|
Персона
 «Контактра» халӑх тетелӗнчи сӑн Шупашкарта пурӑнакан Оксана Янукова, KSYFLEUR студи йӗркеленӗскер, ултӑ ҫул ӗнтӗ аромаҫуртасем, гипсран тата бетонран тӗрлӗ япаласем ӑсталать. Вӑл вазӑсемпе алка-эреше чӑваш наци стилистикипе капӑрлатнине уйрӑмах палӑртмалла. Кӑҫал вара Оксана совет тапхӑрӗнче чӑрӑша илемлетнӗ теттесем евӗр ҫуртасем тума пуҫланӑ. Ӗҫӗсене вӑл маркетплейссенче сутать. Унӑн студийӗнче ӑсталӑх класӗсем те иртеҫҫӗ. Хыпар ҫӑлкуҫӗ:
|
|
Персона
 Яндекс сӑнӳкерчӗкӗ Чӑваш Енӗн пӗрлештернӗ командисен спорт енӗпе хатӗрлекен А. Игнатьев ячӗллӗ центр директорӗ пулма Геннадий Егоров шаннӑ. Геннадий Егоров унччен 11-мӗш спорт шкулӗн директорӗ пулнӑ, чӑваш наци кӗрешӗвӗн федерацийӗн президенчӗ. Республикӑн Спорт министерствинче шухӑшланӑ тӑрӑх, Геннадий Егоров А. Игнатьев ячӗллӗ центра ертсе пыма чӑннипех те тивӗҫ. Хыпар ҫӑлкуҫӗ:
|
|
Персона
 «Контактри» сӑн Ҫӗнӗ Шупашкарти Марина Нехаева «Раҫҫей 1» каналпа кӑтартакан «Сто к одному» шоу ҫӗнтерӳҫи пулса тӑнӑ. Вӑл «Чревовещатели» командӑпа пӗрле тупӑшса 100 пин тенкӗ выляса илнӗ. Команда 397:126 шутпа мала тухнӑ. Марина шоуна хӑйӗн Ляля ятлӑ пуканипе кайнӑ. Вӑл ӑна хӑйӗн копийӗ тет. Пирӗн ентеш Раҫҫейри ытти ертӳҫӗпе пӗрле командӑра пулнӑ. Палӑртмалла: Марина Ҫӗнӗ Шупашкарта ҫуралса ӳснӗ. Мӗн ачаран сӑнарсем валли сасӑсем хатӗрлеме юратнӑ, паллӑ ӑстапа Ольга Лифенцевӑпа паллашсан вӑл чревовещатель профессине суйланӑ. Ляля пуканене вӑл Пермьри ӑстаран саккас панӑ. Хыпар ҫӑлкуҫӗ:
|
|
Персона
 Елизавета Долгова страницинчен илнӗ сӑнӳкерчӗк Евгений Ерагина Чӑваш наци ӑслӑлӑхпа ӳнер академийӗн Президентне тепӗр хутчен суйланӑ. Асӑннӑ академин отчетпа суйлав пухӑвӗ чӳк уйӑхӗн 29-мӗшӗнче пулса иртнӗ. Евгений Евстафьевич 1955 ҫулхи чӳкӗн 21-мӗшӗнче Муркаш районӗнчи Ярак ялӗнче ҫуралнӑ. Чылай вӑхӑт хушши районти Калайкасси вӑтам шкулӗнче чӑваш чӗлхипе литературине вӗретнӗ. Таврапӗлӳҫӗ. Чылай кӗнеке авторӗ. Чӑваш халӑх ӑс-хакӑлӗпе ӳнер академийӗн президенчӗ. Халӑх академикӗсене ертсе пынӑ май чылай мероприяти йӗркелет, унта хутшӑнать. Хыпар ҫӑлкуҫӗ:
|
|
Персона
 Кирилл Степанов архивӗнчи сӑн Элӗк округӗнчи ҫамрӑк фермер тата блогер Кирилл Степанов РФ Ял хуҫалӑх министерстви йӗркеленӗ «МедиаПоле» наци премийӗн ҫӗнтерӳҫи пулса 1 млн тенке тивӗҫнӗ. Палӑртмалла: финала 79 регионтан пурӗ 1500 ытла заявка килнӗ. Кирилл Степанов тусӗпе Максим Соколовпа пуҫарнӑ «Айда по деревням» туризм маршручӗ жюри пайташӗсене тыткӑнланӑ. Ҫӗнсе илнӗ 1 млн тенкӗпе вӗсем туристсене ҫӗр каҫмалли условисем туса парасшӑн. «Айда по деревням» проект питӗ интереслӗ. Вӑл хӑнасене чӑваш ялӗсемпе паллаштарма пулӑшать. Унта хутшӑнакансем фермӑсене кайса кураҫҫӗ, наци апат-ҫимӗҫне тутанса пӑхаҫҫӗ. Хыпар ҫӑлкуҫӗ:
|
|
Персона
 Раштав уйӑхӗн 3-мӗшӗнче Чӑваш Енӗн наци вулавӑшӗнче Виталий Станьялпа тӗлпулу иртӗ. Вӑл — филолог, педагог, публицист, литература критикӗ, поэт та. Виталий Петрович «На пороге памяти» кӗнекепе паллаштарӗ. Унта дневник ҫырӑвӗсем, рецензисем, статьясем кӗнӗ. Ку кӑларӑм — автор икӗ ҫул каялла кун ҫути кӑтартнӑ «Дневник прощальный» эпистоляр хроникин тӑсӑмӗ. Кӗнеке презентацине учёнӑйсем, писательсем, краеведсем, вулавӑш, архив, музей ӗҫченӗсем, Виталий Станьял пултарулӑхне сума сӑвакансем пуҫтарӑнӗҫ. Хыпар ҫӑлкуҫӗ:
|
|
Персона
 «Юмах» ача пахчин сӑнӳкерчӗкӗ Чӗмпӗр облаҫӗнчи Чӑнлӑри «Юмах» ача пахчинче чӑваш ҫыравҫипе тӗл пулнӑ. Шӑпарлансемпе тӗл пулса калаҫма Валентина Игнатьева-Таравата йыхравланӑ, калем ӑсти вара хирӗҫлемен. Чӑваш ҫыравҫи пырассине пӗлсен аслӑ ушкӑнри ачасем Валентина Тараватӑн сӑввисене пӑхмасӑр калама вӗреннӗ, унӑн юррисене юрлама вӗреннӗ. Хӑна хӑйӗн пултарулӑхӗпе паллаштарнӑ. Ача пахчине вӑл хӑйӗн кӗнекисене автографпах парнеленӗ. Хыпар ҫӑлкуҫӗ:
|
|
Персона
 culture.cap.ru сӑнӳкерчӗкӗ Экономика наукисен докторӗн, Чӑваш патшалӑх университечӗн профессорӗн, Раҫҫейӗн аслӑ професси вӗрентӗвӗн хисеплӗ ӗҫченӗн Валентина Пчелкина докуменчӗсене тата сӑнӳкерчӗкӗсене архива панӑ. Вӗсене Патшалӑхӑн истори архивне профессорӑн хӗрӗ, Елена Пчелкина архивист парнеленӗ. Валентина Викторовна (1936-2024) Шӑмӑршӑ районӗнчи Андреевка ялӗнче ҫуралнӑ. Чӑваш патшалӑх пединститутӗнчи физикӑпа математика факультетӗнче, Горькинчи парти шкулӗнче, Н.И. Лобачевский ячӗллӗ Горькинчи патшалӑх университетӗнчи аспирантурӑра вӗреннӗ. Физикӑпа математика учителӗнче, колхозри партком секретарӗнче, райком секретарӗнче, ЧПУра ӗҫленӗ. Хыпар ҫӑлкуҫӗ:
|
|
Персона
 Чӑваш академи драма театрӗн сӑнӳкерчӗкӗ Чӑваш академи драма театрӗн артистки Надежда Воюцкая ӗнер, чӳк уйӑхӗн 25-мӗшӗнче, 65 ҫул тултарнӑ. Ҫавна май театрта раштав уйӑхӗн 7-мӗшӗнче унӑн юбилей каҫӗ иртӗ. Унта «Пӗртен-пӗр шанӑҫ» спектакль кӑтартӗҫ. Спектакльте Надежда Сильвестровна Елена Владимировна ролӗнче вылять. Надежда Воюцкая 1960 ҫулхи чӳк уйӑхӗн 25-мӗшӗнче Вӑрнар районӗнчи Шинер ялӗнче ҫуралнӑ. 1983 ҫулта М.С. Щепкин ячӗллӗ Аслӑ театр училищинчен (институтӗнчен) вӗренсе тухнӑ та ҫавӑнтанпа Чӑваш академи драма театрӗнче ӗҫлет. Хыпар ҫӑлкуҫӗ:
|
|
Персона
 «Контактри» сӑн Йӗпреҫ округӗнчи Чӑваш Тимеш ялӗнче пурӑнакан Лариса Анисимова Пӗтӗм Раҫҫейри «Раҫҫейӗн ылтӑн пылӗ» конкурса хутшӑнса палӑрнӑ. Вӑл «Ҫӑка пылӗ» номинацире иккӗмӗш вырӑн йышӑннӑ. Лариса 10 ҫул ытла ӗнтӗ вӑрманти утарта вӗлле хурчӗсем тытать. Ӗҫчен хӗрарӑм хӗлле Мускавра пурӑнать, ытти вӑхӑтра тӑван ялӗнче ӗҫлет. Ҫакна та палӑртмалла: вӑл иртнӗ уйӑхра Мускавра иртнӗ «АпиДар» конкурсра иккӗмӗш вырӑна тивӗҫнӗ. Хыпар ҫӑлкуҫӗ:
|
+11.3 °C