Ку канмалли кунсенче Шупашкар юбилейне паллӑ тӑвать. Мӗнле ҫанталӑк пулӗ ун чухне?

Ырантан пуҫласа ӑшӑтма тытӑнать. Шӑматкун 20-25 градус ӑшӑ пулӗ. Вырсарникун вара вырӑнӑн-вырӑнӑн ҫумӑр ҫӑвать, хушӑран аслатиллӗ те авӑтӗ. Уява кайятӑр пулсан сунчӑк илме ан манӑр.

Тунтикунран тинех ҫуллахи шӑрӑх пирӗн пата ҫитӗ. Кӑнтӑрласерен 23-28 градус ӑшӑ пулӗ, каҫсерен – 11-16 градус. Ҫил лӑпланӗ.

Малтанлӑха пӗлтернӗ тӑрӑх, типӗ те ӑшӑ ҫанталӑк ҫулла вӗҫӗччен пулӗ. Хӑш-пӗр кун 30 градус таранах шӑрӑх тӑрӗ.

Синоптиксем пӗлтернӗ тӑрӑх, ку эрнере те ҫумӑр ҫӑвӗ. Паян та ҫӑвать. Эрне варринче каҫсерен ҫӑвӗ, кӑнтӑрла – вырӑнӑн-вырӑнӑн. Хушӑран аслатиллӗ пулӗ.

Сывлӑш температури 18-20 градус ӑшӑ пулӗ, ҫӗрлесерен – 10-12 градус. Чи сивви эрнекун пулӗ. Ун чухне ҫумӑр та ҫукалӗ.

Малтанлӑха пӗлтернӗ тӑрӑх, ҫитес эрнере республикӑна ҫулла таврӑнӗ: хӗвеллӗ те 30 градус ӑшӑ ҫанталӑк тӑрӗ.

Паян республикӑра ҫумӑрлӑ ҫанталӑк хуҫаланать. Синоптиксем пӗлтернӗ тӑрӑх, ыран та ҫумӑр ҫӑвӗ, анчах паянхинчен сивӗрех пулӗ: аслатиллӗ ҫумӑр та ҫӑвӗ.

Вырсарникун уяртӗ, сывлӑш 19-24 градус таран ӑшӑнӗ. Анчах тунтикун каллех циклон килӗ, каллех ҫумӑр ҫума тытӑнӗ. Шупашкарта 5 кунра пӗр тӑваткал метр лаптӑк ҫине 35 литр шыв ӳкме пултарать.

Эрне варринче хушӑран кӑна ҫумӑр ҫӑвӗ, хӗвел пӑхӗ. Ҫил ҫурҫӗр-хӗвеланӑҫ енчен вӗрнӗрен кӑнтӑрласерен 18-23 градус кӑна ӑшӑ пулӗ, ҫӗрлесерен 10 градус.

Паян уяр та ӑшӑ ҫанталӑк. Синоптиксем ыран та ҫапла пуласса пӗлтереҫҫӗ. Ҫапах ҫумӑрсӑр иртмест. Паян кӑнтӑрла хыҫҫӑн вырӑнӑн-вырӑнӑн аслатиллӗ ҫумӑр ҫума пултарать. Ыран ҫурҫӗр округӗсенче ҫумӑр ҫӑвас хӑрушлӑх пур.

Эрне пуҫламӑшӗнче 23-28 градус ӑшӑ пулӗ. Каҫсерен те самаях ӑшӑ тӑрӗ. Ҫил тӳлек вӗрӗ.

Эрнекун сивӗтӗ. Кӑнтӑрла 18-23 градус, каҫхине 12-14 градус ӑшӑ пулӗ. Ҫил ҫурҫӗр енчен вӗрӗ.

Вырсарникун тата тунтикун самай ҫумӑр ҫӑвӗ.

Кӗр ҫывхарать пулин те 30 градус шӑрӑх таврӑнас шанчӑк пур. Малтанлӑха пӗлтернӗ тӑрӑх, уйӑх варринче темиҫе кун шӑрӑх пулма пултарать.

Паян ҫанталӑк сивӗрех-ха, ҫурҫӗр округӗсенче ҫумӑр ҫукалать. Ыран вара, синоптиксем пӗлтернӗ тӑрӑх, ҫанталӑк лайӑхланма тытӑнать.

Ҫумӑр малашне те ҫукалама пултарать-ха, анчах ыран 20-25 градус таран ӑшӑтӗ, вырсарникун вара 27 градус пулӗ.

Тунтикун каллех сунчӑк кирлӗ пулӗ. Эрне варринче ҫумӑр ҫума пӑрахӗ, ҫил ҫурҫӗр енчен вӗрӗ. Кӑнтӑрласерен 22-27 градус, ҫӗрлесерен 15-17 градус ӑшӑ пулӗ.

Гидрометцентр пӗлтернӗ тӑрӑх, ҫитес 10 кунра сывлӑш температури нормӑпа килӗшӳллӗн пулӗ. Ҫурла пуҫламӑшӗнче вара вӑл 18 градус ӑшӑпа танлашать.

Синоптиксем пӗлтернӗ тӑрӑх, утӑ уйӑхӗ нормӑран 1,5 хут ӑшӑрах пулнӑ, анчах нӳрӗк 40% кӑна ӳкнӗ. Ҫурла уйӑхӗ мӗнле килӗ?

Ӑшӑ кунсем уйӑхӑн пӗрремӗш декади вӗҫӗнче тата иккӗмӗш декада пуҫламӑшӗнче пулӗҫ. Ун чухне Шупашкарта 30 градус таран пулӗ. Чи шӑрӑх кунсем уйӑх варрине лекӗҫ.

Ҫумӑр ытларах ҫурлан 1-20-мӗшӗсенче ҫӑвӗ. 20-мӗшӗ хыҫҫӑн ҫил ҫурҫӗр-хӗвеланӑҫӗнчен вӗрӗ - уяр, анчах сивӗрех ҫанталӑк тӑрӗ.

Пӗтӗмӗшле илсен, ҫурла уйӑхӗнчи ҫанталӑк нормӑпа килӗшӳллӗн пулӗ.

Паян ҫанталӑк хӗвеллӗ, ӑшӑ. Анчах, синоптиксем пӗлтернӗ тӑрӑх, ку эрне ҫумӑрлӑ пулӗ. Паян ҫӗрле аслатиллӗ ҫумӑр ҫума пултарать.

Ытларикун 25 градус ӑшӑ пулӗ, ҫурҫӗр енчи районсенче ҫумӑр ҫукаласа илӗ.

Юнкун вара кӑнтӑрла та, ҫӗрле те ҫумӑр ҫӑвӗ. Кӗҫнерникунран пуҫласа хушӑран ҫумӑр ҫукаласа тӑрӗ, хӑш чухне - аслатипе. Термометр кӑнтӑрласерен 22-24 градус, ҫӗрлесерен 13-15 градус ӑшӑ пулӗ.

Канмалли кунсенче ҫанталӑк лайӑхланӗ, ҫумӑр ытлах ҫумӗ. Вырсарникун 25 градус таран ӑшӑ пулӗ.

Ку эрнере палӑрмаллах уҫӑ ҫанталӑк тӑрать. Шӑматкун каҫхине тата ҫӗрле аслатиллӗ ҫумӑр ҫӑвӗ. Канмалли кунсенче те ҫил лӑпланмӗ. Кӑнтӑрласерен 19-24, ҫӗрлесерен 11-16 градус ӑшӑ пулӗ.

Вырсарникун ҫӗрле каллех аслатиллӗ ҫумӑр ҫума пултарать. Тунтикун самаях ӑшӑтӗ. Анчах ҫӗрле каллех сивӗрех пулӗ.

Ҫитес эрне тӑршшӗпех ҫумӑр ҫукалӗ. Пӗр пӗчӗк пӗлӗт татӑкӗнчен те ҫумӑр ӳкме пултарӗ. Ҫил вара лӑпланӗ. Пӗтӗмӗшле илсен, ҫанталӑк шӑрӑх мар, хӑтлӑ пек туйӑнӗ. Сунчӑк илме ҫеҫ манмалла мар.

Юлашки кунсенче ҫумӑр ҫурӗ пулин те Шупашкарта нӳрӗк ҫителӗксӗр. Синоптиксем пӗлтернӗ тӑрӑх, ку эрнере уҫӑрах ҫанталӑк пулӗ. Кӑнтӑрласерен 22-24 градус, ҫӗрлесерен 10-12 градус ӑшӑ пулӗ. Кӗҫнерникунпа эрнекун термометр 20 градус кӑна кӑтартӗ.

Эрне тӑршшӗпех ҫил ҫурҫӗр енчен вӗрӗ. Ытларикун кӑна ҫумӑр ҫумӗ. Юнкунран пуҫласа каллех вырӑнӑн-вырӑнӑн ҫумӑр ҫукалӗ.

Малтанлӑха пӗлтернӗ тӑрӑх, уйӑх вӗҫӗнче шӑрӑх таврӑнӗ, 25-30 градус пулӗ. Ҫурла уйӑхӗн пуҫламӑшӗнче 30 градус ытла ӑшӑ пулмалла.

Синоптиксем пӗлтернӗ тӑрӑх, утӑ уйӑхӗ нормӑран 3 градус ӑшӑрах тӑрать. Юнкун хӑш-пӗр тӑрӑхра ҫумӑр ҫунӑ. Нӳрӗк сахал, ҫумӑр тахҫанах пулманнипе савӑнтарнӑ ку.

Ҫак канмалли кунсенче ҫумӑр чашлаттарса ҫукалӗ, хӑш-пӗр вырӑнта аслатиллӗ ҫумӑр, пӑр ҫума пултарать. Кӑнтӑрла - 21-26, ҫӗрле 14-19 градус ӑшӑ тӑрӗ.

Ҫитес эрне пуҫламӑшӗнче ҫанталӑк кӑштах сивӗтӗ. Эрне варринче каллех ҫумӑр ҫӑвӗ, 20 градус таран кӑна ӑшӑ пулӗ. Ку кӗрхи ҫанталӑка аса илтерӗ.

Ан пӑшӑрханӑр: ҫуллахи ҫанталӑк таврӑнӗ. Малтанлӑха пӗлтернӗ тӑрӑх, утӑ уйӑхӗ 30 градуслӑ шӑрӑхпа вӗҫленӗ.