|
Чӑвашлӑх
 "Контактри" сӑн АПШра 19 ӗмӗрти чӑваш кӗпин лифӗ упранать. Кун пирки халӑх тетелӗнче Рина Ежергина каласа кӑтартнӑ. Вӑл каланӑ тӑрӑх, кӗпене пиртен ҫӗленӗ, тӗррӗ вӗҫлемен. АПШри музея епле лекнӗ-ха вӑл? Ӑна 19-мӗш ӗмӗрте Америка археологӗ Зелия Натолл «Вырӑс экспедицийӗ» вӑхӑтӗнче туяннӑ. Чӑваш Енри эксперт палӑртнӑ тӑрӑх, кӗпене кофтӑн ҫӳлти пайӗ пӗк хӑвӑрт ҫӗлеме пултарнӑ. Анчах ҫитсӑ айӗнче ӗлӗкхи тӗрӗ пулма пултарать. Хыпар ҫӑлкуҫӗ:
|
|
Чӑвашлӑх
 Александр Степанов страницинчен илнӗ сӑнӳкерчӗк Нарӑс уйӑйӗн 18-мӗшӗнче Шупашкар хулин 60-мӗш шкулӗнче чӑваш чӗлхипе литературине вӗрентекенсен хула шайӗнчи семинарӗ иртнӗ. Александр Степанов учитель халӑх тетелӗнчи хӑйӗн страницинче хыпарланӑ тӑрӑх, ӑна Тӑван чӗлхесен пӗтӗм тӗнчери кунне халалласа ирттернӗ. Унта вӗрентекенсен «Чӑваш чӗлхипе литературине чи лайӑх вӗрентекен 2025» хула шайӗнчи ҫӗнтерӳҫисем хӑйсен урокӗсемпе паллаштарнӑ. Вӗсем ҫаксем: 40-мӗш шкулти Алёна Митрофанова, 62-мӗш шкулти Нина Егорова, 56-мӗш шкулти Надежда Серебрякова, 37-мӗш шкулти Светлана Емельянова, 60-мӗш шкути Наталия Александрова. Хыпар ҫӑлкуҫӗ:
|
|
Чӑвашлӑх
 culture.cap.ru сӑнӳкерчӗкӗ Ыран, нарӑс уйӑхӗн 12-мӗшӗнче, Чӑваш патшалӑх филармонийӗнче «Ма хитре-ши Шупашкар урамӗ» концерт иртӗ. Ӑна Чӑваш музыкин XIV республикӑри фестивальне йӗркеленӗ май ирттерӗҫ. Концерт вӑхӑтӗнче халӑх юррисем тата хальхи вӑхӑтри авторсем илемлетнӗ юрӑсем янӑрӗҫ. Программӑна, сӑмахран, чӑваш эстрадин иртнӗ ӗмӗрӗн 70-мӗш ҫулӗсенче хит шутланнӑ «Мӗншӗн-ши эп сана пит юратрӑм», «Куҫ харшисем»; с«Шупашкар», «Анне», «Ахаль мар», «Ырӑ сунар» хальхи эстрада юррисем янӑрӗҫ. Вӗсене Александр Сергеев, Геннадий Борисов, Николай Казаков, Андрей Галкин, Сергей Степанов тата ытти композитор хайланӑ. Концерта «Ҫеҫпӗл», «Ҫавал» ансамбльсем тата «Nota «G» таша ушкӑнӗ хутшӑнӗ. Хыпар ҫӑлкуҫӗ:
|
|
Чӑвашлӑх
 «Хавал» университетӑн халӑх тетелӗнчи ушкӑнӗнчен илнӗ сӑнӳкерчӗк Чӑваш хастарӗсем ҫулсеренех «Хавал» университет уҫаҫҫӗ. Кӑҫал вӑл утӑ уйӑхӗн 16-мӗшӗнчен пуҫласа 22-мӗшӗччен ӗҫлӗ. Аса илтерер: унта чӑваш чӗлхине вӗренме, тӑван халӑхӑмӑрӑн пуян эткерлӗхӗпе кӗске вӑхӑтра туллин те тӗрлӗ енлӗн паллашма май туса параҫҫӗ. Кӑҫал «Хавал» ҫуллахи университет «Мечта» санаторире ӗҫлӗ. Вӑл Шупашкартан инҫех мар. Ҫуллахи университета чӑваш чӗлхипе кӑсӑкланакансене пурне те хапӑл туса кӗтсе илӗҫ. Хыпар ҫӑлкуҫӗ:
|
|
Чӑвашлӑх
 culture.cap.ru сӑнукерчӗкӗ Кӑрлач уйӑхӗн 22-мӗшӗнче Чӑваш патшалӑх культурӑпа ӳнер институтӗнче «Чувашский национальный танец: обработка и сохранение фольклорных традиций» (чӑв. Чӑваш наци ташши: илемлетесси тата фольклор йӑли-йӗркине упраса хӑварасси) республика шайӗнчи ҫавра сӗтел иртнӗ. Мероприятие республикӑри опытлӑ балетмейстер Людмила Нянина ертсе пынӑ. Вӑл Чӑваш патшалӑх культура институтӗнче преподавательте ӗҫлет. Ҫавра сӗтеле ача-пӑча ӳнер шкулӗсен педагог-хореографӗсем пуҫтарӑннӑ. Вӗсене ӑстасен ташшисене кӑтартнӑ, вӑл е ку хускану мӗне пӗлтернине каласа панӑ. Хыпар ҫӑлкуҫӗ:
|
|
Чӑвашлӑх
 Антонина Андреева страницинчен илнӗ сӑнӳкерчӗк Н.В. Никольский ячӗллӗ Шупашкар професси колледжӗнче 1 курсра вӗренекенсем паян Наци вулавӑшӗнчи «Чӗре йыхравӗ. Ҫеҫпӗл Мишшине халалласа» куравра пулнӑ . Экскурси хыҫҫӑн вӗсем «Ҫеҫпӗл-125» ӑс-хакӑл тата пултарулӑх программине хутшӑннӑ. Кун пирки вулавӑш ӗҫченӗ Антонина Андреева халӑх тетелӗнчи хӑйӗн страницинче пӗлтернӗ. «Студентсем экскурси вӑхӑтӗнче тимлӗ итлерӗҫ, ҫавӑнпа программӑри ӗҫсене хавхаланса, тӗплӗн пурнӑҫларӗҫ, Ҫеҫпӗл сӑввисене те туйӑмлӑн вуларӗҫ. Пулас педагогсем пурте маттур пулчӗҫ!» — хыпарланӑ Антонина Андреева. Хыпар ҫӑлкуҫӗ:
|
|
Чӑвашлӑх
 sosh40-gcheb.edu21.cap.ru сӑнӳкерчӗкӗ Шупашкар хулинчи 40-мӗш вӑтам шкулта «Чӑваш чӑрӑшӗ» ятпа Ҫӗнӗ ҫул уявӗ иртнӗ. Унти шкулта ӗҫлекен Александр Степанов учитель халӑх тетелӗнчи хӑйӗн страницинче пӗлтернӗ тӑрӑх, ёлка илемлӗ пулнӑ. Уява капӑрланса пынӑ ачасем чӑвашла сӑвӑсем каланӑ, юрласа та ташласа савӑннӑ. |
|
Чӑвашлӑх
 Телекӑларӑмран илнӗ скриншот Раштав уйӑхӗн 18-мӗшӗнче Пӗрремӗш канал чӑваш Хӗл Мучийӗпе Юрпикине кӑтартнӑ. Вӗсене «Жить здорово» кӑларӑма йыхравланӑ. Аса илтерер: асӑннӑ кӑларӑма Елена Малышева тухтӑр ертсе пырать. Унта сывлӑха епле упрамалли, тӗрлӗ чир-чӗртен епле сывалмалли ҫинчен каласа кӑтартаҫҫӗ. Телекӑларӑма хутшӑннӑ Хӗл Мучипе Юрпике — Чӑваш патшалӑх ӑкадеми драма театрӗнчен. Вӗсем Ҫӗнӗ ҫула чӑвашсем мӗнле кӗтсе илни, пӗр-пӗрне мӗн сунни, уявра мӗнле апат-ҫимӗҫпе сӑйланни ҫинчен каласа кӑтартнӑ. Хыпар ҫӑлкуҫӗ:
|
|
Чӑвашлӑх
 Шӑматкун Халӑхсен туслӑхӗн ҫуртӗнче «Раҫҫей чӑваш пики» конкурс иринӗ. Кӑҫал кам ҫӗнтернӗ-ха?Муркаш тӑрӑхӗнчи Дарья Дмитриева. Дарьйӑна тинӗс хӗрринче канмалли путевкӑпа чысланӑ. Палӑртса хӑварар: кӑҫал илем конкурсне 16 чиперкке хутшӑннӑ. Вӗсем – Чӑваш Енри тӗрлӗ округран, Тутар Республикинчен, Чӗмпӗр, Пенза, Тюмень облаҫӗсенчен. Хыпар ҫӑлкуҫӗ:
|
|
Чӑвашлӑх
 Ольга Иванова страницинчен илнӗ сӑнӳкерчӗк Чӑваш кӗнеке издательствинче «Халӑх ӑс-хакӑлӗн ахах-мерченӗ. Жемчужины народной мудрости» кӑларӑм пичетленсе тухнӑ. Ку хыпара Кӗнеке издательствин ӗҫченӗ Ольга Иванова халӑх тетелӗнчи хӑйӗн страницинче пӗлтернӗ. Чӑваш халӑх сӑмахлӑхӗ, чӑн та, пуян. Юрри-такмакӗпе, юмахӗ-халапӗпе, шӳтлевӗ-витлевӗпе, ваттисен сӑмахӗсемпе, тупмалли юмахӗсемпе. Маларах асӑнса хӑварнӑ кӑларӑма кӗнӗ материалсем — Никита Романов (1905–1960) педагог пухса хатӗрленӗскерсем иккен. Кӗнеке редакторӗ – Владимир Степанов. Чӑваш патшалӑх гуманитари ӑслӑлӑхӗсен институчӗ тимленипе кун ҫути кӑтартнӑ. Унта 2500 ытла ваттисен сӑмахӗпе каларӑш тата 1700 ытла тупмалли юмах кӗнӗ. Хыпар ҫӑлкуҫӗ:
|
+12.3 °C