Сайта кӗр | Регистраци | Сайта кӗрсен унпа туллин усӑ курма пулӗ
 +24.3 °C
Ҫӑкӑр-тӑвар хире-хирӗҫ.
[ваттисен сӑмахӗ]
 

Хыпарсен ҫыххи: Республикӑра

Республикӑра
2gis.ru сайтри сӑн
2gis.ru сайтри сӑн

Красноармейски районӗнче пурӑнакан арҫын кӳрши тӗлӗшпе ҫӑхавланӑ. Ку кӑҫал нарӑс уйӑхӗнче пулса иртнӗ.

Ҫак арҫын кӳршине кӳреннӗ. Лешӗ виҫӗ ҫул каялла рабочисем татнӑ вутта хӑйӗн валли илнӗ. Ку вара вӑл ӑна хӗненӗ тесе полицие ҫӑхав ҫырнӑ. Хайхискер участковӑя пӗлтернӗ тӑрӑх, кӳрши ҫапнӑран унӑн шӑмми хуҫӑлнӑ. Чӑннипе вара вӑл хӑй ӳксе суранланнӑ.

Следстви вӑхӑтӗнче арҫын айӑпне йышӑнса веҫӗх ӑнлантарнӑ: вӑл ӑна кӳреннӗрен ҫӑхавланӑ-мӗн. Кун хыҫҫӑн хӑйӗн тӗлӗшпе пуҫиле ӗҫ пуҫарнӑ. Суд ӗҫе пӑхса тухнӑ хыҫҫӑн ӑна 15 пин тенкӗ штраф тӳлеттерме йышӑннӑ.

 

Республикӑра

Ватӑ арҫыннӑн судра явап тытма тивӗ. Ӑна сӑсар тытнӑшӑн 500 пин тенкӗ таран штраф тӳлеттерме е 2 ҫул таран тӗрмене хупма пултараҫҫӗ.

71 ҫулти арҫын «Пойма реки Сура» ҫутҫанталӑк заказникӗн территорийӗ ҫинче капкӑн лартнӑ. Унта сӑсар ами лекнӗ. Саккуна пӑсса чӗрчуна тытнине ЧР Ҫутҫанталӑк министерствин ӗҫченӗсем тупса палӑртнӑ. Ватӑ сунарҫа шӑпах сӑсара капкӑнран илме килнӗ чухне тытса чарнӑ.

Палӑртмалла: арҫын сунарпа 1965 ҫултанпа кӑсӑкланать, унӑн чӗрчуна тытма ирӗк те пур. Вӑл заказник территорийӗнче чӗрчунсене тытма юраманнине пӗлсех ҫакна тунӑ.

 

Республикӑра
дольщикироссии.рф сайтри сӑн
дольщикироссии.рф сайтри сӑн

Канаш хулинче пурӑнакан арҫынна суд кӗтет. Ӑна ачапа киревсӗр хӑтланнӑшан айӑпласшӑн.

Следстви версийӗ тӑрӑх, кӑҫал ҫурла уйӑхӗнче ҫак 29 ҫулти арҫын халӑх тетелӗнче паллакан 13 ҫулти хӗрачапа ҫырӑннӑ. Пӗррехинче вӑл ӑна интимлӑ сӑнӳкерчӗк ярса панӑ. Ку кӑна мар, халӑх тетелӗнче ҫырӑннӑ чухне те вӑл ку темӑпа калаҫу пуҫарнӑ.

Следстви комитечӗн Чӑваш Енри следстви управленийӗ пӗлтернӗ тӑрӑх, ун тӗлӗшпе пуҫарнӑ пуҫиле ӗҫе тишкерсе пӗтернӗ, суда ярса панӑ. Кӗҫех ӑна Канаш районӗн сучӗ пӑхса тухӗ.

Хыпар ҫӑлкуҫӗ: https://pg21.ru/news/68254
 

Республикӑра

Сӗнтӗрвӑрри районӗнче ҫул ҫинче арҫынна машина ҫапса хӑварни пирки пӗлтернӗччӗ. Аса илтерер: водитель ҫынна ҫапса хӑварнӑ хыҫҫӑн тарса ҫухалнӑ. Йӗрке хуралҫисем малтанлӑха палӑртнӑ тӑрӑх, машина шурӑ тӗслӗ «Лада Гранта» пулма пултарнӑ.

Водителе тытса чарнӑ. «Лада Грантӑна» Сӗнтӗрвӑрри районӗнчи пӗр ялта тупнӑ. Машина ҫинче юн йӗрӗ пулнӑ, бампер ҫӗмӗрӗлнӗ. Водителӗ – 50 ҫулти арҫын, Ҫӗнӗ Шупашкарта пурӑнаканскер. Йӗрке хуралҫисем машинӑна тупнӑ хыҫҫӑн вӑл полицие хӑйех пынӑ.

Арҫын тӗлӗшпе пуҫиле ӗҫ пуҫарнӑ. Ҫакӑ та паллӑ: унччен вӑл ҫул-йӗр ҫинчи аваришӗн уголовлӑ майпа явап тытнӑ.

Хыпар ҫӑлкуҫӗ: https://pg21.ru/auto/68198
 

Республикӑра
cheboksari.bezformata.com сайтри сӑн
cheboksari.bezformata.com сайтри сӑн

Чӳк уйӑхӗн 26-мӗшӗнче ҫуралнисене чӑваш тӗрриллӗ кипке парнелесси пирки унччен хыпарланӑччӗ. «Тӗрӗпе ҫуралнисем» акцие чӑваш тӗррин кунне халаллӗҫ.

Ыран ҫуралнисене тӗрӗллӗ кипке кӑна парнелемеҫҫӗ-мӗн. Кипкесӗр пуҫне ЧР Элтеперӗн Олег Николаевӑн саламлӑ отрыткине, тетте-шанкӑртма тата Евгения Жечевӑн «Чӑваш тӗрри» кӗнеке-альбомне те парӗҫ. Ӗнер парнесене Чӑваш Енри пепкелӗх центрӗсен тӗп тухтӑрӗсене ҫитерсе панӑ ӗнтӗ.

Аса илтерер: кипке ҫине ачалӑха, пултарулӑха, ӑнӑҫӑва, пурнӑҫа тата килӗшӗве палӑртакан тӗрӗ паллисене тӗрленӗ.

Хыпар ҫӑлкуҫӗ: https://pg21.ru/news/68192
 

Республикӑра

Чӑваш Енре пурӑнакан «вӑрҫӑ ачисене» патшалӑх ҫурт-йӗршӗн тата коммуналлӑ тӑкаксемшӗн тӳлеме пулӑшасшӑн.

Аса илтерер: асӑннӑ категорие кӗрекенсемпе ҫыхӑннӑ саккуна пирӗн тӑрӑхра кӑҫалхи ака уйӑхӗнче йышӑннӑччӗ. Анчах вӑл саккунта укҫа-тенкӗ енчен пулӑшма пӑхса хӑварманччӗ. Республика Элтеперӗ Олег Николаев пулӑшу мерисем пирки шухӑшласа пӑхма ун чухнех шантарнӑччӗ.

Чӑваш Енӗн Ӗҫ тата социаллӑ хӳтлӗх министерстви, ҫавӑн пекех Финанс министерстви «вӑрҫӑ ачисене» ҫурт-йӗршӗн тата коммуналлӑ хуҫалӑхшӑн ҫӑмӑллӑх пама сӗннӗ. Ку ыйтӑва паян иртнӗ Министрсен Кабинечӗн ларӑвӗнче тишкернӗ.

 

Республикӑра

Кӑшӑлвирусран килте сипленекен ҫынсене пулӑшма республикӑра ятарлӑ центр йӗркеленине Чӑваш халӑх сайчӗ пӗлтернӗччӗ. Аса илтерер: тухтӑрсен ӗҫне ҫӑмӑллатас тесе транспортпа тивӗҫтерме палӑртнӑччӗ. Ҫапла майпа вӗсем нумайрах пациента пулӑшайӗҫ.

Чӑваш Ен Элтеперӗн Администрацийӗн гаражӗнчи машинӑсене те тухтӑрсене уйӑрса пама йышӑннӑ. Автомобильсене водительсемпе пӗрлех уйӑрнӑ. Виҫӗ машинӑна Хулари клиника пульници валли уйӑрнӑ, тепӗр виҫҫӗшне — Шупашкарти Иккӗмӗш клиника пульницине, тӑваттӑшне — Шупашкарти ача-пӑча клиника пульницине.

Районсемпе ытти хулари медицина учрежденийӗсем те машинӑсемсӗр юлмӗҫ. Вӗсем валли 61 автомобиль уйӑрмалла. Автомобильсене муниципалитетсем те, предприятисем те памалла.

 

Республикӑра

Муркаш районӗнче ҫӳп-ҫуп полигонӗ ҫуннӑ. Кун пирки Инкеклӗ лару-тӑру патшалӑх комитечӗ пӗлтерет.

Пушар ӗнер, чӳк уйӑхӗн 24-мӗшӗнче, пулнӑ. Ӗнертенпе унта ҫунма пуҫлакан вырӑнсене сапса тӑраҫҫӗ. Кун тӗлӗшпе ятарлӑ бригада йӗркеленӗ. Пушара сӳнтерес ӗҫе ҫӑлавҫӑсем, коммуналлӑ службӑсем тата хӑйсен ирӗкӗпе пушар командине кӗнӗ ҫынсем хутшӑннӑ.

Паян вара ҫӳп-ҫап полигонне икӗ эскаваторпа бульдозер тӑпра турттарнӑ. Ҫӳп-ҫуп купине тӑпрапа хупланӑ.

 

Республикӑра

Канаш районӗнчи Ушанар ял масарӗ ҫинче хӑйне евӗр палӑк уҫнӑ. Ӑна асӑннӑ ялта ҫуралса ӳснӗ Федор Игнатьева халалланӑ.

Федор Игнатьев 1900 ҫулта ҫуралнӑ. Хӗрлӗ ҫар ретне ӑна 1942 ҫулхи нарӑс уйӑхӗн 1-мӗшӗнче Шӑхасанти ҫарӗҫ комиссариачӗ илсе кайнӑ. Игнатьев стрелок-артиллерист 1945 ҫулхи пуш уйӑхӗн 22-мӗшӗнче Хӗвелтухӑҫ Пруссинче вилнӗ. Ӑна Ильичевка поселокӗнче (унччен ӑна Ланк тенӗ, халӗ вӑл Калининград облаҫне кӗрет) юлташла масар ҫинче пытарнӑ.

Ҫывӑх ҫыннин вил тӑпри ҫине ҫитсе унти тӑпрана тӑван тӑрӑха илсе килессишӗн мӑнукӗ Георгий Аркадьевич нумай тӑрӑшнӑ. Вӑл хӑй аллипе палӑк тунӑ. Виҫӗ тӑрнаран пӗри аслашшӗне пӗлтерет, иккӗшӗ — аслашшӗн тӑванӗсене.

 

Республикӑра
dinomachine.ru сайтри сӑн
dinomachine.ru сайтри сӑн

Канашра вӗрен паркне йӗркеленӗ усламҫӑ тӗлӗшпе пуҫиле ӗҫ пуҫарнӑ. Вӑл хӑрушсӑрлӑх ыйтӑвӗсене тивӗҫтермен.

Следстви версийӗ тӑрӑх, аван уйӑхӗн 3-мӗшӗнче вӗрен паркӗнче 6 ҫулти арҫын ача ҫӳллӗшрен ӳксе сулахай аллине хуҫнӑ, кӗлеткин ытти пайне суранлатнӑ. Троса кирлӗ пек ҫирӗплетмен-мӗн, ача ҫавӑнпа ӳкнӗ.

Халӗ ӗҫ-пуҫа следовательсем уҫӑмлатаҫҫӗ, тӗрлӗ экспертиза тӑвӗҫ.

 

Страницӑсем: 1 ... 226, 227, 228, 229, 230, 231, 232, 233, 234, 235, [236], 237, 238, 239, 240, 241, 242, 243, 244, 245, 246, ...633
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (07.07.2025 15:00) пӗлӗтлӗ ҫанталӑк, атмосфера пусӑмӗ 748 - 750 мм, 22 - 24 градус ӑшӑ пулӗ, ҫил 4-6 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ертӳлӗхпе калаҫу ӑнӑҫлӑ сыпӑнӑ. Ҫавна май карьера картлашкипе хӑпарма пултаратӑр е шалу ӳсӗ. Официаллӑ учрежденисенчен пулӑшу ыйтма ӑнӑҫлӑ эрне. Коллективра ӗҫтешсемпе ӑнланманлӑх, хирӗҫӳ сиксе тухнӑ тӑк халӗ шӑпах уҫӑ калаҫу йӗркелеме, ыйтусене мирлӗ татса пама лайӑх вӑхӑт.

Утӑ, 07

1922
103
Чичканов Петр Николаевич, чӑваш ҫыравҫи, тӑлмачӗ. ҫуралнӑ.
1986
39
Яков Ухсай, чӑваш сӑвӑҫи, драматургӗ, ҫыравҫи вилнӗ.
2000
25
Пятницкая Ольга Васильевна, нумай ҫул хушши ачасене вырӑс чӗлхипе литературине вӗрентнӗ педагог вилнӗ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
кил-йышри арҫын
хуть те кам тухсан та
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
хуҫа тарҫи
хӑни ҫулне ахаль те пӗлет, ӑсатмасӑр та
хуҫа хӑй
хӑнана ӑсатма никам та тухмасть
хуҫа арӑмӗ