Сайта кӗр | Регистраци | Сайта кӗрсен унпа туллин усӑ курма пулӗ
 +24.3 °C
Ултавпа инҫе каяймӑн.
[ваттисен сӑмахӗ]
 

Хыпарсен ҫыххи: Персона

Персона
runetbook.ru сӑнӳкерчӗкӗ
runetbook.ru сӑнӳкерчӗкӗ

Чӑваш Енӗн Культура министерствине пӑхӑнса тӑракан «Культура эткерлӗхне хӳтӗлес енӗпе ӗҫлекен патшалӑх центрӗ» патшалӑх учрежденийӗн директорне Александр Ипатьева ӗҫрен кӑларнӑ.

Хушӑва республика ертӳҫи Олег Николаев паян, раштав уйӑхӗн 11-мӗшӗнче, алӑ пуснӑ.

 

Персона

Чӑваш Енри пултаруллӑ ҫынсенчен пӗрне «РФ тава тивӗҫлӗ культура ӗҫченӗ» ята панӑ. Сӑмахӑмӑр Надежда Соловьёва пирки пырать. Унпа «Рувики» интернет-энциклопедин чӑвашла пайӗнче те паллаштарнӑ.

Надежда Соловьёва 1956 ҫулхи утӑ уйӑхӗн 14-мӗшӗнче Мари АССРӗнчи Туҫи Мари районӗнчи Коротни ялӗнче ҫуралнӑ. 1973 ҫулта Н. К. Крупская ячӗллӗ Мари патшалӑх педагогика институтӗнче аслӑ пӗлӳ илнӗ. Шупашкарти музыка училищине вӗренсе пӗтернӗ хыҫҫӑн 1977 ҫултан пуҫласа Ҫӗнӗ Шупашкарти музыка шкулӗнче вӑй хурать. 2002 ҫултанпа Ходяшевсен ячӗллӗ Шупашкарти ачасен 4-мӗш музыка шкулӗнче те тӑрӑшать.

2014 ҫулта I Пӗтӗм Раҫҫейри педагогсен профессионаллӑ ӑсталӑхӗн «Ят-сум» конкурсӗнче тӗрлӗ номинацире I степеньлӗ лауреат тата II степеньлӗ лауреат ятне тивӗҫнӗ. 2016 ҫулта III Пӗтӗм Раҫҫейри педагогсен профессионаллӑ ӑсталӑхӗн «Ят-сум» конкурсӗнче I степеньлӗ лауреат пулса тӑнӑ («Вӗренӳпе меслетлӗх ӗҫӗ» номинацире).

2018 ҫулта Раҫҫей Федерацийӗн Культура министерстви ирттерекен «Ача-пӑча ӳнер шкулӗн чи лайӑх вӗрентекенӗ» Пӗтӗм Раҫҫейри конкурсра лауреат ятне тивӗҫнӗ, унӑн вӗренекенӗ Степан Николаев ҫак конкурсӑн дипломне ҫӗнсе илнӗ.

Малалла...

 

Персона
cap.ru сайтри сӑн
cap.ru сайтри сӑн

Паян ЧР Элтеперӗ Олег Николаев хӑйӗн юбилейне паллӑ тӑвать. Вӑл 55 ҫул тултарнӑ. Олег Алексеевич халӗ шӑпах отпускра пулнине пӗлтернӗччӗ ӗнер.

Палӑртмалла: Олег Николаев 1969 ҫулхи раштав уйӑхӗн 10-мӗшӗнче Хӗрлӗ Чутай районӗнчи Чурпай ялӗнче ҫуралнӑ. Ӑна Чӑваш Ен Элтеперне 2020 ҫули авӑн уйӑхӗн 22-мӗшӗнче суйланӑ.Ку пукана йышӑннӑ чухне вӑл 50 ҫулта пулнӑ.

 

Персона

Хӗрлӗ Чутай округӗнчи Мишеркассинче пурӑнакан Мария Владимировна Трифонова 100 ҫул тултарнӑ. Вӑл паянхи кун та пурнӑҫпа киленет. Юбилейра хӑнасене писевпе сӑрланӑ тутапа кӗтсе илнӗ.

Вӑл – тыл ӗҫченӗ. Вӑрҫӑ вӑхӑтӗнче вӑл Сӑр хӗрринче окоп чавнӑ.

Кинемее саламлама Хӗрлӗ Чутай округӗн администрацийӗн пуҫлӑхӗн ҫумӗ Вера Ярабаева саламлама килнӗ.

Хыпар ҫӑлкуҫӗ: https://vk.com/wall-194537172_18541
 

Персона
cap.ru сӑнӳкерчӗкӗ
cap.ru сӑнӳкерчӗкӗ

Элӗк округӗнчи Чулкаҫ ялӗнче пурӑнакан Андрей Аркадьев раштавӑн 6-мӗшӗнче 101 ҫул тултарнӑ. Вӑл колхозниксен ҫемйинче ҫуралнӑ, 1942 ҫулхи ака уйӑхӗнче вӑрҫа кайнӑ. Ҫар училищинче вӗреннӗ хыҫҫӑн вӑл фронта лекнӗ. Паттӑрлӑх кӑтартнӑшӑн ӑна I степень Тӑван ҫӗршыв вӑрҫин орденӗпе чысланӑ. Тӑван ялне 1948 ҫулта тӑврӑннӑ. Ҫав ҫулах ҫемье ҫавӑрнӑ. Мӑшӑрӗпе Нонна Семеновнӑпа икӗ хӗр те пӗр ҫуратса ӳстернӗ.

Хыпар ҫӑлкуҫӗ: https://t.me/chuv_prok
 

Персона
"Контактри" сӑн
"Контактри" сӑн

Муркаш округӗнче пурӑнакан Яндушкинсем пӗрлешнӗренпе 55 ҫул ҫитнӗ. Раиса Георгиевнӑпа Виталий Михайлович виҫӗ ача ҫуратса ӳстернӗ. Халӗ ултӑ мӑнукӗпе савӑнаҫҫӗ.

Ҫемье пуҫӗн ӗҫ стажӗ – 55 ҫул. Кил ӑшшин управҫи фельдшерпа акушер пунктӗнче 42 ҫул ӗҫленӗ, ӑна ертсе те пынӑ. Иккӗшӗ те – ӗҫ ветеранӗсем.

Хыпар ҫӑлкуҫӗ: https://vk.com/wall-163599942_12357
 

Персона
"Контактри" сӑн
"Контактри" сӑн

Хӗрлӗ Чутай округӗнче пурӑнакан кинемей Елена Захарова 100 ҫулхи юбилейне паллӑ тунӑ. Елена Васильевна ӳсӗмне пӑхмасӑр кашни куна, савӑнӑҫпа кӗтсе илет.

Унӑн ачалӑхӗ вӑрҫӑ вӑхӑтне лекнӗ. Политика репрессийӗ, реабилитаци – нушине нумай курма тивнӗ унӑн. Ҫирӗп кӑмӑлӗ, лайӑххине ӗненни ӑна йывӑрлӑхсене парӑнтарма пулӑшнӑ.

Елена Васильевна вӑрӑм ӗмӗр вӑрттӑнлӑхне уҫнӑ: килӗшӳре пурӑнмалла, савӑнма пӗлмелле, сывлӑха упрамалла.

Хыпар ҫӑлкуҫӗ: https://vk.com/wall-194537172_18425
 

Персона
culture.cap.ru сӑнӳкерчӗкӗ
culture.cap.ru сӑнӳкерчӗкӗ

Раштав уйӑхӗн 3-мӗшӗнче Чӑваш патшалӑх академи драма театрӗнче РСФСР тава тивӗҫлӗ артисчӗ Геннадий Терентьев ҫуралнӑранпа 95 ҫул ҫитнине халалланӑ каҫ иртнӗ.

Астӑвӑм каҫне пуҫтарӑннисем артистӑн ырӑ сӑнарне, унӑн тӗлӗнсе каймалла пултарулӑхне аса илнӗ.

Астӑвӑм каҫне Александр Васильев тата Дмитрий Никифоров музыкантсем те хутшӑннӑ, вӗсем хуткупӑспа хитре каласа тӗлӗнтернӗ.

Мероприятие Геннадий Терентьевич мӑшӑрӗ Елена Константиновна тата Аринӑпа Лариса хӗрӗсем хутшӑннӑ.

 

Персона
kino-teatr.ru сайтри сӑн
kino-teatr.ru сайтри сӑн

Елчӗк тӑрӑхӗнчи Аслӑ Таяпа ялӗнче ҫуралнӑ Владимир Тяптушкин ҫӗнӗ сериалта ӳкерӗннӗ. Вӑл «Ландыши. Такая нежная любовь» ятлӑ.

Сериал 2025 ҫулхи кӑрлач уйӑхӗнче экран ҫине тухӗ. Анчах телевизор экранӗ ҫине мар. Ӑна онлайн-кинотеатрта кӑтартӗҫ.

Сӑмах май, Владимир Тяптушкин «Склифосовский» сериалӑн 9 тата 10-мӗш сезонӗсенче ӳкерӗннӗ.

Хыпар ҫӑлкуҫӗ: https://t.me/nikamran
 

Персона
Антонина Андреева страницинчен илнӗ сӑнӳкерчӗк
Антонина Андреева страницинчен илнӗ сӑнӳкерчӗк

Чӑваш литературин классикӗ Ҫеҫпӗл Мишши (1899-1922) ҫуралнӑранпа 125 ҫул ҫитнине халалласа ун сӑнне ӳкерсе хунӑ конверт пичетлесе кӑларнӑ.

Чӑваш Енӗн Наци вулавӑшӗн ӗҫченӗ Антонина Андреева халӑх тетелӗнчи хӑйӗн страницинче пӗлтернӗ тӑрӑх, ятарлӑ конверта 2024-102 номерпе палӑртнӑ.

Ҫӳллӗшӗпе тӑршшӗ — 110х220 см. Конверта 100 пин экземпляр пичетлесе кӑларнӑ.

Конверт ҫинчи картина авторӗ — Петӗр Чичканов. Вӑл Канаш районӗнчи Яманкасси ялӗнче ҫуралса ӳснӗ. Ӑна вӑл 1951 ҫулта Киевра «Украина» журналта ӗҫлеме пуҫласан ҫуллӑ сӑрӑпа ӳкернӗ.

Конверта калӑпласа йӗркелекенӗ ¯ А. Егиазарян ӳнерҫӗ. Конверт хакӗ 42 тенкӗ.

Хыпар ҫӑлкуҫӗ: https://vk.com/wall270168791_2106
 

Страницӑсем: 1 ... 10, 11, 12, 13, 14, 15, 16, 17, 18, 19, [20], 21, 22, 23, 24, 25, 26, 27, 28, 29, 30, ...186
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (04.07.2025 15:00) сайра пӗлӗтлӗ ҫанталӑк, атмосфера пусӑмӗ 745 - 747 мм, 24 - 26 градус ӑшӑ пулӗ, ҫил 3-5 м/ҫ хӑвӑртлӑхпа хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере тӑшмансем ура хурасран асӑрханмалла, сирӗн тавра элек сарма пултараҫҫӗ. Сӑмах пама асӑрханӑр. Вӑхӑта ӗҫре ытлашши нумай ирттермелле мар. Чылай ӗҫ пурнӑҫлама ӑнӑҫлӑ эрне. Ӗҫ хыҫҫӑн киле ҫемье патне васкамалла,пӗччен пулмалла мар.

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
кил-йышри арҫын
хуҫа хӑй
хуҫин ҫитӗннӗ ачисем
хуҫа арӑмӗ
хуть те кам тухсан та
хӑни ҫулне ахаль те пӗлет, ӑсатмасӑр та
хуҫа тарҫи
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
хӑнана ӑсатма никам та тухмасть