|
Республикӑра
 Василий Кузьмин сӑнӳкерчӗкӗ Чӑваш Енре «Сӑр» юханшывӗ урлӑ сарнӑ кӗпере уҫнӑ. Ӑна машинӑсем хӑвӑрт ҫӳремелли «М-7» автомобиль ҫул валли тунӑ. Кӗпер тӑршшӗ — 2,4 километр. Сӑмах май каласан, Чӑваш Енре ку кӗпер чи вӑрӑмми иккен. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Ҫур ҫӗрте Патӑрьел округӗнчи Алманчӑ ялӗнче пушар алхаснӑ. Ленин урамӗнчи кирпӗч ҫурт ҫуннӑ. Ҫӑлавҫӑсем 185 тӑваткал метр лаптӑк ҫинчи ҫулӑма сӳнтернӗ, «хӗрлӗ автана» кӳршӗ ҫуртсем ҫине куҫма паман. Пушара сӳнтерсен 46 ҫулти арҫын виллине тупнӑ. Инкек вӑхӑтӗнче пиччӗшӗ те килтех пулнӑ. Вӑл ҫӑлӑнса ӗлкӗрнӗ, чӗрех юлнӑ. Малтанлӑха палӑртнӑ тӑрӑх, пушар пирус асӑрханмасӑр туртнӑран тухнӑ. Палӑртмалла: ҫулталӑк пуҫланнӑранпа республикӑра 1394 пушар тухнӑ. Хыпар ҫӑлкуҫӗ:
|
|
Сывлӑх
 cap.ru сӑнӳкерчӗкӗ Улатӑрти район пульницинче чӗрепе юн тымарӗсен центрӗ уҫӑлнӑранпа икӗ эрне иртнӗ. Унта инсульт тӳссе ирттернӗ ҫынсем сипленеҫҫӗ. Пациентсенчен пӗрне тромболизис процедури туса ирттернӗ те. Хальхи вӑхӑтра ҫав уйрӑмра 8 ҫын сипленет иккен, тепӗр иккӗн реанимаци уйрӑмӗнчи ятарлӑ палатӑра выртать. Асӑннӑ центра неврологи уйрӑмӗнче уҫнӑ. Пуҫ миминче юн начар чупнипе нушаланакансене маларах Улатӑртан Ҫӗмӗрлене илсе кайнӑ. Ун пек чирпе вара кашни минучӗ хаклӑ. Хыпар ҫӑлкуҫӗ:
|
|
Политика
 cap.ru сайтри сӑн ӳкерчӗк. Канаш хулин тӗп архитекторӗ пулнӑ Денис Церфус ҫӗнӗ ӗҫре вӑй хума тытӑнӗ. Вӑл Шупашкар хула администрацийӗн архитектура тата хула строительствин управленийӗн пуҫлӑхӗн ҫумӗнче ӗҫлеме пуҫланӑ. Управлений пуҫлӑхӗн вакансийӗ хальлӗхе пушӑ. Аса илтерер: авӑн уйӑхӗнче управлени ертӳҫин ҫумӗнче Сергей Стройков ӗҫлеме пуҫланӑ. Вӑл 2007-2012 ҫулсенче хулан архитекторӗ пулнӑ. Каласа хӑварар: Денис Церфус 2022-2024 ҫулсенче Канаш хулин тӗп архитекторӗ пулнӑ. Хыпар ҫӑлкуҫӗ:
|
|
Республикӑра
 Инкеклӗ лару-тӑру министерстви тунӑ сӑн Раштав уйӑхӗн 20-мӗшӗнче Сосновка поселокӗ ҫывӑхӗнче каҫхи 5 сехетре ҫӑлавҫӑсем инкеке лекнӗ пулӑҫӑ патне ҫитнӗ. Мари Элте пурӑнакан 37 ҫулти арҫын Атӑл ҫине пӗчченех пулла кайнӑ. Ҫӳхе пӑр тӗлне лексен вӑл путма пуҫланӑ. Телее, вӑл пӑр тыткӑнӗнчен хӑйех тухма пултарнӑ, тӳрех ҫӑлавҫӑсене чӗннӗ. Йӗпеннӗ, халтан кайнӑ пулӑҫа телефонӗ ҫинчи хунар ҫути пулӑшнипе тупнӑ. Ӑшӑннӑ хыҫҫӑн ӑна ҫыран хӗррине илсе тухнӑ. Хыпар ҫӑлкуҫӗ:
|
|
Пӑтӑрмахсем
 Валентина Яковлева тунӑ сӑн «Ҫамрӑксен хаҫачӗн» корреспонденчӗ Валентина Яковлева пӗлтернӗ тӑрӑх, паян Патӑрьел округӗнчи Вӑтаел ялӗнче кӑнтӑр кунӗнчех хӗрарӑма тилӗ тапӑннӑ. Вӑл лавккана кайма тухнӑ. Ялта ҫын нумай пулсан та тилӗ хӑраман, ун ҫине сиксе ларса янахӗнчен, хулӗнчен ҫыртнӑ. Хӗрарӑм пулӑшу ыйтса кӑшкӑрнӑ. Кӳршӗ арҫынни пуртӑ йӑтса тухса тилле мӑйӗнчен сӗрнӗ. Хӗрарӑма пульницӑна илсе кайнӑ. Тилӗ виллине вара Шупашкарти лабораторире тӗрӗслӗҫ, урнӑ чир пулнипе пулманнине палӑртӗҫ. |
|
Вӗренӳ
 Александр Степанов страницчен илнӗ сӑнӳкерчӗк Раштав уйӑхӗн 21-мӗшӗнче Шупашкар хулин 40-мӗш шкулӗнче чӑваш чӗлхипе литературине вӗрентекенсен хула шайӗнчи меслетлӗх семинарӗ иртнӗ. Кун пирки Александр Степанов вӗрентекен халӑх тетелӗнчи хӑйӗн страницинче пӗлтернӗ. Ҫав кун республика Элтеперӗн гранчӗпе ҫӗнетнӗ чӑваш чӗлхипе литератури пӳлӗмне уҫнӑ. Унтагн Александр Степанов вӗрентекен 2-мӗш класс ачисемпе «Хӗл мучи патӗнче» уҫӑ урок ирттернӗ, интерактивлӑ доскан вӗрентӳ ирттермелли майӗсене кӑтартнӑ. Хыпар ҫӑлкуҫӗ:
|
|
Политика
 cap.ru сӑнӳкерчӗкӗ ЧР Элтеперӗ Олег Николаев паян икӗ министра награда панӑ. Министрсен Кабинечӗн председателӗн пӗрремӗш ҫумӗ – финанс министрӗ Михаил Ноздрякова «Чӑваш Республики умӗнчи тава тивӗҫлӗ ӗҫсемшӗн» ордена панӑ. Вӑл ку должноҫре 2020 ҫулхи нарӑс уйӑхӗнчен ӗҫлет. ЧР культура министрне Светлана Каликовӑна «Чӑваш Республики умӗнчи тава тивӗҫлӗ ӗҫсемшӗн» орден медальне панӑ. Вӑл культура министрӗнче 2020 ҫулхи авӑн уйӑхӗнченпе ӗҫлет. Хыпар ҫӑлкуҫӗ:
|
|
Раҫҫейре
 culture.ru сайтри сӑн «Ростелеком Контакт-центр» Хӗл мучин тата унӑн цифра пулӑшуҫисен хӗрӳ линийӗ кӑҫалхипе виҫҫӗмӗш хут ӗҫлесе кайнӑ. Унта ачасем 800 101-10-42 номерпе шӑнкӑравласа тупмалли юмахсене пӗлме, Юр пикене парнесем пирки каласа кӑтартма, Хӗл мучи валли ырӑ сӑмахсем хӑварма пултараҫҫӗ. Шӑнкӑрав тӳлевсӗр, вӑл раштав уйӑхӗн 30-мӗшӗнче ӗҫлеме пуҫлать. Проект «Раҫҫей почти» тата Аслӑ Устюгри Хӗл мучин резиденцийе пулӑшнипе пурнӑҫланать. Хыпар ҫӑлкуҫӗ:
|
|
Ҫутҫанталӑк
 Ҫанталӑк ӑшӑ. Ҫапах, синоптиксем пӗлтернӗ тӑрӑх, Ҫӗнӗ ҫул тӗлне юрсӑр юлмӑпӑр. Анчах уйӑх вӗҫӗччен юр нумаях ҫумӗ. Ҫитес кунсенче кӑштах юр ӳкес шанчӑк пур. Паян каҫхине сивӗтме тытӑнать. Ыран ирхине 5-10 градус сивӗ пулӗ. Кӗҫнерникун юр ӳкме чарӑнӗ, пӗлӗтсем сирӗлӗҫ. Ҫил тӳлев вӗрӗ. Ҫӗрлесерен тата ирсерен тӗтре карса илӗ. Эрнен иккӗмӗш ҫурринче 1-6 градус сивӗ тӑрӗ. Хальлӗхе шартлама сивӗ пулмӗ. Хыпар ҫӑлкуҫӗ:
|
-0.7 °C