Нарӑс уйӑхӗн 14-мӗшӗнче Раҫҫей тава тивӗҫлӗ художникӗ, Чӑваш халӑх художникӗ Николай Карачарский (1935-2021) ҫуралнӑранпа 90 ҫул ҫитнӗ. Вӑл Пӑрачкав районӗнчи Шадриха ялӗнче ҫуралнӑ.

Юбилей тӗлне Чӑваш кӗнеке издательствинче «Глаза моей России. Художник Николай Карачарсков» кӗнеке-альбом кун ҫути курна. Ӑна «Чӑваш Енӗн палла ҫыннисем» ярӑмпа пичетленӗ. Кӑларӑма пухса хатӗрлекенни – Сергей Журавлев.

"Контактри" сӑн

Шупашкарти усламҫӑ 7 вулкан ҫине ҫитсе курнӑ. Вӑл тӗнчери ҫакна тунӑ 66-мӗш ҫын пулса тӑнӑ.

Марат Владимиров – 31-ре. 8 ҫулта вӑл Эльбрусран тытӑнса тӗнчери чи ҫӳллӗ вулкан ҫине ҫитнӗ. Вӑл Африкӑри Килиманджарӑра, Мексикӑри Орисабӑра,Иранри Демавендра, Антарктидӑри Сидлейра, Чилири Охос-дель-Саладӑра пулнӑ. Чи йывӑрри Чилире пулнӑ. 30 градус сивӗ ҫанталӑкпа кӗтсе илнӗ Антаркидӑра та ҫӑмӑлрах пулнӑ.

Марат ҫул ҫӳресе 15 млн тенкӗ пӗтернӗ. Халӗ вӑл Эвереста ҫитесшӗн.

«Хавхалану» клубӑн сӑнӳкерчӗкӗ

Чӑваш Енӗн Наци вулавӑшӗнчи «Хавхалану» клубӑн черетлӗ пуш уйӑхӗн 13-мӗшӗнче иртӗ.

Поэтсен тата сӑвӑ вулама е итлеме юратакансен мероприятийӗ

15 сехетре пуҫланӗ.

Клуб ларӑвӗн иккӗмӗш пайӗнче Михаил Сунталӑн (1945-2021) пултарулӑхне аса илсе унӑн сӑввисене те вулӗҫ. Кун пирки вулавӑш ӗҫченӗ Антонина Андреева халӑх тетелӗнчи хӑйӗн страницинче пӗлтернӗ. Пурӑннӑ пулсан Сарри Мишши кӑҫал 80 ҫул тултарӗччӗ.

chuvdram.ru сӑнӳкерчӗкӗ

Нарӑс уйӑхӗн 21-мӗшӗнче Чӑваш патшалӑх академи драма театрӗнче Чӑваш Республикин тава тивӗҫлӗ артисткин Галина Кузнецован юбилей каҫӗ пулӗ.

Галина Юлиановна 1960 ҫулхи нарӑс уйӑхӗн 21-мӗшӗнче Улатӑр районӗнчи Ҫӗнӗ Эйпеҫ ялӗнче ҫуралнӑ. Мускаври М.С. Щепкин ячӗллӗ Аслӑ театр училищинчен (институтӗнчен) вӗренсе тухнӑ хыҫҫӑн 1983 ҫулта Чӑваш академи драма театрӗнче ӗҫлеме тытӑннӑ.

cap.ru сӑнӳкерчӗкӗ

Шупашкарта пурӑнакан ветеран Василий Акулов 101 ҫул тултарнӑ.

Василий Дмитриевич Пенза облаҫӗнче 1924 ҫулта ҫуралнӑ. 1941 ҫултанпа вӑл Мускаври кирпӗч савутӗнче ӗҫленӗ. Утпнах ӑна фронта илсе кайнӑ. Вӑл танк полкне лекнӗ, оруди командирӗ пулнӑ.

Василий Дмитриевич Харьков ҫывӑхӗнче ҫапӑҫнӑ, Курск пӗккинче пулнӑ. Аманнӑ, госпитальте сипленсен каллех строя тӑнӑ.

Вӑрҫӑ хыҫҫӑн ветеран Шупашкара куҫнӑ. Мӑшӑрӗпе 4 ачана ура ҫине тӑратнӑ.

Василий Дмитриевича II степень Тӑван ҫӗршыв вӑрҫин орденӗпе, «Германие ҫӗнтернӗшӗн» медальпе тата ытти наградӑпа чысланӑ.____

vk.com/gov_cap_ru сӑнӳкерчӗкӗ

Чӑваш Енӗн тава тивӗҫлӗ вӑрманҫи Геннадий Хураськин вӑрман хуҫалӑхӗнче ӗҫлеме пуҫланӑранпа 40 ҫул та иртсе кайнӑ. Ӗсе вӑл Пӑрачкав тӑрӑхӗнчи вӑрман хуҫалӑхӗнче пуҫланӑ. Юлашки ҫулсенче вӑл Йӗпреҫри пушарпа хими станцийӗн пуҫлӑхӗнче тӑрӑшать. Вӑл ҫине тӑнипе атвопарка ҫӗнетнӗ, ҫӗнӗ оборудовани туяннӑ.

«Вӑрман — пирӗн иксӗлми пуянлӑх. Ӑна упарса хӑварассипе эпӗ те тӑрӑшнишӗн чунтан савӑнатӑп», — тет вӑл.

cap.ru сӑнӳкерчӗкӗ

Улатӑр округӗнчи Алтышево ялӗнче пурӑнна 101 ҫулти ветеран Иван Пыресев пурнӑҫран уйрӑлнӑ.

Иван Сергеевич 1923 ҫулта ҫуралнӑ. 1941 ҫулта ӑна Чӗмпӗр облаҫне Барышская Слобода ялне хӳтӗлев чиккине тума янӑ. Ҫав ҫулах раштавра Инҫет Хӗвелтухӑҫне янӑ. Анчах ыьла хыткан пулнӑран каялла янӑ.

Фронта вӑл 1942 ҫул вӗҫӗнче лекнӗ. Полтавӑра вӗсене нимӗҫсем хупӑрласа илнӗ. Вӑл кӑна чӗрӗ юлнӑ, шурлӑх, вӑрман урлӑ хамӑрӑннисем патне ҫитнӗ.

Японипе те вӑрҫнӑ вӑл. Киле 1947 ҫулта кӑна таврӑннӑ.

"Контактри" сӑн

Етӗрне округӗнчи Уйкас Асламас ялӗнче пурӑнакан Валентина Васильевна Константиновна 100 ҫул тултарнӑ.

Унӑн вӑрҫӑ вӑхӑтӗнчи тата ун хыҫҫӑнхи йывӑр ҫулсене чӑтса ирттерме тивнӗ. Вӑл Сӑр хӳтӗлев чиккине те чавнӑ.

Валентин Васильевна ӗмӗр тӑршшӗпех колхозра мӑшӑрӗпе ӗҫленӗ. Вӗсем 3 ача ҫуратса пурнӑҫӑн анлӑ ҫулӗ ҫине кӑларнӑ. Паянхи кун кинемей ывӑлӗн ҫемйипе пурӑнать.

Валентина Васильевнӑна «Тӑван ҫӗршывӑн Аслӑ вӑрҫи вӑхӑтӗнче тӳрӗ кӑмӑлпа ӗҫленӗшӗн» медальпе чысланӑ.

Шупашкарта пурӑнакан Валентина Михайлова ӗмӗрне педагогика ӗҫне халалланӑ.

Вӑл Канаш районӗнчи Ҫӗнӗ Ачакасси ялӗнче ҫуралнӑ. Тӑван ҫӗршывӑн аслӑ вӑрҫин вӑхӑтӗнче вырӑнти колхозра ӗҫленӗ. Канашри педагогика училищинчен вӗренсе тухсан Вӑтапуҫӗнчи шкулта тӑрӑшнӑ. 1960 ҫултанпа Шупашкарти 15-мӗш вӑтам шкулта асла пионервожатӑйӗнче тимленӗ вӑхӑтрах пединститутра куҫӑнсӑр майпа аслӑ пӗлӳ илнӗ. Унтан истори учителӗнче тимленӗ.

Валентина Михайлова упӑшкипе икӗ ывӑл ҫуратса ӳстернӗ.

Паян 94 ҫулти кинемее Тӑван ҫӗршывӑн аслӑ вӑрҫинче ҫӗнтернӗренпе 80 ҫул ҫитнине халалланӑ юбилей медалӗпе чысланӑ.

cheb-centr.soc.cap.ru сӑнӳкерчӗкӗ

Шупашкара пурӑнакан кинемее Тӑван ҫӗршывӑн аслӑ вӑрҫинче ҫӗнтернӗренпе 80 ҫул ҫитнине халалланӑ медальпе чысланӑ.

Таисия Ярцева — Тӑван ҫӗршывӑн аслӑ вӑрҫин ветеранӗ. Вӑл Сарту облаҫӗнчи Бурцевка ялӗнче 1923 ҫулта ҫуралнӑ. Хӗрача ҫиччӗре чухне унӑн ҫемйи выҫлӑхран тарса Шупашкара килнӗ. Ашшӗ мастерскойра ӗҫлеме пуҫланӑ, амӑшӗ — ача пахчинче тирпейлӳҫӗре.

Таисия Павловна тухтӑр пулма ӗмӗтленсе Хусанти медицина институне вӗренме кӗнӗ. Анчах вӑрҫӑ пуҫлансан унӑн та заводри станок умне тӑма тивнӗ. Заводра ҫулталӑк ҫурӑ ӗҫленӗ хыҫҫӑн вӑл телеграфистсен куцрсӗнчен вӗренсе тухнӑ. Ҫапла майпа вӑрҫа лекнӗ.