Сайта кӗр | Регистраци | Сайта кӗрсен унпа туллин усӑ курма пулӗ
 +27.3 °C
Макӑрман ачана чӗчӗ памаҫҫӗ.
[ваттисен сӑмахӗ]
 

Хыпарсем: спорт

Спорт
"Контактри" сӑн
"Контактри" сӑн

Владимир хулинче йывӑр атлетика енӗпе «Ылтӑн куполсем» Пӗтӗм Раҫҫейри турнир иртнӗ. Ӑна СССР тава тивӗҫлӗ тренерне Виктор Кузнецова халалласа йӗркеленӗ.

Пирӗн ентеш Алексей Кириллов ҫӑмӑл мар тупӑшура ылтӑн медаль ҫӗнче илнӗ. Вӑл «Август Вурнары» савутра машинистра ӗҫлет.

Ҫак савутрах ӗҫленӗ Андрей Алексеев та лайӑх кӑтартусемпе палӑрнӑ. Вӑл 55-59 ҫулсенчи спортсменчен йышӗнче 1-мӗш вырӑн йышӑннӑ.

Хыпар ҫӑлкуҫӗ: https://vk.com/chuvash_selo
 

Спорт
Матч ТВ архивӗнчи сӑн
Матч ТВ архивӗнчи сӑн

Чӑваш Енри спортсмен Денис Гаврилов Паралимпиадӑна хутшӑнасси пирки пӗлтернӗччӗ. Вӑл ӑмӑртусенче Чӑваш Ен тата Мускав ҫывӑхне хӳтӗлет. Паралимпиадӑна вӑл нейтраллӑ статуспа хутшӑннӑ.

Дениса пӑхӑр медаль илмешкӗн 47 ҫеккунт ҫитеймен. Вӑл куҫ курманнисен тата япӑх куракансен йышӗнче марафон чупнӑ. Ӑна 2 сехет те 25 минут та 22 ҫеккунтра парӑнтарнӑ.

Денис дистанци тӑршшӗпех испан спортсменӗ хыҫҫӑн пынӑ. Анчах лешӗ финиша ҫитиччен мала кайнӑ. Денисӑн ӑна хӑваласа ҫитме вӑй ҫитмен. Ҫапла вӑл финиша тӑваттӑмӗш ҫитнӗ.

 

cap.ru сайтри сӑн
cap.ru сайтри сӑн

Ыран Шупашкара паллӑ спортсменка Ирина Слуцкая килӗ. Вӑл «Ҫурҫӗр утти – ҫӗнӗ пурнӑҫ йӑли» Пӗтӗм Раҫҫейри проекта ертсе пырать. Ӑна РФ Спорт министерстви пулӑшнипе «Спорт – пурнӑҫ норми» федераци проекчӗпе килӗшӳллӗн пурнӑҫласа пыраҫҫӗ.

Ыран Шупашкарти Юрӑ уйӗнче Ҫурҫӗр уттин фестивалӗ иртӗ. Ӑна Ирина Слуцкая тата ЧР Элтеперӗ Олег Николаев уҫӗҫ. Ҫавӑнтах ҫак мелпе утассине ӑсталӑх класӗсенче вӗрентӗҫ. Опытлисем вара тупӑшӗҫ: 2 ҫухрӑма парӑнтарӗҫ.

 

Спорт
cap.ru сӑнӳкерчӗкӗ
cap.ru сӑнӳкерчӗкӗ

Ӗнер, авӑн уйӑхӗн 3-мӗшӗнче, Чӑваш Енре Пӗрлӗхлӗ кӗрешӗвӗн «Кӗрешӳ» республикӑри центрӗ уҫӑлнӑ. Ӑна Шупашкарти 11-мӗш спорт шкулӗнче йӗркеленӗ.

Ҫӗнӗ центрта 500 ытла ачапа ҫамрӑк тренировкӑна ҫӳрейӗҫ, вӗсемпе 10 преподаватель ӗҫлӗ.

Малтанласа центрта каратэ, киокушин, хутӑш ҫапӑҫу, панкратион, хӗвелтухӑҫ кӗрешӗвӗ, кудо енӗпе уйрӑмсем ӗҫлӗҫ, каярах кӗрешӗвӗн ытти енӗпе уҫӑлӗҫ.

Кӗрешӳ центрӗнче пысӑк шайри ӑмӑртусене ирттерме палӑртаҫҫӗ.

 

Спорт
Олег Николаевӑн Телеграм-каналӗнчи сӑн
Олег Николаевӑн Телеграм-каналӗнчи сӑн

Чӑваш Енри спорт ветеранӗсем пысӑк ҫитӗнӳ тунӑ. Вӗсем дзюдо енӗпе иртнӗ Раҫҫей чемпионатӗнчен икӗ медальпе таврӑннӑ.

Ӑмӑрту Тюмень хулинче иртнӗ. Унта 300 ытла дзюдоист хутшӑннӑ. Рустам Шогенов Чӑваш Ен чысне хӳтӗлесе ылтӑн медаль ҫӗнсе илнӗ. Пирӗн тепӗр ентеш Андрей Сушков пӑхӑр медале тивӗҫнӗ.

Хыпар ҫӑлкуҫӗ: https://t.me/oanikolaev
 

Спорт
"Контактри" сӑн
"Контактри" сӑн

Чӑваш Енре скандинавсен мелӗпе утас енӗпе Раҫҫей чемпионачӗ иртӗ. Тренировка авӑн уйӑхӗн 6-мӗшӗнче Шупашкарти Театр ҫыран хӗрринче пулӗ.

Унта ӑсталӑх класӗсем, массӑллӑ стартсем тата эстафетӑсем пулӗҫ, унта тӗрлӗ регионти командӑсем хутшӑнӗҫ. Вӗсем скандинав уттин вӑрттӑнлӑхӗсемпе паллашӗҫ, опытлӑ инструкторсем сӗнӳсем парӗҫ.

Ӑмӑрту авӑнӑн 7-8-мӗшӗсенче пулӗ, спортпа туслисем 10 тата 12 ҫухрӑмлӑ дистанцисене парӑнтарӗҫ.

Хыпар ҫӑлкуҫӗ: https://vk.com/wall-143818234_397105
 

Спорт
"Контактри" сӑн
"Контактри" сӑн

Беларуҫри Могилев хулинче спорт гимнастики енӗпе уҫӑ Кубок иртет. Пирӗн ентеш, 16 ҫулти Екатерина Андреева, унта лайӑх кӑтартупа палӑрнӑ.

Вӑл нумай енлӗ кӗрешӳре 59,999 балл пухса пӑхӑр медале тивӗҫнӗ.

Палӑртса хӑварар: Екатерина ӑсталӑхне Олимп резервӗсен 6-мӗш спорт шкулӗнче Василий тата Маргарита Ивановсем патӗнче туптать. Катя - Раҫҫей спорт мастерӗ.

Хыпар ҫӑлкуҫӗ: https://vk.com/wall-194537172_16526
 

Спорт
"Контактри" сӑн
"Контактри" сӑн

Ҫӗнӗ Шупашкарти Анна Аветисян икӗ ҫул каялла ишме те пӗлмен, уҫӑ вырӑнти шывран питӗ хӑранӑ. Халӗ вара вӑл фитнес-джампинг енӗпе тренерта ӗҫлет.

Анна Турцире континентсен хушшинче Босфор юханшывӗ урлӑ ишес енӗпе иртнӗ ӑмӑртӑва хутшӑннӑ. Унта 2000 ытла спортсмен пулнӑ.

«Ҫын йӑлтах пултарать. Ӳссе ҫитсен те ишмешкӗн вӗренме, хӑрас туйӑма куҫран пӑхма пултарать. Хамӑн хӑрас туйӑма парӑнтарнӑшӑн савӑнатӑп. Финишри куҫҫуль - савӑнӑ куҫҫулӗ», - тенӗ Анна.

Хыпар ҫӑлкуҫӗ: https://vk.com/wall-191629825_70003
 

Спорт
bogatyr.club сайтри сӑн
bogatyr.club сайтри сӑн

Кӑркӑсстанра кире пуканӗн спорчӗ енӗпе иртекен тӗнче чемпионатӗнче Чӑваш патшалӑх аграри университечӗн экономика факультечӗн студенчӗ Александр Константинов иккӗмӗш вырӑн йышӑннӑ.

Ӑмӑртӑва 27 ҫӗршыври 300 ытла атлет хутшӑннӑ. Пирӗн ентеш Раҫҫейӗн пӗрлештернӗ командинче пулнӑ. Александр 95 килограмм ытла таякансен виҫе категорийӗнче 32 килограмлӑ икӗ кире пуканне тӗртсе кӗмӗл медаль илнӗ.

Хыпар ҫӑлкуҫӗ: https://t.me/s/oanikolaev
 

Спорт

Чӑваш Енре спортсмен Денис Гаврилов Парижра иртекен Паралимпиадӑна хутшӑнӗ. Раҫҫей спорт мастерӗ унта нейтраллӑ статуспа тупӑшӗ.

Денис куҫ курманнисен йышӗнче марафон чупӗ. Вӑл ӑмӑртусенче Чӑваш Ен тата Мускав облаҫӗн чысӗсене хӳтӗлет. Хӑй Чулхула облаҫӗнчи Арзамас хулинче ҫуралнӑ, ӑсталӑхне Шупашкарти спортпа адаптаци шкулӗнче туптать. Раҫҫейӗн Паралип пӗрлештернӗ командине вӑл – 2018 ҫултанпа.

 

Страницӑсем: 1, 2, 3, 4, 5, 6, 7, 8, [9], 10, 11, 12, 13, 14, 15, 16, 17, 18, 19, ... 151
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (01.08.2025 15:00) сайра пӗлӗтлӗ ҫанталӑк, атмосфера пусӑмӗ 751 - 753 мм, 26 - 28 градус ӑшӑ пулӗ, ҫил 2-4 м/ҫ хӑвӑртлӑхпа хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ҫывӑх ҫынсемпе ирттермелле. Ҫемьепе пӗрле апатланӑр е эрнен пӗрремӗш ҫурринче туссемпе уҫӑлса ҫӳре. Ку эрне юратнӑ ҫын валли вӑхӑт уйӑрма та аван - хӑвӑра та савӑнӑҫ пулӗ. Шел те, эрнен иккӗмӗш ҫурринче япӑх хыпарсем илтетӗр е тӑшмана тӗл пулатӑр. Ку кӑмӑла пӑсӗ.

Ҫурла, 01

1893
132
Матен Емельян Захарович, литература тӗпчевҫи ҫуралнӑ.
1931
94
Луч Григорий Васильевич, чӑваш ҫыравҫи ҫуралнӑ.
1943
82
Пётр Эйзин, чӑваш сӑвӑҫи ҫуралнӑ.
1960
65
Андреев Василий Алексеевич, чӑваш чӗлхи тӗпчевҫи ҫуралнӑ.
1960
65
Чиндыков Борис Борисович, драматург, прозаик, сӑвӑҫ ҫуралнӑ.
1994
31
Ярды Валерий Николаевич, чӑваш спортсменӗ, тӗнче чемпионӗ вилнӗ.
1994
31
Ярды Валерий Николаевич, спортсмен ҫут тӗнчерен уйрӑлса кайнӑ.
2008
17
Сизов Валентин Петрович, РСФСР тава тивӗҫлӗ артисчӗ ҫут тӗнчерен уйрӑлса кайнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
ӑсатма тухни — ҫылӑх, юрамасть
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
кил-йышри арҫын
хуҫа арӑмӗ
хуть те кам тухсан та
хуҫа хӑй
хуҫа тарҫи
пӗтӗм кил-йышпа тухаҫҫӗ