Сайта кӗр | Регистраци | Сайта кӗрсен унпа туллин усӑ курма пулӗ
 -4.7 °C
Чӑхӑ пӗрчӗн сӑхсах тутӑ пулать.
[ваттисен сӑмахӗ: 2394]
 

Хыпарсен ҫыххи: Политика

Политика
Сӑн ҫӑлкуҫӗ: t.me/oanikolaev
Сӑн ҫӑлкуҫӗ: t.me/oanikolaev

Раҫҫей Федерацийӗн Тӗп суйлав комиссийӗн Евгений Шевченко пайташӗпе тӗлпулу ирттернӗ хыҫҫӑн Чӑваш Республикин Элтеперӗ Олег Николаев хӑйӗн страницинче суйлав участокӗсене паллӑ ентешсен ячӗсене парасси пирки пӗлтернӗ. Шупашкарти Ленин районӗнчи пӗр участок Василий Чапаев ячӗллӗ пулса тӑма пултарать, Сӗнтӗрвӑрри муниципаллӑ округӗнчи тепӗр суйлав участокӗ вара Андриан Николаев ячӗпе хисепленсе тӑма пултарӗ.

Олег Алексеевич ҫавӑн пекех тепӗр виҫӗ суйлав участокне Раҫҫей Паттӑрӗсен ятне пама сӗннӗ.

Суйлав участокӗсене вӑл е ку ят парасси 2011 ҫулта пуҫланнӑ. Ун чухне Патшалӑх Думине депутатсене суйланӑ май Тула облаҫӗнчи 60 ытла участока ятсем парса тухнӑ, вӗсем «Лев Толстой», «Куликово уйӗ», «Варяг» тата ытти ятсене йышӑннӑ.

Хыпар ҫӑлкуҫӗ: https://t.me/oanikolaev/4541
 

Политика

Общество палатине малашне 27 ҫулти Ирина Иванова ертсе пырӗ. Унчченхи ертӳҫӗ Артем Йовенко ку должноҫрен кӑҫал ҫурла уйӑхӗн 1-мӗшӗнче кайнӑ.

Кун хыҫҫӑн конкурс ирттернӗ, документсене юпа уйӑхӗн 23-мӗшӗнчен пуҫласа чӳкӗн 7-мӗшӗччен йышӑннӑ. Конкурсра Ирина Иванова ҫӗнтернӗ.

Вӑл 1996 ҫулта Патӑрьел районӗнче ҫуралнӑ. 2018 ҫулта И.Н.Ульянов ячӗллӗ ЧПУран вӗренсе тухнӑ. Кайран унтах магистратурӑра ӑс пухнӑ. 2018 ҫултах Раҫҫей халӑх хуҫалӑхӗн тата патшалӑх службин академийӗнчен «Патшалӑх тата муниципалитет управленийӗ» енпе вӗреннӗ.

 

Политика
cap.ru сӑнӳкерчӗкӗ
cap.ru сӑнӳкерчӗкӗ

ЧР транспорт министрӗ пулнӑ Владимир Осипова раштавӑн 1-мӗшӗнче тытса чарни пирки пӗлтернӗччӗ. Аса илтерер: ӑна икӗ статьяпа айӑпласшӑн - должноҫпе усӑ курнӑшӑн тата тӳлев ҫаврӑнӑшӗ тӗлӗшпе саккуна пӑснӑшӑн.

Следовательсем ыйтса тӗпченӗ чухне экс-министр айӑпне йышӑннӑ, унпа пӗрле кам пӗр шухӑшлӑ пулнине те пӗлтернӗ. Хальлӗхе ҫав ҫыннӑн хушаматне халӑх ҫине кӑларман.

Владимир Осипова тытса чарнӑ хыҫҫӑн ӑна хӑш-пӗр ӗҫе пурнӑҫлама чарнӑ.

Хыпар ҫӑлкуҫӗ: https://tass.ru/proisshestviya/19440321
 

Политика
"Чеб.ру" сайтри сӑн
"Чеб.ру" сайтри сӑн

Ӗнер ирхине ЧР транспорт министрӗ пулнӑ Владимир Осипова тытса чарнӑ. Ун патне пакунлисем Атӑл леш енчи ҫуртне пынӑ.

Владимир Осипова Следстви комитетне илсе ҫитернӗ. Ӑна должноҫпе усӑ курнӑшӑн, преступлени ушкӑнӗ йӗркеленӗшӗн, тӳлев укҫине саккунсӑр ҫаврӑнӑша янӑшӑн айӑпласшӑн.

Ыйтса тӗпченӗ чухне экс-министр айӑпне йышӑннӑ, преступлени ушкӑнӗнчи ытти ҫын пирки те каласа кӑтартнӑ.

 

Политика
cap.ru сӑнӳкерчӗкӗ
cap.ru сӑнӳкерчӗкӗ

Ҫӗмӗрле муниципаллӑ округӗн пуҫлӑхне суйланӑ. Ку тивӗҫе Дмитрий Головина шаннӑ. Унччен вӑл пуҫлӑх тивӗҫӗсене вӑхӑтлӑх пурнӑҫланӑ.

Конкурса 4 ҫын хутшӑннӑ. Комисси вӗсенчен иккӗшне ырланӑ. Ҫав икӗ ҫынран суйланӑ та. Дмиирий Головин ҫӗнтернӗ.

Дмитрий Иванович 1974 ҫулта Ҫӗмӗрлере ҫуралнӑ. Ку должноҫе йышӑниччен вӑл Ҫӗмӗрле район администрацийӗн пӗрремӗш ҫумӗ пулнӑ.

Аса илтерер: юпа уйӑхӗнче 65 ҫул тултарнӑ Лев Рафинов хӑйӗн ирӗкӗпе ӗҫрен кайнӑ. Пӗлтӗр ун тӗлӗшпе пуҫиле ӗҫ пуҫарнӑ.

 

Политика
foto-onlain.ru сайтри сӑн
foto-onlain.ru сайтри сӑн

2025 ҫулччен республикӑри патшалӑх служащийӗсен окладне индексацилемӗҫ. Ку саккун проектне малтан - ЧР Министрсен Кабинечӗн ларавӗнче, унтан ЧР Патшалӑх Канашӗ ҫумӗнчи Общество канашӗн ларӑвӗнче ырланӑ.

Ҫакна инфляцие шута илсе тума сӗнеҫҫӗ. Ҫавӑн пекех пурӑнмалли ҫурт-йӗре лайӑхлатас тесе черетре тӑракансене пурӑнмалли кӗтес туянмашкӑн пӗр хутчен уйӑракан субсидие памӗҫ.

 

Политика
cap.ru сӑнӳкерчӗкӗ
cap.ru сӑнӳкерчӗкӗ

Борис Марковцов халӗ министр тивӗҫӗсене вӑхӑтлӑх пурнӑҫлакан мар. Виҫӗ уйӑх ҫурӑран ӑна промышленноҫ министрӗ пулма ҫирӗплетнӗ. Хушӑва ЧР Элтеперӗ Олег Николаев ӗнер алӑ пуснӑ.

Борис Васильевич 1978 ҫулта Владивостокра ҫуралнӑ. 2016-2021 ҫулсенче РФ Промышленноҫ министерствинче ӗҫленӗ, кайран - ЧР промышленноҫ министрӗн ҫумӗнче. Кӑҫалхи нарӑсӑн 22-мӗшӗнче промышленноҫ министрӗн пӗрремӗш ҫумӗ пулса тӑнӑ.

Аса илтерер: унччен ЧР промышленноҫ министрӗ Александр Кондратьев пулнӑ. Кӑҫалхи утӑ уйӑхӗн 21-мӗшӗнче вӑл ӗҫрен кайнӑ.

 

Политика
cap.ru сӑнӳкерчӗкӗ. Светлана Каликова министр
cap.ru сӑнӳкерчӗкӗ. Светлана Каликова министр

Паян республикӑра Чӑваш тӗррин кунне халалланӑ акци иртет. Унпа килӗшӳллӗн, ҫынсене ӗҫе чӑваш тӗрриллӗ тумпа пыма сӗннӗ.

Паян тӗрлӗ ведомствӑра ӗҫлекенсем ӗҫе чӑваш тумӗпе пынӑ. Вӗсем сӑн ӳкерӗнсе сайта вырнаҫтарнӑ. Культура министрӗ тӗрӗллӗ чӑваш кӗпипе ӳкерӗннӗ. Вӑл кунӗпех ҫапла ҫӳрӗ-ши? Культура министерствинче вӑй хуракансем акцие хастар хутшӑннӑ. Нумайӑшӗ тӗрӗллӗ тумпа сӑн ӳкерӗннӗ.

Строительство, Спорт министерствин ӗҫченӗсем те тӗрӗллӗ кӗпепе паян. Шупашкар пуҫлӑхӗн тивӗҫӗсене вӑхӑтлӑха пурнӑҫлакан Денис Спирин паян тӳрӗ линие чӑваш тӗрриллӗ галстукпа ирттернӗ.

 

Политика
 cap.ru сӑнӳкерчӗкӗ
cap.ru сӑнӳкерчӗкӗ

Чӑваш Енӗн Конкурентлӑ политика тата тариф патшалӑх службин ертӳҫине Надежда Колебановӑна ӗҫрен кӑларнине эпир пӗлтернӗччӗ.

Ӗнертенпе, чӳк уйӑхӗн 22-мӗшӗнченпе, асӑннӑ ведомствӑна ертсе пыма Алина Елисеевӑна шаннӑ. Вӑхӑтлӑха. Ҫӗнӗ ертӳҫӗне ҫирӗплетиччен. Вӑл хӗрарӑм ҫав савӑнта

Хушӑва республика Элтеперӗ Олег Николаев алӑ пуснӑ.

 

Политика
news.myseldon.com сӑнӳкерчӗкӗ
news.myseldon.com сӑнӳкерчӗкӗ

Чӑваш Республикин Конкурентлӑ политика тата тариф службин ертӳҫине Надежда Колебановӑна ӗҫен кӑларнӑ. Хушӑва республика Элтеперӗ Олег Николаев ӗнер, чӳк уйӑхӗн 20-мӗшӗнче, алӑ пуснӑ.

Документра каланӑ тӑрӑх, Надежда Владимировнӑна ӗҫрен «Раҫҫей Федерацийӗнчи патшалӑх служби ҫинчен» федераци саккунӗн 33-мӗш статйин 1-мӗш пайӗн 3-мӗш пункчӗпе килӗшӳллӗн кӑларнӑ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ...159
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (27.02.2024 03:00) тӗтреллӗ ҫанталӑк, атмосфера пусӑмӗ 766 - 768 мм, -4 - -6 градус сивӗ пулӗ, ҫил 4-6 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Эрне вӗткеленӳрен пуҫланӗ, анчах канмалли кунсем тӗлне ӗҫсене вӗҫлетӗр, лайӑх ушкӑнра лӑпкӑн канатӑр. Тунтикунпа юнкун сире вӗчӗрхентерекен хутшӑнусем кӗтеҫҫӗ. Сӑмахсене асӑрханса калӑр, таврари ҫынсем ытлашши кӳрнекенсем, чылай вӑхӑт манайманнисем пулма пултарӗҫ. Кӗҫнерникун карьерӑра хӑвӑрт ӳсме май паракан ӗҫе вырнаҫас шанчӑк пур.

Нарӑс, 27

1914
110
Иван Ивник, чӑваш сӑвӑҫи, ҫыравҫи, тӑлмачӗ ҫуралнӑ.
1914
110
Ивник Иван Николаевич, чӑваш сӑвӑҫи, тӑлмачӗ ҫуралнӑ.
1937
87
Шемекеев Виталий Дмитриевич, чӑваш сӑвӑҫи, ҫыравҫи ҫуралнӑ.
1939
85
Архипов Дмитрий Архипович, «Константинопольти чӑвашсем» очерка ҫырнӑ ҫыравҫӑ вилнӗ.
1944
80
Ҫитта Хветӗрӗ, чӑваш ҫыравҫи, сӑвӑҫи фронтра пуҫне хунӑ.
1970
54
Виктор Рзай, чӑваш сӑвӑҫи, ҫыравҫи, тӑлмачӗ ҫут тӗнчерен уйрӑлнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа арӑмӗ
хӑни ҫулне ахаль те пӗлет, ӑсатмасӑр та
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хуҫа тарҫи
кил-йышри арҫын
хӑнана ӑсатма никам та тухмасть
хуҫин ҫитӗннӗ ачисем
хуть те кам тухсан та
хуҫа хӑй