Шупашкарти Сӗнтӗрвӑрри ҫулӗ ҫинче прицеп ҫинче тухнӑ пушар хыҫҫӑн икӗ ача вилнӗ. Тискер авари ҫурла уйӑхӗн 8-мӗшӗнче пулнӑ. Триммерпа курӑк ҫулакан ҫул ҫитмен 5 ачана прицеп ҫине лартнӑ, ҫавӑнтах 14 триммер тата бензин тултарнӑ канистрсем пулнӑ. Ҫул ҫинче пынӑ чухне ачасенчен пӗри хӑйӗн тумӗ ҫинчи ҫипе зажигалкӑпа ҫунтарса татма шут тытнӑ — прицеп ҫавӑнтах хыпса илнӗ. Ачасем унтан тухса ӗлкӗрнӗ, анчах ӑна машинӑран вӗҫертнӗ чухне пиҫсе кайнӑ. Вӗсене пульницӑна илсе кайнӑ.
Пӗр ача ҫурла уйӑхӗн 9-мӗшӗнче Чулхулари медицина центрӗнче вилнӗ. Унӑн ӳчӗн 90 проценчӗ пиҫсе кайнӑ. Тепӗр ачан чӗри ҫурла уйӑхӗн 13-мӗшӗнче тапма чарӑннӑ, унӑн учӗн 70 проценчӗ пиҫнӗ. Тепӗр икӗ ачан ӳчӗ 60 тата 23 процент таран сиенленнӗ, вӗсем реанимаци уйрӑмӗнче сипленеҫҫӗ, иккӗшӗ те ИВЛ аппарачӗ пулӑшнипе сывлаҫҫӗ. Тепӗр ача Шупашкарти больницӑра выртать, вӑл — 14-ра, унӑн сывлӑхӗ хӑрушлӑхра мар.
Ӗҫленӗ вӑхӑтра хӑрушсӑрлӑх йӗркине пӑхӑнманшӑн ку тӗслӗх тӗлӗшпе пуҫиле ӗҫ пуҫарнӑ. Водителе ҫул ҫитмен пассажирсене кирлӗ условисенче илсе ҫӳременшӗн штрафланӑ. Ӗҫе малалла тӗпчеҫҫӗ.
Амӑшӗ кухньӑна тухнӑ та пӳлӗм алӑкӗ питӗрӗнсе ларнӑ, шалта вара 1,5 ҫулти ача юлнӑ. Ку Шупашкарти общежитире пулнӑ.
Хӗрарӑмӑн полицирен пулӑшу ыйтма тивнӗ. Пӗчӗк ача пӳлӗмре каҫӑхса кайсах макӑрнӑ. Ҫитменнине, чӳрече уҫӑ пулнӑ, ача москитлӑ сетка ҫине таянса аялалла ӳкме пултарнӑ.
Полицин кӗҫӗн лейтенанчӗ Руслан Анюров тата аслӑ лейтенанчӗ Азер Мамедов пӳлӗм алӑкне уҫайман, урамран пӑрӑх тӑрӑх хӑпарма шутланӑ. Руслан Анюров пӑрӑхпа виҫҫӗмӗш хута хӑпарнӑ, напарникӗ троспа страховка тунӑ. Ҫапла вӗсем хӑрушлӑха лекнӗ пӗчӗк ачана ҫӑлнӑ.
Чӑваш Енре пӗр сутуҫӑ темиҫе мандарин вӑрланӑ икӗ ачана тӗлӗнсе каймалла майпа явап тыттарас тенине эпир унччен пӗлтернӗччӗ-ха. Аса илтерер: 11-ти арҫын ачапа 13-ри хӗрача сентре ҫинчи темиҫе мандарина вӑрланӑ. Ҫавӑншӑн сутуҫӑ вӗсене ҫын ҫук ҫӗре лартса кайнӑ. Унта вӑл пите зелёнка сӗртерттернӗ.
Арҫын Волгоград облаҫӗнчен Чӑваш Ене куҫса килнӗ вӑйпитти-мӗн. Пӑтӑрмах Етӗрнере пулнӑ. Ачасем пӗр тӑвансем иккен.
Ачасене ҫын ҫук ҫӗре ирӗксӗр лартса кайнӑ арҫын тӗлӗшпе пуҫиле ӗс пуҫарнӑ. Ӑна ҫын вӑрланӑшӑн явап тыттарма пултараҫҫӗ.
Елчӗкри «Солнышко» (чӑв. Пӗчӗк хӗвел) ача пахчинче пӗр шӑпӑрлан аманнӑ.
Инкек ҫурла уйӑхӗн 8-мӗшӗнче ачасем вылянӑ вӑхӑтра пулса иртнӗ.
Халӗ ку пӑтӑрмах тӗлӗшпе РФ Следстви комитечӗн Чӑваш Енри тӗпчевҫисем тӗрӗслев пуҫарнӑ. Кун пирки асӑннӑ органӑн пресс-служби пӗлтернӗ.
Чӑваш Енри пӗр сутуҫӑ темиҫе мандарин вӑрланӑ икӗ ачана тӗлӗнсе каймалла майпа явап тыттарас тенӗ. Кун пирки Марина Ахмедова журналист, РФ Президенчӗ ҫумӗнчи этем правине хӳтӗлес енӗпе ӗҫлекен канаш членӗ Телеграмри хӑйӗн каналӗнче пӗлтернӗ.
11-ти арҫын ачапа 13-ри хӗрача сентре ҫинчи темиҫе мандарина вӑрланӑ. Ҫавӑншӑн сутуҫӑ вӗсене ҫын ҫук ҫӗре лартса кайнӑ. Унта вӑл пите зелёнка сӗртерттернӗ.
Пӑтӑрмах хыҫҫӑн ӑна йӗрке хуралҫисем тупнӑ. Арҫын хӗрачаран каҫару ыйтнӑ, арҫын ачаран та каҫару ыйтнине пӗлтернӗ.
Вӑл 4 ача ашшӗ-мӗн. «Айӑпа кӗрсен хӑйӗн ачисене епле явап тыттарни пирки шухӑшлама та хӑрушӑ», — тесе ҫырнӑ Марина Ахмедова.
Паян Шупашкарта 13 ҫулти хӗрачана машина ҫапса кайнӑ. Ку инкек кӑнтӑрла Трактор тӑвакансен проспектӗнче пулнӑ.
ЧР прокуратури пӗлтернӗ тӑрӑх, «Тойота Камри» пӑрӑнма тӑнӑ чухне машинӑсем пуррипе-ҫуккине лайӑх пӑхман, ун ҫине «Форд» кӗрсе кайнӑ. Ҫапӑнсан «Камри» тротуар ҫине тухса кайнӑ та мороженӑй сутакан павильона пырса тӑрӑннӑ. Ҫав вӑхӑтра унта 13 ҫулти хӗрача пулнӑ.
Телее, ача вӑйлӑ аманман, ҫапах ӑна тӗрӗслеме пульницӑна илсе кайнӑ.
Алена Силпи пиллӗкмӗш хут анне пулнӑ. Ку хыпара эпир «Урал сасси» хаҫат халӑх тетелӗнче хыпарлани тӑрӑх пӗлтӗмӗр.
«Ҫурла уйӑхӗн 6-мӗшӗнче пирӗн ентеш, Авӑркас тӑрӑхӗнчи Юламан ялӗнче ҫуралса ӳснӗ Алена Силпи эстрада ҫӑлтӑрӗ пиллӗкмӗш ача ҫуратнӑ. Арҫын ача ирхине 7.54 сехетре ҫут тӗнчене килнӗ, унӑн йывӑрӑшӗ – 4210 грамм, ҫӳллӗшӗ – 56 см. Кун пирки юрӑҫ хӑйӗн социаллӑ ушкӑнӗсенче пӗлтернӗ», — хыпарланӑ «Урал сасси».
Юлашки ҫулсенче патшалӑх хӗрарӑмсем ача ҫуратчӑр тесе темле пулӑшу та шухӑшласа кӑларать. Кирек епле япалан та икӗ енӗ пур. Анчах паянхи пирӗн хыпарӑмӑр ун пирки мар та шала кӗрсе каяр мар.
Чӑваш Енӗн транспорт предприятийӗ те ача чухне ҫуратсан укҫа парса пулӑшать-мӗн. Кун пек йӗркене пурнӑҫа кӗртме пуҫлани иккӗшӗш ҫул иккен. Ку пулӑшупа хальлӗхе 4 ҫемье усӑ курнӑ.
Аса ҫуратсан ҫемьене 50 пин тенкӗ сертификат параҫҫӗ. Ӑна ҫемье хӑй пӗлнӗ пек усӑ курма пултарать.
Украина ҫыннисем Шупашкарти 14-ри арҫын ачана вербовка тума хӑтланнӑ
Арҫын ача туссем тупас тесе анлӑ сарӑлнӑ паллашу платформинче регистрациленнӗ те темле «Ольӑпа» калаҫма тытӑннӑ. Кӑштахран хӗр курнӑҫма тесе ӑна хӑйӗн координачӗсене ярса пама ыйтнӑ. Каччӑ ярса панӑ хыҫҫӑн ун патне видео килнӗ, унта ӑна темӗн те каласа хӑратнӑ. Видеора Украина формине тӑхӑннӑ арҫын пулнӑ.
Кӑшт вӑхӑт иртсен «полицейски» тесе паллаштарнӑ арҫын шӑнкӑравланӑ. Саккуна пӑснӑ тесе вӑл арҫын ачан ашшӗ-амӑшӗн ятне-шывне, ӑҫта ӗҫленине ыйтса пӗлнӗ. Нумай вӑхӑт хӑратса (ҫемйине вӗлерессине те каланӑ) пурӑннӑ хыҫҫӑн палламан ҫын арҫын ачана задани панӑ: Чӑваш Енри оборона предприятине видео ӳкерсе ярса памалла. Ача хӑраса ӳкнипе кун пирки никама та каламан, задание пурнӑҫланӑ.
Кайран ӑна бензин туянма хушнӑ. Юрать-ха, ҫавӑн чухне телефонпа калаҫнине амӑшӗ илтнӗ. Ҫемье кун пирки тӳрех полицие пӗлтернӗ.
Чӑваш Енре чӑваш ачисен «Эткер» смени черетлӗ хутчен ӗҫлеме тытӑннӑ. Кун пирки Александр Степанов чӑваш чӗлхипе литературин вӗрентекенӗ «Контактра» халӑх тетелӗнчи хӑйӗн страницинче пӗлтернӗ.
«Кӑҫал эпир ӑна Ирпипе, Ирина Диаровӑпа, 10-мӗш хут ирттеретпӗр. Тӗлӗнмелле!!! Тӗрлӗ регионта пурӑнакан чӑваш ачисем Шупашкарта пухӑнса пӗр-пӗринпе пӗр чӗлхе тупса «Чӑваш тӗнчине» туйма тытӑнӗҫ. Шанас килет паллах. Паянхи кун вӗсем пӗр-пӗринпе паллашрӗҫ, юрларӗҫ те ташларӗҫ, хӑйсен тӑван енӗ ҫинчен постер хатӗрлерӗҫ, ыттисене паллаштарчӗҫ», — каласа кӑтартнӑ хастар вӗрентекен хӑйӗн страницинче.
Чӑн та, питех те пӗлтерӗшлӗ ӗҫ туса ирттереҫҫӗ.
+19.9 °C