|
Республикӑра
 "Про Город" сайтран илнӗ сӑн Ҫӗрпӳ районӗнче мӗншӗн тӗтӗм тӑрать? Ҫынсем ҫӑра тӗтӗм тӑнине асӑрханӑ. Раштав уйӑхӗн 29-мӗшӗнче Кӑнар поселокӗ ҫывӑхӗнчи ҫӳп-ҫап полигонӗ ҫунма пуҫланӑ. Ӑна пӑхса тӑракан организаци ҫулӑма хӑй тӗллӗн сӳнтереймен. Ҫавна май ҫулӑм сарӑлсах пынӑ. Раштавӑн 30-мӗшӗнче вырӑнти влаҫ лару-тӑру йӗркеллех пулнине пӗлтернӗ. Ҫӳп-ҫап купине сӳнтерме 6 грузовик, 2 поогрузчик, 2 экскаватор хутшӑннӑ. Раштавӑн 31-мӗшӗнче унта йывӑр техника ӗҫленӗ. Ҫулӑма сӳнтерес тесе 550 кубла метр тӑпра турттарса килнӗ. Тӳре-шара пӗлтернӗ тӑрӑх, ҫынсемшӗн хӑрушлӑх ҫук. Хыпар ҫӑлкуҫӗ:
|
|
Сывлӑх
 report.az сайтри сӑн 2021 ҫулӑн пӗрремӗш кунӗнче кӑшӑлвирус статистики мӗнлерех? Юлашки талӑкра 10 ҫак каварлӑ вируса пула вилнӗ. Ку таранччен пӗтӗмпе 538 ҫын пурнӑҫран уйрӑлнӑ. Паянх кун тӗлне республикӑра пурӑнакан 16488 ҫын инфекциленнӗ. Вӗсенчен 14867-шӗ сывалнӑ. Юлашки талӑкра 101 ҫын кӑшӑлвирусран сывалнӑ. Аса илтерер: нумаях пулмасть республикӑна кӑшӑлвирусран хӳтӗленмелли вакцинӑн ҫӗнӗ партийӗ килнӗ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Вӑрмар районӗнчи пӗр ҫемьешӗн Ҫӗнӗ ҫул инкекпе вӗҫленнӗ. Паян ирхине 5 сехет те 51 минутра пушарнӑйсем патне шӑнкӑрав ҫитнӗ. Урнар ялӗнчи Октябрь урамӗнчи ҫурт ҫунма пуҫланӑ иккен. Шел те, пушарта ҫынсем вилнӗ, вӗсен йышӗнче – виҫӗ ача. Вӗсем 2010, 2013 тата 2016 ҫулсенче ҫуралнӑскерсем. Пушар тухнӑ самантра пӳртре кил хуҫи, 1969 ҫулта ҫуралнӑскер, унӑн пӗрле пурӑнакан хӗрарӑмӗ тата унӑн 2 хӗрӗ, пӗр хӗрӗн ачисем пулнӑ. Пушарта 51 ҫулти арҫын ҫеҫ чӗрӗ юлнӑ. Пушара 10 сехетре сӳнтерсе пӗтернӗ. Халӗ кун тӗлӗшпе пуҫиле ӗҫ пуҫарас ӗҫе пӑхса тухаҫҫӗ. Хыпар ҫӑлкуҫӗ:
|
|
Персона
 litkarta.nbchr.ru сӑнӳкерчӗкӗ Паян Геннадий Максимов ҫыравҫӑ 60 ҫул тултарнӑ. Вӑл 1961 ҫулхи кӑрлачӑн 1-мӗшӗнче Чӑваш Енӗн Комсомольски районӗнчи Нӗркеҫ ялӗнче ҫуралнӑ. Вӑрнарти совхоз-техникумра, Чӑваш патшалӑх университетӗнче вӗреннӗ. Комсомольски район хаҫачӗн ял хуҫалӑх пайӗн заведующийӗ, Чӑваш телевиденийӗн ачасемпе ҫамрӑксен кӑларӑмӗсен заведующийӗ, «Хресчен сасси» хаҫачӗн тӗп редактор ҫумӗ, «Ҫамрӑксен хаҫачӗн» редакторӗ пулнӑ, 1994 ҫултанпа — «Хыпар» издательство ҫурчӗн тӗп редакторӗн ҫумӗ. Чӑваш Енӗн тава тивӗҫлӗ культура ӗҫченӗ ятне тивӗҫнӗ. Геннадий Максимовӑн пӗрремӗш кӗнеки «Сталин грамоти» ятпа кун ҫути курнӑ. 2010, 2011 ҫулсенче «Ҫӗрӗллӗ хура кушак» тата «Танец в ночи» кӗнекисем Чӑваш Енри чи нумай вуланисен шутне кӗнӗ. Хыпар ҫӑлкуҫӗ:
|
|
Хулара
 Ӗнер, раштав уйӑхӗн 30-мӗшӗнче, эсир Шупашкарта троллейбуспа ярӑнакан Хӗл мучипе Юр пикене курнӑ-и? Ҫапла, ӗнер уяв хуҫисем ҫынсене савӑнтарма тухнӑ. Раштавӑн 30-мӗшӗнче Шупашкарта ретро-троллейбус ҫӳренӗ. Вӑл 1-мӗш маршрутпа ҫӳрекен троллейбус ҫулӗпе кайнӑ. Салонра Хӗл мучипе Юр пике пулнӑ, вӗсем хула ҫыннисемпе хӑнисене Ҫӗнӗ ҫулпа саламланӑ. Сӑмах май, ЗИУ-5 троллейбус хулара 54 ҫул каялла ҫӳреме пуҫланӑ. Вӑл – Шупашкарти пӗрремӗш троллейбус. Хыпар ҫӑлкуҫӗ:
|
|
Хулара
 "Про Город" сайтран илнӗ сӑн Шупашкарта пурӑнакан Андрей Метлов слесарьте ӗҫлет, насос станцийӗсене пӑхса тӑрать. Вӑл Хӗл мучин тумне пӗлтӗрех илсе хунӑ, анчах ӑна кӑҫал ҫеҫ тӑхӑнса урама тухнӑ. 52 ҫулти арҫын мотосамокат ҫине ларать те ӗҫе васкать. Ӑна курсан ачасем те, аслисем те савӑнаҫҫӗ, алӑ сулса саламлаҫҫӗ. «Кӑҫал пандемие пула урамра Хӗл мучисене курсах каймарӑм. Манӑн вара ҫынсене савӑнтарас килет, Ҫӗнӗ ҫул асамлӑхне туйччӑр», - тенӗ Андрей Метлов. Унӑн хӑйӗн икӗ хӗр. Ашшӗ Хӗл мучи пулнине вӗсем ырлаҫҫӗ ҫеҫ. Хӗл мучи тумӗпе пырса кӗрсен ӗҫтешӗсем питӗ тӗлӗннӗ. Вӗсем Андрей хӑй тунӑ мотосамокатпа урам тӑрӑх асамҫӑ тумӗпе ҫӳренине пӗлнӗ-ха, анчах ӗҫе килессе шутламан. Хыпар ҫӑлкуҫӗ:
|
|
Сывлӑх
 alev-biz.livejournal.com Чӑваш Енре кӑшӑлвиурсран прививка тума пуҫалнӑ ӗнтӗ. Анчах хальлӗхе ӑна хӗрлӗ зонӑра ӗҫлекен тухтӑрсене, вӗрентекенсене ҫеҫ тӑваҫҫӗ. Ҫӗнӗ ҫул умӗн, ҫак кунсенче, Чӑваш Ене вакцинӑн ҫӗнӗ партийӗ килнӗ. Хальхинче 1100 доза илсе ҫитернӗ. Вӗсене республикӑри 11 пульницӑна ӑсатнӑ. Ку прививкӑна медицина ӗҫченӗсене, вӗренӳ тата социаллӑ пулӑшу учрежденийӗсен, нумай функциллӗ центрсен ӗҫченӗсене, вӑраха кайнӑ чирпе нушаланакансене тӑвӗҫ. Палӑртмалла: кӑшӑлвирусран хӳтӗлекен прививкӑна ҫынсен ирӗкӗпе тата тӳлевсӗр тӑваҫҫӗ. Вакцинацилениччен ҫынна тухтӑр пӑхать. Хыпар ҫӑлкуҫӗ:
|
|
Пӑтӑрмахсем
 YouTube сайтри сӑн Етӗрне районӗнчи Мӑн Сӗнтӗр ялӗнче пурӑнакан 41 ҫулти арҫын ҫынна асӑрханмасӑр вӗлернӗ тесе шутлаҫҫӗ. Ун тӗлӗшпе пуҫиле ӗҫ пуҫарнӑ. Следстви комитечӗ пӗлтернӗ тӑрӑх, ҫак арҫын раштавӑн 30-мӗшӗнче Хӗрлӗ Чутай районӗнчи «Ленинсая Искра» сунар хуҫалӑхӗн территорийӗнче хир сыснине йӗрленӗ те ӑна пӑшалтан пенӗ. Анчах хайхискер чӗрчуна мар, ҫынна йӑнӑшпа пенӗ. 39 ҫулти арҫын сурана пула ҫавӑнтах вилнӗ. Вырӑна следствин оперативлӑ ушкӑнӗ ҫитнӗ, тӗрӗсленӗ, инкеке курнисенчен ыйтса пӗлнӗ. Пуҫиле ӗҫе малалла тӗпчеҫҫӗ. Хыпар ҫӑлкуҫӗ:
|
|
Пӑтӑрмахсем
 Шупашкар хулинче 37 ҫулти арҫын хӗрарӑма вӗлернӗ. Тӗрӗссипе, вӑл ӑна ҫапса пӑрахас темен-ха. Ӳсӗрскер савнине кӗвӗҫнипе хӗненӗ. 28 ҫулти хӗрарӑмпа арҫын Шупашкарти хваттерте пурӑннӑ. Раштав уйӑхӗн 28-мӗшӗнче арҫын савнипе хирӗҫме тытӑннӑ. Усалскер алли-урине ирӗке янӑ. Хӗрарӑма пульницӑна лекмеллех ислетнӗ. Тепӗр кунхине ҫамрӑк хӗрарӑм куҫне ӗмӗрлӗхе хупнӑ. Раҫҫей Следстви комитечӗн Чӑваш Енри управленийӗнче пӗлтернӗ тӑрӑх, арҫына тытса чарнӑ. Хыпар ҫӑлкуҫӗ:
|
|
Ҫутҫанталӑк
 Ҫӗрпӳ районӗнче ҫӳп-ҫап полигонӗ хыпса илнӗ. Ку хыпара Инкеклӗ ӗҫсен патшалӑх комитечӗ паян кӑнтӑрла иртсен пӗлтернӗ. Унта хыпарланӑ тӑрӑх, полигон ҫунма пуҫлани ҫинчен Ҫӗрпӳ районӗн администрацийӗн пуҫлӑхӗ Сергей Беккер пӗлтернӗ хыҫҫӑн вырӑна яваплӑ специалистсем тухса кайнӑ. Лару-тӑру пирки республика Элтеперне Олег Николаева та систернӗ-мӗн. Полигона сӳнтерес ӗҫе ыран пуҫӑнӗҫ. Ун валли 6 самосвал, 2 экскаватор тата 2 бульдозер уйӑрӗҫ. Инкеклӗ ӗҫсен патшалӑх комитетӗнче ӗнентернӗ тӑрӑх, полигон ҫунни ҫутҫанталӑкшӑн тата ҫынсемшӗн хӑрушӑ мар. Хыпар ҫӑлкуҫӗ:
|
+17.3 °C