Сайта кӗр | Регистраци | Сайта кӗрсен унпа туллин усӑ курма пулӗ
 +5.3 °C
Пуриншӗн те пӗр хӗвел.
[ваттисен сӑмахӗ]
 

Хыпарсем: Шупашкар

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Чӳк уйӑхӗн 23-мӗшӗнче Шупашкарта ӳсӗр пӗр водителе асӑрхакансем тупӑннӑ. «Лада Ларгус» автомобиль пӗр енчен тепӗр еннелле пӗрмай пӑрӑннӑ, ӑна пула тепӗр машинӑсем инкеке лекме пултарнӑ.

Маншӑн пулсан ик айкки те тӑвайкки теме хӑнӑхман пӗр ҫын шанчӑксӑр водитель пирки йӗрке хуралҫисене систернӗ. Хӑй вара ҫав машина хыҫҫӑн пынӑ. Вырӑна пырса ҫитнӗ ҫул-йӗр хӑрушсӑрлӑхӗн инспекторӗсем 34 ҫулти арҫын ӳсӗррине палӑртнӑ. Водитель тӗлӗшпе икӗ протокол ҫырнӑ, машинӑна ятарлӑ стоянкӑна ӑсатнӑ.

 

Пӑтӑрмахсем

Шупашкар хулинче пурӑнакан 50 ҫулти хӗрарӑма 8 ҫуллӑха тӗрмене ӑсатнӑ. Ӑна РФ Пуҫиле кодексӗн 105-мӗш стайин 1-мӗш пайӗпе килӗшӳллӗн явап тыттарнӑ.

Кӑҫалхи пуш уйӑхӗнче вӑл хӑйӗн пӗлӗшӗпе патӗнче хӑналаннӑ. Унта тусӗн пӗлӗшӗ те, 52 ҫулти арҫын, пулнӑ. Пӗрле эрех ӗҫнӗ чухне хӑна ҫавӑнпа хирӗҫсе кайнӑ. Ӑна вӑл пуҫӗнчен мӑлатукпа хӗнеме тапранса кайнӑ. Суранланса пӗтнӗ арҫын тепӗр кунне пульницӑра вилсе кайнӑ.

Суд хӗрарӑма пӗтӗмӗшле режимлӑ колоние 8 ҫуллӑха ӑсатнӑ.

 

Ҫурт-йӗр
t.me/gazetatavanen каналтан илнӗ сӑнӳкерчӗк
t.me/gazetatavanen каналтан илнӗ сӑнӳкерчӗк

Ҫулталӑк вӗҫлениччен пирӗн республикӑн тӗп хулинче вӑрах вӑхӑт хӑпартакан сахалтан та виҫӗ ҫурта туса пӗтермелле. Кун пирки республика Элтеперӗ Олег Николаев хӑйӗн Телеграм-каналӗнче шантарса каланӑ.

Асӑннӑ ҫӑлкуҫра пӗлтернӗ тӑрӑх, 2023 ҫулхи раштав уйӑхӗнче 366 пайтаҫӑн ыйтӑвӗ татӑлмалла.

Асӑннӑ ҫуртсем «Соляное» микрорайонта, Калинин урамӗнче тата «Ривьера» ҫурт-йӗр комплексӗнче вырнаҫнӑ. Унсӑр пуҫне Энергетиксен урамӗнчи ҫурта туса пӗтересшӗн.

Ӗмӗтре ытти темиҫе объект та пур.

Хыпар ҫӑлкуҫӗ: https://t.me/gazetatavanen/11330
 

Персона
ШӖМ тунӑ сӑн
ШӖМ тунӑ сӑн

Шупашкарти 76 ҫулти хӗрарӑм чутах ултавҫӑсене 2 пин доллар куҫарса паман. Юрать, ырӑ ҫын тӗлне лекнӗ вӑл.

Хӗрарӑмпа хӑйӗнпе Тӗп банк ӗҫченӗ тесе паллаштарнӑ ҫын калаҫнӑ. Хайхискер ӗненмелле пултӑр тесе удостоверенине те ӳкерсе ярса панӑ.

Хӗрарӑма 2 пин доллар куҫарма ӳкӗте кӗртнӗ. Ун валли илсе ҫитерекен служба ӗҫченне те чӗнсе панӑ, «банк ӗҫченӗ» ӑна кинемее укҫа куҫарса памашкӑн пулӑшма ыйтнӑ. Олег Михайлов хӗрарамӑн аллинчи укҫа пачкисене, хут ҫине ҫырнӑ счет номерне курсан тӳрех ӑнланнӑ: кинемее такамсем улталасшӑн. Вӑл полици чӗннӗ.

ЧР шалти ӗҫсен министрӗ Виктор Шметков Олег Михайлова кинемее утавҫӑсенчен хӑтарнӑшӑн тав тунӑ.

 

Республикӑра
"Контактри" сӑн
"Контактри" сӑн

Шупашкар хӗрарӑмӗ Ҫӗрпӳ муниципаллӑ округне тӑванӗсем патне хӑнана кайнӑ та каҫхине уҫӑлма тухма шутланӑ. Анчах хайхискер ҫырмара ӳксе урине вӑйлах амантнӑ, утайми пулса ларнӑ.

Вӑл хӑйех васкавлӑ медпулӑшӑва шӑнкӑравланӑ, анчах ӑҫта пулнине татӑклӑн калайман. Тухтӑрсем ӑна тупайман, полицирен пулӑшу ыйтма тивнӑ. Хӗрарӑмӑн телефонӗ лайӑх тытман, зарядки те пӗтсе ҫитнӗ. Ӑна 2 сехет ҫурӑ шырасан тин тупнӑ. Вӑл урине хуҫнӑ иккен. Лариса Кузьминапа Николай Яковлев фельдшерсем ыратнине ирттерекен укол тусан ӑна пульницӑна илсе кайнӑ.

Хыпар ҫӑлкуҫӗ: https://vk.com/wall-142632677_83520
 

Статистика
artembolnica2.ru сайтри сӑн
artembolnica2.ru сайтри сӑн

Юлашки вӑхӑтра Раҫҫейре коклюш чирӗ сарӑлма пуҫланӑ. Роспотребнадзор кунашкал чире Чӗлепи тата Томск облаҫӗсенче, Питӗрте тата Тутарстанра тупса палӑртнине ҫирӗплетет. Чӑваш Енре те тӗслӗхсем пур. Гигиена тата эпидемиологи центрӗ пӗлтернӗ тӑрӑх, республикӑра юлашки 10 уйӑхра 46 ҫын коклюшпа чирленӗ. Ку ытти ҫулти вӑтам кӑтартуран 3 хут пысӑкрах.

Комсомольски, Шупашкар, Муркаш, Шӑмӑршӑ, Етӗрне муниципаллӑ округӗсенче пӗрер тӗслӗхе ҫирӗплетнӗ, Ҫӗнӗ Шупашкарта - 10, Шупашкарта 27 тӗслӗхе. Улатӑрта тата Канашра икӗ ҫын чирленӗ.

 

Статистика
artembolnica2.ru сайтри сӑн
artembolnica2.ru сайтри сӑн

Юлашки вӑхӑтра Раҫҫейре коклюш чирӗ сарӑлма пуҫланӑ. Роспотребнадзор кунашкал чире Чӗлепи тата Томск облаҫӗсенче, Питӗрте тата Тутарстанра тупса палӑртнине ҫирӗплетет. Чӑваш Енре те тӗслӗхсем пур. Гигиена тата эпидемиологи центрӗ пӗлтернӗ тӑрӑх, республикӑра юлашки 10 уйӑхра 46 ҫын коклюшпа чирленӗ. Ку ытти ҫулти вӑтам кӑтартуран 3 хут пысӑкрах.

Комсомольски, Шупашкар, Муркаш, Шӑмӑршӑ, Етӗрне муниципаллӑ округӗсенче пӗрер тӗслӗхе ҫирӗплетнӗ, Ҫӗнӗ Шупашкарта - 10, Шупашкарта 27 тӗслӗхе. Улатӑрта тата Канашра икӗ ҫын чирленӗ.

 

Хулара
"Чеб.ру" сайтри сӑн
"Чеб.ру" сайтри сӑн

Уголовлӑ шырав оперуполномоченнӑйӗ Сергей Ермаков Шупашкарти Болгарстрой урамӗнчи пӗр ҫурта ӗҫпе килнӗ. Вӑл лифтра макӑракан хӗрпе пӗрле хӑпарнӑ. Хӗр юлашки хута кайма пуҫтарӑннӑ. Пакунли унпа темӗн пулнӑ тесе шутланӑ та хӑйӗн ӗҫне пӑрахса хӗр хыҫҫӑн 16-мӗш хута хӑпарнӑ.

Чӑнах та, пике унта балкон перилисем ҫинче тӑнӑ. Сергей Ермаков ӑна унтан анма ӳкӗте кӗртнӗ. Хӗр лӑплансан мӗн пулнине каласа кӑтартнӑ. Вӑл савнийӗпе пӗр ҫул ҫӳренӗ хыҫҫӑн уйрӑлнӑ-мӗн. Хӗр хӑйне ҫӑлнӑшӑн полицейские тав тунӑ.

 

Ҫутҫанталӑк

Канмалли кунсенче прогноз улшӑннӑ. Ҫӗпӗрте антициклон ҫил-тӑвӑл пулса лӑпланнӑ. Пирӗн пата килмелли циклон Урала кайӗ. Ҫапах пирӗн патра та юр ҫӑвать, анчах синоптиксем унччен каланӑ пек питех вӑйлӑ мар.

Республикӑн кӑнтӑр районӗсене халӗ циклон ҫывхарать ӗнтӗ. Шупашкара вӑл каҫхине ҫитӗ те ҫӗрӗпех ҫӑвӗ. Ыран ир валли хулара 8 см хулӑнӑш юр ҫуса лартӗ.

Ыран циклон Свердловск облаҫне кайӗ. Пирӗн патра тӗтре карса илӗ, кӑштах ӑшӑтӗ.

Юнкун ытларах республикӑн хӗвеланӑҫ районӗсенче юр ҫӑвӗ. Сивӗтме тытӑнӗ, ҫил вӑйланӗ. Кӗҫнерникун ҫӗрле 14 градус таран сивӗтӗ. Эрнекун кӑнтӑрла иртсен юр ҫума пуҫлӗ, шӑматкун та ҫӑвӗ.

Эрне веҫне Шупашкарта юр хулӑнӑшӗ 20 см таран ҫитме пултарать. Канмалли кунсенче термометр 0 градус кӑтартӗ.

 

Культура
cap.ru сӑнӳкерчӗкӗ
cap.ru сӑнӳкерчӗкӗ

Чӑваш Ен Элтеперӗ Олег Николаев Ярославль тӑрӑхӗнче пурӑнакан пӗр хӗре пирӗн пата килсе курма сертификат парнеленӗ.

«Мне бы в Чебы» икӗ кунлӑх ҫулсӳреве асӑннӑ тӑрӑхри хӗр ВДНХри куравра тивӗҫнӗ. Ирина Пиленкова пирӗн тӑрӑхӑмӑрӑн куравӗпе паллашма пынӑ 10 пинмӗш ҫын пулнӑ.

Турпутевкӑсене ҫавӑн пекех «Книга моих путешествий» (чӑв. Манӑн ҫулҫӳревӗмсен кӗнеки) викторинӑна, «Открой бизнес в Чувашии» (чӑв. Чӑваш Енре бизнес уҫ) вӑййа хутшӑнакансем хушшинче те выляттарӗҫ.

 

Страницӑсем: 1 ... 96, 97, 98, 99, 100, 101, 102, 103, 104, 105, [106], 107, 108, 109, 110, 111, 112, 113, 114, 115, 116, ... 1034
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (11.05.2025 03:00) тӗтреллӗ ҫанталӑк, атмосфера пусӑмӗ 743 - 745 мм, 6 - 8 градус ӑшӑ пулӗ, ҫил 4-6 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку тапхӑр сахал мар пӑшӑрхану илсе килӗ, кӑштах йӑнӑшма пултаратӑр. Тен, ҫывӑх ҫын умӗнче айӑпа туятӑр. Ӑнланманлӑх сирӗлтӗр тесен халӗ шӑпах чуна уҫса калаҫмалли вӑхӑт. Ӗҫре йӑнӑшсан яваплӑхран пӑрӑнма ан тӑрӑшӑр. Йӑнӑша йышӑнӑр, вара ҫивӗч ыйтӑва татса паратӑр.

Ҫу, 11

1931
94
Евсевьев Макар Евсевьевич, ҫыравҫӑ, этнограф, мордва чӗлхин ҫыруллӑхне никӗслекенни вилнӗ.
1943
82
Кӗҫтӳк Кольцов, чӑваш сӑвӑҫи вӑрҫӑра пуҫне хунӑ.
1966
59
Белова Валентина Александровна, сӑвӑҫ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
хуҫин ҫитӗннӗ ачисем
хуҫа арӑмӗ
хуть те кам тухсан та
хуҫа хӑй
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
хӑнана ӑсатма никам та тухмасть
кил-йышри арҫын
хуҫа тарҫи