Сайта кӗр | Регистраци | Сайта кӗрсен унпа туллин усӑ курма пулӗ
 +13.3 °C
Пушӑ пучах каҫӑр пулать.
[ваттисен сӑмахӗ]
 

Хыпарсен ҫыххи: Вӗренӳ

Вӗренӳ
«Контактри» сӑн
«Контактри» сӑн

И.Н.Ульянов ячӗллӗ Чӑваш патшалӑх университечӗн химипе фармацевтика факультечӗн аспиранчӗ Савелий Сорокин Раҫҫей Президенчӗн аспирантсемпе адъюнктсене паракан стипендине тивӗҫнӗ. Ҫапла вӑл уйӑхсерен 75 пин тенкӗ илсе тӑрӗ.

Палӑртмалла: конкурса 73 регионтан 4,6 пин ытла заявка килнӗ. «Техника ӑслӑлӑхӗсем» енпе чи нумай заявка пулнӑ. Пирӗн ентеш пысӑк йышран чи маттуррисен шутне кӗни – пысӑк ҫитӗнӳ.

Хыпар ҫӑлкуҫӗ: https://vk.com/wall-163599942_13929
 

Вӗренӳ
«Контактри» сӑн
«Контактри» сӑн

«Ҫулталӑкри вӗрентекене» палӑртнӑ. Ку ята Куславккари Алевтина Алексеева тивӗҫнӗ.

Кӑҫал конкурса 1000 ытла ҫын хутшӑннӑ, 218 специалист куҫӑн майпа иртнӗ тӗрӗслев витӗр тухнӑ.

«Ҫулталӑкри воспитатель» — Дарья Жгарь (Шупашкар), «Чи лайӑх класс ертӳҫи» — Юлия Дельян (Ҫӗнӗ Шупашкар), «Ҫулталӑкри педагог-психолог» - Татьяна Анилина (Куславкка районӗнчи Тӗрлемес шкулӗ), «Ҫулталӑкри социаллӑ педагог» - Яна Молодцева (Шупашкар), «Чи лайӑх учитель-дефектолог» - Татьяна Гаранина (Ҫӗнӗ Шупашкар), «Чи лайӑх тӑван чӗлхе учителӗ» - Ираида Матьянова (Шупашкар), «Сывлӑх енчен хавшак ачасемпе ӗҫлекен чи лайӑх педагог» - Ирина Петрова (Йӗпреҫри интернат шкул), «Ҫулталӑкри чи лайӑх тьютор» - Наталия Прагуськина (Шупашкар), «Ҫулталӑкри чи лайӑх методист» - Ксения Коллэ (Шупашкар), «Педагогика дебючӗ» - Игорь Ятмаскин (Шупашкар).

Хыпар ҫӑлкуҫӗ: https://vk.com/wall-194537172_21384
 

Вӗренӳ
"Контактри" сӑн
"Контактри" сӑн

Ҫӗрпӳри 2-мӗш шкулта вӗренекен Наталья Прокопьева технологипе иртнӗ Пӗтӗм Раҫҫейри олимпиадӑра призерсен йышне кӗнӗ. Вӑл теори тата практика заданийӗсене питӗ аван пурнӑҫланӑ. Ҫавӑн пекех вӑл жюри пайташӗсене хӑйӗн пуларулӑх проекчӗсемпе паллаштарнӑ.

Натальйӑн наставникӗ – Инна Александровна Васильева. Вӗсене ЧР вӗренӳ министрӗ Дмитрий Захаров саламланӑ, вӗсем Чӑваш Ен мухтавӗ пулнине палӑртнӑ.

Хыпар ҫӑлкуҫӗ: https://vk.com/wall-194537172_20926
 

Вӗренӳ
arm-detlib.my1.ru сайтри сӑн
arm-detlib.my1.ru сайтри сӑн

Тӑвайри шкулта 10-мӗш класра вӗренекен Виктория Автономова вырӑс чӗлхипе иртнӗ Пӗтӗм Раҫҫейри олимпиадӑра ҫӗнтернӗ.

Унта тӗрлӗ регионти 450 ытла шкул ачи хутшӑннӑ. Пирӗн ентеш чи лайӑххисен шутне кӗнӗ.

Виктория – тӗрлӗ енлӗн аталаннӑ хӗр. Вӑл вырӑс чӗлхипе кӑна мар, биологипе тата химипе те касӑкланать. Вӑл тухтӑр пулма ӗмӗтленет, ҫавӑнпах ҫак предметсене тӑрӑшса шӗкӗлчет.

Хыпар ҫӑлкуҫӗ: https://t.me/zaxarov21/4927?single
 

Вӗренӳ
Виталий Михайлов сӑнӳкерчӗкӗ
Виталий Михайлов сӑнӳкерчӗкӗ

Ака уйӑхӗн пуҫламӑшӗнче Чӑваш Муркаш тӑрӑхӗнчи Андриян Николаев космонавт ячӗллӗ Калайкассинчи пӗтӗмӗшле пӗлӳ паракан вӑтам шкулта «Чӑваш ачи чӑвашах» фестиваль иртнӗ. Татьяна Ершова директор ертсе пыракан вӗренӳ учрежденийӗнче ун пеккине 9-мӗш хут йӗркеленӗ.

Кӑҫалхи фестивале Тӑван ҫӗршыв хӳтӗлевҫин ҫулталӑкне, Чӑваш Республикин Ҫӗнтерӳпе патриотизм ҫулталӑкне халалланӑ.

Хыпар ҫӑлкуҫӗ: https://vk.com/wall111960967_2204
 

Вӗренӳ

Ҫӗнӗ Шупашкарти 6-мӗш гимназире 11-мӗш класра вӗренекен Дмитрий Николаев физикӑпа иртнӗ Пӗтӗм Раҫҫейри олимпиадӑра ҫӗнтернӗ. Вӑл сӑнав тата теори пайӗсене ӑнӑҫлӑ пурнӑҫланӑ.

Олимпиадӑна 500 яхӑн шкул ачи хутшӑннӑ. Дмитрий чӑннипех те маттур!

Вӑл пӗлтӗр те олимпиадӑсенче палӑрнӑ - физикӑпа тата географипе. Ҫапла Дмитрий Раҫҫейри кирек хӑш аслӑ шкула ҫак профильсемпе тӳлевсӗрех вӗренме кӗме пултарать.

Хыпар ҫӑлкуҫӗ: https://vk.com/wall-194537172_20656
 

Вӗренӳ

Шӑмӑршӑ муниципалитет тӑрӑхне кӗрекен Чаткасри пӗтӗмӗшле пӗлӳ паракан тӗп шкулта 1-4-мӗш классенче вӗренекенсен хушшинче «Туслӑх хӗлхемӗ» фестивалӗн муниципалитет тапхӑрӗ иртнӗ. Кун пирки Людмила Семёнова-Ульянова вӗрентекен «Контактра» халӑх ушкӑнӗнчи хӑйӗн страницинче пӗлтернӗ.

«Пултаруллӑ чӑваш ачисене, вӗсене ертсе пыракансене ҫӗнтерӳ ячӗпе саламлатӑп, малалла та ҫитӗнӳсем сунатӑп», — тесе ҫырнӑ вӑл.

Хыпар ҫӑлкуҫӗ: https://vk.com/wall498278954_4194
 

Вӗренӳ
cap.ru порталтан илнӗ сӑнӳкерчӗк
cap.ru порталтан илнӗ сӑнӳкерчӗк

Кӑҫал пирӗн ҫӗршывра Раҫҫейри шкулсенче юлашки шӑнкӑрав ҫу уйӑхӗн 24-мӗшӗнче янӑрӗ, шкулпа сывпуллашмалли куна вара ҫӗртме уйӑхӗн 28-мӗшӗнче тесе палӑртнӑ. Ҫакӑн пек сӗнекенни — Раҫҫейӗн ҫутӗҫ министерстви.

Шкулсенче савӑнӑҫлӑ мероприятисем ирттернӗ чухне асӑрханулӑх пирки манмалла маррине халех аса илтернӗ.

 

Вӗренӳ
Анна Егорова страницинчен илнӗ сӑнӳкерчӗк
Анна Егорова страницинчен илнӗ сӑнӳкерчӗк

Шкулчченхи вӗренӳ организацийӗсен воспитателӗсене «Тӑван чӗлхе управҫи» конкурса хутшӑнма йыхравлаҫҫӗ. Ӑна Чӑваш Республикин Вӗренӳ институчӗ ирттерет.

Конкурса хамӑр республикӑри ача пахчисенче тӑрӑшакансем ҫеҫ мар, чӑвашсем йышла пурӑнакан регионсенчисем те хуишӑнса хӑйсен пултарулӑхне кӑтартса пама пултарӗҫ. Воспитательсен ӑмӑртӑвӗ ҫу уйӑхӗн 16-мӗшӗччен пырӗ.

 

Вӗренӳ
vk.com/wall-160722739_2367 сӑнӳкерчӗкӗ
vk.com/wall-160722739_2367 сӑнӳкерчӗкӗ

Патӑрьел районӗнче Геннадий Айхи сӑввисене вулакансен ӑмӑртӑвӗ иртнӗ.

Поэт ҫуралса ӳҫнӗ ялта, Ҫӗньялта, унӑн сӑввисене вулакансен ӑмӑртӑвне йӗркелесси йӑлана кӗнӗ. Поэт 2006 ҫулта ҫут тӗнчерен уйрӑлса кайнӑ. тепр ҫухине вара Айхи сӑввине вулакансен конкурсне пуҫарса янӑ.

Хальхи конкурса Ҫӗнтерӳпе патриотизм ҫулталӑкне халалланӑ та ачасем сӑвӑҫӑн вӑрҫӑ ҫинчен ҫырнӑ хайлавӗсене те вуланӑ.

Марина Карягина тележурналист пӗлтерне тӑрӑх, ӑмӑртӑва хутшӑнакансем Патӑрьел тӑрӑхӗнчи мӗнпур шкултан килнӗ: пурӗ 57-ӗн. Кашниех суйласа илсе вӗреннӗ сӑвва витӗмлӗн, янӑравлӑн калама тӑрӑшнӑ.

 

Страницӑсем: 1, 2, [3], 4, 5, 6, 7, 8, 9, 10, 11, 12, 13, ...137
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (20.08.2025 03:00) пӗлӗтлӗ ҫанталӑк, атмосфера пусӑмӗ 742 - 744 мм, 12 - 14 градус ӑшӑ пулӗ, ҫил 3-5 м/ҫ хӑвӑртлӑхпа хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Тен, ку эрнере пессимистла кӑмӑл пулӗ. Ҫынсем халӗ сире хирӗҫ, ҫавӑнпа кӑмӑла кайман ҫынсемпе хутшӑнма ан тӑрӑшӑр. Тарӑхмалла мар, тӗнчери пулӑмсенчен аякра пулмалла. Хыпарсем ан пӑхӑр, тӗнче тетелӗнче те вӗсене ан пӑхӑр. Хурлӑхлӑ хыпар курас хӑрушлӑх пур.

Ҫурла, 20

1888
137
Турхан Энтри, чӑваш вӗрентевҫи, историкӗ ҫуралнӑ.
1930
95
Пушкӑрт Республикинче Авӑркаспа Паймак районӗсене йӗркеленӗ.
1938
87
Эриванов Николай Лазаревич, чӑваш музыка фольклорне пухаканӗ ҫуралнӑ.
1957
68
Воронов Станислав Кириллович, генерал-лейтенант ҫуралнӑ.
1984
41
Малышев Юрий Александрович, чӑваш сӑвӑҫи ҫут тӗнчерен уйрӑлса кайнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
ӑсатма тухни — ҫылӑх, юрамасть
хӑни ҫулне ахаль те пӗлет, ӑсатмасӑр та
хуть те кам тухсан та
хуҫа арӑмӗ
пӗтӗм кил-йышпа тухаҫҫӗ
хуҫин ҫитӗннӗ ачисем
хуҫа хӑй
хуҫа тарҫи
кил-йышри арҫын