|
Чӑвашлӑх
 "Контактри" сӑн Утӑ уйӑхенче«Хавал» ҫуллахи университет ӗҫлессине пӗлтернӗччӗ. Аса илтерер: вӑл утӑн 16-22-мӗшӗсенче Шупашкар округӗнчи санаторире иртӗ. Кӑҫал унта тӗрлӗ факультетра пӗлӗве тарӑнлатма май пулӗ. Сӑмахран, куҫару, меслетлӗх, ИТ, театр, юрӑ-кӗвӗ, ӳнер факультечӗсем ӗҫлӗҫ. Экспертсем вара тӗрлӗ лекци вулӗҫ. Вӗсенчен пӗри Чӑваш наци радиовӗн ӗҫченӗ Элтияр Александров пулӗ. Вӑл чӑваш мифӗсем тата фолькор пирки каласа кӑтартӗ. Кӑҫал университета тӗрлӗ халӑх ҫамрӑкӗсем килӗҫ, тӑван чӗлхипе паллаштарӗҫ. Хыпар ҫӑлкуҫӗ:
|
|
Чӑвашлӑх
 Тутарстанри Сиктӗрме ялӗнче иртнӗ «Уява» 20 пин ытла ҫын хутшӑннӑ. Аса илтерер: ҫак мероприяти Иван Казанков тӑрӑшнипе тата пулӑшнипе иртет. Вӑл «Звениговский» аш-какай комбиначӗн директорӗ. Петӗр Хусанкай ҫуралса ӳснӗ яла Раҫҫейри тӗрлӗ регионтан делегацисем, пултарулӑх коллективӗсем килнӗ. Уявра фестиваль-конкурс, спорт ӑмӑртӑвӗсем, ӑсталӑх класӗсем иртнӗ. Кӑҫал «Раҫҫей чӑваш пики» конкурс та йӗркеленӗ. Ҫӗнтерӳҫӗ ятне Елчӗк округӗнчи Виктория Романова тивӗҫнӗ. Хыпар ҫӑлкуҫӗ:
|
|
Чӑвашлӑх
 Антонина Андреева Тутарстанри Сиктӗрмере паян Уяв иртнӗ. Ҫавна май унта Чӑваш сӑри фестивалӗ те иртнӗ. Унта пулса курнӑ Антонина Андреева пӗлтернӗ тӑрӑх, «Чӑваш сӑри» фестиваль лапамне хаклӑ хӑнасем пырса курнӑ. «Ачак сӑрине вӗретекен «Вирьял» халӑх фольклор ушкӑнӗ (ертӳҫи - Лев Иванов) авал чӑвашсем мӗнле сӑра туни, мӗнле савӑт-сапапа усӑ курни ҫинчен тӗпӗ-йӗрӗпех кӑтартса пурне те тӗлӗнтернӗ. Хӑшӗсем кун пек савӑтсен ячӗсене те ас тумасть». Хыпар ҫӑлкуҫӗ:
|
|
Чӑвашлӑх
 t.me/nikamran каналти видеоран илнӗ сӑнӳкерчӗк Берлинта пурӑнакан чӑвашсем пухӑннӑ. Кун пирки Телеграмри «Пруинчен малтан» каналта пӗлтернӗ. Тӗлпулӑва нумаях пулмасть Германие куҫса кайнӑ Савӑнпи (София Толстова) блогер йӗркеленӗ-мӗн. Чӑваш ҫамрӑкӗсем кафесенчен перичне пуҫтарӑннӑ. Ӑна Чӑваш Енре ҫуралнӑ пикепе унӑн савнийӗ, яппун каччи, уҫнӑ. Тӗлпулӑва пухӑннисем пӗр-пӗринпе паллашнӑ, «Вупӑр» вӑйӑ вылянӑ. Ҫамрӑксем пурте чӑваш тумтирӗпе, капӑрлӑх ҫакса пынӑ. Хыпар ҫӑлкуҫӗ:
|
|
Чӑвашлӑх
 «Контактри» сӑн Наталия-Салампи Михайлова алӑ ӗҫӗпе аппаланма юратать. Вӑл Питӗрте пурӑнать. Унӑн ӗҫӗсенче наци колоричӗ яр уҫҫӑнах курӑнать. Наталия Шупашкарти ӳнер училищинчен вӗренсе тухнӑ. Унтан Питӗрти халӑх ӳнер аслӑ шкулӗнче ӑс пухнӑ. Наталия тӗрлӗ пукане ӑсталать. Вӑл яланах ҫӗннине шырать: иконописьрен пуҫласа аэрографи таран. Ӑстаҫӑ тӗрлӗ конкурса хутшӑнать. 2022 ҫулта вӑл ӑсталанӑ «Нарспи тата Сетнер» пукане Надежда Бабкинӑн аллине лекнӗ. Хыпар ҫӑлкуҫӗ:
|
|
Чӑвашлӑх
 «Хавал» ҫуллахи университет кӑҫал та унта хутшӑнма йыхравлать. Хальхинче вӑл вырӑнне тата кунӗсене улӑштарать. Кӑҫал университетутӑ уйӑхӗн 16-22-мӗшӗсенче Шупашкар округӗнчи Вӑрманкасра вырнаҫнӑ «Мечта» санаторире иртӗ. Пуҫару ушкӑнӗ пӗлтернӗ тӑрӑх, калмӑк тата мӑкшӑ чӗлхисем пирки кӑсӑклӑ хӑтлавсем пулӗҫ. Унта хутшӑнас тесен ҫакӑнта регистрацленмелле: https://docs.google.com/forms/d/e/1FAIpQLSdZeQsRmQremJJ74ey0SsSnQGQcLkMmihEPqRKyFcdk0OqksA/viewform. Хыпар ҫӑлкуҫӗ:
|
|
Чӑвашлӑх
 «Контактри» сӑн Пенза облаҫӗнчи Неверкино районӗнчи Бикмурзино ялӗнче «Шурӑ ту» патӗнче чӑваш таврпӗлӳҫисен слечӗ иртнӗ. Ӑна Зинаида Чайко, Олег Жемчугов тата ял ҫыннисем тӑрӑшнипе йӗркеленӗ. Ялти чӑвашсем хӑйсен культурипе йӑли-йӗркине упрама тӑрӑшаҫҫӗ. Слета Тольяттири, Чӗмпӗрти тата Шупашкарти таврапӗлӳҫӗсем килнӗ. Вырӑнти таврапӗлӳҫӗ Михаил Щербаков «Илемь» туризм сукмакӗпе ертсе кайса ҫак вырӑн пирки каласа кӑтартнӑ. Слета пухӑннисем вырӑнти ватӑ ҫынсемпе калаҫнӑ, ӗлӗкхи йӑла-йӗрке пирки материал пухнӑ. Ҫав вӑхӑтрах ӗлӗкхи юрӑсене юрланӑ. Слет апатланупа вӗҫленнӗ. Сӗтел ҫинче чӑваш наци ҫимӗҫӗсем кӑна пулнӑ: салма яшки, 7 кӗрперен пӗҫернӗ пӑтӑ, хуплу, чӑкӑт, килте вӗретнӗ сӑра. Хыпар ҫӑлкуҫӗ:
|
|
Чӑвашлӑх
 ria.ru сайтри сӑн Паян ир-ирех Калининградри аэропортра Шупашкартан вӗҫсе килнӗ пӗрремӗш самолет пассажирӗсене ҫӑкӑр-тӑварпа, чӑваш юррипе кӗтсе илнӗ. Самолет Шупашкартан ҫӗрле 23:50 сехетре рейса тухнӑ. Тепӗр 2 сехет те 5 минутран Храброво аэропортӗне анса ларнӑ. Вӑхӑт ир еннелле кӑна сулӑннине пӑхмасӑр Чӑваш Енри пассажирсене «Балтийские чуваши» пултарулӑх ушкӑнӗ кӗтсе илнӗ. Палӑртса хӑварар: рейса «Аэрофлот» компани пурнӑҫлать. Хыпар ҫӑлкуҫӗ:
|
|
Чӑвашлӑх
 «Пуринчен малтан» телеграм-канал пӗлтернӗ тӑрӑх, Иркутск облаҫӗнчи тӗрлӗ районта пурӑнакан чӑвашсем пӗрле пухӑнса савӑннӑ. Унта Балаган районӗнчи Коновалово ялӗнче Акатуй пӗрремӗш хут иртнӗ. Иркутск облаҫӗнчи чӑвашсен наципе культура автономине йӗркеленнӗренпе 35 ҫул ҫитнӗ. Ҫак ятпа «Сирӗнпе пӗрле» чӑваш юррин фестивальне ирттернӗ. Чи лайӑх наци тумне те палӑртнӑ: Ольга Смирновӑн (Залари районӗнчи Тагна ялӗ) костюмӗ ҫӗнтернӗ. Вӑл 5 ҫул каялла чӑваш тумӗсем ҫӗлеме тытӑннӑ. Сӑра конкурсӗнче вара Зима районӗнчи Новолетники ялӗнчи Валентина Ягшимурадова мала тухнӑ. Хыпар ҫӑлкуҫӗ:
|
|
Чӑвашлӑх
 culture.cap.ru сӑнӳкерчӗкӗ Шупашкарти Ф.Павлов ячӗллӗ музыка училищин «Янтал» фольклор ансамблӗ пӗтӗм тӗнчери «Ясна Музыка 2025» этнофестивале хутшӑнса Чӑваш Енпе культурипе паллаштарнӑ. Ку коллектив чӑваш халӑхӗн культурине упраса хӑварас, унпа куракана паллаштарас тесе самай ӗҫ туса ирттерет. «Ясна Музыка» этнофестиваль кӑҫал тӑваттӑмӗш хут иртет. Суйлав тапхӑрне ҫӗршывӑн 34 регионӗнчи тата 6 ют ҫӗршыври 100 музыкант хутшӑннӑ, ҫӑвсен йышӗнче Узбекистан, Иран, Шри-Ланка, Индонези, Конго тата Ямайка артсичӗсем те пулнӑ. Этнофестивальте «Янтал» ансамбль ларуеат ятне тивӗҫнӗ. Хыпар ҫӑлкуҫӗ:
|
-8.7 °C