Сайта кӗр | Регистраци | Сайта кӗрсен унпа туллин усӑ курма пулӗ
 -7.7 °C
Ҫӳрен каска якалнӑ, выртакан каска мӑкланнӑ.
[ваттисен сӑмахӗ]
 

Хыпарсен ҫыххи: Хулара

Хулара
cheb-centr.soc.cap.ru сӑнӳкерчӗкӗ
cheb-centr.soc.cap.ru сӑнӳкерчӗкӗ

Шупашкар хулинче пурӑнакан Елена Мусатова ачаранпах дизайнер пулма ӗмӗтленнӗ. Анчах тава тивӗҫлӗ канӑва тухсан ҫеҫ хӑйӗн унчченхи ӗмӗтне пурнӑҫа кӗртме пултарнӑ.

Хӗрарӑм пӗлтӗрхи ҫулла Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центра ҫӳреме пуҫланӑ. Вӑл унта япала касса ҫӗлекенсен кружокне ҫырӑннӑ.

Ӗҫ инструкторӗ пулӑшнипе чи малтанах платье ҫӗленӗ. Кайран пальто ҫӗлесе тӑхӑнма шухӑшланӑ. Ӑшӑ тума Мускав облаҫӗнчи Павловский Посад хулинчи фабрикӑра туса кӑларакан ҫӑм тутӑрпа илемлетнӗ. Сӑмах май каласан, тӗнчипе паллӑ Вячеслав Зайцев кутюрье те ҫав тутӑрсемпе усӑ курма юратнӑ.

 

Хулара
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Шупашкарти 6-мӗш пушар чаҫӗнче ӗҫлекен ҫӑлавҫӑсене Барсик ятлӑ кушакпа Гарик ятлӑ йытӑ пулӑшаҫҫӗ. Вӗсене сӑн ӳкерсе тӗнче тетелне вырнаҫтарнӑ.

«Барсик тата Гарик – 6-мӗш пушар чаҫӗн юлташӗсем, вӗсем канмалли кунсенче те постра! Инкеклӗ лару-тӑру министерстви инкек пуласран тӗшмӗш мар, хӑрушсӑрлӑх йӗркине пӑхӑнни сыхлани пирки аса илтереҫҫӗ», _ ҫапла ҫырнӑ сӑнӳкерчӗк айне.

 

Хулара
forum.na-svyazi.ru сайтри сӑн
forum.na-svyazi.ru сайтри сӑн

Шупашкарти Ботаника сачӗ кӑрлач уйӑхӗн 31-мӗшӗччен чӑрӑшсене йышӑнать. Унта «Чӑрӑша – иккӗмӗш пурнӑҫ» акци иртет.

Ҫӗнӗ ҫулта усӑ курнӑ чӑрӑшсене унта илсе пыма ыйтаҫҫӗ. Вӗсене вӗтетӗҫ, ваклӗҫ те малалла усӑ курӗҫ. Чӑрӑшсене ҫак адреспа йышӑнаҫҫӗ: Иван Яковлев проспекчӗ, 31-мӗш ҫурт. Чӑрӑшсене ӗҫ кунӗсенче те, канмалли кунсенче те илсе килме юрать. Килес умӗн шӑнкӑравласа пӗлтермелле: 8 (8352) 51-02-99.

 

Хулара
shilk-pravda.ru сайтри сӑн
shilk-pravda.ru сайтри сӑн

Шупашкарти 31 ҫулти арҫын Ҫӗнӗ ҫул каникулӗнче ултавҫӑсене 1 млн та 700 пин тенкӗ кусарса панӑ. Йӑлтах раштав уйӑхӗн 26-мӗшӗнче пуҫланнӑ.

Ун патне телефон ҫыхӑнӑвӗн операторӗн ӗҫченӗ ҫыхӑннӑ имӗш. Арҫынран номере упраса хӑварас кӑмӑл пурри-ҫуккипе кӑсӑкланнӑ. Кун хыҫҫӑн ун патне палламан ҫынсем шӑнкӑравлама тытӑннӑ. Вӗсем - банк, полици, патшалӑх палӑшӑвӗсен порталӗн ӗҫченӗсем имӗш. Хайхи Шупашкар арҫыннӑн аферистсене тытса чармалла-мӗн. Ҫапла вӑл виҫӗ банкра кредит илсе ултавҫӑсене 1 млн та 700 пин тенкӗ куҫарса панӑ.

 

Хулара
"Контактри" сӑн
"Контактри" сӑн

Шупашкарта пурӑнакан Иван Кирилловичпа Галина Михайловна Львовсем пӗрле 50 ҫул пурӑннине паллӑ тунӑ. Вӗсем икӗ хӗр ӳстернӗ, халӗ тӑватӑ мӑнукпа савӑнаҫҫӗ.

Иван Львович пурнӑҫӗн ытларах пайне строительствӑна халалланӑ, Шупашкарти пир-авӑр комбинатӗнче инженерта ӗҫленӗ. Галина Михайловна медицина тытӑмӗнче вӑй хунӑ. Вӑл иглорефлексотерапи мелӗпе хӗсӗрлӗхе сипленӗ.

Хыпар ҫӑлкуҫӗ: https://vk.com/wall-143818234_353386
 

Хулара
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Шупашкарта рельс тӑрӑх ҫӳремен пӑравуспа ярӑнтарӗҫ. Хӗрлӗ тӗҫлӗ ҫӗнӗ аттракциона Гостехнадхор инспекцийӗнче тӗрӗсленӗ.

Унпа ярӑннишӗн 250 тенкӗ тӳлемелле. Пӗчӗк ачасене аслисемсӗр лартмӗҫ.

Маларах эпир Гостехнадзор терӗмӗр те, аттракционсене тӗрӗслесе тӑрать. Пӑравуса туяннӑ чухне хула ертӳҫисем ӑна Мускав ҫыранӗпе ҫӳреттерес ӗмӗтлине пӗлтернӗ.

 

Хулара
Ҫемье архивӗнчи сӑн ӳкерчӗк
Ҫемье архивӗнчи сӑн ӳкерчӗк

Шупашкарта пурӑнакан хӗрарӑм ывӑлӗ ӑҫта пулнине чӳк уйӑхӗнченпе пӗлмест. Вӑл полицие пулӑшу ыйтма пынӑ.

Руслан Любинарский чӳк уйӑхӗн 23-мӗшӗнче килтен тухса кайнӑ. Унтанпа вӑл килсе курӑнман, тӑванӗсемпе ҫыхӑнӑва тухман. Хӑйӗнпе ҫумӑн докуменчӗсем те пулман унӑн.

Ҫухалнӑ кун Руслан хура куртка, сарӑ кофта, сӑрӑ джинс шӑлавар, хура пушмак тӑхӑннӑ пулнӑ. Унӑн сулахай куҫ харши ҫийӗн суран йӗрӗ пур. Руслана куракансене полицие 02 номерпе шӑнкӑравлама ыйтаҫҫӗ.

Хыпар ҫӑлкуҫӗ: https://t.me/cheb_police
 

Хулара

Шупашкарта юр ирӗлтерекен станци хута ярасшӑн. Вӑл Калинин районӗнче Трактор тӑвакансен проспектӗнче, Кӑкшӑм юханшывӗ ҫывӑхӗнче, пулӗ. Проекта патшалӑх эксертизине янӑ. Унпа килӗшӳллӗн, юр ирӗлтерекен установка лартма, урамри юра купаламалли лапам, хура каяшне упрама вырӑн тума палӑртнӑ.

Юр шывне тасатакан сооруженисене ярӗҫ. Ӑшӑ ҫанталӑкра вӑл Кӑкшӑм юханшывне лекӗ, сивӗре вара – хулари хозфекал тытӑмне. Кунсӑр пуҫне тасатнӑ шывпа территорие шӑварӗҫ, установкӑна ӗҫлеттерӗҫ.

Хыпар ҫӑлкуҫӗ: https://pg21.ru/news/92734
 

Хулара
forum.na-svyazi.ru сӑнӳкерчӗкӗ
forum.na-svyazi.ru сӑнӳкерчӗкӗ

Ӗнер Шупашкарти «Университет-2» микрорайон пӗр вӑхӑтлӑха ҫутӑсӑр тӑрса юлнӑ. Ҫутта унти ҫуртсенче 17 сехет те 40 минутра сӳнтернӗ. Малтанласа пӗлтернӗ тӑрӑх, Лукин тата Миначев урамӗсенчи нумай хваттерлӗ 12-14 ҫурт ҫутӑсӑр тӑрса юлнӑ.

Сӑмах май каласан, асӑннӑ ҫуртсенчен чылайӑшӗнче уйрӑм газ кӑмакисем вырнаҫтарнӑ, вӗсем вара ҫутӑсӑр ӗҫлемеҫҫӗ. Апла пулсан, ҫутӑ сӳнсен хватерсенче ӑшӑ та пулмасть.

 

Хулара
forum.zarulem.ws порталта вырнаҫтарнӑ скриншот
forum.zarulem.ws порталта вырнаҫтарнӑ скриншот

Шупашкарти заливӗнчи картлашкана юртан тасаманни пирки хулари хастарсенчен пӗри Патшалӑх пулӑшӑвне кӳрекен портал урлӑ пӗлтернӗ.

Хулари Ҫурт-йӗрпе коммуналлӑ хуҫалӑх, энергетика тата транспорт управленийӗнче тротуара тата картлашкасене тракторпа тасатма май ҫуккине пӗлтернӗ.

Ҫынсене вара Шупашкар заливӗн дамби ҫинчи тротуарпа ҫӳреме сӗннӗ.

 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ...293
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (21.02.2024 03:00) тӗтреллӗ ҫанталӑк, атмосфера пусӑмӗ 762 - 764 мм, -9 - -11 градус сивӗ пулӗ, ҫил 1-3 м/ҫ хӑвӑртлӑхпа кӑнтӑр енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Сирӗн тимлӗхе пухса тӗллевсен пӗр пайне те пулин пурнӑҫламалла - тунтикунранах. Кая хӑварса пырсан йӑлтах арканӗ. Юнкун шухӑшӑрсем ҫинче ҫине тӑма тивӗ. Чӑтӑмлӑ пулӑр, вара кӗтнине ҫӗнсе илетӗр. Шӑматкун кӗтмен ҫӗртен пулнӑ тӗлпулу ҫухалнӑ ҫыхӑнусене ҫӗнетме, чылай интереслине пӗлме май парӗ.

Нарӑс, 21

1919
105
Канюкова Александра Семёновна, чăваш чĕлхи тĕпчевçи ҫуралнӑ.
1961
63
Трофимов Захар Трофимович, генерал-майор ҫут тӗнчерен уйрӑлса кайнӑ.
1991
33
Володарский Григорий Яковлевич, музӑқҫӑ, Чӑваш АССРӗн тава тивӗҫлӗ артисчӗ вилнӗ.
2006
18
Геннадий Айхи, чӑваш сӑвӑҫи, тӑлмачӗ ҫут тӗнчерен уйрӑлса кайнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
хуть те кам тухсан та
пӗтӗм кил-йышпа тухаҫҫӗ
хуҫа тарҫи
кил-йышри арҫын
ӑсатма тухни — ҫылӑх, юрамасть
хуҫа хӑй
хӑни ҫулне ахаль те пӗлет, ӑсатмасӑр та
хуҫа арӑмӗ
хуҫин ҫитӗннӗ ачисем