Ӗпхӳ хулинче биатлон енӗпе иртнӗ Раҫҫей кубокне Татьяна Акимова хутшӑннине пӗлтертӗмӗр-ха. Пуш уйӑхӗн 2-мӗшӗнчи спринтра Чӑваш Енри тата тепӗр икӗ хӗр пулчӗ. Вӗсем – Екатерина Васильева тата Каллиста Кускова.
Екатерина выртса пенӗ чух 1 мишене лектереймен, тӑрса пенӗ чух виҫӗ мишень хупӑнайман. Каллиста выртса пенӗ чух 2 мишене лектереймен, выртса – 3. Вӗсем финиша 59 тата 62-мӗш ҫитнӗ. Ӑмӑртӑва 70 биатлонистка хутшӑннӑ.
Ҫак кунсенче Ӗпхӳре биатлон енӗпе Раҫҫей кубокӗ иртрӗ. Ӗнерхи спринтра пирӗн ентешӗмӗр Татьяна Акимова та пулчӗ.
Спортсменка тата унӑн упӑшки Вячеслав Татьяна темле пысӑк ҫитӗнӳ тӑвасса шанманнине пытармарӗҫ.
«Хальлӗхе темле вӑйлӑ кӑтарту пуласса шанмастӑп, ку вӑл пӗрремӗш старт. Старта тухсан вӑй илетӗн. Спорт – манӑн ӗҫӗм. Карьерӑна малалла тӑсасшӑн», — терӗ ентешӗмӗр «МАТЧ ТВ»
эфирӗнче.
Татьяна выртса пенӗ чух 5 мишене те лектерчӗ, тӑрса пенӗ чух пӗр мишень хупӑнмарӗ. Финишра ентешӗмӗр 29-мӗш пулчӗ.
Шупашкарта пурӑнакан пенисонерсем паян хӗллехи спартакиадӑна пуҫтарӑннӑ. Спорт ӑмӑртӑвне Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центр йӗркеленӗ.
Ватӑсем виҫӗ командӑна пайланса ӑмӑртнӑ. Вуншар ҫынтан тӑракан ушкӑн вӑр-варлӑхпа тата хаваслӑхпа палӑрнӑ. Вӗсене курма пынӑ пенсионерсем те хӑйсен тусӗсемшӗн чунтан пӑшӑрханнӑ, ҫӗнтерме ӑнӑҫу сунса хавхалантарнӑ.
Сӑмах май ҫакна та палӑртса хӑвармалла: Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӑн структура подразделенийӗсем хулари Стрелоксен 324-мӗш дивизийӗн урамӗнчи 21А, Хусанкай урамӗнчи 29А тата Константин Иванов урамӗнчи 79/16 ҫуртсенче вырнаҫнӑ.
Паян, нарӑс уйӑхӗн 29-мӗшӗнче, Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрта хӗллехи спартакиада иртнӗ. Унта центрта тӑрӑшакансен виҫӗ команди хутшӑннӑ. Кашни командӑра — вуншар ҫын.
Спорт ӑмӑртӑвне хутшӑннисен хӑйсен хастарлӑхӗпе вӑр-варлӑхне кӑна мар, кирлӗ вӑхӑтра тавҫӑруллӑ пулма пӗлнине те, пӗр-пӗриншӗн кар тӑма пултарнине те кӑтартса пама тивнӗ. Кашни командӑнах пылак парнепе хавхалантарнӑ.
Спартакиадӑна хутшӑнакансене центрӑн директорӗн тивӗҫӗсене вӑхӑтлӑх пурнӑҫлакан Аркадий Скворцов саламланӑ.
Етӗрне округӗнче ҫӑматӑ тӑхӑнса хоккейла вылянӑ
Пӑр ҫине Николаевски ял тӑрӑхӗнчи, Мӑн Шемертенти, Анатри Ачакри, Яракассинчи ҫынсем тухнӑ.
Ӑмӑртӑва Етӗрне округӗн администрацийӗ, «Союз» ЯХПК председателӗ Петр Столяров йӗркеленӗ. Чи малтан спортсменсем Тӑван ҫӗршыв хӳтӗлевҫисене сума сунӑ.
Хӗрӳ тупӑшура Николаевски ял тӑрӑхӗнчи хастарсем ҫӗнтернӗ. Иккӗмӗш вырӑнта - Анатри Ачак команди. Мӑн Шӗмертен ҫыннисем виҫҫӗмӗш вырӑна тухнӑ.
Нарӑс уйӑхӗн 23-мӗшӗнче Шупашкарти кӳлмекре, Мускав кӗперӗпе «Каскад» суту-илӳ ҫурчӗ хушшинче, Чӑваш Енӗн Пӑрлӑ кубокӗ иртӗ. Ӑна ахалех курма пулать. Ӑмӑрту 12 сехетре пуҫланӗ.
Унта лашасем тупӑшӗҫ. Куракансене хӗрӳ те манӑҫми ӑмӑрту кӗтет. Кунсӑр пуҫне артистсем юрӑ-ташӑпа савӑнтарӗҫ. Лапамра фудкорт ӗҫлӗ.
Чӑваш Енре пурӑнакан хӗрсем шашкӑлла выялссипе ӑмӑртнӑ. Турнира респуликӑри хӗрарӑмсен канашӗпе Спорт министерстви йӗркеленӗ.
Ӑмӑртӑва хутшӑнакансен 5 парти выляма тивнӗ. Кашни патри 10 минут тӑсӑлнӑ.
Телеграмри «Чӑваш Ен калаҫать» каналта пӗлтернӗ тӑрӑх, «шашкӑсен патша майрин кӑшӑлне икӗ пике тӑхӑннӑ». Республикӑри вӗренӳ учрежденийӗсен чысне хӳтӗленисенчен Чӑваш патшалӑх университечӗн студентки Анастасия Павлова палӑрнӑ, тӗрлӗ пӗрлешӳ чысне хӳтӗлекенсенчен — Шупашкарти 1-мӗш клиникабольницинчи Марина Еремеева.
Йӗркелӳҫӗсем турнира хутшӑннӑ пур пикене те тав хучӗпе чысланӑ, илемлӗ чечекпе савӑнтарнӑ.
Вӑрмарсем паттӑр ентешне, ятарлӑ ҫар операцийӗнче пуҫ хунӑ Владимир Сергеева асӑнса йӗлтӗр йӗрӗ ҫине тухнӑ.
Телеграмри «Чӑваш Ен калаҫать» каналта пӗлтернӗ тӑрӑх, Пати ялӗн маттур ывӑлӗ – йӗлтӗрпе чупассипе Раҫҫей спорт мастерӗ, Паттӑрлӑх орденӗн кавалерӗ, аслӑ лейтенант.
«Вӑл такӑрлатса ӑсталӑхне туптанӑ йӗлтӗр йӗрне хӗл каҫипех Чупай шкулӗнче вӗренекенсем якатаҫҫӗ.
Пухӑннисем малтанах паттӑр ентешне халалланӑ асӑну хӑми умне чӗрӗ чечексем хучӗҫ», – пӗлтернӗ хыпарта.
Старта Вӑрмар округӗнчи йӗлтӗрҫӗсемпе пӗрлех Шупашкар, Канаш хулисенчен, Кӳкеҫ поселокӗнчен, Ҫӗрпӳ, Тӑвай тӑрӑхӗнчен килнӗ спортсменсем те тухнӑ.
Ҫӗнтерӳҫӗсене дипломсемпе, медальсемпе, хаклӑ парнесемпе чысларӗҫ.
Чӑваш Енре «Кӗрешӳ» спорт центрӗ уҫӑлӗ.
Пӗлтӗрхи юпа уйӑхӗнче Шупашкарта Наци кӗрешӗвӗн тӗнчери пӗрремӗш вӑййи иртрӗ. Ун хыҫҫӑн Чӑваш Ен Элтеперӗ Олег Николаев кӗрешӳ енӗпе ӗҫлекен уйрӑмсене кашни районпа хулара уҫмалла тесе хушнӑ. Раштав вӗҫӗнче вара Олег Николаев республикӑра Наци кӗрешӗвӗсен центрӗ кирлине палӑртса хӑварнӑ.
Чӑваш Енӗн спорт министрӗ Василий Петров «ТАСС» информаци агентствине пӗлтернӗ тӑрӑх, «Кӗрешӳ» центра Шупашкарти 11-мӗш спорт шкулӗнче ака уйӑхӗнче уҫӗҫ.
Дмитрий Мулендеев фристайлҫӑ авланасшӑн. Вӑл Юратакансен кунӗ умӗн савнине качча тухма ыйтнӑ. Пулас машӑрӗ Полина Смоленцева та – спортсменка.
Ку Спартакиадӑра мала тухнӑ спортсменсен чысланӑ чухне пулнӑ. Раҫҫейӗн пӗрлештернӗ командин тренерӗ Дмитрий Мулендеев ҫавӑн чухне Полинӑна качча тухма ыйтнӑ. Хӗр сноубордпа тупӑшать.
Палӑртмалла: Дмитрий - Раҫҫейӗн нумай хутчен чемпионӗ. Полина пӗлтӗр Раҫҫейӗн вице-чемпионки пулнӑ, 2022 ҫулта Олимп вӑййисене хутшӑннӑ.
+7.3 °C