Шупашкарти таксист Геннадий Васильев пассажира ҫӑлнӑ. Вырӑна ҫитиччен 500 метр юлсан 30 ҫулти клиента япӑх пулса кайнӑ, эпилепси пуҫланнӑ.
Геннадий ҫухалса кайман, машинӑна чарса пассажира айккӑн вырттарнӑ, васкавлӑ медпулӑшу чӗннӗ. Клиент тӑна кӗрсен киле кайма тӑнӑ, анчах таксист ӑна яман, тухтӑрсене кӗтсе илме ыйтнӑ. Васкавлӑ медпулӑшу ӑна пульницӑна илсе кайнӑ.
Геннадий таксире 4 ҫул ӗҫлет. Кун пеккипе ҫак тапхӑрта вӑл пӗрремӗш хут тӗл пулнӑ.
Хӗлле – сырӑш ҫакмалли вӑхӑт. Шупашкарта вӗсем унта та кунта курӑнкалама пуҫланӑ ӗнтӗ.
Виктор Чугаров хулари пӗр паркра хӑйне евӗр сырӑш ҫакӑнса тӑнине курсан ӑна ӳкерсе илнӗ. Ӑна чӑваш эрешӗллӗ ӳкерчӗксемпе илемлетнӗ.
Пневмони сарӑлнӑран Шупашкарти 59-мӗш шкул карантина кайнӑ. Унти ачасем, малтанлӑха палӑртнӑ тӑрӑх, раштав уйӑхӗн 8-мӗшӗччен дистанци мелӗпе вӗренӗҫ. Унччен унта хӑш-пӗр класс кӑна карантинра пулнӑ.
Ачасем килте вӗреннӗ май учительпе «Сферум» платформа урлӑ ҫыхӑнаҫҫӗ.
Тӗрлӗ ҫӑлкуҫ пӗлтернӗ тӑрӑх, хулари 40-мӗш шкул та карантинра. Хӑш-пӗр шкулта классем карантина кайнӑ.
Ӗнер республикӑра тӗтре карса илнӗрен Шупашкарти аэропорт самолетсене йышӑнайман. Каҫхи икӗ рейса кӑшт улӑштарма тивнӗ. Иккӗшӗ те «Мускав – Шупашкар» рейссем.
Пӗрне пӑрахӑҫланӑ, теприне чӳк уйӑхӗн 28-мӗшӗ ҫине, паяна, куҫарма тивнӗ. Вӑл Мускавран 10 сехетен тухмалла.
Шупашкарти ӳнер училищин (техникумӗн) преподавателӗ Константин Кокель «Чӑваш Республикин тава тивӗҫлӗ художникӗ» хисеплӗ ята тивӗҫнӗ.
Константин Викторович – Пӗтӗм Раҫҫейри художниксен союзӗн пайташӗ.
Константин Кокель 1983 ҫулхи чӳк уйӑхӗн 1-мӗшӗнче Шупашкарта ҫуралнӑ. 2010 ҫултанпа Шупашкарти художество училищинче спецдисциплина преподавателӗ. 2011 ҫулта вӑл Чӑваш патшалӑх педуниверситетӗнчи художествӑпа графика факультетӗнчен вӗренсе тухнӑ.
Шупашкарти ӳнер училищин (техникумӗн) преподавателӗ Константин Кокель «Чӑваш Республикин тава тивӗҫлӗ художникӗ» хисеплӗ ята тивӗҫнӗ.
Константин Викторович – Пӗтӗм Раҫҫейри художниксен союзӗн пайташӗ.
Константин Кокель 1983 ҫулхи чӳк уйӑхӗн 1-мӗшӗнче Шупашкарта ҫуралнӑ. 2010 ҫултанпа Шупашкарти художество училищинче спецдисциплина преподавателӗ. 2011 ҫулта вӑл Чӑваш патшалӑх педуниверситетӗнчи художествӑпа графика факультетӗнчен вӗренсе тухнӑ.
Чӑваш Енри ҫамрӑк ӳнерҫӗ Шупашкарта Хевеш урамӗнчи ҫурт стени ҫине чӑваш хӗрарӑмне ӳкерни пирки унчченех пӗлтернӗччӗ. Халӗ вӑл ҫӗнӗ ӗҫе пуҫӑннӑ. Хальхинче – Модӑсен ҫуртӗнче.
Ксения унта балеринӑна ӳкерме тытӑннӑ.
Паян Шупашкарти Пролетари урамӗнчи 16-мӗш ҫуртӑн 1-мӗш корпусӗнче 15 ҫулти каччӑ пурнӑҫӗ татӑлнӑ. Вӑл ҫӳллӗшӗнчен ӳкнӗ.
Каччӑ медицина учрежденийӗ тӑррине персе аннӑ. Йывӑр сурансене пула вӑл ҫавӑнтах вилнӗ.
Следстви комитечӗ, йӗрке хуралҫисем халӗ ӗҫ-пуҫа уҫӑмлатаҫҫӗ.<s></s>
Паян пирӗн республикӑра «На работу с вышивкой» (чӑв. Ӗҫе тӗрӗпе) акци иртет. Ҫавна май Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центр ӗҫченӗсем те пӗр шухӑшлӑн пулса ҫак акцие хутшӑнма йышӑннӑ.
Тӗрленӗ чӑваш кӗпине тӑхӑнман пулин те вӗсем ҫипуҫа май килнӗ таран чӑваш эрешӗпе капӑрлатма тӑрӑшнӑ. Специалистсем те, центр директорӗ Светлана Милкина та акцие хутшӑнаҫҫӗ.
Шупашкарта пурӑнакан Николай Буравов чӳк, уйӑхӗн 22-мӗшӗнче 100 ҫул тултарнӑ. Вӑл – чӑн-чӑн паттӑр теме пулать. Николай Степанович Шупашкарти тата Раҫҫейри ытти пысӑк гидроэлектростанцисене тунӑ ҫӗре хутшӑннӑ.
Саяно-Шушенски, Красноярск, Зейск, Бурейск ГЭСӗсене тӑвас ӗҫе хутшӑннӑ. Ҫапах унӑн чи пысӑк ӗҫӗ Шупашкарпа ҫыхӑннӑ. Вӑл тӑрӑшнипе тӗп хуламӑрта кӳлмек пулнӑ.
Николай Степанович паянхи кун та хавхаланса пурӑнать.
+10.3 °C