|
Культура
 culture.cap.ru сӑнӳкерчӗкӗ Чӑваш Енӗн ача-пӑчапа ҫамрӑксен вулавӑшӗнче Кӗнеке парнелемелли пӗтӗм тӗнчери куна халалласа ҫыравҫӑсем пуҫтарӑннӑ. Унта Чӑваш Республикин культурӑн тава тивӗҫлӗ ӗҫченӗ, поэт, прозаик, драматург Лидии Сарине; ача-пӑча ҫыравҫи Алевтина Корочкова; Чӑваш кӗнеке издательствин ача-пӑча литературин редакторӗ Ольга Федорова пулнӑ. Вӗсем тата вулавӑш тусӗсем пӗр шухӑшлӑ пулса библиотекӑна 1200 ытла кӗнеке парнеленӗ. Ҫав шутра илемлӗ литература ҫеҫ мар, аслисем валли те. Кӗнеке пуххине 10 ҫемьери ачасене парнеленӗ. Хыпар ҫӑлкуҫӗ:
|
|
Республикӑра
 https://somanyhorses.ru/devushka-taksist-zachem-krasotka-rabotaet-vip-voditelem/ сӑнӳкерчӗкӗ Чӑваш Енре хӗрарӑм водительсен ӑмӑртӑвне ирттерӗҫ. Темиҫе туртан тӑракан «АвтоЛеди-2023» конкурс пуш уйӑхӗн 5-мӗшӗнче пулӗ. Хӗрарӑмсен ҫул-йӗр правилисене мӗнле пӗлнине туллин кӑтартма, унсӑр пуҫне вӗсен руле маттур тытса пынине ҫирӗплетсе пама лекӗ. Унтан хӗрарӑмсен пултарулӑх конкурсӗ те пулӗ. Заявкӑсене Чӑваш Енӗн Транспорт тата ҫул-йӗр хуҫалӑхӗн министерствинче пуш уйӑхӗн 1-мӗшӗччен йышӑнӗҫ. Хыпар ҫӑлкуҫӗ:
|
|
Республикӑра
 cap.ru сайтри сӑн Шупашкарти троллейбус управленине республика харпӑрлӑхне парасшӑн. Проекта ЧР Экономика министерстви хатӗрленӗ. Документра палӑртнӑ тӑрӑх, управленипе пӗрле пӗтӗм пурлӑх республика харпӑрлӑхне куҫӗ. Ҫав йышра – администраци ҫурчӗсем, подстанцисем, депосем, складсем, ытти ҫурт. Республика харпӑрлӑхне куҫсан вӑл «Троллейбус управленийӗ» унитари предприятийӗ ятлӑ пулӗ. Ун йышне Ҫӗнӗ Шупашкарти троллейбус управленийӗ те кӗрӗ. Хыпар ҫӑлкуҫӗ:
|
|
Республикӑра
 9111.ru сайтри сӑн Ыран иртекен Патшалӑх Канашӗн сессийӗнче самакун сутакансене ҫирӗпрех явап тыттарас ыйтӑва пӑхса тухӗҫ. Ӑнлантару ҫырӑвӗнче палӑртнӑ тӑрӑх, РФ КоАПӗн 14.17.1-мӗш статйи алкоголь тата спирт пур апат-ҫимӗҫ продукцине кӑна пырса тивет. Ку статьяна пӑссан 30-50 пин тенкӗ штраф тӳлеттереҫҫӗ. Анчах штраф хурас тесен 30 пин тенке яхӑн тӑракан экспертиза тумалла. Хальхи вӑхӑтра сӑмакун сутнӑшӑн 15-2 пин тенкӗ штраф тӳлеттереҫҫӗ. Депутасем вара спиртлӑ апат-ҫимӗҫшӗн кӑна мар, сӑмакун сутнӑшӑн та РФ КоАПӗн 14.17.1-мӗш статйипе килӗшӳллӗн штраф тӳлеттермелле тӑвасшӑн. Хыпар ҫӑлкуҫӗ:
|
|
Пӑтӑрмахсем
 Паян Шупашкарти Максим Горький проспектӗнчи 9-мӗш ҫуртра, общежитире, пушар пулнӑ. Ҫулӑм тухни пирки ирхи 4 сехетре хыпарланӑ. Пушар пӗр пӳлӗмре тухнӑ. Малтанлӑха пӗлтернӗ тӑрӑх, ҫулӑм пирус асӑрханмасӑр туртнӑран тухнӑ. Пӳлӗм хуҫине, 51 ҫулти арҫынна, тата унӑн 22 ҫулти кӳршине пульницӑна илсе ҫитернӗ. Вӗсем сӗрӗмпе наркӑмӑшланнӑ. Аса илтерер: ҫак общежитире 2021 ҫулхи ҫурла уйӑхӗнче те пушар пулнӑ. Ун чухне 7-мӗш хутри пӳлӗм ҫуннӑ. Сӑлтавӗ каллех пирус асӑрханмасӑр туртни пулнӑ. Хыпар ҫӑлкуҫӗ:
|
|
Ял хуҫалӑхӗ
 Россельхознадзорӑн Чӑваш Енри тата Чӗмпӗр облаҫӗнчи управленийӗ Шупашкарта пахалӑхсӑр пахча ҫимӗҫ вӑррине сутнине тупса палӑртнӑ. Хулари пӗр суту-илӳ центрӗнче «РБК» редис тата ир пулакан сортсен хутӑшне, «Детская сладкая» кишӗр, «Кудрявая» петрушка сутнӑ. Вӗсене вара селекци ҫитӗнӗвӗсен патшалӑх реестрне кӗртмен. Эппин, вӗсен пахалӑхӗ ҫирӗпленмен. Юридици сӑпатне асӑрхаттарнӑ. Палӑртмалла: кӑҫал ведомство заявленисем пулнӑран 10 пин ытла хутаҫ вӑрра пӑхса тухнӑ. Хыпар ҫӑлкуҫӗ:
|
|
Сумлӑ сӑмах
Чӑвашлӑх
Хӑшӗ-пӗри питех те чӑваш халӑхне катӑк тесе кӑтартма тӑрӑшать. Ун пеккине сахал мар курнӑ. Хамӑр чӑвашсем те «ахах»-па «мерчен» шырама ютталла ытларах тӗмсӗлеҫҫӗ. Ытти халӑхсенчен вӗреннинче ним япӑххи те ҫук, кӑна ырламалла кӑна. Анчах та ҫав хушӑрах хамӑра ыттисенчен катӑкран теме хӑтланни ман шутпа киревсӗр япала. Сӑмахӑм ман паян «Илемлӗ, илемлӗ…» чӑваш халӑх юрри пирки пулӗ. Нумайӑшӗ, вӑл илемлӗ юрӑ тесен, хирӗҫ пулмӗҫ ӗнтӗ. Ку чӑнах та ҫапла. Пӗр енчен ансат юрӑ. Анчах ҫав хушӑрах питӗ илемлӗ вӑл. Августа Уляндина шӑрантарниех епле ҫепӗҫ янӑрать: Чи малтан юрӑ текстне илсе парар:
|
|
Политика
 pnz.pnzreg.ru сайтри сӑн Правительство ҫурчӗ телефон хумалли тимӗр шкапсем туянмашкӑн аукцион ирттернӗ. Кашни шкапӑн стенаран ҫакмалли хатӗр пулмалла. Телефон хумалли кашни ячейкӑн вара уйрӑм уҫӑ пулмалла. Аукционра "Альянс Торг Плюс" организаци ҫӗнтернӗ. Унта хутшӑнаканни те вӑл кӑна пулнӑ. Организаци шкапсене 163 пин те 850 тенкӗпе тивӗҫтерӗ. Хыпар ҫӑлкуҫӗ:
|
|
Республикӑра
 forum.na-svyazi.ru сӑнӳкерчӗкӗ Чӑваш Енри ҫарӗҫ комиссариачӗсен умне видеокамерӑсем вырнаҫтарса тухнӑ. Республикӑн Экономика аталанӑвӗн министерствинче хыпарланӑ тӑрӑх, камерӑсем асӑннӑ комиссариатсем умне пымалли ҫула тата ун ҫывӑхӗнчи территорие ӳкерсе илеҫҫӗ. Иртнӗ ҫулхи чӳк уйӑхӗнче муниципалитетсенче 15 видеокамера вырнаҫтарса тухнӑ. Вӗсем мӗн ӳкерсе илни тӳрех полицин уйрӑмӗсене кайса тӑрать. Пӗтӗмпе пирӗн республикӑра 4 пин ытла видеокамера вырнаҫтарнӑ. Пуринчен ытла, пурӗ 2944 камера, — Шупашкарта. Ҫул ҫинче стационарлӑ 248 комплекс ӗҫлет. Хыпар ҫӑлкуҫӗ:
|
|
Экономика
 cap.ru сӑнӳкерчӗкӗ Узбекистанри ача пахчисемпе больницӑсене Чӑваш Енри хӗвел батарейисем ӑшӑтӗҫ. Ҫӗнӗ Шупашкарти «Хӗвел» предприятин 400 кВТ хӑватлӑ гетероструктурӑллӑ моделӗсене Бухара облаҫӗнчи хысна учрежденийӗсенче вырнаҫтарнӑ. 5 кВтран пуҫласа 15кВт таранччен хӑватлӑ хӗвел батарейисем 18 ача пахчипе 24 поликлиникӑна ӑшӑтса тӑрӗҫ. Узбекистанра сывлӑх сыхлав тата вӗрентӳ сферисенчи хысна учрежденийӗсене ҫавӑн пек электростанцисемпе тивӗҫтерес программа пурнӑҫа кӗрет иккен. 2023 ҫултан унти социаллӑ объектсене (кунта сӑмах супермаркетсем, магазинсем, пасарсем, суту-илӳ склачӗсем, бензин тата газ автозаправкисем, аэропортсем, чукун ҫул тата автовокзалсем, уйрӑм ҫынсем тытса тӑракан вӗренӳ тата сывлӑх сыхлав учрежденийӗсем, банксем пирки пырать) ҫавӑн пек батарейӑсем вырнаҫтарма тытӑнӗҫ. Хыпар ҫӑлкуҫӗ:
|
+18.3 °C
