Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Уйӑх ҫути — ҫул ҫути, хӗвел ҫути — кун ҫути.
[ваттисен сӑмахӗ]
 

Хыпарсем: ачасем

Сывлӑх
21.rospotrebnadzor.ru сайтри сӑн
21.rospotrebnadzor.ru сайтри сӑн

Республикӑра ОРВИпе чирлекен нумайланнӑ. Ытларахӑшӗ – ачасем. Кун пирки Роспотребнадзор пӗлтерет.

Иртнӗ эрнере республикӑра 151 ҫын гриппа чирленине палӑртнӑ. Вӗсенчен 51-шӗ- аслӑ ӳсӗмри ҫынсем, 100-шӗ – 17 ҫул тултарманнисем. Ведомство палӑртна тӑрӑх, ӳпке шыҫҫипе те чирлекен нумай. Ҫавна май Шупашкарти пӗр шкул дистанци мелӗпе вӗренет. Республикӑри тӗрлӗ округри 37 шкулти 1-5 класс дистанци мелӗ ҫине куҫнӑ.

 

Статистика
чеб.ру сайтран илнӗ скриншот
чеб.ру сайтран илнӗ скриншот

Кӑҫалхи 10 уйӑхра Чӑваш Енре 12 пин ытла ҫын вилнӗ. Тата тӗрӗсрех каласан, 12 095 ҫын. Ку вӑл пӗлтӗрхи ҫав тапхӑртинчен 7,2 процент сахалрах.

Ҫав вӑхӑтрах ҫуралакансен шучӗ те чакнӑ. Пурӗ 4,5 процент. Пӗлтӗрхи 10 уйӑхра ҫут тӗнчене 8 358 ҫӗнӗ кайӑк килнӗ пулсан, кӑҫал — 7 981.

Вилекенсен шучӗ ҫуралакансенчен 1,5 хут пысӑкрах.

Ҫемье ҫавӑракансен йышӗ 0,7 чакнӑ, уйрӑлакансен — на 6,3 процент.

Хыпар ҫӑлкуҫӗ: https://rosstat.gov.ru/folder/12781
 

Сывлӑх
Телеграмри t.me/nikamran каналтан илнӗ сӑнӳкерчӗк
Телеграмри t.me/nikamran каналтан илнӗ сӑнӳкерчӗк

Ҫӗнӗ Шупашкарти шӑл тухтӑрӗсем «Айболит тухтӑрӑн стоматологийӗ» ачасене ҫӗнӗ кӗнекепе паллаштарнӑ.

Кӑларӑма Людмила Исаева поэт пулӑшнипе хатӗрленӗ. Унра Ҫӗнӗ Шупашкарти ӳнер шкулӗн вӗренекенӗсен ӳкерчӗкӗсемпе илемлетнӗ. Кӗнекене «Шӑла пӗчӗкрен упра» проектпа килӗшӳллӗн кун ҫути кӑтартнӑ.

«Айболит тухтӑрӑн стоматологийӗ» кӗнекепе паллашсан ачасем шӑл тухтӑрӗсенчен хӑрама пӑрахӗҫ тесе шухӑшлаҫҫӗ.

Хыпар ҫӑлкуҫӗ: https://t.me/nikamran/10238
 

Хулара
cheb-centr.soc.cap.ru сӑнӳкерчӗкӗ
cheb-centr.soc.cap.ru сӑнӳкерчӗкӗ

Шупашкарта пурӑнакан кинемисемпе мучисем ачасемпе тупӑшнӑ.

Республикӑн тӗп хулинчи халӑхӑн социаллӑ ыйтӑвӗсене тивӗҫтерекен комплекслӑ центрта «Угадай мелодию» (чӑв. Кӗвве пӗл) ятлӑ программа иртнӗ. Унта асӑннӑ центра пырса ҫӳрекен ачасемпе учрежденири стационарта пурӑнакан кинемисемпе мучисем хутшӑннӑ.

Центрта ӗҫлекенсем ӗнентернӗ тӑрӑх, асӑннӑ ӑмӑртӑвӑн тӗллевӗ – аслисемпе ачасене пӗрне-пӗри ӑнланма пулӑшасси, ҫамрӑк ӑрурисемпе аслӑ ӑрурисем пушӑ вӑхӑта кӑсӑклӑ ирттерччӗр тесе тӑрӑшни.

 

Хулара
detki-opt.ru сайтри сӑн
detki-opt.ru сайтри сӑн

Шупашкарта ҫуралнӑ ачана ашшӗ-амӑшӗ Гор ят панӑ. Ку – сайра тӗл пулакан ят. Вӑл славян чӗлхинче «суртлӑ-туллӑ» тенине пӗлтерет. Эрменсен вара – «ҫӳллӗ», «мӑнаҫлӑ». Латин чӗлхинчен куҫарсан Гор «ҫанталӑк вӑхӑчӗ» тенине пӗлтерет. Египет мифологийӗнче вара вӑл Хӗвел тата тӳпе тури пулнӑ.

Шупашкарта ашшӗ-амӑшӗ ачине сайра тӗл пулакан ят пани тӑтӑшах пулать. Юлашки вӑхӑтра ҫак ятсене регистрациленӗ: Дамир, Маркелл, Астинэ, Евангелина, Каталея, Каталина, Фотима.

 

Пӑтӑрмахсем
klike.net сӑнӳкерчӗкӗ
klike.net сӑнӳкерчӗкӗ

Ҫӗмӗрлере пурӑнакан 10 ҫулти ача хӑйӗн амӑшне укҫасӑр тӑратса хӑварнӑ.

Шӑпӑрлан мобильлӗ вӑйӑсенчен пӗрне выляма юратнӑ. Ачан телефонӗ ҫине вӑйӑ валютине тӳлевсӗр илме пулать тесе ҫыру килнӗ. Ултавҫӑсем ачана амӑшӗн банк карттине ӳкерсе илсе ярса пама тата телефон ҫине ятарлӑ приложени вырнаҫтарма ӳкӗте кӗртнӗ.

Ача итленӗ. Унтан ултавҫӑсем 39 ҫулти хӗрарӑм ячӗпе 300 пине яхӑн тенкӗ кредит илнӗ. Ҫавна пӗлнӗ хыҫҫӑн хӗрарӑм йӗрке хуралҫисенчен пулӑшу ыйтнӑ.

 

Культура
t.me/nikamran каналтан илнӗ сӑнӳкерчӗк
t.me/nikamran каналтан илнӗ сӑнӳкерчӗк

Куславкка муниципаллӑ округӗнчи Аманик ялӗнче халӑх инструменчӗсемпе паллаштаракан ӑсталӑх урокӗ иртнӗ.

Телеграмри «Пуринчен малтан. Ҫывӑрса юлмасан» каналта пӗлтернӗ тӑрӑх, Юрий Трифонов ертсе пыракан «Аккорд» ансамбль ачасене музыка инструменчӗсем пирки каласа панӑ, вӗсен кӑткӑс енӗсемпе, вӑрттанлӑхӗсемпе паллаштарнӑ.

Ӑсталӑх урокне хутшӑннӑ ачасенчен хӑшӗсем тӳрех кружока ҫырӑннӑ-мӗн.

Хыпар ҫӑлкуҫӗ: https://t.me/nikamran/10191
 

Хулара
gubdaily.ru сайтри сӑн
gubdaily.ru сайтри сӑн

Шупашкарта пурӑнакан 36 ҫулти хӗрарӑма суя мелпе ача-пӑча пособине илсе тӑнӑшӑн айӑпласшӑн. Ун тӗлӗшпе пуҫиле ӗҫ пуҫарнӑ.

ШӖМ пӗлтернӗ тӑрӑх, ҫак хӗрарӑм виҫӗ ҫул патшалӑхран уйӑхсерен пособи илсе тӑнӑ. Ҫак тапхӑрта вӑл упӑшкин тупӑшне кӑтартакан суя справкӑсем тӑратнӑ. Ҫапла вӑл ачи 3 ҫул тултариччен 300 пин тенкӗ ытла илнӗ.

Справка суя пулнине ШӖМӗн экономика хӑрушсӑрлӑхӗн тата коррупципе кӗрешекен пай ӗҫченӗсем тупса палӑртнӑ. Следстви пухнӑ материала Шупашкарти Ленин районӗн судне ярса панӑ.

 

Культура
cap.ru сӑнӳкерчӗкӗ
cap.ru сӑнӳкерчӗкӗ

Раштав уйӑхӗн 8-мӗшӗнче Чӑваш Енӗн Культура тата ӳнер институтӗнче «Книга моих путешествий» (чӑв. Манӑн ҫулҫӳревӗн кӗнеки) проекта хутшӑннӑ ачасемпе тӗлпулу иртнӗ.

Экскурси турне хутшӑннӑ ачасем тӑван еспубликӑмӑрпа ҫывӑхах та тарӑнрах паллашма пултарнӑ. Проекта йӗркелекенсем культура, спорт, вӗренӳ, медиатехнологи, нимелӗх енӗпе 10 направлени хатӗрленӗ.

Тӗлпулӑва республикӑн культура министӗн пӗрремӗш ҫумӗ Татьяна Казакова ертсе пынӑ. Сумлӑ хӑнасен йышӗнче Чӑваш Енӗн халӑх артистки Августа Уляндина тата «Хитре» бренда пуҫарса янӑ Екатерина Малинина пулнӑ.

Ҫамрӑк туристсене «Подвиг тружеников Чувашии» кӗнеке, «Вышитая карта России» пазл атта тӗрлемелли пуху парнеленӗ.

 

Хулара
cap.ru сӑнӳкерчӗкӗ
cap.ru сӑнӳкерчӗкӗ

Ҫемьене ҫӗнӗ кайӑк килсен ӑна кашниех илемлӗ ят пама тӑрӑшать. Шупашкар хулинчи Мускав районӗн ЗАГСӗнче пӗлтернӗ тӑрӑх, хӑйсен ачисене Араслан тата Леван ят паракансем те тупӑннӑ.

Пӗтӗмӗшле илсен ҫапах та хӑйсен-ывӑл-хӗрне ытларахӑшӗ Анастасия тата Александра, Михаил тата София тесе чӗнме кӑмӑллать.

Маларах асӑннӑ Арасланпа Леван вара ҫак кунсенче ҫут тӗнчене килнӗ. Чӳк уйӑхӗн 24-мӗшӗнче — Леван, чӳк уйӑхӗн 30-мӗшӗнче — Араслан.

 

Страницӑсем: 1, 2, 3, 4, 5, 6, [7], 8, 9, 10, 11, 12, 13, 14, 15, 16, 17, ... 305
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 15:00) уяр ҫанталӑк, атмосфера пусӑмӗ 751 - 753 мм, 5 - 7 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫа хӑй
кил-йышри арҫын
хуҫа тарҫи
хуҫин ҫитӗннӗ ачисем
хӑнана ӑсатма никам та тухмасть
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та
хуҫа арӑмӗ
хуть те кам тухсан та