Сайта кӗр | Регистраци | Сайта кӗрсен унпа туллин усӑ курма пулӗ
 +13.3 °C
Шӗшкӗ авмасӑр мӑйӑр татаймӑн.
[ваттисен сӑмахӗ]
 

Хыпарсен ҫыххи: Республикӑра

Республикӑра
ШӖМ тунӑ сӑн
ШӖМ тунӑ сӑн

Авӑн уйӑхӗн 23-мӗшӗнче «Чи лайӑх халӑх дружинникӗ» конкурса пӗтӗмлетнӗ. Вӑл республика шайӗнче иртнӗ.

ШӖМ пӗлтернӗ тӑрӑх, дружинниксем спорт енӗпе нормативсем пурнӑҫланӑ, васкавлӑ медпулӑшу пама пӗлнине кӑтартнӑ, право тӗлӗшӗнчен мӗнле пӗлӳ пулнине те тӗрӗсленӗ.

Чи лайӑххи кам пулнӑ-ха? Вӑрнар районӗнчи Галина Павлова. Иккӗмӗш вырӑна Канаш районӗнчи Вячеслав Шпаков йышӑннӑ, виҫҫӗмӗшне – Пӑрачкав районӗнчи Кристина Тряхина.

Сӑмах май, Чӑваш Енре 26 халӑх дружини йӗркеленнӗ, вӗсенче – 549 ҫын.

Хыпар ҫӑлкуҫӗ: https://pg21.ru/news/74587
 

Республикӑра

Элӗк районӗнчи Ҫирӗккассинче пурӑнакан Раиса Михайлова хӑйӗн укҫипе ҫӑлкуҫа хӑтлӑлатнӑ. 94 ҫулти кинемей пӗччен ӗҫлемен, ӑна ялти ҫынсем пулӑшнӑ.

Ӗҫе ҫуркунне тытӑннӑ. Раиса Михайлова ҫӑлкуҫа хӑтлӑлатма шутласан ял ҫыннисем те алӑ панӑ. Укҫине вара кинемей никамран та пухман, хӑйӗнне кӑларса панӑ. Пӗрисем стройматериал илсе килнӗ, теприсем ӗҫленӗ. Кӗркунне тӗлне ҫӑлкуҫа хӑтлӑлатса пӗтернӗ. Халӗ унта кӳршӗ ялсенчи ҫынсем те чӑмса тухма килеҫҫӗ.

Ҫынсем каланӑ тӑрӑх, унти шыв сиплӗ. Купол 100 пин тенке кайса ларнӑ. Раиса Михайловна укҫине шеллемен, веҫех тӳленӗ. Ӑна вӑл нумай вӑхӑт пухнӑ. Кӑҫал РФ президенчӗ Ҫӗнтерӳ кунӗнче тыл ӗҫченӗсене панӑ 25 пин тенке те унта такакланӑ.

Хыпар ҫӑлкуҫӗ: https://pg21.ru/news/74555
 

Республикӑра
https://moygorod--online-ru.turbopages.org/moygorod-online.ru/s/society/society_51053.html
https://moygorod--online-ru.turbopages.org/moygorod-online.ru/s/society/society_51053.html

Чӑваш Енре кӑшӑлвируспа ҫыхӑннӑ йышӑнусене ҫирӗплетме йышӑннӑ. Кун пирки республикӑн оперштабӗн паянхи ларӑвӗнче Олег Николаев Элтепер каланӑ. Республика ертӳҫи халӑх йышлӑ пухӑнакан мӗнпур культурӑллӑ-массӑллӑ мероприятие ирттерме чарассине пӗлтернӗ. «Нацисен кросӗ» спорт мероприятине пин ҫынран ытла хутшӑнтармӗҫ.

Культура учрежденийӗсене малашне QR-кодпа кӗртме пуҫласшӑн. Республикӑн Цифра аталанӑвӗн министерстви кинотеатрсемпе театрсене, ҫавӑн пекех ытти культура учрежденине билетсене онлайн-мелпе QR-кода кура сутассине йӗркелесе яма тивӗҫ. Билетсене маларах туяннисене вара укҫана тавӑрса памалла тӑвасшӑн.

QR-кодпа кӗмелли мобильлӗ платформӑна ҫак эрнере спорт сооруженийӗсене, Уҫӑ алӑксен кунне, кӗртнӗ чух тӗрӗслесе пӑхӗҫ. Спортзалсене, бассейнсене тата катоксене кӑшӑлвирусран прививка тунисене е юлашки пур ҫулта кӑшӑлвируспа чирленисене тата антитела пуррисене кӗртӗҫ.

 

Республикӑра
krymsk-region.ru сайтри сӑн
krymsk-region.ru сайтри сӑн

Чӑваш Енре кӑмпа ҫисе наркӑмӑшланнӑ 13 ҫын тухтӑрсенчен пулӑшу ыйтнӑ. Катастрофа медицинин пресс-служби пӗлтернӗ тӑрӑх, вӗсен хырӑмлӑхне тасатса пульницӑна илсе ҫитернӗ.

Ҫурла уйӑхӗн 29-мӗшӗнче Шупашкарта пурӑнакан 41 ҫулти хӗрарӑм кӑмпа ҫисен хӑйне япӑх туйнӑ. Унӑн пуҫӗ ҫаврӑннӑ, куҫӗ хуралса килнӗ, кӑмӑлӗ пӑтраннӑ. Вӑл шыв нумай ӗҫсе хырӑмлӑхне тасатнӑ, анчах ку пулӑшман. Ҫавӑнпа вӑл васкавлӑ медпулӑшу чӗннӗ.

Етӗрне районӗнче харӑсах 3 ҫын наркӑмӑшланнӑ. Вӗсем пӗр сӗтел хушшинче кӑмпа ҫинӗ. Вӗсене те пӗрремӗш медпулӑшу парса пульницӑна илсе ҫитернӗ.

Хыпар ҫӑлкуҫӗ: https://pg21.ru/news/74524
 

Республикӑра

Ҫӗрпӳре пурӑнакан34 ҫулти Чернова Людмила Георгиевнӑна иккӗмӗш эрне шыраҫҫӗ. Вӑл авӑн уйӑхӗн 11-мӗшӗнче килтен тухса кайнӑ. Унтанпа ӑна никам та курман.

Ҫухалнӑ хӗрарӑмӑн пиччӗшӗ пулӑшу ыйтать. Людмила Черновӑна килте упӑшки тата 13 ҫулти хӗрӗ кӗтеҫҫӗ.

Людмила 155 сантиметр ҫӳллӗш, вӑтам пӳ-силлӗ, ҫӳҫӗ ҫутӑ, куҫӗ хӑмӑр. Килтен вӑл сӑрӑ курткӑпа, тӗттӗм кӑвак джинс шӑлаварпа, хура кроссовкӑпа тухса кайнӑ.

Ҫак хӗрарӑма курнӑ тӑк 8 (800) 700-54-52 е 112 номерсемпе шӑнкӑравлама ыйтаҫҫӗ.

Хыпар ҫӑлкуҫӗ: https://pg21.ru/news/74532
 

Республикӑра
obmarks.ru сайтри сӑн
obmarks.ru сайтри сӑн

Ҫӗмӗрле районӗнче арҫынпа хӗрарӑм кӑмпана кайсан ҫухалнӑ. Вӗсене полици, ҫӑлавҫӑсем, нимеҫӗсем шыранӑ.

Вӗсем вӑрманта ҫухални пирки ӗнер 23 сехет ҫурӑра пӗлтернӗ. 1979 тата 1982 ҫулта ҫуралнӑ арҫынпа хӗрарӑм Ҫӗмӗрле вӑрманӗнче каялла тухмалли ҫула тупайман.

Ҫур ҫӗр иртни 3 сехетре кӑмпаҫӑсене тупнӑ. Вӗсем Речной поселокӗ ҫывӑхӗнче юхӑннӑ пионер уйлӑхӗ патӗнче тупнӑ. Арҫынпа хӗрарӑм ҫӗр каҫас тесе кӑвайт чӗртнӗ. Вӗсем ҫӑлавҫӑсене курсан питӗ савӑннӑ. Ара, ҫав вӑхӑталла шӑпах ҫумӑр ҫума тытӑннӑ.

 

Республикӑра
sharij.net сайтри сӑн
sharij.net сайтри сӑн

Кӑшӑлвирус сарӑлнине пула Чӑваш Енре ҫӗнӗ чарусем вӑя кӗреҫҫӗ. Кун пирки ЧР Элтеперӗ Олег Николаев паян Правительство ҫуртӗнче иртнӗ канашлура пӗлтернӗ.

Малашне кафе-ресторана, культура учрежденийӗсене кӗнӗ чухне, спорт тата массӑллӑ мероприятисене кайсан кӑшӑлвирусран прививка тунине ӗнентерекен QR-код ыйтма пуҫлӗҫ. Элтепер каланӑ тӑрӑх, кун пек тума май пур: вакцинациленнисене йышӗ самай.

QR-кода Патшалӑх пулӑшӑвӗсен порталӗн сарӑмӗнче кӑтартмалла е хут ҫине пичетлемелле. Авӑн уйӑхӗн 25-мӗшӗнче, Сывлӑхпа спорт кунӗнче, ӑна кӑтартсан ҫеҫ кӗртӗҫ. Хальлӗхе ку йӗркене 13 спорт учрежденийӗ пӑхӑнать.

 

Республикӑра
kommunarmelenki.ru сайтри сӑн
kommunarmelenki.ru сайтри сӑн

Авӑн уйӑхӗн 19-мӗшӗнче Шупашкар районӗнче пурӑнакан 69 ҫулти хӗрарӑм Когояр кӳлли патне кӑмпана кайнӑ. Кун иртнӗ, анчах вӑл таврӑнман. Тӑванӗсем пӑшӑрханма тытӑннӑ, пулӑшу ыйтнӑ.

Каҫхи 5 сехетре ҫӑлавҫӑсем Ҫурҫӗр поселокӗ патнелле ҫул тытнӑ. Вӗсем Мари Элти ӗҫтешӗсемпе пӗрле ҫав тӑрӑхра шыранӑ. Юрать-ха, хӗрарӑм 21 сехет те 25 минутра тупӑннӑ. Ӑна киле леҫсе янӑ.

Астӑвӑр: вӑрмана кайиччен кун пирки тӑвансене пӗлтерӗр, палламан вырӑнсенче ан ҫӳрӗр, телефона зарядка туса кайӑр, пӗрле ҫӗҫӗ, компас, шӑрпӑк, хунар илӗр. Паллах, ҫимеллипе ӗҫмелли те пулмалла.

Хыпар ҫӑлкуҫӗ: https://pg21.ru/news/74487
 

Республикӑра
"Про Город" сайтри сӑн
"Про Город" сайтри сӑн

Авӑн уйӑхӗн 10-мӗшӗнче Муркашра автостанци хупӑннӑ. Халӗ ҫынсем общество транспортне уҫӑ тӳпе айӗнче кӗтеҫҫӗ. Сивӗ, ҫумӑрлӑ ҫанталӑкра та урамра тӑма тивет.

Пӗр хӗрарӑм видео ӳкерсе район администрацийӗн пуҫлӑхне ку ҫитменлӗхе татса пама ыйтнӑ. Муркашра ике автостанци, анчах вӗсенчен нихӑшӗ те ӗҫлемест.

Администраци ӑнлантарнӑ тӑрӑх, автостанци хуҫи вырӑнти влаҫа судра выляса янӑ, ҫавна май унӑн хупӑнма тивнӗ. Транспорт министерстви район администрацине ҫыру янӑ, унта муниципалитет автостанци валли урӑх вырӑн тупмаллине палӑртнӑ.

Хыпар ҫӑлкуҫӗ: https://pg21.ru/news/74453
 

Республикӑра

Вӑрмар районӗнчи фермер кредит организацийӗсенчен тата харпӑр усламҫӑран 2 миллион ытла тенкӗ кивҫен илнӗ. Анчах вӑл парӑма тавӑрса пама васкаман. Ҫавна май приставсем ун тӗлӗшпе ӗҫ производстви пуҫарнӑ.

Фермер 1966 ҫулта ҫуралнӑскер. Ҫак кунсенче приставсем унӑн тыр-пулне – 10 тонна викӑна – арестленӗ. Вӑл 70 пин тенкӗлӗх. Арестленӗ тыр-пул фермер патӗнчех упранать. Унӑн ӑна хӑйӗнех сутмалла. Ҫак ӗҫе 10 кунра пурнӑҫласа парӑмсене татма тытӑнмалла.

 

Страницӑсем: 1 ... 188, 189, 190, 191, 192, 193, 194, 195, 196, 197, [198], 199, 200, 201, 202, 203, 204, 205, 206, 207, 208, ...637
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (26.08.2025 21:00) сайра пӗлӗтлӗ ҫанталӑк, атмосфера пусӑмӗ 750 - 752 мм, 12 - 14 градус ӑшӑ пулӗ, ҫил 0-2 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Лару-тӑру лайӑх енне йӗркеленсе пырӗ. Ертӳлӗх сирӗнте пысӑк майсене асӑрхӗ, сирӗнпе урӑхларах хутшӑнма тытӑнӗ. Ӗҫпе, килӗшӳсемпе сӑмах пама ан васкӑр — ку тӗлӗшпе асӑрхануллӑрах пулӑр.

Ҫурла, 26

1901
124
Иванов Семён Акимович, генерал-майор ҫуралнӑ.
1930
95
Соколова Асклида Андреевна, чӑваш тӑлмачӗ ҫуралнӑ.
1933
92
Ашмарин Николай Иванович, паллӑ тюрколог, чӑваш чӗлхи пӗлӗвӗн никӗсне хываканӗ вилнӗ.
1950
75
Яковлев Пётр Яковлевич, чӑваш чӗлхин тӗпчевҫи ҫуралнӑ.
1973
52
Кузьмина Надежда Геннадьевна, чӑваш юрӑҫи, артисчӗ, сценарисчӗ ҫуралнӑ.
2009
16
Ленский Леонид Александрович, тава тивӗҫлӗ ӑслӑлӑх ӗҫченӗ вилнӗ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
пӗтӗм кил-йышпа тухаҫҫӗ
хуҫа арӑмӗ
ӑсатма тухни — ҫылӑх, юрамасть
хуҫа тарҫи
кил-йышри арҫын
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
хуть те кам тухсан та
хуҫа хӑй
хӑнана ӑсатма никам та тухмасть