Ҫурла уйӑхӗн 10-мӗшӗнче ирхи 5 сехет те 30 минутра Етӗрнери хула пляжӗнче 51 ҫулти арҫын путса вилнӗ. Инкек шыва кӗме хатӗрленӗ вырӑнтах пулнӑ.

Инкеклӗ лару-тӑру патшалӑх комитечӗ пӗлтернӗ тӑрӑх, 1970 ҫулта ҫуралнӑ арҫыннӑн виллине дежурнӑй ҫӑлавҫӑсем тупса ҫыран хӗррине илсе тухнӑ.

Ҫулталӑк пуҫланнӑранпа Чӑваш Енре шыв ҫинче 34 инкек пулнӑ. Вӗсенче 33 ҫыннӑн пурнӑҫӗ татӑлнӑ. 4-шӗ – ачасем.

#пӑтӑрмахсем, #Етӗрне, #пляжсем