forum.na-svyazi.ru сайтри сӑн

Ӗнер каҫхине 7 сехет те 40 минутра Канашри Ленин проспектӗнче 16-мӗш ҫурт ҫывӑхӗнче авари пулнӑ. Унта пӗр ҫын вилнӗ.

ШӖМ пӗлтернӗ тӑрӑх, «Гранта» рулӗ умӗнче ларн́ӑ 21 ҫулти каччӑ аслӑ ҫул ҫине тухнӑ чухне «Приорӑна» ирттерсе яман. Икӗ машина ҫапӑнсан «Гранта» водителӗ вырӑнах вилнӗ. Вӑл правана 3 ҫул каялла илни паллӑ.

«Приора» рулӗ умӗнче 23-ри хӗрарӑм пулнӑ. Унӑн водитель прави пулман. Аварие курнӑ ҫынсем каланӑ тӑрӑх, хӗрарӑм, ҫитменнине, ӳсӗр пулнӑ. Ӑна пульницӑна илсе кайнӑ. «Пиорӑри» 16-ри пассажир аманнӑ. «Грантӑра» икӗ пассажир пулнӑ. Пӗри пульницӑна кайма килӗшмен.

21.мвд.рф сӑнӳкерчӗкӗ

Шупашкарта пурӑнакан 68 ҫулти хӗрарӑм патне мессенджерсенчен пӗринче такам шӑнкӑравланӑ, ҫав вӑхӑтра «поликлиника» тесе ҫырни тухнӑ.

Шӑнкӑравлаканни кинемее медицина тӗрӗслевӗ тухма сӗннӗ, ун валли регистрациленмелле тесе ӗнентернӗ.

Ют ҫын каланине итлесе хӗрарӑм телефона приложени вырнаҫтарнӑ, вӑл сиенлӗскер пулнӑ май ватӑ ҫыннӑн счёчӗпе усӑ курма май панӑ.

Ҫапла вара такамсем хӗрарӑмӑн 800 пине яхӑн тенкине вӑрланӑ.

"Чеб.ру" сайтри сӑн

Паян ирхине М-7 ҫул ҫинче, Лапсарпа Карачура хушшинче, машина пашие ҫапса кайнӑ. Ку ир-ирех пулнӑ.

Пӑши вӑйлах суранланнӑ. Машинӑсем ҫинчи регистраторсем ӳкернӗ видеора ҫак паллӑ: пӑши малтанах ҫул ҫинчи выртнӑ. Шел те, кайран вӑл йывӑр сурансене пула вилнӗ.

Следстви комитечӗн сайтӗнчи сӑн

Авӑн уйӑхӗн 16-мӗшӗнче Ҫӗмӗрлери чукун ҫул ҫинче 1997 ҫулта ҫуралнӑ хӗрарӑма тиев турттаракан пуйӑс ҫапса кайнӑ. Вӑл ӳсӗр пулни паллӑ.

Машинист ӑна таптаса каяс мар тесе пуйӑса чарма хӑтланнӑ. Анчах ӗлкӗреймен. Юрать-ха, хӗрарӑм чӗрех юлнӑ. Ӑна пульницӑна илсе ҫитернӗ.

Ку тӗслӗх тӗлӗшпе халӗ следстви умӗнхи тӗрӗслев ирттереҫҫӗ.

"Подслушано Новый город" пабликири сӑн

Ӗнер, авӑн уйӑхӗн 17-мӗшӗнче, Шупашкарти «Ҫӗнӗ хула» микрорайонта хӗр 15-мӗш хутран ӳкнӗ. Шел те, 16 ҫултискер вилнӗ.

Ку инкек Шупашкар проспектӗнчи 17-мӗш ҫуртӑн 1-мӗш корпусӗнче каҫхи 10 сехетре пулнӑ.

Халӗ ӗҫ-пуҫа уҫӑмлатаҫҫӗ.

Прокуратура архивӗнчи сӑн

Ӗнер Тӑвай округӗнчи Тӗмер ялӗнче пушар тухни пирки пӗлтернӗччӗ. Инкеклӗ лару-тӑру министерствин Чӑваш Енри тӗп управленийӗ инкек пирки тӗплӗнрех пӗлтернӗ.

Пушар тухнӑ вӑхӑтра килте виҫӗ ача тата вӗсен асламӑшӗ(е кукамӑшӗ) пулнӑ. Хӗрарӑм икӗ мӑнукӗпе, 3-ри тата 4-ри хӗрачасемпе, ҫӑлӑнса ӗлкӗрнӗ. Вӗсене пульницӑна илсе кайна. Шел те, 2 ҫулти арҫые ачан пурнӑҫӗ татӑлнӑ.

Инкеклӗ лару-тӑру министерстви тунӑ сӑн

Паян 12 сехет те 45 минутра Тӑаай округӗнчи Тӗмер ялӗнче пушар тухнӑ. Килте аслисемсӗр пуҫне ачасем те пулнӑ.

Шел те, инкекре пӗр ача вилнӗ. Икӗ аслӑ ҫынна тата икӗ ачана пульницӑна илсе ҫитернӗ.

Халӗ пушар мӗнрен тухнине тӗпчеҫҫӗ. Ҫакна район прокуратури тӗрӗслесе тӑрӗ.

ШӖМ тунӑ сӑн

Ӗнер каҫхи 7 сехет ҫурӑра Йӗпреҫ округӗнчи Хурамал тата Ҫӗнӗ Выҫли ялӗсен хушшинчи ҫул ҫинче иномарка икӗ хӗрачана ҫапса кайнӑ. Вилмеллех. 2008 тата 2009 ҫулсенче ҫуралнӑ хӗрачасем вырӑнтах вилнӗ. Ҫакӑ паллӑ: вӗсем ҫулпа утса пынӑ.

Иномарка рулӗ умӗнче 1998 ҫулта ҫуралнӑ арҫын пулнӑ. Вӑл ӳсӗр пулни паллӑ.

Ку тӗслӗх тӗлӗшпе пуҫиле ӗҫ пуҫарнӑ.

ҪҪХПИ тунӑ сӑн

Паян ирхине Комсомольски округӗнче авари пулнӑ. Унта ҫын пурнӑҫӗ татӑлнӑ.

Инкек Кӗҫӗн Ҫӗрпӳел ялӗ ҫывӑхӗнче 7 сехетре пулнӑ. Малтанлӑха палӑртнӑ тӑрӑх, Чӗмпӗр енчен килекен «Форд Фокус» хирӗҫ ҫул ҫине тухса «Газельпе» ҫапӑннӑ. Иномарка водителӗ вӑйлӑ суранланнӑ. Шел те, вилмеллех. «Газель» водительне пульницӑна илсе кайнӑ.

Халӗ ӗҫ-пуҫа уҫӑмлатаҫҫӗ.

ҪҪХПИ тунӑ сӑн

Ӗнер Ҫӗнӗ Шупашкарта 17 сехет ҫурӑра Совет урамӗнчи 33-мӗш ҫурт ҫывӑхӗнче 2-мӗш класс ачи машина айне пулнӑ. Малтанлӑха палӑртнӑ тӑрӑх, арҫын ача юраман вырӑнтан ҫул урлӑ каҫнӑ. Ҫавӑн чухне ун ҫине «Киа» пырса кӗнӗ.

Ачан пуҫӗ суранланнӑ. Ӑна васкавлӑ медпулӑшупа пульницӑна илсе кайнӑ.

Сӑмах май, иртнӗ эрнекун Шупашкарта икӗ ача машина кустӑрми айне лекнӗ. Ун чухне 10 ҫулти хӗрача тата 9-ти ача шар курнӑ.