Юлашки кунсенче ҫумӑр ҫурӗ пулин те Шупашкарта нӳрӗк ҫителӗксӗр. Синоптиксем пӗлтернӗ тӑрӑх, ку эрнере уҫӑрах ҫанталӑк пулӗ. Кӑнтӑрласерен 22-24 градус, ҫӗрлесерен 10-12 градус ӑшӑ пулӗ. Кӗҫнерникунпа эрнекун термометр 20 градус кӑна кӑтартӗ.

Эрне тӑршшӗпех ҫил ҫурҫӗр енчен вӗрӗ. Ытларикун кӑна ҫумӑр ҫумӗ. Юнкунран пуҫласа каллех вырӑнӑн-вырӑнӑн ҫумӑр ҫукалӗ.

Малтанлӑха пӗлтернӗ тӑрӑх, уйӑх вӗҫӗнче шӑрӑх таврӑнӗ, 25-30 градус пулӗ. Ҫурла уйӑхӗн пуҫламӑшӗнче 30 градус ытла ӑшӑ пулмалла.

Синоптиксем пӗлтернӗ тӑрӑх, утӑ уйӑхӗ нормӑран 3 градус ӑшӑрах тӑрать. Юнкун хӑш-пӗр тӑрӑхра ҫумӑр ҫунӑ. Нӳрӗк сахал, ҫумӑр тахҫанах пулманнипе савӑнтарнӑ ку.

Ҫак канмалли кунсенче ҫумӑр чашлаттарса ҫукалӗ, хӑш-пӗр вырӑнта аслатиллӗ ҫумӑр, пӑр ҫума пултарать. Кӑнтӑрла - 21-26, ҫӗрле 14-19 градус ӑшӑ тӑрӗ.

Ҫитес эрне пуҫламӑшӗнче ҫанталӑк кӑштах сивӗтӗ. Эрне варринче каллех ҫумӑр ҫӑвӗ, 20 градус таран кӑна ӑшӑ пулӗ. Ку кӗрхи ҫанталӑка аса илтерӗ.

Ан пӑшӑрханӑр: ҫуллахи ҫанталӑк таврӑнӗ. Малтанлӑха пӗлтернӗ тӑрӑх, утӑ уйӑхӗ 30 градуслӑ шӑрӑхпа вӗҫленӗ.

Республикӑра уҫӑ ҫанталӑк тӑнӑ хыҫҫӑн ӗнер каллех шӑрӑх пуҫланчӗ. Синоптиксем пӗлтернӗ тӑрӑх, эрне тӑршшӗпех 26-31 градус ӑшӑ пулӗ. Уяр пулнӑран сулхӑнра та пӑчӑ туйӑнӗ.

Ҫумӑр ҫӑвӗ-и? Атмосфера пусӑмӗ пӗчӗкленӗ, ҫавна май вырӑнӑн-вырӑнӑн ҫумӑр ҫӑвас шанчӑк ӳсет. Ку - юнкунран пуҫласа, кӑнтӑрла хыҫҫӑн. Анчах ҫумӑр ҫусан та ҫанталӑк пӑчӑ тӑрӗ.

Малтанлӑха палӑртнӑ тӑрӑх, ҫитес эрнере 35-37 градус таран шӑрӑх пулма пултарӗ.

Утӑ уйӑхӗн пӗрремӗш декади историре чи ӑшши пулнӑ. Ун чухне сывлӑш вӑтамран 24,9 градус ӑшӑннӑ. Ку климат норминчен 5,4 градус ытларах.

Халӗ ҫанталӑк кӑшт уҫӑрах. Паян ҫӗрле 9-14 градус кӑна ӑшӑ пулӗ. Ыран 20-25 градус таран ӑшӑтӗ. Вырсарникун пирӗн пата шӑрӑх таврӑнӗ, 27-29 градус ӑшӑ пулӗ. Ҫумӑр вырӑнӑн-вырӑнӑн кӑна ҫӑвӗ.

Малтанлӑха пӗлтернӗ тӑрӑх, ҫумӑр ҫитес эрне вӗҫӗнче кӑна ҫӑвӗ, хӑш-пӗр вырӑнта пӗр тӑваткал метр ҫине 50 литр таран шыв ӳкӗ.

pg21.ru сӑнӳкерчӗкӗ

Шупашкар мунициапллӑ округӗнчи Турикасси ялӗнче пӗрисем пахчара хальччен курман кӑпшанкӑна асӑрханӑ. Вӗсем ӑна видео ҫине ӳкерсе илнӗ, патакпа тӗксе пӑхаҫҫӗ.

Раҫҫейӗн тава твиӗҫлӗ экологӗ Альберт Ластухин ӑнлантарса панӑ тӑрӑх, ҫӗрулми калчи е турат евӗр ҫав кӑпшанкӑ пяденица ятлӑ лӗпӗшӗн хурчӗ.

«Шел, ӑна асаплантараҫҫӗ. Чӑваш Енре унӑн виҫҫӗре яхӑн тӗсӗ пур. Вӗсенчен хӑшӗсемпе тӗрлӗ кайӑкпа чӗрчун апатланса пурӑнать. Хӑшӗсене Хӗрлӗ кӗнекене кӗртнӗ. Мӗнпур чӗрӗ чуна вӗлермелле мар, малтанах вӑл мӗн иккенне пӗлӗр. Ҫутҫанталӑкра усӑллипе сиенли ҫук. Экотытӑмра пурте кирлӗ», – палӑртса хӑварнӑ эколог.

Чӑваш Енре каллех антициклон хуҫаланать. Юнкун «пик» пулӗ – 30 градуса ҫитӗ.

Кӗҫнерникун сивӗ фрончӗ ҫывхарӗ. Ахӑртнех, ҫумӑр ҫумӗ. Ҫӗрле кӑна вырӑнӑн-вырӑнӑн аслатиллӗ ҫумӑр ҫума пултарӗ.

Эрнекунран кӑнтӑрласерен – 24-29 градус ӑшӑ пулӗ, ҫӗрлесерен – 13-15 градус. Эрнен иккӗмӗш ҫурри уяр тӑрӗ. Ҫил эрне тӑршшӗпех ҫурҫӗртен вӗрӗ. Кӗҫнерникун тата эрнекун вӑйланӗ.

Малтанлӑха пӗлтернӗ тӑрӑх, ҫитес эрнере те типӗ ҫанталӑк пулӗ.

Синоптиксем пӗлтернӗ тӑрӑх, утӑ уйӑхӗн 3-4-мӗшӗсенче шӑрӑх рекорд лартнӑ. Термометр ҫак кунсенче 33,3-34,3 градус кӑтартнӑ. Ун пекки 65 ҫул пулман.

Шӑрӑх хӑҫан чакӗ? Ыран, шӑматкун, шӑрӑх пулӗ-ха. Вырӑнӑн-вырӑнӑн аслатиллӗ ҫумӑр е пӑр ҫума, ҫил вӑйланма пултарӗ. Вырсарникун вара кӑшт уҫӑлтарӗ. Каҫхине те самай уҫӑрах пулӗ - вырсарникун ҫӗрле 13-18 градус кӑна ӑшӑ тӑрӗ.

Тунтикун та шӑрӑх 30 градуса ҫитмӗ. Ытларикун вара каллех шӑрӑх пуҫланӗ. Малтанлӑха пӗлтернӗ тӑрӑх, вӑл эрне вӗҫӗчченех пулӗ.

Утӑ уйӑхӗнче мӗнле ҫанталӑк пулӗ? Синоптиксем мӗн пӗлтереҫҫӗ? Шӑрӑх ҫанталӑк уйӑхӑн пӗрремӗш ҫурричченех тӑрӗ. Унтан кӑштах сивӗтӗ, анчах шӑрӑх кунсем те пулӗҫ.

Уйӑх варриччен ҫумӑр ытлах ҫумӗ. Утӑ уйӑхӗн 19-21-мӗшӗсенче ҫумӑр нумай ҫумалла.

Синоптиксем пӗлтернӗ тӑрӑх, тӑваттӑмӗш ҫул ӗнтӗ ҫӗртме уйӑхӗнче нӳрӗк сахал пулнӑ. Шупашкарта, тӗслӗхрен, 27 мм нӳрӗк (норма – 42) пулнӑ. Канаш тӑрӑхӗнче вара ҫумӑр самаях ҫунӑ – нормӑран ытларах.

Ку эрнере кӑнтӑрласерен 30 градус ытла шӑрӑх пулӗ. Ҫӗрлесерен те термометр 20 градус кӑтартӗ. Ҫил тӳлек вӗрӗ.

Утӑн уйӑхӗн 3-4-мӗшӗсенче 1959 ҫултанпа тӑракан рекорд ҫӗнелме пултарӗ: 32,5 градус кӑтартӗ. Кӗҫнерникунран пуҫалса шӑматкунччен ҫумӑр ҫукалама пултарать. Вырӑнӑн-вырӑнӑн аслатиллӗ ҫумӑр ҫӑвӗ. Анчах ку та шӑрӑхран ҫӑлаймӗ – пӑчӑлантарӗ кӑна.

Малтанлӑха пӗлтернӗ тӑрӑх, ҫуллахи шӑрӑх уйӑх варриччен, тен, ытларах та, тӑма пултарӗ.

cap.ru сӑнӳкерчӗкӗ

Усӑ курнӑ батарейкӑна урама тухса персен вӑл 20 кубла метр тӑпрана тата 400 литр шыва варалать. Батарейка кӑларакан наркӑмӑш чӗрчунсене сиен кӳрет: чӗрӗпсене, мулкачсене, шӑшисене, каюрасене, хуртсене.

Ҫавӑнпа та батарейкӑсене утилизацилеме памалла. Шупашкарта вӗсене республикӑн Ҫутҫанталӑк ресурсӗсен тата экологи министерствинче йышӑнаҫҫӗ. Вӑл Ленинград урамӗнчи 33-мӗш ҫуртра вырнаҫнӑ. Батарейкӑсене ирхи 7 сехетрен пуҫласа 19 сехетчен ҫитерсе пама пулать.

Унсӑр пуҫне асӑннӑ министерствӑна пӑхӑнакан организацисем те йышӑнаҫҫӗ.