑхӑтӗнче шар курман.

Пушар Промышленность урамӗнчи производство ҫуртӗнче алхаснӑ. Вӑл ирхи 7 сехетсенче тухнӑ. Пушар ҫурт ҫивиттине тата вентиляци тытӑмне сиенлетнӗ.

Пушара сӳнтерме 3 единица техника тата 10 специалист хутшӑннӑ.

ШӖМ тунӑ сӑн

Ӗнер каҫхине Шупашкарта Алькеш поселокӗнчи ҫырмара 43-ри арҫын виллине тупнӑ. Мӑйӗ тӗлӗнчен - каснӑ йӗр, кӗлетки ҫинче ҫунтарнӑ вырӑнсем пулнӑран пуҫиле ӗҫ пуҫарнӑ.

Ҫак тискер ӗҫе тума пултарнӑ ҫынна темиҫе сехетренех тупнӑ. 37 ҫулти арҫынна ҫӗнӗ кӑнтӑр районӗнчи хупахра тытса чарнӑ. Халӗ пуҫиле ӗҫе малалла тӗпчеҫҫӗ.

ШӖМ тунӑ сӑн

Иртнӗ шӑматкун Вӑрмар округӗнче аварире 4 ҫын вилни пирки пӗлтернӗччӗ. Каллех хурлӑхлӑ хыпар килнӗ: ӗнер больницӑра тепӗр пассажирӑн, «Опель Астра» рулӗ умӗнче пулнӑ 37 ҫулти арҫыннӑн, чӗри тапма чарӑннӑ.

Малтанлӑха палӑртнӑ тӑрӑх, «Фольксваген Поло» пысӑк хӑвӑртлӑхпа «Опель Астра» машина ҫине пырса кӗнӗ. «Фольксвагенӑн» 69 ҫулти водителӗ тата «Опельти» 30 тата 60 ҫулсенчи ҫынсем вырӑнтах вилнӗ. Ҫав кунах больницӑра «Опельти» 59-ти хӗрарӑм пурнӑҫран уйрӑлнӑ.

Ҫакӑ паллӑ: ун чухне «Фольксваген» водителӗ масар ҫинчен таврӑннӑ. Машина спидометрӗ 140 хӑвӑртлӑх ҫинче чарӑннӑ.

ufa.aif.ru сайтри сӑн

Ҫӗрпӳ округӗнче Первомайски ялӗ ҫывӑхӗнче 72 ҫулти хӗрарӑм путса вилнӗ.

Вӑл плотинӑра шыва кӗнӗ чухне путнӑ. Унта шыва кӗмелли ятарлӑ вырӑн ҫук. Водолазсем унӑн виллине шыв тӗпӗнче тупса ҫыран хӗррине илсе тухнӑ.

Шыва кӗмелли сезон пуҫланнӑранпа республикӑра 4 ҫын путса вилнӗ. Ачса илтерер: Улатӑрта 12-ри хӗрача путнӑ, Канашра 17-ри ҫамрӑкӑн пурнӑҫӗ пӗвере татӑлнӑ.