 Наци вулавӑшӗ Кӑрлачӑн 21-мӗшӗнче Шупашкарти Чӑваш наци вулавӑшӗнче «Чӑваш Республикинчи Писательсен Союзӗ» творчествӑлла общество организацийӗн VI сьезчӗ пулса иртнӗ. Асӑннӑ пӗрлӗх юлашки 5 ҫул хушшинче туса ирттернӗ ӗҫсем пирки унӑн ертӳҫи — Чӑваш халӑх писателӗ Юхма Мишши каласа кӑтартнӑ. Ҫавӑн пекех ревизи комиссийӗн отчетне итленӗ. Съездра писательсен пӗрлӗхӗн ӗҫӗсене хастар хутшӑннӑ ҫыравҫӑсен пысӑк ушкӑнне тӗрлӗ шайри хисеп хучӗсемпе чысланӑ. Ҫав шутра ку чыса Красноармейски районӗнчи Ордем Галипе Н. Ершов тивӗҫнӗ. Вӗсене союз правленийӗн ҫӗнӗ йышне кӗртнӗ. Съезд чӑваш писателӗсен иртнӗ тапхӑрти ӗҫне лайӑх тесе хакланӑ. Правлени председателӗ пулма Юхма Мишшинех шаннӑ. Хыпар ҫӑлкуҫӗ:
|
 Григорий Вакку Сире пӗлтерсе ӗнтӗ — Григорий Вакку юрӑҫ эстрада ӗҫне пӑрахать. Халӗ вӑл Раҫҫей хулисем тӑрӑх юлашки концертсемпе ҫӳрет. Ҫитес концерт нарӑсӑн 17-мӗшӗнче Тутарстанри Анат Кама хулинче иртмелле. Пуҫламӑшӗ 18 сехет ҫурӑра. Чулман Атӑл хӗрринче вырнаҫнӑ хулана Григорий пӗччен килмӗ, унта ытти чӑваш эстрада ҫӑлтӑрӗсем те пулӗҫ. Вӗсен юррипе хавасланас кӑмӑл пулсан хӑвӑр та килӗр, тӑванӑрсемпе юлташӑрсене те чӗнме ан манӑр! Григорий Вакку концерчӗ Сайдашев ячӗллӗ музыка колледжӗн концерт залӗнче иртӗ. Унӑн адресӗ: Ламаев скверӗ, 12 ҫурт. Ыйтса пӗлмелли, билет туянмалли номерсем: 8-917-2254777; 8-927-4236426 тата 36-05-68 (вахта, касса). |
 Кӑрлачӑн 27-мӗшӗнче Вӑрнар районӗнче вырнаҫнӑ Хапӑсри пӗтӗмӗшле пӗлӳ паракан вӑтам шкулта Чӑваш халӑх ҫыравҫи А.В. Емельянов ҫуралнӑранпа 80 ҫул ҫитнине халалланӑ «А.В. Емельяновӑн пултарулӑх еткерӗ» ӑслӑлӑхпа ӗҫлӗх конференцийӗ иртрӗ. Мероприятине чӑваш филологийӗпе культура факультечӗн преподавателӗсем те хутшӑнчӗҫ. Культурологи кафедрин профессорӗ Г.И. Федоров «А. Емельянов хайлавӗсен илемлӗ тӗнчи», чӑваш филологийӗпе культура факультечӗн деканӗ, В.Г. Родионов профессор «А. Емельяновӑн чӑваш литаратура аталанӑвӗнчи пӗлтерӗшӗ», чӑваш тата танлаштарулӑ литература пӗлӗвӗ кафедрин докторанчӗ И.В. Софронова «А. Емельянов — сӑвӑҫ», чӑваш тата танлаштарулӑ литература пӗлӗвӗ кафедрин доценчӗ И.Ю. Кириллова «Чӑваш филологийӗпе культура факультечӗн кун-ҫулӗпе пуласлӑхӗ» докладсемпе тухса калаҫрӗҫ. Конференцине шкул ачисем те хатӗрленнӗ. Хыпар ҫӑлкуҫӗ:
|
 А.В.Шестаков Кӑрлачӑн 26-мӗшӗнче Красноармейски-Трак район администрацийӗн ҫурчӗн лару залӗнче район депутачӗсен Пухӑвӗн черетлӗ 12-мӗш ларӑвӗ пулса иртнӗ. Вӑл район администрацийӗн пуҫлӑхӗ пулма А. В. Шестакова ҫирӗплетнӗ. Лару ӗҫне район администрацийӗн управленийӗсемпе пайӗсен начальникӗсем, ял тӑрӑхӗсен, предприятисен, учрежденисемпе организацисен пуҫлӑхӗсем, Чӑваш Республикин Пуҫлӑхӗн Администрацийӗн Шалти политика управленийӗн вырӑнти хӑй тытӑмлӑх органӗсемпе ҫыхӑнса ӗҫлекен пайӗн начальникӗ А. Добрышкин, Чӑваш Республикин Вӗрентӳпе ҫамрӑксен политикин министрӗн ҫумӗ Е. Казакова, Чӑваш Республикин Патшалӑх Канашӗн депутачӗ , "Чӑваш бройлерӗ” уҫӑ акционер обществин директорӗ В.Николаев хутшӑннӑ. Лару кун йӗркине лартнӑ 8 ыйтӑва пӑхса тухнӑ. Малтанхи 4 ыйтӑвӗ район администрацийӗн пуҫлӑхне ҫирӗплетессипе ҫыхӑннӑ. Район администрацийӗн пуҫлӑхне ҫирӗплетессипе ӗҫлекен комисси председателӗ В. Григорьев конкурс кӑтартӑвӗсемпе паллаштарнӑ. Район администрацийӗн пуҫлӑхне ҫирӗплетмелли конкурсра Валерий Юрьевич Ивановпа Андрей Владимирович Шестаков мала тухнӑ. Хыпар ҫӑлкуҫӗ:
|
|
Кӑрлачӑн 25-мӗшӗ — мӗнпур Татьянсен кунӗ. Ҫӗмӗрлӗ тӑрӑхӗнчи Тӑванкас шкулӗнчи 5-мӗш класс ачисем хӑйсен тӑрӑхӗнче ҫакӑн ятлӑ ҫынсен шутне пӗлес тесе «Татьянсем, ӑҫта эсир!» акци ирттерчӗҫ. Пӗр эрне хушшинче ачасем ялти кашни киле кӗрсе тухнӑ, тӗпченӗ. Паллах ӗнтӗ, акци Татьянасене шыранипе кӑна пуҫланман та вӗҫленмен те. Ялти ватӑсене тепӗр хут ҫитсе асӑрханӑ, калаҫнӑ, унпа-кунпа пулӑшнӑ. Татьянисем вара виҫӗ ялта 21 пурӑнать иккен. Шкултах саккӑрӑшӗ вӗренет е ӗҫлет, ыттисем вара аллӑ ҫултан иртнисем. |
 Вӗрентекенӗсем 2012 ҫулхи кӑрлачӑн 23-27-мӗшӗсенче И.Н. Ульянов ячӗллӗ Чӑваш патшалӑх университетӗнче чӑваш филологийӗпе культура факультечӗ йӗркеленипе Раҫҫей чӗлхисене машинӑпа куҫарассин курсӗ иртрӗ. Ку курсӑн тӗллевӗ — Apertium ятлӑ система пулӑшнипе хӑй куҫаракан тӑлмача тӑвассин практика пӗлӗвне пуянлатасси. Тромсё университечӗн Трун Тростерюд доценчӗпе Алаканта университечӗн Францис Мортон Таерз тата Индиана университечӗн Джонатан Норт Вашингтон аспиранчӗсен презентацилесе тунӑ лекцийӗсем пурин кӑмӑлне те кайрӗҫ, ҫак ӗҫпе малалла та ӗҫлеме хавхалантарчӗҫ. Ку таранччен хӑй куҫаракан тӑлмача 40 чӗлхепе усӑ курма вӗрентнӗ те ӗнтӗ, ҫапах та ӗҫлемелли нумай-ха. Раҫҫӗйӗн тӗрлӗ кӗтесӗнчен (Ижевскран, Хусантан, Ҫтерлӗрен, Петертен, Перӗмрен), Латвирен хутшӑнакансем пулчӗҫ. Куҫаруҫӑсен курсне чӑваш филологийӗпе культура факультечӗн преподавателӗсемпе студенчӗсем те хастар хутшӑнчӗҫ: М. Хыпар ҫӑлкуҫӗ:
|
|
Ку ҫула историе халаланӑ ятпа Ҫӗмӗрлӗ тӑрӑхӗнчи Аслӑ Улхаш ялӗнче ятарласа кино каҫӗсем йӗркеленӗ теҫҫӗ. Пӗрремӗш ларура ушкӑна кӗрекенсем Александр Фордӑн «Крестоносцы» киноне пӑхнӑ. Фильмри сценӑсем куракансене 14-15-мӗш ӗмӗрсенче пулса иртнӗ пулӑмсене кӑтартса параҫҫӗ. Клуба ял халахӗ йышлӑ пухӑннӑ теҫҫӗ. Пӗр ял ҫынни пӗлтернӗ тӑрӑх ҫакӑн йышши кинокаҫсем кашни эрнерех пулма кирлӗ тет. Ман шутпа питӗ лайӑх та кирлӗ пуҫару йӗркеленнӗ Аслӑ Улхаш ялӗнче. |
 Артемьев Николай Лазаревич Николай Артемьев сӑрӑ ӑсти Шӑмӑршӑ районӗнчи Васан ялӗнче ҫуралнӑ. Хӑшӗ-пӗри ӑна пӗлмест те, ун ҫинчен илтмен те пулӗ. Анчах ӳнере чун-чӗререн юратакансем Николай Лазаревичӑн ятне астума кирлех. Пине яхӑн ӳкерчӗк тума ӗлкӗрнӗ вӑл хӑйӗн кӗске пурнӑҫӗнче. Ҫирӗм пилӗк ҫула кӑна тӑсӑлнӑ ӗмӗрӗнче питех те чаплӑ ӗҫсем тунӑ. Ялти шкула пӗтерсен Палтиелӗнчи вӑтам шкулта вӗреннӗ Коля. Ун хыҫҫӑн Магнитогорск хулинче заводра ӗҫленӗ. Ҫулталӑкран, 1964 ҫулта, Шупашкарти ӳнер училищине вӗренме кӗнӗ. Диплом ӗҫне «Ҫеҫпӗл» ятлӑ картинӑсен ярӑмӗпе ҫырнӑ. Н. Артемьевӑн ҫак ӗҫне чи лайӑх паллӑпа йышӑннӑ. Ӗпхӳ хулинчи выставкӑра пысӑк хак панӑ унӑн ӗҫне. Ҫакӑ ӳнерте ҫӗнӗлӗхсем шырама, тата нумайрах ӗҫлеме хистенӗ ӑна. Уйрӑмах графикӑна кӑмӑлланӑ ҫамрӑк, ҫавӑнпа та ӗнтӗ художник-график специальноҫне алла илес тӗллевпе Мускаври полиграфи институтне вӗренме кӗнӗ. Вӗреннӗ вӑхӑтрах Шупашкарти электроаппарат заводӗнче художник-оформитель пулса ӗҫленӗ. Хыпар ҫӑлкуҫӗ:
|
 Чӑваш халӑх сайчӗпе Чӑваш чӗлхин инҫет вӗрентӳ центрӗ шкул ачисене тепӗр ӑмартӑва хутшӑнма йыхравлать. Хальхинче эпир комикссен конкурсне йӗркелес терӗмӗр, ӑна «Ҫӑлтӑр ҫути» ят патӑмар. Ҫак ӑмӑртӑва пуҫарса эпир ачасемпе ҫамрӑксен ӳнер пултарулӑхне аталантарас, ушкӑнпа ӗҫлеме хӑнӑхтарас тата ҫутҫанталӑкпа тӑван тавралӑх пулӑмӗсене ӳкерчӗк мелӗпе уҫса пама вӗрентес тӗллев латрасшӑн. Конкурса 18 ҫула ҫитмен ҫамрӑксемпе ачасем хутшӑнма пултараҫҫӗ. Пӗр ӗҫе темиҫен пӗрлешӗнсе тума та юрать: пӗри, сӑмахран, сюжет хатӗрлет, тепри — хитре ӳкерет, виҫҫӗмӗшӗ калаҫу сӑмахӗсене йӗркелет. Сюжет ҫӑлтӑрпа ҫыхӑнмалла. Комикс сюжетне уҫса пама 2 листаран (кашни А4 пысӑкӑш) кая мар усӑ курмалла. Хут листин пӗр енӗ таса юлмалла. Ӗҫе хатӗрленӗ май хуть те мӗнле техникӑпа усӑ курма юрать —кӑранташ, калем, фломастер, гуашь, пастель, кӑмрӑк кӑранташӗ т. ыт. Ӗҫсене 2012 ҫулхи нарӑсӑн 1-мӗшӗнчен пуҫласа ака уйӑхӗн 30-мӗшӗччен йышӑнатпӑр. Ҫӗнтерӳҫӗсене 2012 ҫулхи ҫу уйӑхӗн 15-мӗшӗ тӗлне палӑртӑпӑр. Ӑмӑртун тулли положенийӗпе кунта паллашма май пур. |
|
Кӑрлачӑн пуҫламӑшӗнче Хырхӗрри тӗп шкулӗнче нумай ҫул хушши физкультура вӗрентекенӗ пулса вӑй хуракан Николай Никандрович Ятманов хӑйӗн паллӑ юбилейне — 60 ҫула ҫитнине паллӑ турӗ. Ҫак кунсем каникулпа пӗр килнӗ пулин те, вӗрентекенсемпе вӗренекенсем те, пӗлӗш-тӑвансем те юбиляра чысласа ӑшӑ сӑмахсем куҫҫӑн курӑнса та, телефонпа шӑнкӑравласа та каларӗҫ. Каникул пӗтнӗ хыҫҫӑн тепӗр кунхинех шкулта Николай Никандровича халалласа ятарлӑ утренник ирттерчӗҫ. Кашни класра вӗренекен ачасем юрӑ-сӑвӑпа савӑнтарчӗҫ, шкул тата район ертӳҫисемпе профсоюз организацийӗ Хисеп хучӗсемпе тата хаклӑ парнесемпе чысларӗҫ. Паллӑ уяв ҫакӑнпа ҫеҫ вӗҫленмерӗ. Уйӑх вӗҫӗнчи пӗр канмалли кун Николай Никандрович хӑйӗн ячӗллӗ йӗлтӗр чупӑвӗ ирттерчӗ. Ҫак чупӑва районти шкулсенче вӗренекенсем, предприятисемпе организацисем, ҫемье командисем хутшӑнчӗҫ. Тӗп хуламӑрти «Водоканал» предприяти те хӑйӗн спортсменӗсен ушкӑнне тӑратнӑ. Ытти ҫулсенче шкултан вӗренсе тухса кайнӑ ачасем те, инҫе ҫула пӑхмасӑрах, чылайӑн пуҫтарӑннӑ. Вӗрентекене саламласа ООО «Газпром межрегионгаз» генеральнӑй директорӗ, ЧР Патшалӑх Канашӗн депутачӗ, нумай ҫул хушши вырӑнти «Восток» колхоз ертӳҫи пулса ӗҫленӗ К. |
+6.3 °C